gulf
അന്താരാഷ്ട്ര നഴ്സസ് ദിനത്തില് രണ്ട് ഗിന്നസ് റെക്കോര്ഡുകള് സ്വന്തമാക്കി യുഎഇ നഴ്സുമാര്
അന്താരാഷ്ട്ര നഴ്സസ് ദിനം അവിസ്മരണീയമാക്കി മിഡില് ഈസ്റ്റിലെയും ഇന്ത്യയിലെയും നഴ്സുമാര് അണിനിരന്നു രണ്ട് ഗിന്നസ് റെക്കോര്ഡുകള് കരസ്ഥമാക്കി.
അബുദാബി: അന്താരാഷ്ട്ര നഴ്സസ് ദിനം അവിസ്മരണീയമാക്കി മിഡില് ഈസ്റ്റിലെയും ഇന്ത്യയിലെയും നഴ്സുമാര് അണിനിരന്നു രണ്ട് ഗിന്നസ് റെക്കോര്ഡുകള് കരസ്ഥമാക്കി.കോവിഡ് കാലത്ത് സ്വന്തം ജീവന് പണയപ്പെടുത്തി പ്രവര്ത്തിച്ച നഴ്സുമാരെ ആദരിക്കാന് വിപിഎസ് ഹെല്ത്ത്കെയര് ഒരുക്കിയ പരിപാടിയാണ് ഗിന്നസില് ഇടം നേടിയത്.
വിപിഎസ് ഹെല്ത്ത്കെയറിന്റെ അബുദാബി, അല്ഐന്, ഷാര്ജ, ദുബായ് എന്നിവിടങ്ങളിലെ നഴ്സുമാര് ബുര്ജീല് മെഡിക്കല് സിറ്റിയില് പ്രത്യേകം സജ്ജീകരിച്ച വേദിയിലാണ് അണിനിരന്നത്. ഗിന്നസ് ഒഫീഷ്യലുകളുടെയും സ്വന്തന്ത്ര നിരീക്ഷകരുടെയും സാന്നിധ്യത്തിലായിരുന്നു റെക്കോര്ഡ് സംഗമം. മഹാമാരിക്കെതിരായ മുന്നണിയിലെ പോരാട്ടത്തിനിടെ ജീവന് നഷ്ടമായ ബുര്ജീല് നഴ്സ് ലെസ്ലി ഒറീന് ഒക്കാമ്പോയ്ക്ക് ആദരാഞ്ജലി അര്പ്പിച്ചുള്ള പ്രാര്ത്ഥനയോടെയാണ് സംഗമം തുടങ്ങിയത്.
നേരത്തെ 691 നഴ്സുമാര് ഒരു വേദിയില് യൂണിഫോമില് ഒത്തുചേര്ന്ന റെക്കോര്ഡാണ് 1600പേരുടെ ഒത്തുചേരലിലൂടെ തിരുത്തപ്പെട്ടത്. നഴ്സുമാരുടെ പ്രത്യേക ദിനത്തില് തന്നെ അവര് പുതിയ റെക്കോര്ഡ് എഴുതി ചേര്ത്തതില് ഏറെ സന്തോഷമുണ്ടെന്ന് റെക്കോര്ഡ് പ്രഖ്യാപിച്ചു കൊണ്ട് ഗിന്നസ് പ്രതിനിധി കന്സി എല് ഡെഫ്റാവി പറഞ്ഞു.നഴ്സുമാരുടെ നിസ്വാര്ത്ഥ സേവനങ്ങളെ സമൂഹം വ്യത്യസ്തമായി ആദരിക്കുന്നതിന് ഉദാഹരണമാണ് ഈ അംഗീകാരമെന്നും കന്സി കൂട്ടിച്ചേര്ത്തു.
