india
പഞ്ചാബില് ആറാടി ആപ്
ഡല്ഹി പാര്ട്ടിയെന്ന അധിക്ഷേപത്തിന് പഞ്ചാബിലൂടെ അറുതി വരുത്തി ആംആദ്മി പാര്ട്ടി. പഞ്ചാബില് ആകെയുള്ള 117 നിയമസഭാ മണ്ഡലങ്ങളില് 92 ഇടത്തും വിജയിച്ച ആപ് 2017ലെ തിരഞ്ഞെടുപ്പിനേക്കാള് 72 സീറ്റുകളാണ് അധികമായി നേടിയത്.
അമൃത്സര്: ഡല്ഹി പാര്ട്ടിയെന്ന അധിക്ഷേപത്തിന് പഞ്ചാബിലൂടെ അറുതി വരുത്തി ആംആദ്മി പാര്ട്ടി. പഞ്ചാബില് ആകെയുള്ള 117 നിയമസഭാ മണ്ഡലങ്ങളില് 92 ഇടത്തും വിജയിച്ച ആപ് 2017ലെ തിരഞ്ഞെടുപ്പിനേക്കാള് 72 സീറ്റുകളാണ് അധികമായി നേടിയത്. ആപിന്റെ തേരോട്ടത്തില് നിലവിലെ ഭരണ കക്ഷിയായ കോണ്ഗ്രസിന്റെ മുഖ്യമന്ത്രി സ്ഥാനാര്ത്ഥി മത്സരിച്ച രണ്ടിടത്തും തോറ്റു. പി.സി.സി അധ്യക്ഷന് നവജ്യോത് സിങ് സിദ്ദുവിനും കാലിടറി. 18 സീറ്റുകൊണ്ട് കോണ്ഗ്രസ് തൃപ്തിപ്പെട്ടപ്പോള് 2017ലേതിനേക്കാള് 59 സീറ്റുകളാണ് പാര്ട്ടിക്ക് നഷ്ടമായത്. ശിരോമണി അകാലിദളിന്റെ ഒട്ടു മിക്ക നേതാക്കളും തോറ്റമ്പിയപ്പോള് പാര്ട്ടി മൂന്ന് സീറ്റിലൊതുങ്ങി. മുന് തിരഞ്ഞെടുപ്പിനേക്കാള് 12 സീറ്റുകളുടെ കുറവ്.
ഒരു സീറ്റ് സഖ്യ കക്ഷിയായ ബി.എസ്.പിയ്ക്കും ലഭിച്ചു. കോണ്ഗ്രസ് വിട്ട് സ്വന്തം പാര്ട്ടിയായ പി.എല്.സി രൂപീകരിച്ച മുന് മുഖ്യമന്ത്രി ക്യാപ്റ്റന് അമരീന്ദര് സിങിന് സ്വന്തം തട്ടകത്തില് തോല്വി പിണഞ്ഞതിനൊപ്പം പാര്ട്ടിയുടെ എല്ലാ സ്ഥാനാര്ത്ഥികളും തോറ്റമ്പി. സഖ്യ കക്ഷിയായി മത്സരിച്ച ബി.ജെ.പി രണ്ടിടത്ത് ഒതുങ്ങി. കഴിഞ്ഞ തിരഞ്ഞെടുപ്പിനേക്കാള് ഒരു സീറ്റ് കുറവ്. 2017 ലെ തെരഞ്ഞെടുപ്പില് ആംആദ്മി വിജയക്കൊടി നേടുമെന്ന് എക്സിറ്റ് പോളുകള് പ്രവചിച്ചിരുന്നെങ്കിലും വിജയം ക്യപ്റ്റന് അമരിന്ദറിനും കോണ്ഗ്രസിനും ഒപ്പം നിന്നിരുന്നു.
