Culture
ചാമ്പ്യന്സ് ലീഗ്: ഹാട്രിക്കോടെ നിറഞ്ഞാടി മെസ്സി, നാണം കെട്ട് ഗ്വാര്ഡിയോള
ബാര്സലോണ: സ്റ്റാര്ട്ടിങ് ഇലവനിലേക്കുള്ള തിരിച്ചുവരവ് ലയണല് മെസ്സി ഹാട്രിക്കോടെ ആഘോഷിച്ചപ്പോള് യുവേഫ ചാമ്പ്യന്സ് ലീഗില് ബാര്സലോണക്ക് വന് ജയം. ഇംഗ്ലീഷ് കരുത്തരായ മാഞ്ചസ്റ്റര് സിറ്റിയെ എതിരില്ലാത്ത നാലു ഗോളിനാണ് സ്പാനിഷ് ചാമ്പ്യന്മാര് കശക്കിയത്. പ്രധാന താരങ്ങള് വന് അബദ്ധം വരുത്തിയപ്പോള് തന്റെ മുന് തട്ടകത്തിലേക്കുള്ള മടങ്ങിവരവ് സിറ്റി കോച്ച് പെപ് ഗ്വാര്ഡിയോളക്ക് കയ്പേറിയ അനുഭവമായി. മത്സരത്തില് സിറ്റി ഗോള്കീപ്പര് ക്ലോഡിയോ ബ്ലാവോ നേരിട്ട് ചുവപ്പുകാര്ഡ് കണ്ടപ്പോള് ബാര്സ ഡിഫന്റര് ജെറമി മാത്യു രണ്ട് മഞ്ഞക്കാര്ഡ് കണ്ടും പുറത്തായി.
മറ്റൊരു മത്സരത്തില് മസൂദ് ഓസിലിന്റെ ഹാട്രിക് മികവില് ആര്സനല് ബള്ഗേറിയന് ക്ലബ്ബ് ലുഡോഗോററ്റ്സിനെ വീഴ്ത്തിയപ്പോള് ബയേണ് മ്യൂണിക്ക്, അത്ലറ്റികോ മാഡ്രിഡ്, പി.എസ്.ജി, ബെന്ഫിക്ക, ബൊറുഷ്യ ഗ്ലാദ്ബാഷ് ടീമുകളും ജയം കണ്ടു. നാപോളിയെ അവരുടെ തട്ടകത്തില് വീഴ്ത്തി തുര്ക്കി ക്ലബ്ബ് ബേസിക്താസ് കരുത്തുകാട്ടി.
നൗകാംപിലെ കൊട്ടിഘോഷിച്ച ബാര്സലോണ-സിറ്റി മത്സരത്തില് 17-ാം മിനുട്ടില് സിറ്റി മിഡ്ഫീല്ഡര് ഫെര്ണാണ്ടീഞ്ഞോക്ക് ബോക്സില് വെച്ചുപറ്റിയ അബദ്ധമാണ് മെസ്സിയുടെ ആദ്യ ഗോളിനു വഴിവെച്ചത്. ബോക്സിനുള്ളില് നിന്ന് പന്ത് അടിച്ചൊഴിവാക്കാനുള്ള ശ്രമത്തില് ഫെര്ണാണ്ടീഞ്ഞോ അടിതെറ്റി വീണപ്പോള് കുതിച്ചെത്തിയ മെസ്സി പന്ത് തട്ടിയെടുത്ത് ഗോള്കീപ്പറെയും വെട്ടിച്ച് ലക്ഷ്യം കാണുകയായിരുന്നു.
