Sports
ചാമ്പ്യന്സ് ലീഗ് ഫൈനല് നിയന്ത്രിക്കുക ‘2014 ലോകകപ്പിലെ ഏറ്റവും മോശം’ റഫറി
കീവ്: റയല് മാഡ്രിഡും ലിവര്പൂളും തമ്മിലുള്ള ചാമ്പ്യന്സ് ലീഗ് ഫൈനല് നിയന്ത്രിക്കാന് മിലോറാഡ് മാസിച്ചിനെ യുവേഫ തെരഞ്ഞെടുത്തു. വിവാദമായ തീരുമാനങ്ങളുടെ പേരില് ബ്രസീലില് നടന്ന 2014 ലോകകപ്പില് ‘ഏറ്റവും മോശം റഫറി’ എന്ന പേരു വീണയാളാണ് സെര്ബിയക്കാരനായ മാസിച്ച്. ജര്മനി-പോര്ച്ചുഗല് ഹൈ വോള്ട്ടേജ് മത്സരത്തിനിടെ ജര്മനിക്ക് അനുകൂലമായി വിവാദ പെനാല്ട്ടി നല്കുകയും പോര്ച്ചുഗീസ് താരം പെപെയെ ചുവപ്പുകാര്ഡ് കാണിച്ച് പുറത്താക്കുകയും ചെയ്ത മാസിച്ചിന്റെ തീരുമാനം കടുത്ത വിമര്ശനങ്ങള്ക്ക് വിധേയമായിരുന്നു. അര്ജന്റീന – ഇറാന് മത്സരം നിയന്ത്രിച്ച ഇദ്ദേഹം ഇറാന് അനുകൂലമായി ലഭിക്കേണ്ട ഒരു പെനാല്ട്ടി നിഷേധിക്കുകയും ചെയ്തു.
OFFICIAL: The “worst referee” from the 2014 World Cup has been appointed for the Champions League final – https://t.co/33l9DypXAV pic.twitter.com/BJ4oeFKEQR
— Squawka News (@SquawkaNews) May 7, 2018
ജര്മനിക്കെതിരായ മത്സരത്തിനു ശേഷം പോര്ച്ചുഗല് കോച്ച് പൗളോ ബെന്റോ, റഫറി പക്ഷം പിടിച്ചുവെന്ന് പരസ്യമായി ആരോപിച്ചിരുന്നു. ഇറാന് കോച്ച് കാര്ലോസ് ക്വിറോസ് ചോദിച്ചത് ‘ഇത്തരം മോശം തീരുമാനങ്ങള് ഞങ്ങള്ക്കെതിരെ എടുത്തതിനു ശേഷം അയാള്ക്കെങ്ങനെ ഉറങ്ങാന് കഴിയും?’ എന്നായിരുന്നു. ‘റെഡ്കാര്ഡ് ദി റെഫ്’ എന്ന വെബ്സൈറ്റ് നടത്തിയ വോട്ടെടുപ്പില് മിലോറാഡ് മാസിച്ചിനെ ഏറ്റവും മോശം റഫറിയായി തെരഞ്ഞെടുക്കുകയും ചെയ്തു.
2014-ല് മോശം പ്രകടനത്തിന് പഴികേട്ടെങ്കിലും 2016 യൂറോ കപ്പില് മാസിച്ചിന്റെ പ്രകടനം മെച്ചപ്പെട്ടിരുന്നു. ഫൈനല് നിയന്ത്രിക്കാന് ഇദ്ദേഹത്തെ ചുമതലപ്പെടുത്തുമെന്ന് വാര്ത്തകളുണ്ടായിരുന്നെങ്കിലും ഇംഗ്ലീഷ് റഫറി മാര്ക്ക് ക്ലാറ്റന്ബര്ഗ് ആണ് ഫ്രാന്സ് – പോര്ച്ചുഗല് ഫൈനല് നിയന്ത്രിച്ചത്.
Our referees are set for Kyiv and Lyon…
Milorad Mažić #UCLfinal 🏆
Björn Kuipers ➡️ #UELfinal 🏆
Jana Adámková ➡️ #UWCLfinal 🏆https://t.co/qbLMdsOgIn— UEFA (@UEFA) May 7, 2018
ഇക്കഴിഞ്ഞ സീസണില് സെര്ബിയ സൂപ്പര് ലീഗിലാണ് മാസിച്ച് പ്രധാനമായും മത്സരങ്ങള് നിയന്ത്രിച്ചത്. മാര്ച്ച് 27-ന് മോണ്ടനെഗ്രോയും തുര്ക്കിയും തമ്മിലുള്ള മത്സരം നിയന്ത്രിച്ച 40 കാരന് യൂറോപ്പ ലീഗില് സ്പോര്ട്ടിങും അത്ലറ്റികോ മാഡ്രിഡും തമ്മിലുള്ള മത്സരത്തിലും റഫറിയായിരുന്നു. അവസാനം നിയന്ത്രിച്ച അഞ്ച് മത്സരങ്ങളില് ഇദ്ദേഹം 18 മഞ്ഞക്കാര്ഡുകളും രണ്ട് ചുവപ്പു കാര്ഡുകളും ഇദ്ദേഹം പുറത്തെടുത്തു.
