Culture
പരസ്യപ്രചാരണത്തിന് ഇന്ന് കൊടിയിറങ്ങും; 116 മണ്ഡലങ്ങള് ബൂത്തിലേക്ക്
ലോക്സഭാ തെരഞ്ഞെടുപ്പിനുള്ള പരസ്യ പ്രചാരണത്തിന് ഇന്ന് വൈകിട്ട് ആറിന് തിരിശ്ശീല വീഴും. പിന്നെയുള്ള മണിക്കൂറുകള് നിശബ്ദ പ്രചരണത്തിന്റേതാണ്. നാളെക്കഴിഞ്ഞാല് കേരളം വിധി എഴുതും. രാവിലെ ഏഴു മുതല് വൈകിട്ട് ആറ് വരെയാണ് പോളിങ്.
വോട്ടെടുപ്പിനുള്ള ഒരുക്കങ്ങളെല്ലാം പൂര്ത്തിയായതായി മുഖ്യ തെരഞ്ഞെടുപ്പ് ഓഫീസര് ടീക്കാറാം മീണ വാര്ത്താസമ്മളേനത്തില് അറിയിച്ചു. ആകെ 2,61,51,534 വോട്ടര്മാരാണ് സംസ്ഥാനത്തുള്ളത്. ഇതില് 1,34,66,521 പേര് സ്ത്രീ വോട്ടര്മാരാണ്. 1,26,84,839 പുരുഷ വോട്ടര്മാരും. 174 ട്രാന്സ്ജെന്ഡര് വോട്ടര്മാരുമുണ്ട്. മലപ്പുറത്താണ് കൂടുതല് വോട്ടര്മാര്- 31,36,191. കുറവ് വയനാട്, 5,94,177.
20 മണ്ഡലങ്ങളിലായി 227 സ്ഥാനാര്ത്ഥികളാണ് ജനവിധി തേടുന്നത്. ഇതില് 23 വനിതകളുണ്ട്. കണ്ണൂരിലാണ് വനിതാ സ്ഥാനാര്ത്ഥികള് കൂടുതല്- അഞ്ചു പേര്.
24,970 പോളിങ് സ്റ്റേഷനുകളാണ് സംസ്ഥാനത്ത് ക്രമീകരിച്ചിട്ടുള്ളത്. കുറ്റ്യാടി, ആലത്തൂര്, കുന്ദമംഗലം എന്നിവിടങ്ങളില് ഓക്സിലറി പോളിങ് ബൂത്തുകളുണ്ട്. മലപ്പുറത്താണ് ഏറ്റവും കൂടുതല് പോളിങ് ബൂത്തുകള്- 2750. കുറവ് വയനാട് – 575. 867 മോഡല് പോളിങ് സ്റ്റേഷനുകളുണ്ട്. 35,193 വോട്ടിങ് മെഷീനുകളാണ് തെരഞ്ഞെടുപ്പിനായി ഒരുക്കിയിട്ടുള്ളത്. 32,746 കണ്ട്രോള് യൂണിറ്റുകളും 44,427 ബാലറ്റ് യൂണിറ്റുകളുമാണുള്ളത്. 16ല് കൂടുതല് സ്ഥാനാര്ത്ഥികളുള്ളതിനാല് ആറ്റിങ്ങല്, വയനാട്, തിരുവനന്തപുരം മണ്ഡലങ്ങളില് രണ്ട് ബാലറ്റ് യൂണിറ്റുകള് വീതം ഉപയോഗിക്കും.
57 കമ്പനി കേന്ദ്ര സേനയെയാണ്് കേരളത്തില് സുരക്ഷയ്ക്കായി നിയോഗിച്ചിരിക്കുന്നത്. പോളിങ് ജോലികള്ക്ക് 1,01,140 ഉദ്യോഗസ്ഥരെയും നിയോഗിച്ചിട്ടുണ്ട്. 1670 സെക്ടറല് ഓഫീസര്മാരും 33,710 പ്രിസൈഡിംഗ് ഓഫീസര്മാരുമുണ്ട്. 23ന് രാവിലെ ഏഴു മുതല് വൈകിട്ട് ആറ് വരെയാണ് പോളിങ്. രാവിലെ ആറിന് മോക്ക് പോള് നടക്കും. വോട്ടര് തിരിച്ചറിയല് കാര്ഡ് ഇല്ലാത്ത വോട്ടര്മാര്ക്ക് ഫോട്ടോ പതിച്ച 11 തിരിച്ചറിയല് രേഖകളിലൊന്ന് ഹാജരാക്കിയാല് വോട്ട് ചെയ്യാം.
