india
ഇരുട്ടടി തീരുന്നില്ല; സ്ലാബ് മാറ്റി ജി.എസ്.ടിയും വര്ധിപ്പിക്കുന്നു
ന്യൂഡല്ഹി: പെട്രോള്, ഡീസല്, എല്.പി.ജി വില വര്ധനവില് നട്ടെല്ലൊടിഞ്ഞു നില്ക്കുന്ന ജനത്തിന് കേന്ദ്രത്തിന്റെ വക അടുത്ത ഇരുട്ടടി വരുന്നു. ജി.എസ്.ടി നിരക്ക് വര്ധിപ്പിക്കാന് ആലോചന തുടങ്ങിയതായാണ് വിവരം. അടുത്ത ജി.എസ്.ടി കൗണ്സിലില് ഇതുസംബന്ധിച്ച നിര്ദേശം അവതരിപ്പിച്ചേക്കും.
നിലവിലുള്ള ജി.എസ്.ടി സ്ലാബിലെ 5 ശതമാനം നിര്ത്തലാക്കി 3 ശതമാനം, എട്ട് ശതമാനം എന്നിങ്ങനെ രണ്ടു സ്ലാബുകളാക്കി മാറ്റാനാണ് ആലോചന. വ്യാപക ഉപഭോഗത്തിലുള്ള ഏതാനും ചില ഉത്പന്നങ്ങള് 3 ശതമാനം എന്ന പുതിയ സ്ലാബിലേക്ക് കൊണ്ടുവരാനാണ് നീക്കം. ശേഷിച്ചവ എട്ടു ശതമാനത്തിന്റെ സ്ലാബിലേക്ക് മാറ്റും. നിരക്ക് വര്ധന സംബന്ധിച്ച് സാധാരണ ജനത്തിന്റെ കണ്ണില് പൊടിയിടുന്നതിനാണ് മൂന്നു ശതമാനം എന്ന പുതിയ സ്ലാബ് അവതരിപ്പിക്കുന്നതെന്നാണ് വിവരം. ചുരുക്കം ചില ഉത്പന്നങ്ങള് മാത്രമാണ് ഈസ്ലാബിലേക്ക് മാറ്റുക. മറ്റുള്ളവയെല്ലാം എട്ടു ശതമാനം എന്ന കൂടിയ സ്ലാബിലേക്ക മാറും. മാത്രമല്ല, അണ്ബ്രാന്ഡഡ് ഭക്ഷ്യ സാധനങ്ങള് ഉള്പ്പെടെ നിലവില് ജി.എസ്.ടി പരിധിയില് ഉള്പ്പെടുത്താത്ത ചില ഉത്പന്നങ്ങള് മൂന്നു ശതമാനം എന്ന പുതിയ സ്ലാബ് വഴി ജി.എസ്.ടി പരിധിയില് കൊണ്ടുവരും. ഫലത്തി ല് ജി.എസ്.ടി വരുമാനത്തില് വന് വര്ധനവുണ്ടാകും.
ജി.എസ്.ടി ഇനത്തില് കേന്ദ്രത്തില് നിന്നു ലഭിക്കുന്ന വിഹിതത്തില് നിലവില് സംസ്ഥാനങ്ങള് അസംതൃപ്തരാണ്. അധിക വരുമാനം വഴി സംസ്ഥാനങ്ങള്ക്ക് ലഭിക്കുന്ന വിഹിതത്തിലും വര്ധനവ് ഉണ്ടാകും എന്നതിനാല് ജി.എസ്.ടി കൗണ്സിലില് പുതിയ നിര്ദേശത്തെ സംസ്ഥാന സര്ക്കാറുകള് എതിര്ക്കില്ലെന്നാണ് കേന്ദ്രത്തിന്റെ കണക്കുകൂട്ടല്.
