india
ആണവ വിമുക്ത ലോകമെന്ന സ്വപ്നം ഉയര്ത്തിപ്പിടിക്കണം: ഇ.ടി
ആണവ വിമുക്തമായ ലോകം എന്ന ഉദാത്തമായ സ്വപ്നമാണ് എക്കാലത്തും ഇന്ത്യ പുലര്ത്തി പോന്നതെന്ന് മുസ്ലിം ലീഗ് പാര്ലമെന്ററി പാര്ട്ടി ലീഡറും ദേശീയ ഓര്ഗനൈസിങ് സെക്രട്ടറിയുമായ ഇ.ടി മുഹമ്മദ് ബഷീര് എംപി. പാര്ലമെന്റില്
ന്യൂഡല്ഹി: ആണവ വിമുക്തമായ ലോകം എന്ന ഉദാത്തമായ സ്വപ്നമാണ് എക്കാലത്തും ഇന്ത്യ പുലര്ത്തി പോന്നതെന്ന് മുസ്ലിം ലീഗ് പാര്ലമെന്ററി പാര്ട്ടി ലീഡറും ദേശീയ ഓര്ഗനൈസിങ് സെക്രട്ടറിയുമായ ഇ.ടി മുഹമ്മദ് ബഷീര് എംപി. പാര്ലമെന്റില് നിയമ ഭേദഗതി ബില്ലിന്റെ ചര്ച്ചയില് സംസാരിക്കുകയായിരുന്നു അദ്ദേഹം.
ഇന്ത്യക്ക് ഏതു കാലത്തും സ്ഥിരവും സുവ്യക്തവുമായ നിലപാടാണ് ന്യൂക്ലിയര് ശക്തികളോട് ഉണ്ടായിരുന്നത്. ന്യൂക്ലിയര് ശക്തിയും സമ്പത്തും രാജ്യത്തിന്റെ സുരക്ഷയ്ക്കും പുരോഗതിക്കും ഉപയോഗപ്പെടുത്തണം. ഇത് ദുരുപയോഗപ്പെടുത്തുന്നതിനെ പാടെ എതിര്ക്കുകയാണ് ഇന്ത്യ ചെയ്തിരുന്നത്. സൗഹൃദത്തിന്റെയും സ്നേഹത്തിന്റെയും അടിസ്ഥാന പ്രമാണങ്ങളിലൂടെ രാഷ്ട്രീയ നന്മയ്ക്കും ലോക സമാധാനത്തിനും വേണ്ടിയുള്ള വിട്ടുവീഴ്ചയില്ലാത്ത സമീപനമാണ് പൂര്വികരായ നേതാക്കന്മാര് രാജ്യത്തിന് സമര്പ്പിച്ചിട്ടുള്ളതെന്നും അവരോട് എക്കാലത്തും കടപ്പാട് ഉണ്ടാകണം. 1988 ല് ന്യൂയോര്ക്കില് ചേര്ന്ന ഐക്യരാഷ്ട്രസഭയുടെ ജനറല് കൗണ്സിലില് അന്നത്തെ പ്രധാനമന്ത്രി രാജീവ് ഗാന്ധി ഈ ആശയം നടപ്പാക്കുന്നതിനു വേണ്ടി വിശദമായ കര്മപദ്ധതി തന്നെ അവതരിപ്പിച്ചു. ഇതുസംബന്ധിച്ച് 2005 ല് അന്നത്തെ യു.പി. എ ഗവണ്മെന്റ് പാര്ലമെന്റില് വിഷയം കൊണ്ടുവരികയും അത് വിദേശകാര്യ മന്ത്രിയായിരുന്ന നട്വര്സിങ് അവതരിപ്പിക്കുകയും ചെയ്തു.