എന്നാല് ഇത്തവണ പടലപ്പിണക്കങ്ങളും തമ്മിലടിയും സീറ്റ്, സ്ഥാനപ്പോരും ഒപ്പം ഭരണ വിരുദ്ധ വികാരവും കോണ്ഗ്രസിനെ പിടിച്ച് കുലുക്കിയപ്പോള് ആംആദ്മി പതിയെ കളം പിടിച്ചു. ആപ്പിന്റെ മുന്നേറ്റത്തില് കാലിടറിയത് അമരീന്ദര്സിങ്്, ചരണ്ജിത് സിങ് ഛന്നി, നവ്ജ്യോത് സിങ്് സിദ്ദു. പ്രകാശ് സിങ് ബാദല് തുടങ്ങിയ മുന് നിരനേതാക്കളാണ്. 2012 ല് മാത്രം രൂപീകരിച്ച ‘ആംആദ്മി’ പാര്ട്ടി ഷീലാ ദീക്ഷിതിനെയും കോണ്ഗ്രസിനെയും ഞെട്ടിച്ചാണ് ആദ്യം ഡല്ഹിയില് അധികാരം നേടിയത്. അന്ന് അത് അപ്രതീക്ഷിത മുന്നേറ്റമായിരുന്നു. ആ വിജയം രണ്ടാം വട്ടവും കെജ്രിവാള് ആവര്ത്തിച്ചു. അപ്പോഴും ഡല്ഹിയില് മാത്രമുള്ള ഒരു പാര്ട്ടിയെന്ന വിമര്ശനം കെജ്രിവാളിനും ആംആദ്മിക്കും നേരിടേണ്ടി വന്നിരുന്നു. എന്നാല് അതിനുമപ്പുറം ഒരു വലിയ സംസ്ഥാനത്തിന്റെ ഭരണം പിടിക്കാനും തങ്ങള്ക്ക് കഴിയുമെന്ന് തെളിയിച്ച് വിമര്ശകരുടെ വായടപ്പിക്കുകയാണ് പഞ്ചാബിലെ മുന്നേറ്റത്തിലൂടെ ആപ്. ഡല്ഹിക്ക് പുറത്ത് എഎപി ഭരണം പിടിക്കുമ്പോള് ദേശീയ രാഷ്ട്രീയത്തില് അരവിന്ദ് കെജ്രിവാള് കൂടുതല് കരുത്തനാകുകയാണ്. കോണ്ഗ്രസിനെയും ബിജെപിയെയും മാറ്റി നിര്ത്തി ഒരു മുന്നണി രൂപീകരണം എന്നതിലേക്ക് പ്രതിപക്ഷ കക്ഷികളെത്തിയാല് അതില് നേതൃനിരയിലേക്ക് കെജ്രിവാളിന് ഇനി എളുപ്പത്തിലെത്താം. ദേശീയ നേതാവ് എന്ന ലക്ഷ്യം അദ്ദേഹം മുമ്പും തുറന്ന് പറഞ്ഞിട്ടുമുണ്ട്. വിവാദ നായകനായ ഭഗ്വന്ത് മാനാണ് ആപ്പിന്റെ മുഖ്യമന്ത്രി സ്ഥാനാര്ത്ഥി.
പഞ്ചാബിലെ പാര്ട്ടിക്കുള്ളില് നിന്നും തന്നെ വലിയ എതിര്പ്പ് ഭഗ്വന്തിനെരെയുണ്ട്. അത് ഭരണത്തില് ആപ്പിന് തിരിച്ചടിയായേക്കാനുള്ള സാധ്യത നിലനില്ക്കുന്നുണ്ട്. എന്നാല് കെജ്രിവാളിന്റെ ആശീര്വാദവും പിന്തുണയും മാനുണ്ടെന്നത് ശ്രദ്ധേയമാണ്. മദ്യപാനം, മദ്യപിച്ച് യോഗത്തിനും പാര്ലമെന്റിലുമെത്തിയതടക്കമുള്ള വിമര്ശനങ്ങള് മുഖ്യമന്ത്രി സ്ഥാനാര്ത്ഥിക്ക് എതിരെ ഉയര്ന്നെങ്കിലും അന്നും ഒപ്പം നിന്നത് കെജ്രിവാളാണ്. ഭഗ്വന്ത് മാനിന്റെ പ്രവര്ത്തന മികവ് കൊണ്ട് മാത്രമല്ല ഭരണം പിടിക്കാന് ആംആദ്മിക്ക് സാധിച്ചത്. മുന്നിലും പിന്നിലും നിന്ന് പ്രവര്ത്തിച്ച മറ്റൊരു നേതാവ് കൂടിയുണ്ട്. പഞ്ചാബ് നിയമസഭാ തിരഞ്ഞെടുപ്പിന്റെ സഹ ചുമതലയുള്ള രാഘവ് ഛദ്ദയെന്ന മുപ്പത്തിമൂന്നുകാരന്. കോണ്ഗ്രസിന്റെ ദേശീയ തലത്തിലെ തന്നെ പകരക്കാരാണ് ആം ആദ്മി പാര്ട്ടിയെന്നാണ് ചദ്ദ പ്രതികരിച്ചത്. 2024 ലെ ലോക്സഭാ തെരഞ്ഞെടുപ്പിന് ശേഷം അവസരം ലഭിച്ചാല് പ്രധാനമന്ത്രിയുടെ ചുമതലയില് കെജ്രിവാളിനെ കാണാമെന്നും ചദ്ദ പറഞ്ഞുവെക്കുന്നുണ്ട്.
india
സ്മൃതിയുടെ മകളുടെ റസ്റ്റോറന്റിന്റെ മദ്യ ലൈസന്സ് അനധികൃതം
വടക്കന് ഗോവയില് കേന്ദ്രമന്ത്രി സ്മൃതി ഇറാനിയുടെ മകളുടെ പേരിലുള്ള റസ്റ്ററന്റിന് മദ്യ ലൈസന്സ് ലഭിച്ചത് അനധികൃതമാണെന്ന് റിപ്പോര്ട്ട്.