ബുര്ജീല് മെഡിക്കല് സിറ്റിയിലെത്തിയ 1600 നഴ്സുമാര് നഴ്സിംഗ് തൊഴിലിന്റെ ആദര്ശങ്ങള് ഉയര്ത്തിപ്പിടിക്കുന്നതിനായെടുത്ത ഫ്ലോറന്സ് നൈറ്റിംഗള് പ്രതിജ്ഞയാണ് വേദിയില് പിറന്ന രണ്ടാമത്തെ ഗിന്നസ് റെക്കോര്ഡ്. എറ്റവും കൂടുതല് പേര് ഒരുമിച്ചെടുക്കുന്ന പ്രതിജ്ഞ എന്ന റെക്കോര്ഡാണിത്.തന്റെ 22 വര്ഷത്തെ സേവനത്തിനിടയില് മറക്കാനാവാത്ത ഒന്നാണിതെന്ന് വിപിഎസ് ഹെല്ത്ത്കെയര് ചീഫ് നഴ്സിംഗ് ഓഫീസര് റാണി എല്സ ഉമ്മന് പറഞ്ഞു.
നഴ്സുമാര് ലോകത്തിന് നല്കുന്ന അമൂല്യമായ സംഭാവനകള്ക്കുള്ള ആദരമാണ് ചടങ്ങെന്ന് വിപിഎസ് ഹെല്ത്ത്കെയര് ബിസിനസ് ഡെവലപ്മെന്റ് പ്രസിഡന്റ് ഒമ്രാന് അല് ഖൂരി പറഞ്ഞു. കോവിഡ് -19 നെതിരായ പോരാട്ടത്തിന്റെ മുന്നണിയിലുള്ള നഴ്സുമാരില് പലര്ക്കും രണ്ടുവര്ഷത്തെ ഇടവേളയ്ക്ക് ശേഷം ഇത്രയും വലിയ സംഗമത്തില് പങ്കെടുത്തത് പുതിയ അനുഭവമായി.
ഇത്രയേറെ നഴ്സുമാരെ ഒന്നിച്ചു ഒരേവേദിയില് കാണാനായതും നഴ്സിംഗ് സേവനത്തിന്റെ ആദര്ശങ്ങള് ഉയര്ത്തിപ്പിടിക്കുന്ന ഫ്ലോറന്സ് നൈറ്റിംഗള് പ്രതിജ്ഞ ഒറ്റക്കെട്ടായി ഏറ്റുചൊല്ലിയതും അനുഭൂതി പകര്ന്നതായി ബുര്ജീല് മെഡിക്കല് സിറ്റി ഇന്പേഷ്യന്റ് നഴ്സ് കെവിന് ബയാന് പറഞ്ഞു.
gulf
സഊദി സ്വീകരിക്കാനിരിക്കുന്നത് ഒരുകോടി ഉംറ തീര്ത്ഥാടകരെ
അടുത്ത ഹിജ്റ വര്ഷം ഉംറകര്മ്മം നിര്വഹിക്കാന് വിദേശങ്ങളില് നിന്ന് ഒരു കോടിയിലധികം തീര്ത്ഥാടകര് എത്തുമെന്ന് ദേശീയ ഹജ്ജ് ഉംറ കമ്മിറ്റി വൈസ് പ്രസിഡണ്ട് ഹാനി അല് ഉമൈരി അറിയിച്ചു.
അടുത്ത ഹിജ്റ വര്ഷം ഉംറകര്മ്മം നിര്വഹിക്കാന് വിദേശങ്ങളില് നിന്ന് ഒരു കോടിയിലധികം തീര്ത്ഥാടകര് എത്തുമെന്ന് ദേശീയ ഹജ്ജ് ഉംറ കമ്മിറ്റി വൈസ് പ്രസിഡണ്ട് ഹാനി അല് ഉമൈരി അറിയിച്ചു. ഓണ്ലൈന് വഴി മിനിട്ടുകള്ക്കകം വിസ നേടാനും ഉംറ പാക്കേജ് വാങ്ങാനും വിദേശ ഉംറ തീര്ത്ഥാടകര്ക്ക് സാധിക്കുമെന്നും മുന് വര്ഷങ്ങളേക്കാള് ഈ രംഗത്ത് നൂതനമായ സംവിധാനങ്ങളാണ് നടപ്പാക്കിയതെന്നും അദ്ദേഹം പറഞ്ഞു .