നിലവില് 5, 12, 18, 28 എന്നിങ്ങനെ നാല് സ്ലാബുകളാണ് ജി.എസ്.ടിക്കുള്ളത്. പുതിയ നിര്ദേശം പ്രാബല്യത്തില് വന്നാല് 3, 8, 12, 18, 28 എന്നിങ്ങനെയായി അഞ്ച് സ്ലാബ് മാറും. ഇതില് നിലവില് സ്ലാബ് അഞ്ചില് വരുന്നതില് ഏറെയും പാക്ക് ചെയ്ത ഭക്ഷ്യ ഉത്പന്നങ്ങളാണ്. എട്ട് ശതമാനം എന്നതില് അന്തിമ ധാരണ ആയിട്ടില്ല, ഏഴ്, എട്ട്, ഒമ്പത് എന്നിങ്ങനെ മൂന്ന് നിര്ദേശമാണ് കേന്ദ്രം വെക്കുന്നത്. ജി.എസ്.ടി കൗണ്സിലിന്റെ ഭൂരിപക്ഷ നിര്ദേശം കണക്കിലെടുത്താകും അന്തിമ തീരുമാനം.
നിലവിലെ അഞ്ചു ശതമാനത്തില് നിന്ന് ഓരോ ശതമാനം ഉയര്ത്തിയാലും 50,000 കോടിയുടെ അധിക വരുമാനമുണ്ടാകുമെന്നാണ് കണക്ക്. എട്ടു ശതമാനമായാല് ഒന്നര ലക്ഷം കോടിയുടെ അധിക വരുമാനമുണ്ടാകും. മാര്ച്ചില് 1.42 ലക്ഷം കോടിയുടെ റെക്കോര്ഡ് ജി.എസ്.ടി വരുമാനമാണ് രേഖപ്പെടുത്തിയത്. പുതിയ സ്ലാബ് വന്നാല് ഇത് രണ്ടര ലക്ഷം കടക്കും.
india
സ്മൃതിയുടെ മകളുടെ റസ്റ്റോറന്റിന്റെ മദ്യ ലൈസന്സ് അനധികൃതം
വടക്കന് ഗോവയില് കേന്ദ്രമന്ത്രി സ്മൃതി ഇറാനിയുടെ മകളുടെ പേരിലുള്ള റസ്റ്ററന്റിന് മദ്യ ലൈസന്സ് ലഭിച്ചത് അനധികൃതമാണെന്ന് റിപ്പോര്ട്ട്.
പനജി: വടക്കന് ഗോവയില് കേന്ദ്രമന്ത്രി സ്മൃതി ഇറാനിയുടെ മകളുടെ പേരിലുള്ള റസ്റ്ററന്റിന് മദ്യ ലൈസന്സ് ലഭിച്ചത് അനധികൃതമാണെന്ന് റിപ്പോര്ട്ട്. മരിച്ചയാളുടെ പേരിലാണ് ലൈസന്സ് പുതുക്കിയതെന്നാണ് ആരോപണം. ഇതേത്തുടര്ന്ന് ഗോവ എക്സൈസ് കമ്മിഷണര് നാരായണ് എം. ഗാഡ് ലൈസന്സ് റദ്ദാക്കാതിരിക്കണമെങ്കില് കാരണം കാണിക്കണമെന്ന് ആവശ്യപ്പെട്ട് നോട്ടീസ് അയച്ചിരിക്കുകയാണ്.
ഗോവയിലെ അസന്ഗൗവിലാണ് സ്മൃതിയുടെ മകള് സോയിഷ് ഇറാനിയുടെ പോഷ് റസ്റ്ററന്റായ സില്ലി സോള്സ് കഫേ ആന്റ് ബാര് ഉള്ളത്. ബാറിനുള്ള ലൈസന്സ് കൃത്രിമ രേഖകള് നല്കിയാണ് ഉടമകള് കൈവശപ്പെടുത്തിയതെന്ന് അഭിഭാഷകനായ എയ്റിസ് റോഡ്രിഗസ് നല്കിയ പരാതിയിലാണ് ജൂലൈ 21ന് എക്സൈസ് കമ്മിഷണര് നോട്ടിസ് അയച്ചത്. വിഷയം ജൂലൈ 29ന് കോടതി പരിഗണിക്കും.
