Culture
പെണ്‍ കെണിയില്‍ ശശീന്ദ്രന്‍ വീണു; പുതിയ മന്ത്രി തോമസ് ചാണ്ടി കിളിരൂര്‍ കേസിലെ ആരോപണ വിധേയന്‍
ലൈംഗിക സംഭാഷണം പുറത്തുവന്നതോടെ രാജിവെച്ചൊഴിഞ്ഞ മന്ത്രിസ്ഥാനത്തേക്ക് മന്ത്രിയായി എത്തുന്നത് കിളിരൂര്‍ കേസിലെ ആരോപണ വിധേയന്‍ തോമസ് ചാണ്ടി. ഒരു സ്ത്രീയുമായുള്ള ഫോണ്‍ സംഭാഷണമാണ് ശശീന്ദ്രന്റെ രാജിയിലേക്കെത്തിച്ചതെങ്കില്‍ പകരം മന്ത്രിയായി എത്തുന്നത് കിളിരൂര്‍ കേസിലെ ആരോപണ വിധേയനാണെന്നതാണ് അമ്പരപ്പിക്കുന്നത്.
കഴിഞ്ഞ 26-നാണ് മംഗളം ചാനല്‍ ശശീന്ദ്രന്റെ രാജിയിലേക്കെത്തിച്ച സംഭാഷണം പുറത്തുവിട്ടത്. സംഭാഷണം പുറത്തുവന്ന് മണിക്കൂറുകള്‍ക്കകം ശശീന്ദ്രന്‍ മന്ത്രിസ്ഥാനം രാജിവെച്ചൊഴിയുകയായിരുന്നു. എന്നാല്‍ രണ്ടു എം.എല്‍.എമാര്‍ മാത്രമുള്ള എന്‍.സി.പിക്ക് മറ്റൊരു മന്ത്രി വെല്ലുവിളിയാവുകയായിരുന്നു. കേന്ദ്രനേതൃത്വത്തിന്റെ എതിര്‍പ്പുമൂലം മന്ത്രിസ്ഥാനത്ത് നിന്ന് ആദ്യതവണ മാറ്റിനിര്‍ത്തിയ തോമസ് ചാണ്ടിയെതന്നെ മന്ത്രിയാക്കാന്‍ ഒരുുങ്ങുകയായിരുന്നു എന്‍.സി.പി. എന്നാല്‍ പെണ്‍കെണിയില്‍ വീണ മന്ത്രി ആ സ്ഥാനത്തുനിന്ന് മാറി നില്‍ക്കുമ്പോള്‍ പുതിയ മന്ത്രിയായി ചുമതലയേല്‍ക്കുന്നത് കിളിരൂര്‍ കേസിലെ ആരോപണവിധേയനാണെന്നുള്ളത് വിമര്‍ശനങ്ങള്‍ക്ക് വഴിവെക്കുന്നതാണ്.
2004-ല്‍ തോമസ് ചാണ്ടിയുടെ കുട്ടനാട്ടിലെ റിസോര്‍ട്ടില്‍ വെച്ചാണ് കിളിരൂര്‍ കേസിലെ പെണ്‍കുട്ടി പീഢിപ്പിക്കപ്പെടുന്നത്. കേസിലെ മുഖ്യപ്രതി ലതാ നായരാണ് ശാരിയെ റിസോര്‍ട്ടിലേക്കെത്തിച്ചത്. ഇവിടെവെച്ച് പലരും പെണ്‍കുട്ടിയെ പീഢിപ്പിച്ചിരുന്നു. 2003-ല്‍ വിവിധ സ്ഥലങ്ങളില്‍വെച്ച് പീഢിപ്പിക്കപ്പെട്ട പെണ്‍കുട്ടി 2004-ല്‍ പ്രസവത്തിന് ശേഷം അണുബാധ വന്നാണ് മരണത്തിന് കീഴടങ്ങുന്നത്. എന്നാല്‍ പെണ്‍കുട്ടിയെ പീഢിപ്പിച്ചവരില്‍ തോമസ് ചാണ്ടിയുണ്ടോയെന്ന് തെളിഞ്ഞിട്ടില്ല. കേസില്‍ ഒരു വി.ഐ.പി ഉണ്ടെന്ന വി.എസിന്റെ പരാമര്‍ശം തോമസ് ചാണ്ടിയെ ഉന്നംവെച്ചുള്ളതായിരുന്നുവെന്ന് ആരോപണമുണ്ടായിരുന്നു. മുഖ്യമന്ത്രിയായാല്‍ പെണ്‍വാണിഭക്കാരെ കൈയ്യാമം വെച്ചുനടത്തും വി.