തീര്ത്ഥാടകര്ക്ക് സേവനങ്ങള് നല്കാനായി ഹജ്ജ് ഉംറ കമ്പനികളും വിദേശ രാജ്യങ്ങളിലെ ഏജന്റുമാരെയും ആക്ടിവേറ്റ് ചെയ്തു വരികയാണ്. ഉംറ തീര്ത്ഥാടകര്ക്ക് സേവനം നല്കാന് അഞ്ഞൂറിലധികം കമ്പനികള്ക്കാണ് ഹജ്ജ് ഉംറ മന്ത്രാലയം അനുമതി നല്കിയത്. വിദേശ രാജ്യങ്ങളില് രണ്ടായിരത്തിലധികം ഏജന്റുമാരാണ് പ്രവര്ത്തിക്കുന്നത്. ഉംറ ഗ്രൂപ്പുകള്ക്കും വ്യക്തികള്ക്കും ബി ടു ബി ,ബി ടു സി സംവിധാനങ്ങള് അനുസരിച്ച് ഉംറ പാക്കേജുകള് പ്രകാരം കരാറുകള് ഒപ്പുവെക്കാന് ഹജ്ജ് ഉംറ മന്ത്രാലയത്തിന്റെ അംഗീകാരമുള്ള 34 ഓണ്ലൈന് ബുക്കിംഗ് സംവിധാനങ്ങളും പ്രവര്ത്തിക്കുന്നുണ്ട്. ഗള്ഫ് ഇന്റര്നാഷണല് ബാങ്ക് അംഗീകരിച്ച വാലറ്റുകള് വഴി പണമടച്ച് ഉംറ പാക്കേജുകള് വാങ്ങാന് സാധിക്കും. ഉംറക്കെത്തുന്ന വിദേശ തീര്ത്ഥാടകര്ക്ക് പുണ്യഭൂമിയില് യാത്ര ചെയ്യാന് വിപുലമായ സൗകര്യങ്ങളാണ് കമ്പനികള് ഒരുക്കുക. തീര്ത്ഥാടകര്ക്ക് താമസ സൗകര്യം നല്കാനായി രണ്ടായിരത്തോളം ഹോട്ടലുകളും അപ്പാര്ട്മെന്റുകളും ടൂറിസം വകുപ്പിന് കീഴില് സജ്ജമാണ്.
gulf
കെഎംസിസി നേതാവ് നരിപ്പറ്റ ഹനീഫ
സഊദിയിൽ നിര്യാതനായി
മയ്യിത്ത് നാട്ടിലേക്ക് കൊണ്ടുപോകുന്നതിനുള്ള നടപടി ക്രമങ്ങൾ പുരോഗമിക്കുന്നതായി റിയാദ് കെഎംസിസി വെൽഫെയർ വിഭാഗം അറിയിച്ചു.
അഷ്റഫ് ആളത്ത്
ദമ്മാം:കെഎംസിസി നേതാക്കളിൽ പ്രമുഖനും സമസ്തയുടെ സജീവ പ്രവർത്തകനുമായിരുന്ന മലപ്പുറം വേങ്ങര മിനി കാപ്പിൽ സ്വദേശി നരിപ്പറ്റ മുഹമ്മദ് ഹനീഫ (54) നിര്യാതനായി.
ഒരാഴ്ചയോളമായി റിയാദിലെ ആശുപത്രയിൽ ചികിത്സയിലായിരുന്ന അദ്ദേഹം ബുധനാഴ്ച വൈകീട്ട് അഞ്ച് മണിയോടെയാണ് മരണപ്പെട്ടത്.