റയല് മാഡ്രിഡും ലിവര്പൂളും തമ്മിലുള്ള ഫൈനല് മത്സരം ഉക്രെയ്നിലെ കീവില് ഈ മാസം 27-നാണ് നടക്കുന്നത്. തുടര്ച്ചയായി മൂന്നാം കിരീടം ലക്ഷ്യമിട്ടാണ് മാഡ്രിഡ് ഇറങ്ങുന്നത്.
News
ലണ്ടനിലെത്തി മഞ്ഞപ്പട
26ന് ആരംഭിക്കുന്ന നെക്സ്റ്റ് ജെന് കപ്പ് ടൂര്ണമെന്റിനുള്ള കേരള ബ്ലാസ്റ്റേഴ്സ് ടീം ലണ്ടനിലെത്തി.
കൊച്ചി: 26ന് ആരംഭിക്കുന്ന നെക്സ്റ്റ് ജെന് കപ്പ് ടൂര്ണമെന്റിനുള്ള കേരള ബ്ലാസ്റ്റേഴ്സ് ടീം ലണ്ടനിലെത്തി. ഗോവയില് നടന്ന റിലയന്സ് ഫൗണ്ടേഷന് ഡെവലപ്മെന്റ് ലീഗില് റണ്ണേഴ്സ് അപ്പായാണ് ബ്ലാസ്റ്റേഴ്സ് നെക്സ്റ്റ് ജെന് കപ്പിന് യോഗ്യത നേടിയത്. പ്രമുഖ പ്രീമിയര് ലീഗ് ക്ലബ്ബുകളുടെ യൂത്ത് ടീമുകളെയാണ് ബ്ലാസ്റ്റേഴ്സ് നേരിടുന്നത്. ബെംഗളൂരു എഫ്സി, റിലയന്സ് ഫൗണ്ടേഷന് യങ് ചാമ്പ്സ് എന്നീ ടീമുകളും ഇന്ത്യയില് നിന്ന് മത്സരത്തിനുണ്ട്.
നിലവിലെ ചാമ്പ്യന്മാരായ ചെല്സി എഫ്സി, മാഞ്ചസ്റ്റര് യുണൈറ്റഡ്, സതാംപ്ടണ് എഫ്സി എന്നിവയാണ് ഇംഗ്ലീഷ് ടീമുകള്. അണ്ടര് 21 താരങ്ങളാണ് ബ്ലാസ്റ്റേഴ്സിനായി ബൂട്ടണിയുന്നത്. രണ്ട് അണ്ടര് 23 താരങ്ങളും ടീമിലുണ്ട്. പ്രീമിയര് ലീഗും ഇന്ത്യന് സൂപ്പര്ലീഗും തമ്മിലുള്ള സഹകരണത്തിന്റെ ഭാഗമായാണ് നെക്സ്റ്റ് ജെന് കപ്പ് സംഘടിപ്പിക്കുന്നത്. ബ്ലാസ്റ്റേഴ്സ് ടീം: സച്ചിന് സുരേഷ്, മുഹമ്മദ് മുര്ഷിദ്, മുഹീത് ഷബീര് ഖാന്, മുഹമ്മദ് ബാസിത്, ഹോര്മിപാം റൂയിവാ, ബിജോയ് വി, തേജസ് കൃഷ്ണ, മര്വാന് ഹുസൈന്, ഷെറിന് സലാറി, അരിത്ര ദാസ്, മുഹമ്മദ് ജാസിം, ജീക്സണ് സിങ്, ആയുഷ് അധികാരി, ഗിവ്സണ് സിങ്, മുഹമ്മദ് അസര്, മുഹമ്മദ് അജ്സല്, മുഹമ്മദ് അയ്മെന്, നിഹാല് സുധീഷ്. തോമക് ഷ്വാസാണ് മുഖ്യ പരിശീലകന്. ടി.ജി പുരുഷോത്തമന് സഹപരിശീലകന്.
News
ഇന്ത്യക്കിന്ന് രണ്ടാം ഏകദിനം; ജയിച്ചാല് പരമ്പര
ആദ്യ ഏകദിനത്തില് കേവലം നാല് റണ്സിന് ഭാഗ്യത്തിന് രക്ഷപ്പെട്ട ഇന്ത്യക്കിന്ന് രണ്ടാം ഏകദിനം.