പനജി: വടക്കന് ഗോവയില് കേന്ദ്രമന്ത്രി സ്മൃതി ഇറാനിയുടെ മകളുടെ പേരിലുള്ള റസ്റ്ററന്റിന് മദ്യ ലൈസന്സ് ലഭിച്ചത് അനധികൃതമാണെന്ന് റിപ്പോര്ട്ട്. മരിച്ചയാളുടെ പേരിലാണ് ലൈസന്സ് പുതുക്കിയതെന്നാണ് ആരോപണം. ഇതേത്തുടര്ന്ന് ഗോവ എക്സൈസ് കമ്മിഷണര് നാരായണ് എം. ഗാഡ് ലൈസന്സ് റദ്ദാക്കാതിരിക്കണമെങ്കില് കാരണം കാണിക്കണമെന്ന് ആവശ്യപ്പെട്ട് നോട്ടീസ് അയച്ചിരിക്കുകയാണ്.
ഗോവയിലെ അസന്ഗൗവിലാണ് സ്മൃതിയുടെ മകള് സോയിഷ് ഇറാനിയുടെ പോഷ് റസ്റ്ററന്റായ സില്ലി സോള്സ് കഫേ ആന്റ് ബാര് ഉള്ളത്. ബാറിനുള്ള ലൈസന്സ് കൃത്രിമ രേഖകള് നല്കിയാണ് ഉടമകള് കൈവശപ്പെടുത്തിയതെന്ന് അഭിഭാഷകനായ എയ്റിസ് റോഡ്രിഗസ് നല്കിയ പരാതിയിലാണ് ജൂലൈ 21ന് എക്സൈസ് കമ്മിഷണര് നോട്ടിസ് അയച്ചത്. വിഷയം ജൂലൈ 29ന് കോടതി പരിഗണിക്കും.
കഴിഞ്ഞമാസമാണ് ലൈസന്സ് പുതുക്കിയത്. എന്നാല് ലൈസന്സിന്റെ ഉടമ ആയിരുന്ന ആന്തണി ഡിഗാമ 2021 മേയ് 17ന് അന്തരിച്ചിരുന്നു. ഡിഗാമയുടെ ആധാര് കാര്ഡിലെ വിവരം അനുസരിച്ച് മുംബൈയിലെ വിലേ പാര്ലെയിലെ താമസക്കാരനാണിയാള്. ഇയാളുടെ മരണ സര്ട്ടിഫിക്കറ്റ് മുംബൈ മുനിസിപ്പല് കോര്പ്പറേഷനില്നിന്ന് റോഡ്രിഗസിന് ലഭിച്ചിട്ടുമുണ്ട്.
ആറുമാസത്തിനുള്ളില് ലൈസന്സ് ട്രാന്സ്ഫര് ചെയ്യുമെന്നാണ് അപേക്ഷയില് വ്യക്തമാക്കിയിരുന്നതെന്ന് സംസ്ഥാന എക്സൈസ് വിഭാഗം പറയുന്നു.വിവരാവകാശ നിയമപ്രകാരമാണ് റോഡ്രിഗസ് വിവരങ്ങള് ശേഖരിച്ചത്. സില്ലി സോള്സ് കഫേ ആന്റ് ബാറിന് സംസ്ഥാനത്ത് പ്രവര്ത്തിക്കുന്നതിന് റസ്റ്ററന്റ് ലൈസന്സ് ഇല്ലെന്നും അഭിഭാഷകനായ റോഡ്രിഗസ് പറയുന്നു.
india
സിഖ് വിദ്യാര്ഥികളോട് തലപ്പാവും കൃപാണും ധരിക്കരുതെന്ന് യു.പിയിലെ സ്കൂള്
ലഖ്നൗ: ഉത്തര്പ്രദേശിലെ സ്കൂളല് സിഖ് വിദ്യാര്ഥികളോട് തലപ്പാവും കൃപാണും ധരിക്കരുതെന്ന് ആവശ്യപ്പെട്ട സംഭവത്തില് ശക്തമായ പ്രതിഷേധം അറിയിച്ച് പ്രമുഖ സിഖ് മത നേതൃത്വമായ ശിരോമണി ഗുരുദ്വാര പര്ബന്ധക് കമ്മിറ്റി (എസ്.ജി.പി.സി). രാജസ്ഥാനിലെ അല്വാര് ജില്ലയില് അജ്ഞാതര് സിഖ് പുരോഹിതനെ മര്ദിക്കുകയും മുടി മുറിക്കുകയും ചെയ്ത സംഭവത്തെയും സിഖുകാരുടെ പരമോന്നത മതസംഘടന അപലപിച്ചു.