മയ്യിത്ത് നാട്ടിലേക്ക് കൊണ്ടുപോകുന്നതിനുള്ള നടപടി ക്രമങ്ങൾ പുരോഗമിക്കുന്നതായി റിയാദ് കെഎംസിസി വെൽഫെയർ വിഭാഗം അറിയിച്ചു.ചികിത്സയിലിരിക്കെ രോഗം ഗുരുതരമായതിനെത്തുടർന്ന് ജിദ്ദയിൽനിന്നെത്തിയ അദ്ദേഹത്തിൻറെ സഹോദരൻ അജ്മൽ,അളിയൻ അഹമ്മദ് കുട്ടി എന്നിവർ മരണസമയത്ത് റിയാദിലെ ആശുപത്രിയിൽ ഉണ്ടായിരുന്നു.
മുപ്പത് വർഷത്തോളമായി സഊദിയിൽ ഉള്ള അദ്ദേഹം രണ്ട് മാസം മുമ്പാണ് അവധി കഴിഞ് നാട്ടിൽ നിന്നെത്തിയത്.
ജിദ്ദ,റിയാദ്,ദമ്മാം എന്നിവിടങ്ങളിൽ ജോലി ചെയ്തിട്ടുള്ള ഹനീഫക്ക് പ്രവാസലോകത്ത് വലിയ സൗഹൃദ ബന്ധങ്ങൾ ഉണ്ട്.
കെഎംസിസിയുടെ വേങ്ങരമണ്ഡലം കമ്മിറ്റി,മലപ്പുറം ജില്ല കമ്മിറ്റി സഊദിയിൽ വിവിധ പ്രവിശ്യ കളിലെ സെൻട്രൽ കമ്മിറ്റി എന്നിവിടങ്ങളിലെല്ലാം ഉന്നതമായ നേതൃ പദവികളിലിരുന്ന അദ്ദേഹം പൊതുസമൂഹത്തിൽ നിറഞ്ഞുനിന്ന സംഘാടകനും ജീവകാരുണ്യ പ്രവർത്തനങ്ങളിൽ സജീവ സാന്നിധ്യവുമായിരുന്നു.
നാട്ടിലും മറുനാട്ടിലും അദ്ദേഹം വിഭാവനം ചെയ്തു നടപ്പിലാക്കിയ വിവിധ പദ്ധതികൾ ജീവകാരുണ്യ സേവന രംഗത്ത് പുതിയ ആശയങ്ങൾക്കും കർമ്മങ്ങൾക്കും തുടക്കമാവുകയും സംഘടനാ തലത്തിലെ ഇതര ഘടകങ്ങൾക്ക് അനുകരണീയമാം വിധം മാതൃകാപരവുമായിരുന്നു.
സ്പോട്സ് രംഗത്തും അതീവ തല്പരനായിരുന്ന ഹനീഫ ദമ്മാം ഖാലിദിയ്യ സ്പോട്സ് ക്ലബ്ബിന്റ നേതൃത്വമായും പ്രവർത്തിച്ചിരുന്നു.
പരേതരായ നരിപ്പറ്റ ബീരാൻ-റുഖിയ ദമ്പതികളാണ് മാതാപിതാക്കൾ.
ഭാര്യ.സാജിദ.മക്കൾ.ശിബിലി,ശാനു, ശാലു.മുഹമ്മദ് ഹനീഫയുടെ നിര്യാണത്തിൽ കെഎംസിസി യുടെ വിവിധ ഘടകങ്ങൾ അനുശോചനം രേഖപ്പെടുത്തി.
gulf
വിമാന കമ്പനിയുടെ അനാസ്ഥ; ഹാജിമാര് വലയുന്നു
സംസ്ഥാന ഹജ്ജ് കമ്മിറ്റിയുടെ നേതൃത്വത്തില് ഈ വര്ഷത്തെ ഹജ്ജ് കര്മ്മം പൂര്ത്തിയാക്കി നാട്ടിലേക്ക് മടങ്ങുന്ന ഹാജിമാരുടെ മടക്കയാത്രയില് വിമാന കമ്പനിയുടെ അനാസ്ഥ മൂലം ഹാജിമാര് വലയുന്നു.