മെയ് 23നാണ് രാജ്യത്തൊട്ടാകെ തെരഞ്ഞെടുപ്പ് ഫലം പുറത്തുവരുന്നത്. സംസ്ഥാനത്ത് 55 വോട്ടെണ്ണല് കേന്ദ്രങ്ങളുണ്ടാവും. 257 സ്ട്രോങ് റൂമുകളാണുള്ളത്. 2310 കൗണ്ടിങ് സൂപ്പര്വൈസര്മാരെയും നിയോഗിക്കും. ഒരു നിയമസഭാ മണ്ഡലത്തിലെ അഞ്ച് പോളിങ് ബൂത്തുകളില് വീതം വിവിപാറ്റ് എണ്ണും. സ്്രേടാങ് റൂമുകള്ക്ക് 12 കമ്പനി സി. ആര്. പി. എഫ് സുരക്ഷ ഒരുക്കും. കൂടുതല് സേന ഇതിനായി വേണ്ടിവരുമെന്നും മൂന്നുനിര സുരക്ഷയാണ് ഒരുക്കുകയെന്നും മുഖ്യ തിരഞ്ഞെടുപ്പ് ഓഫീസര് പറഞ്ഞു.
ന്യൂഡല്ഹി: കേരളത്തിലെ 20 ലോക്സഭാ മണ്ഡലങ്ങള് ഉള്പ്പെടെ മൂന്നാംഘട്ടത്തില് ബൂത്തിലെത്തുന്നത് 116 മണ്ഡലങ്ങള്. 13 സംസ്ഥാനങ്ങളിലും രണ്ട് കേന്ദ്ര ഭരണ പ്രദേശങ്ങളിലുമായാണ് ഇത്രയും മണ്ഡലങ്ങള് വിധിയെഴുതുക. 115 മണ്ഡലമാണ് രണ്ടാം ഘട്ടത്തില് നിശ്ചയിച്ചിരുന്നതെങ്കിലും രണ്ടാംഘട്ടത്തില് വോട്ടെടുപ്പ് നടക്കേണ്ടിയിരുന്ന ത്രിപുരയിലെ ഒരു മണ്ഡലത്തിലെ വോട്ടെടുപ്പ് 23ലേക്ക് മാറ്റിയിരുന്നു. ഗുജറാത്തിലും (26 മണ്ഡലങ്ങള്) കേരളത്തിലുമാണ് (20) സമ്പൂര്ണ ജനവിധി നടക്കുന്നത്. മഹാരാഷ്ട്ര, കര്ണാടക (14 വീതം), ഉത്തര്പ്രദേശ് (10), ഛത്തീസ്ഗഡ് (ഏഴ്), ഒഡീഷ (ആറ്), ബിഹാര്, പശ്ചിമബംഗാള് (അഞ്ചു വീതം), അസം (നാല്), ഗോവ (രണ്ട്), ജമ്മുകശ്മീര്, ദാദ്ര ആന്റ് നാഗര്ഹവേലി, ദാമന് ദിയു, ത്രിപുര (ഒന്നു വീതം) എന്നിങ്ങനെയാണ് നാളെ ബൂത്തിലെത്തുന്ന മറ്റു സംസ്ഥാനങ്ങളിലെ കണക്ക്. ഇവിടെയെല്ലാം പരസ്യപ്രചാരണത്തിന് ഇന്ന് തിരശ്ശീല വീഴും.
ഏപ്രില് 11ന് നടന്ന ആദ്യ ഘട്ട വോട്ടെടുപ്പില് 91ഉം 18ന് നടന്ന രണ്ടാംഘട്ട വോട്ടെടുപ്പില് 95ഉം മണ്ഡലങ്ങളാണ് വിധിയെഴുതിയത്. രണ്ടാംഘട്ടത്തില് നടക്കേണ്ടിയിരുന്ന തമിഴ്നാട്ടിലെ വെല്ലൂര് ലോക്സഭാ മണ്ഡലത്തിലെ ജനവിധി ക്രമക്കേടുകള് കാരണം റദ്ദാക്കിയിരുന്നു. മെയ് 23നാണ് വോട്ടെണ്ണല്.
നടന് ഷമ്മിതിലകനെ അമ്മ സംഘടനയില് നിന്ന് പുറത്താക്കി. അച്ചടക്ക ലംഘനത്തെ തുടര്ന്നാണ് നടപടി. ഇന്ന് കൊച്ചിയില് നടന്ന ജനറല് ബോഡി യോഗത്തിലാണ് തീരുമാനം.
കഴിഞ്ഞ യോഗത്തില് ഷമ്മിതിലകന് ചില ദൃശ്യങ്ങള് ചിത്രീകരിച്ചിരുന്നു. ഇത് വിവാദമായതിനെത്തുടര്ന്ന് നടനോട് സംഘടന വിശദീകരണം ആവശ്യപ്പെട്ടിരുന്നു. എന്നാല് വിശദീകരണം നല്കാന് തയ്യാറാകാത്ത സാഹചര്യത്തിലാണ്് പുറത്താക്കല് നടപടി ഉണ്ടായിരിക്കുന്നത്.