പോര്ട്ട് ഓഫ് സ്പെയിന്: ആദ്യ ഏകദിനത്തില് കേവലം നാല് റണ്സിന് ഭാഗ്യത്തിന് രക്ഷപ്പെട്ട ഇന്ത്യക്കിന്ന് രണ്ടാം ഏകദിനം. രാത്രി ഏഴിന് ആരംഭിക്കുന്ന മല്സരത്തില് ജയിച്ചാല് ശിഖര് ധവാന്റെ സംഘത്തിന് പരമ്പര സ്വന്തമാക്കാം. പക്ഷേ ആദ്യ മല്സരത്തില് തന്നെ വിന്ഡീസ് ഇന്ത്യയെ ഞെട്ടിച്ച സാഹചര്യത്തില് ധവാന്റെ സംഘത്തിന് മുന് കരുതല് നന്നായി വേണ്ടി വരും. ആദ്യ മല്സരത്തില് വന് സ്ക്കോര് ഉയര്ത്തിയിരുന്നു ഇന്ത്യ. നായകന് ധവാന് സ്വന്തമാക്കിയ 97 റണ്സ്, സഹ ഓപ്പണര് ശുഭ്മാന് ഗില്, മൂന്നാമനായ ശ്രേയാംസ് അയ്യര് എന്നിവരുടെ അര്ധ ശതകങ്ങള് എന്നിവയെല്ലാം സഹായമായപ്പോള് ഏഴ് വിക്കറ്റിന് 308 റണ്സ്.
പക്ഷേ മറുപടിയില് വിന്ഡീസ് 305 ലെത്തി. ഓപ്പണര് ഷായ് ഹോപ്പിനെ (7) മുഹമ്മദ് സിറാജ് പെട്ടെന്ന് പുറത്താക്കിയെങ്കിലും കൈല് മേയേഴ്സ്, ഷംറോ ബ്രുക്സ് എന്നിവര് തകര്ത്തടിച്ചു. അപാര ഫോമിലായിരുന്നു മേയേഴ്സ്. 10 ബൗണ്ടറികളും ഒരു സിക്സറും ഉള്പ്പെടെ ഗംഭീര ഇന്നിംഗ്സ്. ബ്രൂക്സാവട്ടെ കൂറ്റനടികള്ക്ക് നിന്നില്ല. പക്ഷേ ന്നായി പിന്തുണച്ചു. ഈ സഖ്യത്തെ ഷാര്ദുല് ഠാക്കൂര് പുറത്താക്കുമ്പോഴേക്കും നല്ല അടിത്തറ കിട്ടിയിരുന്നു ആതിഥേയര്ക്ക്. ബ്രൂക്സ് പുറത്തായ ശേഷമെത്തിയ ബ്രാന്ഡണ് കിംഗും പൊരുതി നിന്നതോടെ ഇന്ത്യ വിറക്കാന് തുടങ്ങി. ബൗളര്മാര് തെറ്റുകള് ആവര്ത്തിച്ചു. പന്തുകള് അതിര്ത്തിയിലേക്ക് പായാന് തുടങ്ങി. മേയേഴ്സിനെ സഞ്ജു സാംസണിന്റെ കരങ്ങളിലെത്തിച്ച് ഷാര്ദുല് തന്നെയാണ് മല്സരത്തിലേക്ക് ടീമിനെ തിരികെ കൊണ്ടുവന്നത്. 189 റണ്സിലായിരുന്നു മേയേഴ്സിന്റെ മടക്കം. ഫോമിലുള്ള നായകന് നിക്കോളാസ് പുരാനെ സിറാജ് രണ്ടാം വരവില് മടക്കിയതോടെ ആവേശമായി. യൂസവേന്ദ്ര ചാഹല് റോവ്മാന് പവലിനെ (6) വേഗം മടക്കി. പക്ഷേ അപ്പോഴും വാലറ്റത്തില് അഖില് ഹുസൈന് (32 നോട്ടൗട്ട്), റോമാരിയോ ഷെപ്പേര്ഡ് എന്നിവര് അവസാനം വരെ പൊരുതി.
News
കളി കാര്യവട്ടത്ത്; മല്സരം സെപ്തംബര് 28ന്
ഓസ്ട്രേലിയയില് ഒക്ടോബറില് നടക്കാനിരിക്കുന്ന ടി-20 ലോകകപ്പ് മുന്നിര്ത്തി ഇന്ത്യന് ക്രിക്കറ്റ് ടീം തിരുവനന്തപുരത്തേക്ക്.