കഴിഞ്ഞമാസമാണ് ലൈസന്സ് പുതുക്കിയത്. എന്നാല് ലൈസന്സിന്റെ ഉടമ ആയിരുന്ന ആന്തണി ഡിഗാമ 2021 മേയ് 17ന് അന്തരിച്ചിരുന്നു. ഡിഗാമയുടെ ആധാര് കാര്ഡിലെ വിവരം അനുസരിച്ച് മുംബൈയിലെ വിലേ പാര്ലെയിലെ താമസക്കാരനാണിയാള്. ഇയാളുടെ മരണ സര്ട്ടിഫിക്കറ്റ് മുംബൈ മുനിസിപ്പല് കോര്പ്പറേഷനില്നിന്ന് റോഡ്രിഗസിന് ലഭിച്ചിട്ടുമുണ്ട്.
ആറുമാസത്തിനുള്ളില് ലൈസന്സ് ട്രാന്സ്ഫര് ചെയ്യുമെന്നാണ് അപേക്ഷയില് വ്യക്തമാക്കിയിരുന്നതെന്ന് സംസ്ഥാന എക്സൈസ് വിഭാഗം പറയുന്നു.വിവരാവകാശ നിയമപ്രകാരമാണ് റോഡ്രിഗസ് വിവരങ്ങള് ശേഖരിച്ചത്. സില്ലി സോള്സ് കഫേ ആന്റ് ബാറിന് സംസ്ഥാനത്ത് പ്രവര്ത്തിക്കുന്നതിന് റസ്റ്ററന്റ് ലൈസന്സ് ഇല്ലെന്നും അഭിഭാഷകനായ റോഡ്രിഗസ് പറയുന്നു.
india
സിഖ് വിദ്യാര്ഥികളോട് തലപ്പാവും കൃപാണും ധരിക്കരുതെന്ന് യു.പിയിലെ സ്കൂള്
ലഖ്നൗ: ഉത്തര്പ്രദേശിലെ സ്കൂളല് സിഖ് വിദ്യാര്ഥികളോട് തലപ്പാവും കൃപാണും ധരിക്കരുതെന്ന് ആവശ്യപ്പെട്ട സംഭവത്തില് ശക്തമായ പ്രതിഷേധം അറിയിച്ച് പ്രമുഖ സിഖ് മത നേതൃത്വമായ ശിരോമണി ഗുരുദ്വാര പര്ബന്ധക് കമ്മിറ്റി (എസ്.ജി.പി.സി). രാജസ്ഥാനിലെ അല്വാര് ജില്ലയില് അജ്ഞാതര് സിഖ് പുരോഹിതനെ മര്ദിക്കുകയും മുടി മുറിക്കുകയും ചെയ്ത സംഭവത്തെയും സിഖുകാരുടെ പരമോന്നത മതസംഘടന അപലപിച്ചു.
വ്യാഴാഴ്ച ഉത്തര്പ്രദേശിലെ ബറേലിയിലെ സിഖ് സമുദായാംഗങ്ങള് സ്കൂള് മാനേജ്മെന്റിന്റെ ഉത്തരവിനെതിരെ പ്രതിഷേധിച്ചിരുന്നു. ഉത്തരവ് പാലിക്കാത്തതിനാല് കുട്ടികളോട് സ്കൂളിലേക്ക് പ്രവേശിക്കരുതെന്ന് പറഞ്ഞതായും അവര് ആരോപിച്ചു.
india
ഇന്ത്യയില് ഒരു ഡോസ് വാക്സിന് പോലും എടുക്കാതെ 4 കോടി ആളുകള്
കേന്ദ്ര ആരോഗ്യ മന്ത്രാലയത്തിന്റെ കണക്കനുസരിച്ച് ഇന്ത്യയില് 98 ശതമാനം പേര്ക്കും കുറഞ്ഞത് ഒരു ഡോസ് വാക്സിനെങ്കിലും ലഭിച്ചിട്ടുണ്ട്.