രാസ,ജൈവായുധങ്ങള് ആയിരുന്നാലും ടോക്സിന് ആയുധങ്ങളായിരുന്നാലും ശക്തമായ നിലപാട് നമ്മള് എടുത്തിട്ടുണ്ട്. നമ്മുടെ രാജ്യം പൂര്വകാല നേതാക്കളോട് കടപ്പെട്ടിരിക്കുകയാണ്. അവരുടെ ദീര്ഘവീക്ഷണം അത്രയ്ക്ക് വലുതായിരുന്നു. എല്ലാവരും സഹവര്ത്തിത്വത്തോടെ കഴിയണമെന്നും ലോകസമാധാനം നിലനില്ക്കണമെന്നുമുള്ള വിട്ടുവീഴ്ചയില്ലാത്ത സമീപനത്തിലൂടെയാണ്നനമുക്ക് നേട്ടങ്ങള് കൈവരിക്കാന് കഴിഞ്ഞിട്ടുള്ളത്. ഇത്തരം സംഗതികളില് ഇന്ത്യക്ക് കൃത്യമായ ഭരണസംവിധാനത്തിലുള്ള അടിത്തറ തന്നെയുണ്ട്. ന്യൂക്ലിയര് ആയുധം ഏതെങ്കിലും യുദ്ധത്തിന് ഉപയോഗിക്കുമോയെന്നു ലോകം തന്നെ ഭയപ്പാടിലാണ്.
മാത്രമല്ല അത് ഒരിക്കല് സംഭവിക്കുകയാണെങ്കില് ലോകത്തിന്റെ സ്ഥിതി എന്താകുമെന്നും ഇന്ന് ജീവിക്കുന്ന മനുഷ്യര്ക്കും ഭാവി തലമുറക്കും എന്തെല്ലാം വിപത്തുകള് അത് വരുത്തിവെക്കുമെന്ന കാര്യം ഗൗരവമായി നമ്മള് ആലോചിക്കണം. അത് ഉണ്ടാക്കാന് പോകുന്ന നാശനഷ്ടങ്ങളെ നാം അമ്പരപ്പോടെ നോക്കിക്കാണുകയാണ്.
ഐക്യരാഷ്ട്രസഭയുടെ 1540-ാം പ്രമേയ പ്രകാരം ഇത്തരം ശക്തികള്ക്ക് ഏതുവിധ സഹായം ചെയ്തു കൊടുക്കുന്നതും പാടില്ലാത്ത താണ്. ഇതിനെതിരായിട്ടുള്ള ശക്തമായ നിലപാടെടുക്കാന് എല്ലാ രാഷ്ട്രങ്ങളും ബാധ്യസ്ഥരാണ്. ഈ ബില്ലില് കൂട്ടിച്ചേര്ക്കുന്നത് ചെറിയൊരു ഭേദഗതി ആണെങ്കില് പോലും ഈ ബില്ലിന് വളരെ നിര്ണായകമായ ദൗത്യം നിര്വഹിക്കാനുണ്ട്. ഇത്തരം രാസായുധങ്ങളും ജൈവായുധങ്ങളുമെല്ലാം രാജ്യത്തിന് അകത്ത് തന്നെയുള്ള തീവ്രവാദ ശക്തികളുടെ കയ്യില് പെട്ടിരിക്കുന്നുവോ എന്ന് പോലും സംശയം ഉയര്ന്നുവരികയാണ്.
ഇങ്ങനെ ഒരു നിയമം കൊണ്ടു വരുമ്പോള് അതിനെ ദുരുപയോഗപ്പെടുത്തുന്നതിനെയും കരുതിയിരിക്കണം. അത്തരം കാര്യങ്ങള് ചര്ച്ചയില് ഇതിനു മുന്പ് പങ്കുവച്ചിരുന്നു. അക്കാര്യത്തിലും ഗവണ്മെന്റ് ജാഗ്രത പാലിക്കണം. ഈ ബില്ല് ഐക്യകണ്ഠേന തന്നെ പാസാക്കാമെന്നും ഇ.ടി കൂട്ടിച്ചേര്ത്തു.
india
സ്മൃതിയുടെ മകളുടെ റസ്റ്റോറന്റിന്റെ മദ്യ ലൈസന്സ് അനധികൃതം
വടക്കന് ഗോവയില് കേന്ദ്രമന്ത്രി സ്മൃതി ഇറാനിയുടെ മകളുടെ പേരിലുള്ള റസ്റ്ററന്റിന് മദ്യ ലൈസന്സ് ലഭിച്ചത് അനധികൃതമാണെന്ന് റിപ്പോര്ട്ട്.
പനജി: വടക്കന് ഗോവയില് കേന്ദ്രമന്ത്രി സ്മൃതി ഇറാനിയുടെ മകളുടെ പേരിലുള്ള റസ്റ്ററന്റിന് മദ്യ ലൈസന്സ് ലഭിച്ചത് അനധികൃതമാണെന്ന് റിപ്പോര്ട്ട്. മരിച്ചയാളുടെ പേരിലാണ് ലൈസന്സ് പുതുക്കിയതെന്നാണ് ആരോപണം. ഇതേത്തുടര്ന്ന് ഗോവ എക്സൈസ് കമ്മിഷണര് നാരായണ് എം. ഗാഡ് ലൈസന്സ് റദ്ദാക്കാതിരിക്കണമെങ്കില് കാരണം കാണിക്കണമെന്ന് ആവശ്യപ്പെട്ട് നോട്ടീസ് അയച്ചിരിക്കുകയാണ്.