എസ് പറഞ്ഞിരുന്നു. എന്നാല്‍ വി.എസ് അച്ചുതാനന്ദന്‍ മുഖ്യമന്ത്രിയായിട്ടും അതേക്കുറിച്ച് പിന്നീടൊരു വിവരവും ഉണ്ടായില്ല. കേസന്വേഷിച്ചിരുന്ന ശ്രീലേഖ കേസുമായി ബന്ധപ്പെട്ട് തോമസ് ചാണ്ടിയെ ചോദ്യം ചെയ്തുവെന്നും കേസില്‍ വി.ഐ.പി ഉള്‍പ്പെട്ടിട്ടില്ലെന്നും വ്യക്തമാക്കിയിരുന്നു. എന്നാല്‍ ഇതെല്ലാം ശാരിയുടെ മാതാപിതാക്കള്‍ എതിര്‍ക്കുകയാണുണ്ടായത്.
കേരള മന:സാക്ഷിയെ ഞെട്ടിച്ച കിളിരൂര്‍ കേസിലെ ആരോപണ വിധേയന്‍ ആ സംഭവത്തിന് ശേഷം പതിമൂന്ന് വര്‍ഷങ്ങള്‍ക്കിപ്പുറം ഇടതുസര്‍ക്കാരില്‍ തന്നെ മന്ത്രിയായി എത്തുകയാണ്. ഇതിന് പലകോണുകളില്‍ നിന്നും വിമര്‍ശനങ്ങളും ഉയരുന്നുണ്ട്.
നടന്‍ ഷമ്മിതിലകനെ അമ്മ സംഘടനയില്‍ നിന്ന് പുറത്താക്കി. അച്ചടക്ക ലംഘനത്തെ തുടര്‍ന്നാണ് നടപടി. ഇന്ന് കൊച്ചിയില്‍ നടന്ന ജനറല്‍ ബോഡി യോഗത്തിലാണ് തീരുമാനം.
കഴിഞ്ഞ യോഗത്തില്‍ ഷമ്മിതിലകന്‍ ചില ദൃശ്യങ്ങള്‍ ചിത്രീകരിച്ചിരുന്നു. ഇത് വിവാദമായതിനെത്തുടര്‍ന്ന് നടനോട് സംഘടന വിശദീകരണം ആവശ്യപ്പെട്ടിരുന്നു. എന്നാല്‍ വിശദീകരണം നല്‍കാന്‍ തയ്യാറാകാത്ത സാഹചര്യത്തിലാണ്് പുറത്താക്കല്‍ നടപടി ഉണ്ടായിരിക്കുന്നത്.
Culture
സി.എച്ച് ചെയര്‍ ഇന്ന് പുതിയ കെട്ടിടത്തിലേക്ക്
കാലിക്കറ്റ് സര്‍വകലാശാലയിലെ സി.എച്ച് മുഹമ്മദ് കോയ ചെയര്‍ ഫോര്‍ സ്റ്റഡീസ് ഓണ്‍ ഡവലപിംഗ് സൊസൈറ്റീസ്ഇന്ന് പുതിയ കെട്ടിടത്തിലേക്ക്.
കോഴിക്കോട്: കാലിക്കറ്റ് സര്‍വകലാശാലയിലെ സി.എച്ച് മുഹമ്മദ് കോയ ചെയര്‍ ഫോര്‍ സ്റ്റഡീസ് ഓണ്‍ ഡവലപിംഗ് സൊസൈറ്റീസ്ഇന്ന് പുതിയ കെട്ടിടത്തിലേക്ക്. 2011 ല്‍ പ്രവര്‍ത്തനമാരംഭിച്ച ചെയര്‍ ഇത് വരെറോഡരികിലെ പഴയ കെട്ടിടത്തില്‍ പ്രവര്‍ത്തിച്ച് വരികയായിരുന്നു. കാമ്പസില്‍ പരീക്ഷാ ഭവന് പിറകില്‍ ഗസ്റ്റ് ഹൗസിന് സമീപമാണ് പുതിയ കെട്ടിടം. ഇ.അഹമദ്, പി.കെ കുഞ്ഞാലിക്കുട്ടി, പി.വി അബ്ദുല്‍ വഹാബ് എന്നിവരുടെ എം.പി ഫണ്ടില്‍ നിന്ന് 65 ലക്ഷം രൂപ ചെലവഴിച്ചാണ് മൂന്ന് നിലയില്‍ വിഭാവനം ചെയ്ത കെട്ടിടത്തിന്റെ ഒരു നിലയും ബേസ്‌മെന്റ് ഏരിയയുമാണ് പൂര്‍ത്തിയാക്കിയത്.