Culture
സി.എച്ച് ചെയര് ഇന്ന് പുതിയ കെട്ടിടത്തിലേക്ക്
കാലിക്കറ്റ് സര്വകലാശാലയിലെ സി.എച്ച് മുഹമ്മദ് കോയ ചെയര് ഫോര് സ്റ്റഡീസ് ഓണ് ഡവലപിംഗ് സൊസൈറ്റീസ്ഇന്ന് പുതിയ കെട്ടിടത്തിലേക്ക്.
കോഴിക്കോട്: കാലിക്കറ്റ് സര്വകലാശാലയിലെ സി.എച്ച് മുഹമ്മദ് കോയ ചെയര് ഫോര് സ്റ്റഡീസ് ഓണ് ഡവലപിംഗ് സൊസൈറ്റീസ്ഇന്ന് പുതിയ കെട്ടിടത്തിലേക്ക്. 2011 ല് പ്രവര്ത്തനമാരംഭിച്ച ചെയര് ഇത് വരെറോഡരികിലെ പഴയ കെട്ടിടത്തില് പ്രവര്ത്തിച്ച് വരികയായിരുന്നു. കാമ്പസില് പരീക്ഷാ ഭവന് പിറകില് ഗസ്റ്റ് ഹൗസിന് സമീപമാണ് പുതിയ കെട്ടിടം. ഇ.അഹമദ്, പി.കെ കുഞ്ഞാലിക്കുട്ടി, പി.വി അബ്ദുല് വഹാബ് എന്നിവരുടെ എം.പി ഫണ്ടില് നിന്ന് 65 ലക്ഷം രൂപ ചെലവഴിച്ചാണ് മൂന്ന് നിലയില് വിഭാവനം ചെയ്ത കെട്ടിടത്തിന്റെ ഒരു നിലയും ബേസ്മെന്റ് ഏരിയയുമാണ് പൂര്ത്തിയാക്കിയത്.
2004 ല് പാണക്കാട് ഹൈദരലി ശിഹാബ് തങ്ങള് ചെയര്മാനും അഷ്റഫ് തങ്ങള് ജനറല് സെക്രട്ടറിയുമായി രൂപീകരിച്ച ഗ്രെയ്സ് എജുക്കേഷണല് അസോസിയേഷനാണ് ചെയറിന്റെ ഡോണര് സംഘടന. ഇന്ന് വൈകിട്ട് 4 മണിക്ക് നടക്കുന്ന ചടങ്ങില് വൈസ് ചാന്സലര് ഡോ.എം.കെ ജയരാജ് അധ്യക്ഷത വഹിക്കും. പ്രതിപക്ഷ ഉപനേതാവ് പി.കെ കുഞ്ഞാലിക്കുട്ടി ഉദ്ഘാടനം ചെയ്യും. പി.വി അബ്ദുല് വഹാബ് എം.പി മുഖ്യപ്രഭാഷണം നടത്തും. പ്രമുഖ ചരിത്രകാരന് ഡോ. എം. ഗംഗാധരന്റെ പുസ്തകം കുടുംബാംഗങ്ങള് ചെയറിന് കൈമാറും. ഗവേണിംഗ് ബോഡി അംഗം ഡോ.എം.കെ മുനീര് എം.എല്.എ ഏറ്റുവാങ്ങും.
മൂന്ന് പദ്ധതികളോടെയാണ് ചെയര് പുതിയ കെട്ടിടത്തില് പ്രവര്ത്തിച്ച് തുടങ്ങുക. രാഷ്ട്രാന്തരീയ തലത്തിലെ അക്കാദമിഷ്യന്മാര്ക്കും ഗവേഷകര്ക്കും ഉപയോഗപ്പെടുത്താവുന്ന റിസര്ച്ച് ജേണല്, പഠന ഗവേഷണ സ്ഥാപനങ്ങളുമായി മെമ്മോറാണ്ടം ഓഫ് അണ്ടര്സ്റ്റാന്റിംഗ് ഒപ്പു വെയ്ക്കല്,അഫിര്മേറ്റീവ് ആക്ഷനും ഇന്ത്യന് ഭരണഘടനയും എന്ന വിഷയത്തിലുളള ഓണ്ലൈന് പ്രോഗ്രാം എന്നിവയാണിവ. ഹെരിറ്റേജ് ലൈബ്രറി ,സ്കൂള് ഓഫ് കമ്മ്യൂണിറ്റി. ഡവലപ്മെന്റ്, ഓറിയന്റേഷന് പ്രോഗ്രാമുകള്, ഫെലോഷിപ്പുകള് തുടങ്ങിയവയാണ് നിലവില് ചെയറിന്റെ പ്രവര്ത്തനങ്ങള്.
