Connect with us

Culture

തമിഴ് രാഷ്ട്രീയം വീണ്ടും നാടകീയ മുഹൂര്‍ത്തങ്ങളില്‍

Published

on

 

ചെന്നൈ: ശശികല ക്യാമ്പിലെ പൊട്ടിത്തെറിക്കു പിന്നാലെ അണ്ണാ ഡി.എം.കെയിലെ ഇരു വിഭാഗങ്ങള്‍ തമ്മില്‍ ലയനത്തിനുള്ള നീക്കം തുടങ്ങി. ഒ പന്നീര്‍ശെല്‍വം വിഭാഗവും ശശികല ക്യാമ്പിലെ വിമത ഗ്രൂപ്പുമാണ് സമവായ ശ്രമങ്ങള്‍ക്ക് തുടക്കമിട്ടത്. അതേസമയം നേരത്തെ ഉന്നയിച്ച രണ്ട് ആവശ്യങ്ങളില്‍ ഉറച്ചു നില്‍ക്കുന്നുവെന്നും ഇത് അംഗീകരിച്ചാലല്ലാതെ ലയനത്തിന് തയ്യാറല്ലെന്നും ഒ പന്നീര്‍ശെല്‍വം വ്യക്തമാക്കി.
ശശികലയേയും കുടുംബത്തേയും പാര്‍ട്ടി നേതൃത്വത്തില്‍ നിന്ന് പുറത്താക്കണം, ജയലളിതയുടെ മരണം സംബന്ധിച്ച് ഉന്നതതല അന്വേഷണം വേണം എന്നീ രണ്ട് ഉപാധികളാണ് പന്നീര്‍ശെല്‍വം മുന്നോട്ടു വച്ചിരിക്കുന്നത്. ഇത് അംഗീകരിച്ചാല്‍ ലയനത്തിനു തയ്യാറാണെന്ന് ഒ.പി.എസ് ക്യാമ്പ് വ്യക്തമാക്കിയിട്ടുമുണ്ട്. എന്നാല്‍ ഈ ആവശ്യം ദിനകരനും അദ്ദേഹത്തെ അനുകൂലിക്കുന്നവരും ഇതുവരെ അംഗീകരിച്ചിട്ടില്ല.
തമിഴ് രാഷ്ട്രീയത്തെ പിടിച്ചുലച്ച അണ്ണാ ഡി.എം.കെയിലെ ആഭ്യന്തര പ്രശ്‌നങ്ങള്‍ ചെറിയ ഇടവേളക്കു ശേഷം തിങ്കളാഴ്ച രാത്രിയാണ് വീണ്ടും പൊട്ടിത്തെറിയുടെ വക്കിലെത്തിയത്. ആര്‍.കെ നഗര്‍ ഉപതെരഞ്ഞെടുപ്പുമായി ബന്ധപ്പെട്ട് രൂപപ്പെട്ട ഭിന്നത, ദിനകരനെതിരായ പരസ്യ വിയോജിപ്പായി രൂപാന്തരപ്പെടുകയായിരുന്നു. 26 മന്ത്രിമാര്‍ വൈദ്യുതമന്ത്രി തങ്കമണിയുടെ ചെന്നൈ ഗ്രീന്‍വെയ്‌സ് റോഡിലുള്ള ഔദ്യോഗിക വസതിയില്‍ യോഗം ചേര്‍ന്നതോടെ കാര്യങ്ങള്‍ സങ്കീര്‍ണമായി. ഭവനവകുപ്പ് മന്ത്രി ഉദുമലൈ രാധാകൃഷ്ണന്റെ വസതിയില്‍ മറ്റുചില മന്ത്രിമാരും യോഗം ചേര്‍ന്നിരുന്നു. രാത്രി വൈകി ഇരുവരും മന്ത്രി തങ്കമണിയുടെ വീട്ടില്‍ നടന്ന യോഗത്തിനെത്തി. മുഖ്യമന്ത്രി എടപ്പാടി പളനിസ്വാമി ഇരു യോഗങ്ങളിലും പങ്കെടുത്തില്ലെങ്കിലും അദ്ദേഹത്തിന്റെ കൂടി പിന്തുണയോടെയാണ് ദിനകരനെതിരായ പടനീക്കമെന്നാണ് റിപ്പോര്‍ട്ടുകള്‍.