ന്യൂഡല്ഹി: ഇന്ത്യയില് യോഗ്യരായ നാലു കോടി ആളുകള് ഇതുവരെ ഒരു ഡോസ് വാക്സിന് പോലും സ്വീകരിച്ചിട്ടില്ലെന്ന് കേന്ദ്ര ആരോഗ്യ സഹമന്ത്രി ഭാരതി പ്രവീണ് പവാര്. ജൂലൈ 18 വരെ സര്ക്കാര് കോവിഡ് വാക്സിനേഷന് സെന്ററുകളില് 1,78,38,52,566 വാക്സിന് ഡോസുകള് സൗജന്യമായി നല്കിയിട്ടുണ്ടെന്നും രേഖാമൂലമുള്ള മറുപടിയില് വ്യക്തമാക്കി.
കേന്ദ്ര ആരോഗ്യ മന്ത്രാലയത്തിന്റെ കണക്കനുസരിച്ച് ഇന്ത്യയില് 98 ശതമാനം പേര്ക്കും കുറഞ്ഞത് ഒരു ഡോസ് വാക്സിനെങ്കിലും ലഭിച്ചിട്ടുണ്ട്. 90 ശതമാനം പേര് പൂര്ണമായി വാക്സിന് എടുത്തിട്ടുണ്ടെന്നും കണക്കില് പറയുന്നു.
-
Video Stories7 years ago
കൊടിഞ്ഞിയില് കൊല്ലപ്പെട്ട ഫൈസലിന്റ കഫീല് അബ്ദുല്ല അല്മുഹാവിസിന്റെ വാക്കുകള് വൈറലാവുന്നു
-
Culture7 years ago
അനസ്തേഷ്യയില്ലാത്ത ശസ്ത്രക്രിയയില് ഖുര്ആന് ഉരുവിട്ട് കുഞ്ഞ്; വാര്ത്ത വായിക്കുമ്പോള് വിതുമ്പിക്കരഞ്ഞ് അവതാരകന്
-
More7 years ago
ഭോപ്പാല് വിവാദ ഏറ്റുമുട്ടല്; കൂടുതല് തെളിവുകളോടെ മൂന്നാമത്തെ വീഡിയോ പുറത്ത്
-
More7 years ago
‘മകളെ കൊണ്ട് കള്ളം പറയിച്ചു’ ദിലീപ്-കാവ്യ വിവാഹത്തില് മഞ്ജുവിന്റെ പ്രതികരണം
-
Culture7 years ago
വഴിയോര കച്ചവടങ്ങളിലെ ബിരിയാണിയില് പൂച്ച മാംസം
-
Culture5 years ago
വീട്ടമ്മയുടെ നഗ്നദൃശ്യങ്ങള് ഭര്ത്താവിന് വാട്സ് ആപ്പില്; പ്രതിയെ കണ്ട് ഞെട്ടി പൊലീസും വീട്ടുകാരും
-
Culture7 years ago
‘സോനു നിഗം പ്രിയങ്കയില് നിന്നു പഠിക്കണം; ബാങ്കുവിളിയെക്കുറിച്ചുള്ള അധിക്ഷേപത്തിന് ശേഷം പ്രിയങ്കയുടെ ബാങ്കുവിളി പരാമര്ശം വൈറല്
-
Culture7 years ago
അണികളില് നിന്ന് ‘മുര്ദാബാദ് വിളി’; അസ്വസ്ഥനായി മോദി – മാധ്യമങ്ങള് കണ്ടില്ലെന്ന് നടിച്ച വീഡിയോ