സ്വന്തം ബോക്സിനു ചുറ്റും പന്ത് പാസ് ചെയ്തു കളിക്കാന് കാണിച്ച ധൈര്യമാണ് 53-ാം മിനുട്ടില് ബ്രാവോയുടെ ചുവപ്പുകാര്ഡിലേക്ക് നയിച്ചത്. ബോക്സിനു പുറത്തിറങ്ങിയ ബ്രാവോ ലൂയി സുവാരസിന്റെ തലക്കുമുകളിലൂടെ പന്ത് ചിപ്പ് ചെയ്യാന് ശ്രമിച്ചെങ്കിലും പാടേ പിഴച്ചു. പന്ത് കിട്ടിയ ബാര്സ സ്ട്രൈക്കര് ആളൊഴിഞ്ഞ പോസ്റ്റ് ലക്ഷ്യംവെച്ചപ്പോള് ഗോള് ഏരിയക്കു പുറത്തുവെച്ച് പന്ത് കൈകൊണ്ട് തടയുകയല്ലാതെ നിവൃത്തിയുണ്ടായിരുന്നില്ല ബ്രാവോക്ക്. ഗോളിലേക്കെന്നുറച്ച പന്തിന്മേല് ഫൗള് കളിച്ച മുന് ബാര്സലോണ കീപ്പര്ക്ക് റഫറി നേരിട്ട് ചുവപ്പുകാര്ഡ് കാണിക്കുകയും ചെയ്തു.
61-ാം മിനുട്ടില് ഇനീസ്റ്റയുടെ പാസ് സ്വീകരിച്ച് കരുത്തുറ്റ ഷോട്ടിലൂടെ മെസ്സി തന്റെ രണ്ടാം ഗോള് നേടി. സിറ്റി പ്രതിരോധത്തിന്റെ പിഴവില് നിന്നാണ് മെസ്സിയുടെ ഹാട്രിക് ഗോളെത്തിയത്. മിഡ്ഫീല്ഡര് ഗുണ്ടോഗന് പിന്നിലേക്ക് പാസ് ചെയ്ത പന്ത് അനായാസം പിടിച്ചെടുത്ത സുവാരസ് ബോക്സില് നിന്ന് നല്കിയ പാസ് ഗോളിലേക്ക് തട്ടിയിടേണ്ട ചുമതലയേ മെസ്സിക്കുണ്ടായിരുന്നുള്ളൂ.
87-ാം മിനുട്ടില് മെസ്സിയെ ബോക്സില് വീഴ്ത്തിയതിന് ബാര്സക്ക് പെനാല്ട്ടി ലഭിച്ചെങ്കിലും നെയ്മറിന്റെ കിക്ക് സിറ്റി കീപ്പര് വില്ലി കബായറോ തട്ടിയകറ്റി. എന്നാല് 89-ാം മിനുട്ടില് മെസ്സിയുടെ പാസ് സ്വീകരിച്ച് ബോക്സില് പ്രതിരോധക്കാര്ക്കിടയിലൂടെ വെട്ടിച്ചുകയറിയ നെയ്മര് മനോഹര ഗോളിലൂടെ തന്റെ പിഴവിന് പ്രായശ്ചിത്തം ചെയ്തു.
ബാര്സ പ്രതിരോധക്കാരായ ജോര്ദി ആല്ബ, ജെറാദ് പിക്വെ എന്നിവര്ക്ക് പരിക്കു കാരണം ആദ്യപകുതിയില് കയറേണ്ടി വന്നപ്പോള് 57-ാം മിനുട്ടില് കാലില് നിന്ന് ചോരയൊലിപ്പിച്ചാണ് സിറ്റി ക്യാപ്ടന് പാബ്ലോ സബലേറ്റ കളം വിട്ടത്.
https://www.youtube.com/watch?v=PIolBJbcqEQ
സ്വന്തം സ്റ്റേഡിയത്തില് എതിരില്ലാത്ത ആറു ഗോളിനാണ് ആര്സനല് ലുഡോഗോററ്റ്സിനെ വീഴ്ത്തിയത്. മസൂദ് ഓസിലിന്റെ ഹാട്രിക്കും അലക്സി സാഞ്ചസ്, തിയോ വാല്ക്കോട്ട്, അലക്സ് ഓക്സ്ലേഡ് ചേമ്പര്ലൈന് എന്നിവരുടെ ഗോളുകളും ഗണ്ണേഴ്സിന് അനായാസ ജയമൊരുക്കി.