നെടുമ്പാശ്ശേരി: സംസ്ഥാന ഹജ്ജ് കമ്മിറ്റിയുടെ നേതൃത്വത്തില് ഈ വര്ഷത്തെ ഹജ്ജ് കര്മ്മം പൂര്ത്തിയാക്കി നാട്ടിലേക്ക് മടങ്ങുന്ന ഹാജിമാരുടെ മടക്കയാത്രയില് വിമാന കമ്പനിയുടെ അനാസ്ഥ മൂലം ഹാജിമാര് വലയുന്നു. ചാര്ട്ടേര്ഡ് വിമാനത്തില് യാത്ര ചെയ്തിട്ട് പോലും മടങ്ങിയെത്തുന്ന ഹാജിമാര്ക്ക് അവരുടെ ലഗേജുകള് കൃത്യമായി എത്തിച്ചു കൊടുക്കാന് പോലും കഴിയുന്നില്ല. മാത്രമല്ല ഷെഡ്യൂള് ചെയ്ത സമയത്തില് നിന്നും മണിക്കൂറുകള് വൈകിയാണ് ഹജ്ജ് വിമാനങ്ങള് നെടുമ്പാശ്ശേരിയില് എത്തുന്നത്. ഇത് മൂലം ഹാജിമാരും അവരെ സ്വീകരിക്കാനെത്തുന്ന ബന്ധുക്കളും വലയുകയാണ് . വെള്ളി, ശനി, ഞായര് ദിവസങ്ങളിലായി സഊദി എയര്ലൈന്സിന്റെ അഞ്ച് വിമാനങ്ങളാണ് ജിദ്ദയില് നിന്നും ഹാജിമാരുമായി നെടുമ്പാശ്ശേരിയിലേക്ക് സര്വീസ് നടത്തിയത്.
ആദ്യ രണ്ട് വിമാനങ്ങള് സമയക്രമം പാലിച്ചെങ്കിലും പിന്നീട് മൂന്ന് വിമാനങ്ങളും രണ്ട് മണിക്കൂറിലേറെ വൈകിയാണ് എത്തിയത്. ശനിയാഴ്ച വൈകീട്ട് 5.15 ന് എത്തേണ്ട വിമാനം 6.30 നും, ഞായറാഴ്ച വൈകീട്ട് 4.30 എത്തേണ്ട വിമാനം 6.15 നും, രാത്രി 7.40 ന് എത്തേണ്ട വിമാനം 9.58 നുമാണ് എത്തിയത്. വടക്കന് ജില്ലകളില് നിന്നും മറ്റുമായി ഹാജിമാരെ സ്വീകരിക്കാനെത്തുന്ന ബന്ധുക്കളും നാട്ടുകാരും അടക്കമുള്ളവരും ഇത് മൂലം വലയുകയാണ്. വിമാനം തുടര്ച്ചയായി വൈകാനുള്ള കാരണവും ബന്ധപ്പെട്ടവര് ഇതുവരെ വ്യക്തമാക്കിയിട്ടില്ല. മാത്രമല്ല ഞായറാഴ്ച്ച രാത്രി 9.58 ന് എത്തിയ വിമാനത്തിലെ 250 ഓളം ഹാജിമാരുടെ ലഗേജുകളും ലഭ്യമായിട്ടില്ല.
