Culture
സംഘര്‍ഷത്തില്‍ കുത്തേറ്റുവീണ ആര്‍എസ്എസുകാരനെ ആശുപത്രിയിലെത്തിച്ച റഊഫിന് നന്ദി അറിയിച്ച് കുടുംബം
മംഗലാപുരം: മതങ്ങള്‍ തമ്മില്‍ അടിക്കുന്ന കാലത്ത് മംഗലാപുരത്ത് നിന്നൊരു മനുഷ്യ സ്‌നേഹത്തിന്റെ വാര്‍ത്ത, സംഘര്‍ഷത്തില്‍ കുത്തേറ്റുവീണ ആര്‍എസ്എസ് പ്രവര്‍ത്തകനെ ആശുപത്രിയിലെത്തിച്ചത് സുഹൃത്തായ മുസ്ലീം യുവാവ്. ജൂലൈ നാലിന് ദക്ഷിണ കന്നഡയിലെ ബന്ദ്‌വാള്‍ താലൂക്കിലാണ് സംഭവം നടന്നത്.
ബാംഗ്ലൂര്‍ ചിക്കമംഗ്ലൂര്‍ റോഡില്‍ അലക്ക്ശാല നടത്തുന്ന ആര്‍എസ്എസ് പ്രവര്‍ത്തകന്‍ ശരത് മാഡിവാലയെ ഒരു സംഘം ആളുകള്‍ കുത്തിപരുക്കേല്‍പിക്കുകയായിരുന്നു. അലക്കുശാലയ്ക്ക് സമീപത്തായി പഴക്കട നടത്തുന്ന അബ്ദുള്‍ റഊഫ് ഉടന്‍ തന്നെ സംഭവസ്ഥലത്തേക്ക് ഓടിയെത്തുകായിരുന്നു.
”ഞാന്‍ നിസ്‌കാരം കഴിഞ്ഞ ശേഷം പഴക്കടയില്‍ ഇരിക്കുകയായിരുന്നു. പെട്ടെന്ന് തൊട്ടടുത്ത് പച്ചക്കറിക്കട നടത്തുന്ന പ്രവീണ്‍ ഓടിയെത്തി ശരത്തിന് കുത്തേറ്റെന്ന് പറഞ്ഞു. ഞാന്‍ ഓടിച്ചെല്ലുമ്പോള്‍ ശരത് ചോരയില്‍ കുളിച്ച് കിടക്കുകയായിരുന്നു. ആ വഴി കടന്നുപോയ വാഹനങ്ങളില്‍ ഏതെങ്കിലും ഒന്നില്‍ ശരതിനെ കയറ്റാന്‍ ഞങ്ങള്‍ യാചിച്ചു. ആരും തയ്യാറായില്ല. അവസാനം ഞാന്‍ എന്റെ പഴക്കടയില്‍ ഉപയോഗിക്കുന്ന ഓട്ടോറിക്ഷയില്‍ ശരതിനെ ആശുപത്രിയില്‍ എത്തിച്ചു”
അബ്ദുള്‍ റഊഫ്
മാരകമായി പരുക്കേറ്റ ശരത് ജൂലൈ 11ന് ആശുപത്രിയില്‍ മരിച്ചു. മകന്റെ ജീവന്‍ രക്ഷിക്കാന്‍ ശ്രമിച്ചതിന് ശരത് മാഡിവാലയുടെ അച്ഛന്‍ തനിയപ്പ നന്ദി അറിയിച്ചു.
‘എനിക്ക് റഊഫിനെ അറിയാം. എന്റെ മകനെ ആശുപത്രിയില്‍ എത്തിച്ചതിന് ഞങ്ങള്‍ ഉറപ്പായും റഊഫിന് നന്ദി
തനിയപ്പ മാഡിവാല
ശരത് ആര്‍എസ്എസ് പ്രവര്‍ത്തകനാണെന്ന് അറിയില്ലായിരുന്നെന്നും തന്നെ സംബന്ധിച്ചിടത്തോളം 14 വര്‍ഷമായി അറിയാവുന്ന, തനിയപ്പയുടെ മകന്‍ മാത്രമാണെന്നും റഊഫ് പറഞ്ഞു. ശരത് എത്രയും പെട്ടെന്ന് രക്ഷപ്പെടണേ എന്ന് താന്‍ പ്രാര്‍ത്ഥിച്ചു. പിന്നീട് അയാള്‍ മരിച്ചതായി അറിഞ്ഞു. ദീപാവലിക്കും ഈദിനും തങ്ങള്‍ മധുരപലഹാരങ്ങളും സമ്മാനങ്ങളും കൈമാറുകയുണ്ടായിരുന്നെന്നും റഊഫ് കൂട്ടിച്ചേര്‍ത്തു.