2004 ല്‍ പാണക്കാട് ഹൈദരലി ശിഹാബ് തങ്ങള്‍ ചെയര്‍മാനും അഷ്‌റഫ് തങ്ങള്‍ ജനറല്‍ സെക്രട്ടറിയുമായി രൂപീകരിച്ച ഗ്രെയ്‌സ് എജുക്കേഷണല്‍ അസോസിയേഷനാണ് ചെയറിന്റെ ഡോണര്‍ സംഘടന. ഇന്ന് വൈകിട്ട് 4 മണിക്ക് നടക്കുന്ന ചടങ്ങില്‍ വൈസ് ചാന്‍സലര്‍ ഡോ.എം.കെ ജയരാജ് അധ്യക്ഷത വഹിക്കും. പ്രതിപക്ഷ ഉപനേതാവ് പി.കെ കുഞ്ഞാലിക്കുട്ടി ഉദ്ഘാടനം ചെയ്യും. പി.വി അബ്ദുല്‍ വഹാബ് എം.പി മുഖ്യപ്രഭാഷണം നടത്തും. പ്രമുഖ ചരിത്രകാരന്‍ ഡോ. എം. ഗംഗാധരന്റെ പുസ്തകം കുടുംബാംഗങ്ങള്‍ ചെയറിന് കൈമാറും. ഗവേണിംഗ് ബോഡി അംഗം ഡോ.എം.കെ മുനീര്‍ എം.എല്‍.എ ഏറ്റുവാങ്ങും.
മൂന്ന് പദ്ധതികളോടെയാണ് ചെയര്‍ പുതിയ കെട്ടിടത്തില്‍ പ്രവര്‍ത്തിച്ച് തുടങ്ങുക. രാഷ്ട്രാന്തരീയ തലത്തിലെ അക്കാദമിഷ്യന്‍മാര്‍ക്കും ഗവേഷകര്‍ക്കും ഉപയോഗപ്പെടുത്താവുന്ന റിസര്‍ച്ച് ജേണല്‍, പഠന ഗവേഷണ സ്ഥാപനങ്ങളുമായി മെമ്മോറാണ്ടം ഓഫ് അണ്ടര്‍സ്റ്റാന്റിംഗ് ഒപ്പു വെയ്ക്കല്‍,അഫിര്‍മേറ്റീവ് ആക്ഷനും ഇന്ത്യന്‍ ഭരണഘടനയും എന്ന വിഷയത്തിലുളള ഓണ്‍ലൈന്‍ പ്രോഗ്രാം എന്നിവയാണിവ. ഹെരിറ്റേജ് ലൈബ്രറി ,സ്‌കൂള്‍ ഓഫ് കമ്മ്യൂണിറ്റി. ഡവലപ്‌മെന്റ്, ഓറിയന്റേഷന്‍ പ്രോഗ്രാമുകള്‍, ഫെലോഷിപ്പുകള്‍ തുടങ്ങിയവയാണ് നിലവില്‍ ചെയറിന്റെ പ്രവര്‍ത്തനങ്ങള്‍.
Culture
ജൂറി ഹോം സിനിമ കണ്ടിട്ടുണ്ടാകില്ല: വിമര്‍ശനവുമായി നടന്‍ ഇന്ദ്രന്‍സ്
കുറ്റവാളി നിരപരാധിയാണെന്ന് തെളിഞ്ഞാല്‍ ജൂറി വീണ്ടും സിനിമ കാണുമോയെന്നും ഇന്ദ്രന്‍സ് ചോദിച്ചു.