Culture
ജൂറി ഹോം സിനിമ കണ്ടിട്ടുണ്ടാകില്ല: വിമര്ശനവുമായി നടന് ഇന്ദ്രന്സ്
കുറ്റവാളി നിരപരാധിയാണെന്ന് തെളിഞ്ഞാല് ജൂറി വീണ്ടും സിനിമ കാണുമോയെന്നും ഇന്ദ്രന്സ് ചോദിച്ചു.
ചലച്ചിത്ര അവാര്ഡ് വിവാദത്തില് മാധ്യമങ്ങളോട് പ്രതികരണം നടത്തി നടന് ഇന്ദ്രന്സ്. സംസ്ഥാന ചലച്ചിത്ര പുരസ്കാര ജൂറി ‘ഹോം’ സിനിമ കണ്ടുകാണില്ല. തനിക്ക് അവാര്ഡ് ലഭിക്കാത്തതില് വിഷമമില്ല. എന്നാല് ഹോം സിനിമക്ക് അവാര്ഡ് പ്രതീക്ഷിച്ചെന്ന് ഇന്ദ്രന്സ് പറഞ്ഞു.
ഹോമിനെ തഴഞ്ഞതിനും, ചിത്രത്തിലെ പ്രകടനത്തിന് ഇന്ദ്രന്സിനെ മികച്ച നടനുള്ള പുരസ്കാരത്തിന് പരിഗണിക്കാതിരുന്നതിലും സമൂഹമാധ്യമങ്ങളില് വിമര്ശനം ശക്തമായ പശ്ചാത്തലത്തിലാണ് അദ്ദേഹത്തിന്റെ പ്രതികരണം.
ഹൃദയം സിനിമയും മികച്ചതാണെന്നും അതോടോപ്പം ചേര്ത്തുവക്കേണ്ട സിനിമായാണ് ഹോമെന്നും അദ്ദേഹം പറഞ്ഞു. സിനിമയെ ഒഴിവാക്കാന് നേരത്തേ കാരണം കണ്ടുവച്ചിട്ടുണ്ടാകാം. വിജയ്ബാബുവിനെതിരായ കേസും കാരണമായേക്കാം. കുറ്റവാളി നിരപരാധിയാണെന്ന് തെളിഞ്ഞാല് ജൂറി വീണ്ടും സിനിമ കാണുമോയെന്നും ഇന്ദ്രന്സ് ചോദിച്ചു.
-
Video Stories7 years ago
കൊടിഞ്ഞിയില് കൊല്ലപ്പെട്ട ഫൈസലിന്റ കഫീല് അബ്ദുല്ല അല്മുഹാവിസിന്റെ വാക്കുകള് വൈറലാവുന്നു
-
Culture7 years ago
അനസ്തേഷ്യയില്ലാത്ത ശസ്ത്രക്രിയയില് ഖുര്ആന് ഉരുവിട്ട് കുഞ്ഞ്; വാര്ത്ത വായിക്കുമ്പോള് വിതുമ്പിക്കരഞ്ഞ് അവതാരകന്
-
More8 years ago
ഭോപ്പാല് വിവാദ ഏറ്റുമുട്ടല്; കൂടുതല് തെളിവുകളോടെ മൂന്നാമത്തെ വീഡിയോ പുറത്ത്
-
More7 years ago
‘മകളെ കൊണ്ട് കള്ളം പറയിച്ചു’ ദിലീപ്-കാവ്യ വിവാഹത്തില് മഞ്ജുവിന്റെ പ്രതികരണം
-
Culture8 years ago
വഴിയോര കച്ചവടങ്ങളിലെ ബിരിയാണിയില് പൂച്ച മാംസം
-
Culture5 years ago
വീട്ടമ്മയുടെ നഗ്നദൃശ്യങ്ങള് ഭര്ത്താവിന് വാട്സ് ആപ്പില്; പ്രതിയെ കണ്ട് ഞെട്ടി പൊലീസും വീട്ടുകാരും
-
Culture7 years ago
‘സോനു നിഗം പ്രിയങ്കയില് നിന്നു പഠിക്കണം; ബാങ്കുവിളിയെക്കുറിച്ചുള്ള അധിക്ഷേപത്തിന് ശേഷം പ്രിയങ്കയുടെ ബാങ്കുവിളി പരാമര്ശം വൈറല്
-
Culture7 years ago
അണികളില് നിന്ന് ‘മുര്ദാബാദ് വിളി’; അസ്വസ്ഥനായി മോദി – മാധ്യമങ്ങള് കണ്ടില്ലെന്ന് നടിച്ച വീഡിയോ