ശരത് മാഡിവാലയുടെ കൊലപാതകവുമായി ബന്ധപ്പെട്ട് ആറ് പേരെ പൊലീസ് അറസ്റ്റ് ചെയ്തിട്ടുണ്ട്. ജൂണ്‍ 21ന് അഷ്‌റഫ് എന്ന എസ്ഡിപിഐ പ്രവര്‍ത്തകന്‍ കൊല്ലപ്പെട്ടതിന്റെ തിരിച്ചടിയാണിതെന്നാണ് പൊലീസിന്റെ അനുമാനം. വര്‍ഗീയ സംഘര്‍ഷം നിലനില്‍ക്കുന്ന ദക്ഷിണ കന്നഡയില്‍ മൂന്നാഴ്ച്ചയ്ക്കിടെയുണ്ടാകുന്ന രണ്ടാമത്തെ കൊലപാതകമാണ് ശരത് മാഡിവാലയുടേത്.
നടന്‍ ഷമ്മിതിലകനെ അമ്മ സംഘടനയില്‍ നിന്ന് പുറത്താക്കി. അച്ചടക്ക ലംഘനത്തെ തുടര്‍ന്നാണ് നടപടി. ഇന്ന് കൊച്ചിയില്‍ നടന്ന ജനറല്‍ ബോഡി യോഗത്തിലാണ് തീരുമാനം.
കഴിഞ്ഞ യോഗത്തില്‍ ഷമ്മിതിലകന്‍ ചില ദൃശ്യങ്ങള്‍ ചിത്രീകരിച്ചിരുന്നു. ഇത് വിവാദമായതിനെത്തുടര്‍ന്ന് നടനോട് സംഘടന വിശദീകരണം ആവശ്യപ്പെട്ടിരുന്നു. എന്നാല്‍ വിശദീകരണം നല്‍കാന്‍ തയ്യാറാകാത്ത സാഹചര്യത്തിലാണ്് പുറത്താക്കല്‍ നടപടി ഉണ്ടായിരിക്കുന്നത്.
Culture
സി.എച്ച് ചെയര്‍ ഇന്ന് പുതിയ കെട്ടിടത്തിലേക്ക്
കാലിക്കറ്റ് സര്‍വകലാശാലയിലെ സി.എച്ച് മുഹമ്മദ് കോയ ചെയര്‍ ഫോര്‍ സ്റ്റഡീസ് ഓണ്‍ ഡവലപിംഗ് സൊസൈറ്റീസ്ഇന്ന് പുതിയ കെട്ടിടത്തിലേക്ക്.
കോഴിക്കോട്: കാലിക്കറ്റ് സര്‍വകലാശാലയിലെ സി.എച്ച് മുഹമ്മദ് കോയ ചെയര്‍ ഫോര്‍ സ്റ്റഡീസ് ഓണ്‍ ഡവലപിംഗ് സൊസൈറ്റീസ്ഇന്ന് പുതിയ കെട്ടിടത്തിലേക്ക്. 2011 ല്‍ പ്രവര്‍ത്തനമാരംഭിച്ച ചെയര്‍ ഇത് വരെറോഡരികിലെ പഴയ കെട്ടിടത്തില്‍ പ്രവര്‍ത്തിച്ച് വരികയായിരുന്നു. കാമ്പസില്‍ പരീക്ഷാ ഭവന് പിറകില്‍ ഗസ്റ്റ് ഹൗസിന് സമീപമാണ് പുതിയ കെട്ടിടം. ഇ.അഹമദ്, പി.കെ കുഞ്ഞാലിക്കുട്ടി, പി.വി അബ്ദുല്‍ വഹാബ് എന്നിവരുടെ എം.പി ഫണ്ടില്‍ നിന്ന് 65 ലക്ഷം രൂപ ചെലവഴിച്ചാണ് മൂന്ന് നിലയില്‍ വിഭാവനം ചെയ്ത കെട്ടിടത്തിന്റെ ഒരു നിലയും ബേസ്‌മെന്റ് ഏരിയയുമാണ് പൂര്‍ത്തിയാക്കിയത്.