ചലച്ചിത്ര അവാര്‍ഡ് വിവാദത്തില്‍ മാധ്യമങ്ങളോട് പ്രതികരണം നടത്തി നടന്‍ ഇന്ദ്രന്‍സ്. സംസ്ഥാന ചലച്ചിത്ര പുരസ്‌കാര ജൂറി ‘ഹോം’ സിനിമ കണ്ടുകാണില്ല. തനിക്ക് അവാര്‍ഡ് ലഭിക്കാത്തതില്‍ വിഷമമില്ല. എന്നാല്‍ ഹോം സിനിമക്ക് അവാര്‍ഡ് പ്രതീക്ഷിച്ചെന്ന് ഇന്ദ്രന്‍സ് പറഞ്ഞു.
ഹോമിനെ തഴഞ്ഞതിനും, ചിത്രത്തിലെ പ്രകടനത്തിന് ഇന്ദ്രന്‍സിനെ മികച്ച നടനുള്ള പുരസ്‌കാരത്തിന് പരിഗണിക്കാതിരുന്നതിലും സമൂഹമാധ്യമങ്ങളില്‍ വിമര്‍ശനം ശക്തമായ പശ്ചാത്തലത്തിലാണ് അദ്ദേഹത്തിന്റെ പ്രതികരണം.
ഹൃദയം സിനിമയും മികച്ചതാണെന്നും അതോടോപ്പം ചേര്‍ത്തുവക്കേണ്ട സിനിമായാണ് ഹോമെന്നും അദ്ദേഹം പറഞ്ഞു. സിനിമയെ ഒഴിവാക്കാന്‍ നേരത്തേ കാരണം കണ്ടുവച്ചിട്ടുണ്ടാകാം. വിജയ്ബാബുവിനെതിരായ കേസും കാരണമായേക്കാം. കുറ്റവാളി നിരപരാധിയാണെന്ന് തെളിഞ്ഞാല്‍ ജൂറി വീണ്ടും സിനിമ കാണുമോയെന്നും ഇന്ദ്രന്‍സ് ചോദിച്ചു.
-
Video Stories8 years agoകൊടിഞ്ഞിയില് കൊല്ലപ്പെട്ട ഫൈസലിന്റ കഫീല് അബ്ദുല്ല അല്മുഹാവിസിന്റെ വാക്കുകള് വൈറലാവുന്നു
-
Culture8 years agoഅനസ്തേഷ്യയില്ലാത്ത ശസ്ത്രക്രിയയില് ഖുര്ആന് ഉരുവിട്ട് കുഞ്ഞ്; വാര്ത്ത വായിക്കുമ്പോള് വിതുമ്പിക്കരഞ്ഞ് അവതാരകന്
-
More8 years agoഭോപ്പാല് വിവാദ ഏറ്റുമുട്ടല്; കൂടുതല് തെളിവുകളോടെ മൂന്നാമത്തെ വീഡിയോ പുറത്ത്
-
More8 years ago‘മകളെ കൊണ്ട് കള്ളം പറയിച്ചു’ ദിലീപ്-കാവ്യ വിവാഹത്തില് മഞ്ജുവിന്റെ പ്രതികരണം
-
Culture8 years agoവഴിയോര കച്ചവടങ്ങളിലെ ബിരിയാണിയില് പൂച്ച മാംസം
-
Culture5 years agoവീട്ടമ്മയുടെ നഗ്നദൃശ്യങ്ങള് ഭര്ത്താവിന് വാട്സ് ആപ്പില്; പ്രതിയെ കണ്ട് ഞെട്ടി പൊലീസും വീട്ടുകാരും
-
Culture8 years ago‘സോനു നിഗം പ്രിയങ്കയില് നിന്നു പഠിക്കണം; ബാങ്കുവിളിയെക്കുറിച്ചുള്ള അധിക്ഷേപത്തിന് ശേഷം പ്രിയങ്കയുടെ ബാങ്കുവിളി പരാമര്‍ശം വൈറല്
-
Culture8 years agoഅണികളില് നിന്ന് ‘മുര്ദാബാദ് വിളി’; അസ്വസ്ഥനായി മോദി – മാധ്യമങ്ങള് കണ്ടില്ലെന്ന് നടിച്ച വീഡിയോ