അതേസമയം മറ്റു മാര്‍ഗങ്ങളില്ലെങ്കില്‍ ദിനകരന്‍ വിട്ടു വീഴ്ചക്കു തയ്യാറായേക്കുമെന്ന് സൂചനയുണ്ട്. അനധികൃത സ്വത്തു കേസില്‍ ശിക്ഷിക്കപ്പെട്ട് ശശികല ജയിലില്‍ പോയതോടെയാണ് ബന്ധു കൂടിയായ ടി.ടി.വി ദിനകരനെ പാര്‍ട്ടി ഡപ്യൂട്ടി ജനറല്‍ സെക്രട്ടറിയായി നിയമിച്ചത്. ആര്‍.കെ നഗര്‍ ഉപതെരഞ്ഞെടുപ്പില്‍ ദിനകരന്‍ സ്ഥാനാര്‍ത്ഥിയായതോടെ മുഖ്യമന്ത്രി സ്ഥാനത്തെത്താനുള്ള ശ്രമമാണെന്ന അഭ്യൂഹം ശക്തമായി. ഇതാണ് ദിനകരനെതിരെ നീങ്ങാന്‍ മറ്റു നേതാക്കളെ പ്രേരിപ്പിച്ചത്. പാര്‍ട്ടി ചിഹ്നം ലഭിക്കാന്‍ തെരഞ്ഞെടുപ്പ് കമ്മീഷന്‍ ഉദ്യോഗസ്ഥന് ദിനകരന്‍ കോടികള്‍ കൈക്കൂലി വാഗ്ദാനം ചെയ്‌തെന്ന ആരോപണത്തില്‍ പൊലീസ് കേസെടുക്കുക കൂടി ചെയ്തതോടെ എതിര്‍പ്പ് രൂക്ഷമാവുകയായിരുന്നു.
പന്നീര്‍ശെല്‍വം ക്യാമ്പുമായുള്ള ഒത്തുതീര്‍പ്പ് ചര്‍ച്ചകള്‍ക്ക് പ്രത്യേക സംഘത്തെ നിയോഗിച്ചതായി ശശികല ക്യാമ്പിലെ നേതാവും വിദ്യാഭ്യാസ മന്ത്രിയുമായ കെ.എ സെങ്കോട്ടയ്യന്‍ പറഞ്ഞു. ചെന്നൈയിലെ വസതിയില്‍ ദിനകരനുമായി നടത്തിയ ചര്‍ച്ചക്കു ശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം. ഇതിനിടെ മുഖ്യമന്ത്രി പളനിസ്വാമിയും മന്ത്രിമാരുമടക്കം 122 എം.എല്‍.എമാരും ഇന്ത്യന്‍ നിര്‍മ്മിത യുദ്ധക്കപ്പലായ ഐ.എന്‍.എസ് ചെന്നൈയില്‍ സമുദ്രസഞ്ചാരത്തിനു പുറപ്പെട്ടു. നേരത്തെ പാര്‍ട്ടിയില്‍ ആഭ്യന്തര ഭിന്നത രൂക്ഷമായപ്പോള്‍ എം.എല്‍.എമാരെ കൂവത്തൂരിലെ റിസോര്‍ട്ടില്‍ ഒളിവില്‍ പാര്‍പ്പിച്ചാണ് ശശികല ക്യാമ്പ് പ്രതിസന്ധി മറികടന്നത്. സമാനമായ രീതിയിലാണ് എം. എല്‍. എമാര്‍ നടുക്കടലില്‍ നിലയുറപ്പിച്ചിരിക്കുന്നതെന്നാണ് റിപ്പോര്‍ട്ട്. അതേസമയം യുദ്ധക്കപ്പല്‍ പരിചയപ്പെടുന്നതിനുള്ള ടൂറിലാണ് എം.എല്‍.എമാര്‍ എന്നാണ് സര്‍ക്കാര്‍ വൃത്തങ്ങള്‍ നല്‍കുന്ന വിശദീകരണം. ഒരു തരത്തിലുള്ള രാഷ്ട്രീയ ലക്ഷ്യവും യാത്രക്കില്ലെന്നും സര്‍ക്കാര്‍ സൂചിപ്പിച്ചു.