2004 ല്‍ പാണക്കാട് ഹൈദരലി ശിഹാബ് തങ്ങള്‍ ചെയര്‍മാനും അഷ്‌റഫ് തങ്ങള്‍ ജനറല്‍ സെക്രട്ടറിയുമായി രൂപീകരിച്ച ഗ്രെയ്‌സ് എജുക്കേഷണല്‍ അസോസിയേഷനാണ് ചെയറിന്റെ ഡോണര്‍ സംഘടന. ഇന്ന് വൈകിട്ട് 4 മണിക്ക് നടക്കുന്ന ചടങ്ങില്‍ വൈസ് ചാന്‍സലര്‍ ഡോ.എം.കെ ജയരാജ് അധ്യക്ഷത വഹിക്കും. പ്രതിപക്ഷ ഉപനേതാവ് പി.കെ കുഞ്ഞാലിക്കുട്ടി ഉദ്ഘാടനം ചെയ്യും. പി.വി അബ്ദുല്‍ വഹാബ് എം.പി മുഖ്യപ്രഭാഷണം നടത്തും. പ്രമുഖ ചരിത്രകാരന്‍ ഡോ. എം. ഗംഗാധരന്റെ പുസ്തകം കുടുംബാംഗങ്ങള്‍ ചെയറിന് കൈമാറും. ഗവേണിംഗ് ബോഡി അംഗം ഡോ.എം.കെ മുനീര്‍ എം.എല്‍.എ ഏറ്റുവാങ്ങും.
മൂന്ന് പദ്ധതികളോടെയാണ് ചെയര്‍ പുതിയ കെട്ടിടത്തില്‍ പ്രവര്‍ത്തിച്ച് തുടങ്ങുക. രാഷ്ട്രാന്തരീയ തലത്തിലെ അക്കാദമിഷ്യന്‍മാര്‍ക്കും ഗവേഷകര്‍ക്കും ഉപയോഗപ്പെടുത്താവുന്ന റിസര്‍ച്ച് ജേണല്‍, പഠന ഗവേഷണ സ്ഥാപനങ്ങളുമായി മെമ്മോറാണ്ടം ഓഫ് അണ്ടര്‍സ്റ്റാന്റിംഗ് ഒപ്പു വെയ്ക്കല്‍,അഫിര്‍മേറ്റീവ് ആക്ഷനും ഇന്ത്യന്‍ ഭരണഘടനയും എന്ന വിഷയത്തിലുളള ഓണ്‍ലൈന്‍ പ്രോഗ്രാം എന്നിവയാണിവ. ഹെരിറ്റേജ് ലൈബ്രറി ,സ്‌കൂള്‍ ഓഫ് കമ്മ്യൂണിറ്റി. ഡവലപ്‌മെന്റ്, ഓറിയന്റേഷന്‍ പ്രോഗ്രാമുകള്‍, ഫെലോഷിപ്പുകള്‍ തുടങ്ങിയവയാണ് നിലവില്‍ ചെയറിന്റെ പ്രവര്‍ത്തനങ്ങള്‍.
Culture
ജൂറി ഹോം സിനിമ കണ്ടിട്ടുണ്ടാകില്ല: വിമര്‍ശനവുമായി നടന്‍ ഇന്ദ്രന്‍സ്
കുറ്റവാളി നിരപരാധിയാണെന്ന് തെളിഞ്ഞാല്‍ ജൂറി വീണ്ടും സിനിമ കാണുമോയെന്നും ഇന്ദ്രന്‍സ് ചോദിച്ചു.