മുംബൈ: ഓസ്ട്രേലിയയില് ഒക്ടോബറില് നടക്കാനിരിക്കുന്ന ടി-20 ലോകകപ്പ് മുന്നിര്ത്തി ഇന്ത്യന് ക്രിക്കറ്റ് ടീം തിരുവനന്തപുരത്തേക്ക്. ദക്ഷിണാഫ്രിക്കക്കെതിരായ ടി-20 പരമ്പരയിലെ ഒരു മല്സരം തിരുവനന്തപുരം കാര്യവട്ടം ഗ്രീന്ഫീല്ഡ് സ്റ്റേഡിയത്തിലായിരിക്കും.
സെപ്തംബര് 28 നാണ് അങ്കം. ലോകകപ്പിന് മുമ്പ് ഓസ്ട്രേലിയന് ടി-20 സംഘം ഇന്ത്യയിലെത്തുന്നുണ്ട്. മൊഹാലി (സെപ്തംബര് 20,) നാഗ്പ്പൂര് (സെപ്തംബര് 23), ഹൈദരാബാദ് (സെപ്തംബര് 25) എന്നിവിടങ്ങളലായിരിക്കും ഈ മല്സരങ്ങള്. ഇതിന് ശേഷമായിരിക്കും ദക്ഷിണാഫ്രിക്ക വരുന്നത്. ആദ്യ മല്സരം തിരുവനന്തപുരത്തും രണ്ടാംമല്സരം ഗോഹട്ടിയിലും (ഒക്ടോബര് 01), മൂന്നാം മല്സരം ഇന്ഡോറിലുമായിരിക്കും (ഒക്ടോബര് 3). ഈ പരമ്പരക്ക് ശേഷം മൂന്ന് മല്സര ഏകദിന പരമ്പരയിലും ദക്ഷിണാഫ്രിക്ക കളിക്കും. റാഞ്ചി (ഒക്ടോബര് 6), ലക്നൗ (ഒക്ടോബര് 9), ഡല്ഹി (ഒക്ടോബര് 3) എന്നിവിടങ്ങളിലാണ് ഈ മല്സരം. കോവിഡ് കാലത്ത് കളിക്കാന് കഴിയാതിരുന്ന പരമ്പരയാണ് ക്രിക്കറ്റ് ബോര്ഡ് ഇപ്പോള് റീ ഷെഡ്യൂള് ചെയ്തിരിക്കുന്നത്.
2019 ലാണ് അവസാനമായി തിരുവനന്തപുരത്ത് ഒരു രാജ്യാന്തര മല്സരം നടന്നത്. ഡിസംബര് എട്ടിന് നടന്ന ആ മല്സരത്തില് വിരാത് കോലിയുടെ ഇന്ത്യയെ വിന്ഡീസ് തറപറ്റിച്ചിരുന്നു.
-
Video Stories7 years ago
കൊടിഞ്ഞിയില് കൊല്ലപ്പെട്ട ഫൈസലിന്റ കഫീല് അബ്ദുല്ല അല്മുഹാവിസിന്റെ വാക്കുകള് വൈറലാവുന്നു
-
Culture7 years ago
അനസ്തേഷ്യയില്ലാത്ത ശസ്ത്രക്രിയയില് ഖുര്ആന് ഉരുവിട്ട് കുഞ്ഞ്; വാര്ത്ത വായിക്കുമ്പോള് വിതുമ്പിക്കരഞ്ഞ് അവതാരകന്
-
More8 years ago
ഭോപ്പാല് വിവാദ ഏറ്റുമുട്ടല്; കൂടുതല് തെളിവുകളോടെ മൂന്നാമത്തെ വീഡിയോ പുറത്ത്
-
More7 years ago
‘മകളെ കൊണ്ട് കള്ളം പറയിച്ചു’ ദിലീപ്-കാവ്യ വിവാഹത്തില് മഞ്ജുവിന്റെ പ്രതികരണം
-
Culture8 years ago
വഴിയോര കച്ചവടങ്ങളിലെ ബിരിയാണിയില് പൂച്ച മാംസം
-
Culture5 years ago
വീട്ടമ്മയുടെ നഗ്നദൃശ്യങ്ങള് ഭര്ത്താവിന് വാട്സ് ആപ്പില്; പ്രതിയെ കണ്ട് ഞെട്ടി പൊലീസും വീട്ടുകാരും
-
Culture7 years ago
‘സോനു നിഗം പ്രിയങ്കയില് നിന്നു പഠിക്കണം; ബാങ്കുവിളിയെക്കുറിച്ചുള്ള അധിക്ഷേപത്തിന് ശേഷം പ്രിയങ്കയുടെ ബാങ്കുവിളി പരാമര്ശം വൈറല്
-
Culture7 years ago
അണികളില് നിന്ന് ‘മുര്ദാബാദ് വിളി’; അസ്വസ്ഥനായി മോദി – മാധ്യമങ്ങള് കണ്ടില്ലെന്ന് നടിച്ച വീഡിയോ