Continue Reading
Click to comment

Leave a Reply

Your email address will not be published.

Culture

ഷമ്മി തിലകനെ ‘അമ്മ’ പുറത്താക്കി

അച്ചടക്ക ലംഘനത്തെ തുടര്‍ന്നാണ് നടപടി.

Published

on

നടന്‍ ഷമ്മിതിലകനെ അമ്മ സംഘടനയില്‍ നിന്ന് പുറത്താക്കി. അച്ചടക്ക ലംഘനത്തെ തുടര്‍ന്നാണ് നടപടി. ഇന്ന് കൊച്ചിയില്‍ നടന്ന ജനറല്‍ ബോഡി യോഗത്തിലാണ് തീരുമാനം.

കഴിഞ്ഞ യോഗത്തില്‍ ഷമ്മിതിലകന്‍ ചില ദൃശ്യങ്ങള്‍ ചിത്രീകരിച്ചിരുന്നു. ഇത് വിവാദമായതിനെത്തുടര്‍ന്ന് നടനോട് സംഘടന വിശദീകരണം ആവശ്യപ്പെട്ടിരുന്നു. എന്നാല്‍ വിശദീകരണം നല്‍കാന്‍ തയ്യാറാകാത്ത സാഹചര്യത്തിലാണ്് പുറത്താക്കല്‍ നടപടി ഉണ്ടായിരിക്കുന്നത്.

Continue Reading

Culture

സി.എച്ച് ചെയര്‍ ഇന്ന് പുതിയ കെട്ടിടത്തിലേക്ക്

കാലിക്കറ്റ് സര്‍വകലാശാലയിലെ സി.എച്ച് മുഹമ്മദ് കോയ ചെയര്‍ ഫോര്‍ സ്റ്റഡീസ് ഓണ്‍ ഡവലപിംഗ് സൊസൈറ്റീസ്ഇന്ന് പുതിയ കെട്ടിടത്തിലേക്ക്.

Published

on

കോഴിക്കോട്: കാലിക്കറ്റ് സര്‍വകലാശാലയിലെ സി.എച്ച് മുഹമ്മദ് കോയ ചെയര്‍ ഫോര്‍ സ്റ്റഡീസ് ഓണ്‍ ഡവലപിംഗ് സൊസൈറ്റീസ്ഇന്ന് പുതിയ കെട്ടിടത്തിലേക്ക്. 2011 ല്‍ പ്രവര്‍ത്തനമാരംഭിച്ച ചെയര്‍ ഇത് വരെറോഡരികിലെ പഴയ കെട്ടിടത്തില്‍ പ്രവര്‍ത്തിച്ച് വരികയായിരുന്നു. കാമ്പസില്‍ പരീക്ഷാ ഭവന് പിറകില്‍ ഗസ്റ്റ് ഹൗസിന് സമീപമാണ് പുതിയ കെട്ടിടം. ഇ.അഹമദ്, പി.കെ കുഞ്ഞാലിക്കുട്ടി, പി.വി അബ്ദുല്‍ വഹാബ് എന്നിവരുടെ എം.പി ഫണ്ടില്‍ നിന്ന് 65 ലക്ഷം രൂപ ചെലവഴിച്ചാണ് മൂന്ന് നിലയില്‍ വിഭാവനം ചെയ്ത കെട്ടിടത്തിന്റെ ഒരു നിലയും ബേസ്‌മെന്റ് ഏരിയയുമാണ് പൂര്‍ത്തിയാക്കിയത്.

2004 ല്‍ പാണക്കാട് ഹൈദരലി ശിഹാബ് തങ്ങള്‍ ചെയര്‍മാനും അഷ്‌റഫ് തങ്ങള്‍ ജനറല്‍ സെക്രട്ടറിയുമായി രൂപീകരിച്ച ഗ്രെയ്‌സ് എജുക്കേഷണല്‍ അസോസിയേഷനാണ് ചെയറിന്റെ ഡോണര്‍ സംഘടന. ഇന്ന് വൈകിട്ട് 4 മണിക്ക് നടക്കുന്ന ചടങ്ങില്‍ വൈസ് ചാന്‍സലര്‍ ഡോ.എം.കെ ജയരാജ് അധ്യക്ഷത വഹിക്കും. പ്രതിപക്ഷ ഉപനേതാവ് പി.കെ കുഞ്ഞാലിക്കുട്ടി ഉദ്ഘാടനം ചെയ്യും. പി.വി അബ്ദുല്‍ വഹാബ് എം.പി മുഖ്യപ്രഭാഷണം നടത്തും. പ്രമുഖ ചരിത്രകാരന്‍ ഡോ. എം. ഗംഗാധരന്റെ പുസ്തകം കുടുംബാംഗങ്ങള്‍ ചെയറിന് കൈമാറും. ഗവേണിംഗ് ബോഡി അംഗം ഡോ.എം.കെ മുനീര്‍ എം.എല്‍.എ ഏറ്റുവാങ്ങും.