ഇവ അടുത്ത ദിവസം എത്തിച്ചു നല്കാമെന്നാണ് പറഞ്ഞിരുന്നതെങ്കിലും ഇന്നലെയും ലഗേജുകള് എത്തിച്ചു നല്കിയിട്ടില്ല. ശനിയാഴ്ച എത്തിയ 100 ഓളം ഹാജിമാരുടെ ലഗേജുകളും ലഭിക്കാതെ വന്നിരുന്നു. ഇവ ഞായറാഴ്ച എത്തിച്ചു നല്കുകയാണ് ചെയ്തത്. സാധാരണ യാത്രാ വിമാനത്തിലെ യാത്രക്കാരുടെ ലഗേജുകള് ഹജ്ജ് വിമാനത്തില് കയാട്ടിക്കൊണ്ടുവന്നതാണ് ഹാജിമാരുടെ ലഗേജുകള് എത്തിക്കുന്നതില് വീഴ്ചയുണ്ടാകാന് കാരണമെന്നാണ് വിവരം. ഹജ്ജ് വിമാനങ്ങളില് ഇത്തരത്തില് അനാസ്ഥയുണ്ടാകുന്നത് ഗുരുതരമായ വീഴ്ചയായാണ് ചൂണ്ടിക്കാണിക്കപ്പെടുന്നത്.
ചാര്ട്ടേര്ഡ് വിമാനങ്ങളിലെ യാത്രക്കാര് ആയിട്ട് പോലും ഹാജിമാരോട് എയര്ലൈന്സ് അധികൃതര് കാണിക്കുന്ന അനാസ്ഥയ്ക്കെതിരെ വ്യാപകമായ ആക്ഷേപം ഉയരുന്നുണ്ട്. എന്നാല് ഇക്കാര്യത്തില് സംസ്ഥാന ഹജ്ജ് കമ്മിറ്റിയും മൗനം പാലിക്കുകയാണെന്ന ആക്ഷേപവും ഉയരുന്നുണ്ട്. നാല് വര്ഷം മുന്പ് വരെ എയര് ഇന്ത്യ നെടുമ്പാശ്ശേരിയില് നിന്നും നടത്തിയ ഹജ്ജ് യാതൊരു ആക്ഷേപവും ഉണ്ടാകാതെ പൂര്ത്തിയാക്കാന് കഴിഞ്ഞിരുന്നു.
-
Video Stories7 years ago
കൊടിഞ്ഞിയില് കൊല്ലപ്പെട്ട ഫൈസലിന്റ കഫീല് അബ്ദുല്ല അല്മുഹാവിസിന്റെ വാക്കുകള് വൈറലാവുന്നു
-
Culture7 years ago
അനസ്തേഷ്യയില്ലാത്ത ശസ്ത്രക്രിയയില് ഖുര്ആന് ഉരുവിട്ട് കുഞ്ഞ്; വാര്ത്ത വായിക്കുമ്പോള് വിതുമ്പിക്കരഞ്ഞ് അവതാരകന്
-
More8 years ago
ഭോപ്പാല് വിവാദ ഏറ്റുമുട്ടല്; കൂടുതല് തെളിവുകളോടെ മൂന്നാമത്തെ വീഡിയോ പുറത്ത്
-
More7 years ago
‘മകളെ കൊണ്ട് കള്ളം പറയിച്ചു’ ദിലീപ്-കാവ്യ വിവാഹത്തില് മഞ്ജുവിന്റെ പ്രതികരണം
-
Culture8 years ago
വഴിയോര കച്ചവടങ്ങളിലെ ബിരിയാണിയില് പൂച്ച മാംസം
-
Culture5 years ago
വീട്ടമ്മയുടെ നഗ്നദൃശ്യങ്ങള് ഭര്ത്താവിന് വാട്സ് ആപ്പില്; പ്രതിയെ കണ്ട് ഞെട്ടി പൊലീസും വീട്ടുകാരും
-
Culture7 years ago
‘സോനു നിഗം പ്രിയങ്കയില് നിന്നു പഠിക്കണം; ബാങ്കുവിളിയെക്കുറിച്ചുള്ള അധിക്ഷേപത്തിന് ശേഷം പ്രിയങ്കയുടെ ബാങ്കുവിളി പരാമര്ശം വൈറല്
-
Culture7 years ago
അണികളില് നിന്ന് ‘മുര്ദാബാദ് വിളി’; അസ്വസ്ഥനായി മോദി – മാധ്യമങ്ങള് കണ്ടില്ലെന്ന് നടിച്ച വീഡിയോ