ഗോവയിലെ അസന്ഗൗവിലാണ് സ്മൃതിയുടെ മകള് സോയിഷ് ഇറാനിയുടെ പോഷ് റസ്റ്ററന്റായ സില്ലി സോള്സ് കഫേ ആന്റ് ബാര് ഉള്ളത്. ബാറിനുള്ള ലൈസന്സ് കൃത്രിമ രേഖകള് നല്കിയാണ് ഉടമകള് കൈവശപ്പെടുത്തിയതെന്ന് അഭിഭാഷകനായ എയ്റിസ് റോഡ്രിഗസ് നല്കിയ പരാതിയിലാണ് ജൂലൈ 21ന് എക്സൈസ് കമ്മിഷണര് നോട്ടിസ് അയച്ചത്. വിഷയം ജൂലൈ 29ന് കോടതി പരിഗണിക്കും.
കഴിഞ്ഞമാസമാണ് ലൈസന്സ് പുതുക്കിയത്. എന്നാല് ലൈസന്സിന്റെ ഉടമ ആയിരുന്ന ആന്തണി ഡിഗാമ 2021 മേയ് 17ന് അന്തരിച്ചിരുന്നു. ഡിഗാമയുടെ ആധാര് കാര്ഡിലെ വിവരം അനുസരിച്ച് മുംബൈയിലെ വിലേ പാര്ലെയിലെ താമസക്കാരനാണിയാള്. ഇയാളുടെ മരണ സര്ട്ടിഫിക്കറ്റ് മുംബൈ മുനിസിപ്പല് കോര്പ്പറേഷനില്നിന്ന് റോഡ്രിഗസിന് ലഭിച്ചിട്ടുമുണ്ട്.
ആറുമാസത്തിനുള്ളില് ലൈസന്സ് ട്രാന്സ്ഫര് ചെയ്യുമെന്നാണ് അപേക്ഷയില് വ്യക്തമാക്കിയിരുന്നതെന്ന് സംസ്ഥാന എക്സൈസ് വിഭാഗം പറയുന്നു.വിവരാവകാശ നിയമപ്രകാരമാണ് റോഡ്രിഗസ് വിവരങ്ങള് ശേഖരിച്ചത്. സില്ലി സോള്സ് കഫേ ആന്റ് ബാറിന് സംസ്ഥാനത്ത് പ്രവര്ത്തിക്കുന്നതിന് റസ്റ്ററന്റ് ലൈസന്സ് ഇല്ലെന്നും അഭിഭാഷകനായ റോഡ്രിഗസ് പറയുന്നു.
india
സിഖ് വിദ്യാര്ഥികളോട് തലപ്പാവും കൃപാണും ധരിക്കരുതെന്ന് യു.പിയിലെ സ്കൂള്
ലഖ്നൗ: ഉത്തര്പ്രദേശിലെ സ്കൂളല് സിഖ് വിദ്യാര്ഥികളോട് തലപ്പാവും കൃപാണും ധരിക്കരുതെന്ന് ആവശ്യപ്പെട്ട സംഭവത്തില് ശക്തമായ പ്രതിഷേധം അറിയിച്ച് പ്രമുഖ സിഖ് മത നേതൃത്വമായ ശിരോമണി ഗുരുദ്വാര പര്ബന്ധക് കമ്മിറ്റി (എസ്.ജി.പി.സി). രാജസ്ഥാനിലെ അല്വാര് ജില്ലയില് അജ്ഞാതര് സിഖ് പുരോഹിതനെ മര്ദിക്കുകയും മുടി മുറിക്കുകയും ചെയ്ത സംഭവത്തെയും സിഖുകാരുടെ പരമോന്നത മതസംഘടന അപലപിച്ചു.