വ്യാഴാഴ്ച ഉത്തര്പ്രദേശിലെ ബറേലിയിലെ സിഖ് സമുദായാംഗങ്ങള് സ്കൂള് മാനേജ്മെന്റിന്റെ ഉത്തരവിനെതിരെ പ്രതിഷേധിച്ചിരുന്നു. ഉത്തരവ് പാലിക്കാത്തതിനാല് കുട്ടികളോട് സ്കൂളിലേക്ക് പ്രവേശിക്കരുതെന്ന് പറഞ്ഞതായും അവര് ആരോപിച്ചു.
india
ഇന്ത്യയില് ഒരു ഡോസ് വാക്സിന് പോലും എടുക്കാതെ 4 കോടി ആളുകള്
കേന്ദ്ര ആരോഗ്യ മന്ത്രാലയത്തിന്റെ കണക്കനുസരിച്ച് ഇന്ത്യയില് 98 ശതമാനം പേര്ക്കും കുറഞ്ഞത് ഒരു ഡോസ് വാക്സിനെങ്കിലും ലഭിച്ചിട്ടുണ്ട്.
ന്യൂഡല്ഹി: ഇന്ത്യയില് യോഗ്യരായ നാലു കോടി ആളുകള് ഇതുവരെ ഒരു ഡോസ് വാക്സിന് പോലും സ്വീകരിച്ചിട്ടില്ലെന്ന് കേന്ദ്ര ആരോഗ്യ സഹമന്ത്രി ഭാരതി പ്രവീണ് പവാര്. ജൂലൈ 18 വരെ സര്ക്കാര് കോവിഡ് വാക്സിനേഷന് സെന്ററുകളില് 1,78,38,52,566 വാക്സിന് ഡോസുകള് സൗജന്യമായി നല്കിയിട്ടുണ്ടെന്നും രേഖാമൂലമുള്ള മറുപടിയില് വ്യക്തമാക്കി.
കേന്ദ്ര ആരോഗ്യ മന്ത്രാലയത്തിന്റെ കണക്കനുസരിച്ച് ഇന്ത്യയില് 98 ശതമാനം പേര്ക്കും കുറഞ്ഞത് ഒരു ഡോസ് വാക്സിനെങ്കിലും ലഭിച്ചിട്ടുണ്ട്. 90 ശതമാനം പേര് പൂര്ണമായി വാക്സിന് എടുത്തിട്ടുണ്ടെന്നും കണക്കില് പറയുന്നു.
-
Video Stories8 years ago
കൊടിഞ്ഞിയില് കൊല്ലപ്പെട്ട ഫൈസലിന്റ കഫീല് അബ്ദുല്ല അല്മുഹാവിസിന്റെ വാക്കുകള് വൈറലാവുന്നു
-
Culture8 years ago
അനസ്തേഷ്യയില്ലാത്ത ശസ്ത്രക്രിയയില് ഖുര്ആന് ഉരുവിട്ട് കുഞ്ഞ്; വാര്ത്ത വായിക്കുമ്പോള് വിതുമ്പിക്കരഞ്ഞ് അവതാരകന്
-
More8 years ago
ഭോപ്പാല് വിവാദ ഏറ്റുമുട്ടല്; കൂടുതല് തെളിവുകളോടെ മൂന്നാമത്തെ വീഡിയോ പുറത്ത്
-
More8 years ago
‘മകളെ കൊണ്ട് കള്ളം പറയിച്ചു’ ദിലീപ്-കാവ്യ വിവാഹത്തില് മഞ്ജുവിന്റെ പ്രതികരണം
-
Culture8 years ago
വഴിയോര കച്ചവടങ്ങളിലെ ബിരിയാണിയില് പൂച്ച മാംസം
-
Culture5 years ago
വീട്ടമ്മയുടെ നഗ്നദൃശ്യങ്ങള് ഭര്ത്താവിന് വാട്സ് ആപ്പില്; പ്രതിയെ കണ്ട് ഞെട്ടി പൊലീസും വീട്ടുകാരും
-
Culture7 years ago
‘സോനു നിഗം പ്രിയങ്കയില് നിന്നു പഠിക്കണം; ബാങ്കുവിളിയെക്കുറിച്ചുള്ള അധിക്ഷേപത്തിന് ശേഷം പ്രിയങ്കയുടെ ബാങ്കുവിളി പരാമര്ശം വൈറല്
-
Culture8 years ago
അണികളില് നിന്ന് ‘മുര്ദാബാദ് വിളി’; അസ്വസ്ഥനായി മോദി – മാധ്യമങ്ങള് കണ്ടില്ലെന്ന് നടിച്ച വീഡിയോ