https://www.youtube.com/watch?v=psGw8Ib-iZo
എയ്ഞ്ചല് ഡിമരിയ, ലൂകാസ് മോറ, എഡിന്സന് കവാനി എന്നിവരുടെ ഗോളുകളില് പി.എസ്.ജി എഫ്.സി ബാസലിനെ കീഴടക്കി. വിന്സന്റ് അബൂബക്കറിന്റെ ഇരട്ട ഗോളുകളുടെ കരുത്തിലാണ് ബേസിക്താസ് നാപോളിയെ അവരുടെ തട്ടകത്തില് വീഴ്ത്തിയത്. റഷ്യന് ക്ലബ്ബ് റോസ്തോവിനെ അവരുടെ ഗ്രൗണ്ടില് നേരിട്ട അത്ലറ്റികോ, യാനിക് കറാസ്കോയുടെ ഗോളില് ജയം കണ്ടു. പി.എസ്.വിക്കെതിരായ 4-1 ജയത്തില് തോമസ് മ്യൂളര്, ജോഷ്വ കിമ്മിച്ച്, റോബര്ട്ട് ലെവന്ഡവ്സ്കി, ആര്യന് റോബന് എന്നിവര് ബയേണിനു വേണ്ടി ലക്ഷ്യം കണ്ടു.
നടന് ഷമ്മിതിലകനെ അമ്മ സംഘടനയില് നിന്ന് പുറത്താക്കി. അച്ചടക്ക ലംഘനത്തെ തുടര്ന്നാണ് നടപടി. ഇന്ന് കൊച്ചിയില് നടന്ന ജനറല് ബോഡി യോഗത്തിലാണ് തീരുമാനം.
കഴിഞ്ഞ യോഗത്തില് ഷമ്മിതിലകന് ചില ദൃശ്യങ്ങള് ചിത്രീകരിച്ചിരുന്നു. ഇത് വിവാദമായതിനെത്തുടര്ന്ന് നടനോട് സംഘടന വിശദീകരണം ആവശ്യപ്പെട്ടിരുന്നു. എന്നാല് വിശദീകരണം നല്കാന് തയ്യാറാകാത്ത സാഹചര്യത്തിലാണ്് പുറത്താക്കല് നടപടി ഉണ്ടായിരിക്കുന്നത്.
Culture
സി.എച്ച് ചെയര് ഇന്ന് പുതിയ കെട്ടിടത്തിലേക്ക്
കാലിക്കറ്റ് സര്വകലാശാലയിലെ സി.എച്ച് മുഹമ്മദ് കോയ ചെയര് ഫോര് സ്റ്റഡീസ് ഓണ് ഡവലപിംഗ് സൊസൈറ്റീസ്ഇന്ന് പുതിയ കെട്ടിടത്തിലേക്ക്.
കോഴിക്കോട്: കാലിക്കറ്റ് സര്വകലാശാലയിലെ സി.എച്ച് മുഹമ്മദ് കോയ ചെയര് ഫോര് സ്റ്റഡീസ് ഓണ് ഡവലപിംഗ് സൊസൈറ്റീസ്ഇന്ന് പുതിയ കെട്ടിടത്തിലേക്ക്. 2011 ല് പ്രവര്ത്തനമാരംഭിച്ച ചെയര് ഇത് വരെറോഡരികിലെ പഴയ കെട്ടിടത്തില് പ്രവര്ത്തിച്ച് വരികയായിരുന്നു. കാമ്പസില് പരീക്ഷാ ഭവന് പിറകില് ഗസ്റ്റ് ഹൗസിന് സമീപമാണ് പുതിയ കെട്ടിടം. ഇ.അഹമദ്, പി.കെ കുഞ്ഞാലിക്കുട്ടി, പി.വി അബ്ദുല് വഹാബ് എന്നിവരുടെ എം.പി ഫണ്ടില് നിന്ന് 65 ലക്ഷം രൂപ ചെലവഴിച്ചാണ് മൂന്ന് നിലയില് വിഭാവനം ചെയ്ത കെട്ടിടത്തിന്റെ ഒരു നിലയും ബേസ്മെന്റ് ഏരിയയുമാണ് പൂര്ത്തിയാക്കിയത്.