വ്യാഴാഴ്ച ഉത്തര്പ്രദേശിലെ ബറേലിയിലെ സിഖ് സമുദായാംഗങ്ങള് സ്കൂള് മാനേജ്മെന്റിന്റെ ഉത്തരവിനെതിരെ പ്രതിഷേധിച്ചിരുന്നു. ഉത്തരവ് പാലിക്കാത്തതിനാല് കുട്ടികളോട് സ്കൂളിലേക്ക് പ്രവേശിക്കരുതെന്ന് പറഞ്ഞതായും അവര് ആരോപിച്ചു.
india
ഇന്ത്യയില് ഒരു ഡോസ് വാക്സിന് പോലും എടുക്കാതെ 4 കോടി ആളുകള്
കേന്ദ്ര ആരോഗ്യ മന്ത്രാലയത്തിന്റെ കണക്കനുസരിച്ച് ഇന്ത്യയില് 98 ശതമാനം പേര്ക്കും കുറഞ്ഞത് ഒരു ഡോസ് വാക്സിനെങ്കിലും ലഭിച്ചിട്ടുണ്ട്.
ന്യൂഡല്ഹി: ഇന്ത്യയില് യോഗ്യരായ നാലു കോടി ആളുകള് ഇതുവരെ ഒരു ഡോസ് വാക്സിന് പോലും സ്വീകരിച്ചിട്ടില്ലെന്ന് കേന്ദ്ര ആരോഗ്യ സഹമന്ത്രി ഭാരതി പ്രവീണ് പവാര്. ജൂലൈ 18 വരെ സര്ക്കാര് കോവിഡ് വാക്സിനേഷന് സെന്ററുകളില് 1,78,38,52,566 വാക്സിന് ഡോസുകള് സൗജന്യമായി നല്കിയിട്ടുണ്ടെന്നും രേഖാമൂലമുള്ള മറുപടിയില് വ്യക്തമാക്കി.
കേന്ദ്ര ആരോഗ്യ മന്ത്രാലയത്തിന്റെ കണക്കനുസരിച്ച് ഇന്ത്യയില് 98 ശതമാനം പേര്ക്കും കുറഞ്ഞത് ഒരു ഡോസ് വാക്സിനെങ്കിലും ലഭിച്ചിട്ടുണ്ട്. 90 ശതമാനം പേര് പൂര്ണമായി വാക്സിന് എടുത്തിട്ടുണ്ടെന്നും കണക്കില് പറയുന്നു.
-
Video Stories7 years ago
കൊടിഞ്ഞിയില് കൊല്ലപ്പെട്ട ഫൈസലിന്റ കഫീല് അബ്ദുല്ല അല്മുഹാവിസിന്റെ വാക്കുകള് വൈറലാവുന്നു
-
Culture7 years ago
അനസ്തേഷ്യയില്ലാത്ത ശസ്ത്രക്രിയയില് ഖുര്ആന് ഉരുവിട്ട് കുഞ്ഞ്; വാര്ത്ത വായിക്കുമ്പോള് വിതുമ്പിക്കരഞ്ഞ് അവതാരകന്
-
More8 years ago
ഭോപ്പാല് വിവാദ ഏറ്റുമുട്ടല്; കൂടുതല് തെളിവുകളോടെ മൂന്നാമത്തെ വീഡിയോ പുറത്ത്
-
More7 years ago
‘മകളെ കൊണ്ട് കള്ളം പറയിച്ചു’ ദിലീപ്-കാവ്യ വിവാഹത്തില് മഞ്ജുവിന്റെ പ്രതികരണം
-
Culture8 years ago
വഴിയോര കച്ചവടങ്ങളിലെ ബിരിയാണിയില് പൂച്ച മാംസം
-
Culture5 years ago
വീട്ടമ്മയുടെ നഗ്നദൃശ്യങ്ങള് ഭര്ത്താവിന് വാട്സ് ആപ്പില്; പ്രതിയെ കണ്ട് ഞെട്ടി പൊലീസും വീട്ടുകാരും
-
Culture7 years ago
‘സോനു നിഗം പ്രിയങ്കയില് നിന്നു പഠിക്കണം; ബാങ്കുവിളിയെക്കുറിച്ചുള്ള അധിക്ഷേപത്തിന് ശേഷം പ്രിയങ്കയുടെ ബാങ്കുവിളി പരാമര്ശം വൈറല്
-
Culture7 years ago
അണികളില് നിന്ന് ‘മുര്ദാബാദ് വിളി’; അസ്വസ്ഥനായി മോദി – മാധ്യമങ്ങള് കണ്ടില്ലെന്ന് നടിച്ച വീഡിയോ