ചലച്ചിത്ര അവാര്‍ഡ് വിവാദത്തില്‍ മാധ്യമങ്ങളോട് പ്രതികരണം നടത്തി നടന്‍ ഇന്ദ്രന്‍സ്. സംസ്ഥാന ചലച്ചിത്ര പുരസ്‌കാര ജൂറി ‘ഹോം’ സിനിമ കണ്ടുകാണില്ല. തനിക്ക് അവാര്‍ഡ് ലഭിക്കാത്തതില്‍ വിഷമമില്ല. എന്നാല്‍ ഹോം സിനിമക്ക് അവാര്‍ഡ് പ്രതീക്ഷിച്ചെന്ന് ഇന്ദ്രന്‍സ് പറഞ്ഞു.
ഹോമിനെ തഴഞ്ഞതിനും, ചിത്രത്തിലെ പ്രകടനത്തിന് ഇന്ദ്രന്‍സിനെ മികച്ച നടനുള്ള പുരസ്‌കാരത്തിന് പരിഗണിക്കാതിരുന്നതിലും സമൂഹമാധ്യമങ്ങളില്‍ വിമര്‍ശനം ശക്തമായ പശ്ചാത്തലത്തിലാണ് അദ്ദേഹത്തിന്റെ പ്രതികരണം.
ഹൃദയം സിനിമയും മികച്ചതാണെന്നും അതോടോപ്പം ചേര്‍ത്തുവക്കേണ്ട സിനിമായാണ് ഹോമെന്നും അദ്ദേഹം പറഞ്ഞു. സിനിമയെ ഒഴിവാക്കാന്‍ നേരത്തേ കാരണം കണ്ടുവച്ചിട്ടുണ്ടാകാം. വിജയ്ബാബുവിനെതിരായ കേസും കാരണമായേക്കാം. കുറ്റവാളി നിരപരാധിയാണെന്ന് തെളിഞ്ഞാല്‍ ജൂറി വീണ്ടും സിനിമ കാണുമോയെന്നും ഇന്ദ്രന്‍സ് ചോദിച്ചു.
-
Video Stories8 years agoകൊടിഞ്ഞിയില് കൊല്ലപ്പെട്ട ഫൈസലിന്റ കഫീല് അബ്ദുല്ല അല്മുഹാവിസിന്റെ വാക്കുകള് വൈറലാവുന്നു
-
Culture8 years agoഅനസ്തേഷ്യയില്ലാത്ത ശസ്ത്രക്രിയയില് ഖുര്ആന് ഉരുവിട്ട് കുഞ്ഞ്; വാര്‍ത്ത വായിക്കുമ്പോള് വിതുമ്പിക്കരഞ്ഞ് അവതാരകന്
-
More8 years agoഭോപ്പാല് വിവാദ ഏറ്റുമുട്ടല്; കൂടുതല് തെളിവുകളോടെ മൂന്നാമത്തെ വീഡിയോ പുറത്ത്
-
More8 years ago‘മകളെ കൊണ്ട് കള്ളം പറയിച്ചു’ ദിലീപ്-കാവ്യ വിവാഹത്തില് മഞ്ജുവിന്റെ പ്രതികരണം
-
Culture8 years agoവഴിയോര കച്ചവടങ്ങളിലെ ബിരിയാണിയില് പൂച്ച മാംസം
-
Culture5 years agoവീട്ടമ്മയുടെ നഗ്നദൃശ്യങ്ങള് ഭര്ത്താവിന് വാട്സ് ആപ്പില്; പ്രതിയെ കണ്ട് ഞെട്ടി പൊലീസും വീട്ടുകാരും
-
Culture8 years ago‘സോനു നിഗം പ്രിയങ്കയില് നിന്നു പഠിക്കണം; ബാങ്കുവിളിയെക്കുറിച്ചുള്ള അധിക്ഷേപത്തിന് ശേഷം പ്രിയങ്കയുടെ ബാങ്കുവിളി പരാമര്ശം വൈറല്
-
Culture8 years agoഅണികളില് നിന്ന് ‘മുര്ദാബാദ് വിളി’; അസ്വസ്ഥനായി മോദി – മാധ്യമങ്ങള് കണ്ടില്ലെന്ന് നടിച്ച വീഡിയോ