2004 ല് പാണക്കാട് ഹൈദരലി ശിഹാബ് തങ്ങള് ചെയര്മാനും അഷ്റഫ് തങ്ങള് ജനറല് സെക്രട്ടറിയുമായി രൂപീകരിച്ച ഗ്രെയ്സ് എജുക്കേഷണല് അസോസിയേഷനാണ് ചെയറിന്റെ ഡോണര് സംഘടന. ഇന്ന് വൈകിട്ട് 4 മണിക്ക് നടക്കുന്ന ചടങ്ങില് വൈസ് ചാന്സലര് ഡോ.എം.കെ ജയരാജ് അധ്യക്ഷത വഹിക്കും. പ്രതിപക്ഷ ഉപനേതാവ് പി.കെ കുഞ്ഞാലിക്കുട്ടി ഉദ്ഘാടനം ചെയ്യും. പി.വി അബ്ദുല് വഹാബ് എം.പി മുഖ്യപ്രഭാഷണം നടത്തും. പ്രമുഖ ചരിത്രകാരന് ഡോ. എം. ഗംഗാധരന്റെ പുസ്തകം കുടുംബാംഗങ്ങള് ചെയറിന് കൈമാറും. ഗവേണിംഗ് ബോഡി അംഗം ഡോ.എം.കെ മുനീര് എം.എല്.എ ഏറ്റുവാങ്ങും.
മൂന്ന് പദ്ധതികളോടെയാണ് ചെയര് പുതിയ കെട്ടിടത്തില് പ്രവര്ത്തിച്ച് തുടങ്ങുക. രാഷ്ട്രാന്തരീയ തലത്തിലെ അക്കാദമിഷ്യന്മാര്ക്കും ഗവേഷകര്ക്കും ഉപയോഗപ്പെടുത്താവുന്ന റിസര്ച്ച് ജേണല്, പഠന ഗവേഷണ സ്ഥാപനങ്ങളുമായി മെമ്മോറാണ്ടം ഓഫ് അണ്ടര്സ്റ്റാന്റിംഗ് ഒപ്പു വെയ്ക്കല്,അഫിര്മേറ്റീവ് ആക്ഷനും ഇന്ത്യന് ഭരണഘടനയും എന്ന വിഷയത്തിലുളള ഓണ്ലൈന് പ്രോഗ്രാം എന്നിവയാണിവ. ഹെരിറ്റേജ് ലൈബ്രറി ,സ്കൂള് ഓഫ് കമ്മ്യൂണിറ്റി. ഡവലപ്മെന്റ്, ഓറിയന്റേഷന് പ്രോഗ്രാമുകള്, ഫെലോഷിപ്പുകള് തുടങ്ങിയവയാണ് നിലവില് ചെയറിന്റെ പ്രവര്ത്തനങ്ങള്.
Culture
ജൂറി ഹോം സിനിമ കണ്ടിട്ടുണ്ടാകില്ല: വിമര്ശനവുമായി നടന് ഇന്ദ്രന്സ്
കുറ്റവാളി നിരപരാധിയാണെന്ന് തെളിഞ്ഞാല് ജൂറി വീണ്ടും സിനിമ കാണുമോയെന്നും ഇന്ദ്രന്സ് ചോദിച്ചു.