മൂന്ന് പദ്ധതികളോടെയാണ് ചെയര്‍ പുതിയ കെട്ടിടത്തില്‍ പ്രവര്‍ത്തിച്ച് തുടങ്ങുക. രാഷ്ട്രാന്തരീയ തലത്തിലെ അക്കാദമിഷ്യന്‍മാര്‍ക്കും ഗവേഷകര്‍ക്കും ഉപയോഗപ്പെടുത്താവുന്ന റിസര്‍ച്ച് ജേണല്‍, പഠന ഗവേഷണ സ്ഥാപനങ്ങളുമായി മെമ്മോറാണ്ടം ഓഫ് അണ്ടര്‍സ്റ്റാന്റിംഗ് ഒപ്പു വെയ്ക്കല്‍,അഫിര്‍മേറ്റീവ് ആക്ഷനും ഇന്ത്യന്‍ ഭരണഘടനയും എന്ന വിഷയത്തിലുളള ഓണ്‍ലൈന്‍ പ്രോഗ്രാം എന്നിവയാണിവ. ഹെരിറ്റേജ് ലൈബ്രറി ,സ്‌കൂള്‍ ഓഫ് കമ്മ്യൂണിറ്റി. ഡവലപ്‌മെന്റ്, ഓറിയന്റേഷന്‍ പ്രോഗ്രാമുകള്‍, ഫെലോഷിപ്പുകള്‍ തുടങ്ങിയവയാണ് നിലവില്‍ ചെയറിന്റെ പ്രവര്‍ത്തനങ്ങള്‍.

Continue Reading

Culture

ജൂറി ഹോം സിനിമ കണ്ടിട്ടുണ്ടാകില്ല: വിമര്‍ശനവുമായി നടന്‍ ഇന്ദ്രന്‍സ്

കുറ്റവാളി നിരപരാധിയാണെന്ന് തെളിഞ്ഞാല്‍ ജൂറി വീണ്ടും സിനിമ കാണുമോയെന്നും ഇന്ദ്രന്‍സ് ചോദിച്ചു.

Published

on

ചലച്ചിത്ര അവാര്‍ഡ് വിവാദത്തില്‍ മാധ്യമങ്ങളോട് പ്രതികരണം നടത്തി നടന്‍ ഇന്ദ്രന്‍സ്. സംസ്ഥാന ചലച്ചിത്ര പുരസ്‌കാര ജൂറി ‘ഹോം’ സിനിമ കണ്ടുകാണില്ല. തനിക്ക് അവാര്‍ഡ് ലഭിക്കാത്തതില്‍ വിഷമമില്ല. എന്നാല്‍ ഹോം സിനിമക്ക് അവാര്‍ഡ് പ്രതീക്ഷിച്ചെന്ന് ഇന്ദ്രന്‍സ് പറഞ്ഞു.

ഹോമിനെ തഴഞ്ഞതിനും, ചിത്രത്തിലെ പ്രകടനത്തിന് ഇന്ദ്രന്‍സിനെ മികച്ച നടനുള്ള പുരസ്‌കാരത്തിന് പരിഗണിക്കാതിരുന്നതിലും സമൂഹമാധ്യമങ്ങളില്‍ വിമര്‍ശനം ശക്തമായ പശ്ചാത്തലത്തിലാണ് അദ്ദേഹത്തിന്റെ പ്രതികരണം.

ഹൃദയം സിനിമയും മികച്ചതാണെന്നും അതോടോപ്പം ചേര്‍ത്തുവക്കേണ്ട സിനിമായാണ് ഹോമെന്നും അദ്ദേഹം പറഞ്ഞു. സിനിമയെ ഒഴിവാക്കാന്‍ നേരത്തേ കാരണം കണ്ടുവച്ചിട്ടുണ്ടാകാം. വിജയ്ബാബുവിനെതിരായ കേസും കാരണമായേക്കാം. കുറ്റവാളി നിരപരാധിയാണെന്ന് തെളിഞ്ഞാല്‍ ജൂറി വീണ്ടും സിനിമ കാണുമോയെന്നും ഇന്ദ്രന്‍സ് ചോദിച്ചു.

Continue Reading

Trending

Copyright © 2017 Zox News Theme. Theme by MVP Themes, powered by WordPress.