ചലച്ചിത്ര അവാര്ഡ് വിവാദത്തില് മാധ്യമങ്ങളോട് പ്രതികരണം നടത്തി നടന് ഇന്ദ്രന്സ്. സംസ്ഥാന ചലച്ചിത്ര പുരസ്കാര ജൂറി ‘ഹോം’ സിനിമ കണ്ടുകാണില്ല. തനിക്ക് അവാര്ഡ് ലഭിക്കാത്തതില് വിഷമമില്ല. എന്നാല് ഹോം സിനിമക്ക് അവാര്ഡ് പ്രതീക്ഷിച്ചെന്ന് ഇന്ദ്രന്സ് പറഞ്ഞു.
ഹോമിനെ തഴഞ്ഞതിനും, ചിത്രത്തിലെ പ്രകടനത്തിന് ഇന്ദ്രന്സിനെ മികച്ച നടനുള്ള പുരസ്കാരത്തിന് പരിഗണിക്കാതിരുന്നതിലും സമൂഹമാധ്യമങ്ങളില് വിമര്ശനം ശക്തമായ പശ്ചാത്തലത്തിലാണ് അദ്ദേഹത്തിന്റെ പ്രതികരണം.
ഹൃദയം സിനിമയും മികച്ചതാണെന്നും അതോടോപ്പം ചേര്ത്തുവക്കേണ്ട സിനിമായാണ് ഹോമെന്നും അദ്ദേഹം പറഞ്ഞു. സിനിമയെ ഒഴിവാക്കാന് നേരത്തേ കാരണം കണ്ടുവച്ചിട്ടുണ്ടാകാം. വിജയ്ബാബുവിനെതിരായ കേസും കാരണമായേക്കാം. കുറ്റവാളി നിരപരാധിയാണെന്ന് തെളിഞ്ഞാല് ജൂറി വീണ്ടും സിനിമ കാണുമോയെന്നും ഇന്ദ്രന്സ് ചോദിച്ചു.
-
Video Stories7 years ago
കൊടിഞ്ഞിയില് കൊല്ലപ്പെട്ട ഫൈസലിന്റ കഫീല് അബ്ദുല്ല അല്മുഹാവിസിന്റെ വാക്കുകള് വൈറലാവുന്നു
-
Culture7 years ago
അനസ്തേഷ്യയില്ലാത്ത ശസ്ത്രക്രിയയില് ഖുര്ആന് ഉരുവിട്ട് കുഞ്ഞ്; വാര്ത്ത വായിക്കുമ്പോള് വിതുമ്പിക്കരഞ്ഞ് അവതാരകന്
-
More8 years ago
ഭോപ്പാല് വിവാദ ഏറ്റുമുട്ടല്; കൂടുതല് തെളിവുകളോടെ മൂന്നാമത്തെ വീഡിയോ പുറത്ത്
-
More7 years ago
‘മകളെ കൊണ്ട് കള്ളം പറയിച്ചു’ ദിലീപ്-കാവ്യ വിവാഹത്തില് മഞ്ജുവിന്റെ പ്രതികരണം
-
Culture8 years ago
വഴിയോര കച്ചവടങ്ങളിലെ ബിരിയാണിയില് പൂച്ച മാംസം
-
Culture5 years ago
വീട്ടമ്മയുടെ നഗ്നദൃശ്യങ്ങള് ഭര്ത്താവിന് വാട്സ് ആപ്പില്; പ്രതിയെ കണ്ട് ഞെട്ടി പൊലീസും വീട്ടുകാരും
-
Culture7 years ago
‘സോനു നിഗം പ്രിയങ്കയില് നിന്നു പഠിക്കണം; ബാങ്കുവിളിയെക്കുറിച്ചുള്ള അധിക്ഷേപത്തിന് ശേഷം പ്രിയങ്കയുടെ ബാങ്കുവിളി പരാമര്ശം വൈറല്
-
Culture7 years ago
അണികളില് നിന്ന് ‘മുര്ദാബാദ് വിളി’; അസ്വസ്ഥനായി മോദി – മാധ്യമങ്ങള് കണ്ടില്ലെന്ന് നടിച്ച വീഡിയോ