Culture
ജനപ്രതിനിധികളെ ക്ഷണിച്ചില്ല; സര്വ്വകക്ഷി യോഗം യു.ഡി.എഫ് ബഹിഷ്കരിച്ചു
കണ്ണൂര്: എടയന്നൂരിലെ യൂത്ത് കോണ്ഗ്രസ് പ്രവര്ത്തകന് ഷുഹൈബിന്റെ കൊലപാതകത്തെ തുടര്ന്നുണ്ടായ സാഹചര്യങ്ങള് ചര്ച്ച ചെയ്യാന് വിളിച്ച സര്വകക്ഷി സമാധാന യോഗം യുഡിഎഫ് ബഹിഷ്കരിച്ചു. യോഗത്തില് ജനപ്രതിനിധികളെ ക്ഷണിക്കാത്തതിനെ തുടര്ന്നാണ് ബഹിഷ്ക്കരണം. മുഖ്യമന്ത്രിക്ക് പകരം മന്ത്രി എ.കെ ബാലന്റെ അധ്യക്ഷതയിലായിരുന്നു സമാധാന യോഗം. ജനപ്രതിനിധികള്ക്ക് ക്ഷണമില്ലാത്ത യോഗത്തില് കെ.കെ രാഗേഷ് എം.പി വേദിയിലിരിക്കുന്നത് ഡി.സി.സി പ്രസിഡന്റ് സതീശന് പാച്ചേനി ചോദ്യം ചെയ്തു. ജനപ്രതിനിധികളെ വിളിക്കുന്നുവെങ്കില്, മറ്റു പാര്ട്ടികളുടെ ജനപ്രതിനിധികളെയും ക്ഷണിക്കണമായിരുന്നെന്ന് പാച്ചേനി പറഞ്ഞു. ഇതിന് വിശദീകരണവുമായി സി.പി.എം ജില്ലാ സെക്രട്ടറി പി ജയരാജന് കടന്നുവന്നതോടെ വാക്കേറ്റമുണ്ടായി. മന്ത്രി നിയന്ത്രിക്കേണ്ട യോഗം പി ജയരാജന് നിയന്ത്രിക്കുന്നത് നാണക്കേടാണെന്ന് പാച്ചേനി പറഞ്ഞു.
മുമ്പ് കണ്ണൂരില് നടന്ന സമാധാനയോഗങ്ങളിലെല്ലാം ഭരണപ്രതിപക്ഷഭേദമില്ലാതെ എല്ലാ ജനപ്രതിനിധികളെയും ക്ഷണിച്ചിട്ടുണ്ട്. എന്നാല് ഇത്തവണ മാത്രം അതുണ്ടായില്ലെന്ന് മുസ്്ലിം ലീഗ് ജില്ലാ പ്രസിഡന്റ് പി കുഞ്ഞിമുഹമ്മദ് ചൂണ്ടിക്കാട്ടി. പ്രതിപക്ഷ ജനപ്രതിനിധികളെ വിളിക്കാതിരുന്ന സ്ഥിതിക്ക് എം.പിയെന്ന നിലയില് കെ.കെ രാഗേഷ് വേദിയില് ഇരിക്കുന്നതു ശരിയല്ലെന്നു കോണ്ഗ്രസ് നേതാക്കള് വാദിച്ചു. എന്നാല് സി.പി.എം പ്രതിനിധി എന്ന നിലലും എം.പിയെന്ന പരിഗണനയിലുമാണ് രാഗേഷിനെ വേദിയിലിരിലുത്തിയതെന്നു മന്ത്രി ബാലന് ന്യായീകരിച്ചു.
യോഗം ആരംഭിക്കാനിരിക്കെ യു.ഡി.എഫ് എംഎല്എമാരായ കെ.സി. ജോസഫും സണ്ണി ജോസഫും കെ.എം ഷാജിയും വേദിയിലെത്തി. ജില്ലയിലെ ജനപ്രതിനിധികളായ തങ്ങളെ എന്തുകൊണ്ടാണ് യോഗത്തില് ക്ഷണിക്കാത്തതെന്ന് കെ.എം ഷാജി എം.എല്.എ മന്ത്രി ബാലനോട് ചോദിച്ചു. ജനപ്രതിനിധികളെ വിളിച്ചിട്ടില്ലെങ്കില് രാഗേഷ് സി.പി.എം പ്രതിനിധിയായി സദസ്സില് ഇരിക്കണമെന്നും ഇവര് ആവശ്യപ്പെട്ടു. എന്നാല് ജനപ്രതിനിധികളെ വിളിച്ചിട്ടില്ലെന്നും രാഷ്ട്രീയ പാര്ട്ടികളുടെ യോഗമാണു വിളിച്ചതെന്നും മന്ത്രി ബാലന് വീണ്ടും വ്യക്തമാക്കി. ബഹളം തുടര്ന്നിട്ടും രാഗേഷിനെ വേദിയില്നിന്നു മാറ്റാന് തയാറായില്ല. പിന്നീടു തര്ക്കം രൂക്ഷമായതോടെ കെ.കെ. രാഗേഷ് എം.പി സ്വമേധയാ വേദിയില് നിന്നിറങ്ങി സദസ്സിലിരിക്കുകയായിരുന്നു. ഇതിനു പിന്നാലെ യു.ഡി.എഫ് യോഗം ബഹിഷ്കരിച്ചു.
യോഗ ഹാളില് നിന്നു പുറത്തെത്തിയ കെ.സി ജോസഫ് എം.എല്.എ സമാധാന യോഗം വിളിച്ച സര്ക്കാരിന് ആത്മാര്ഥതയില്ലെന്നു മാധ്യമങ്ങളെ അറിയിച്ചു. സമാധാനയോഗം വെറും പ്രഹസനമായിരുന്നു. ജനങ്ങളുടെ കണ്ണില് പൊടിയിടുകയായിരുന്നു ലക്ഷ്യം. മുഖ്യമന്ത്രിയടക്കം, കണ്ണൂര് ജില്ലയില് മൂന്നു മന്ത്രിമാരുണ്ട്. ഇവരാരും ഇതുവരെ ഷുഹൈബിന്റെ വീടു സന്ദര്ശിച്ചിട്ടില്ലെന്നും അദ്ദേഹം വ്യക്തമാക്കി. പി. ജയരാജന് നിയന്ത്രിക്കുന്ന യോഗത്തില് ഇനി കോണ്ഗ്രസ് പങ്കെടുക്കില്ലെന്ന് സതീശന് പാച്ചേനിയും അറിയിച്ചു. വി.കെ അബ്ദുല്ഖാദര് മൗലവി, അബ്ദുല് കരീം ചേലേരി എന്നിവരും യോഗത്തിനെത്തിയിരുന്നു.
മുഖ്യ പ്രതിപക്ഷമായ യുഡിഎഫ് ഇല്ലാത്തതിനാല് യോഗം നിര്ത്തിവയ്ക്കണോയെന്ന ചര്ച്ച ഉയര്ന്നു. എന്നാല് തങ്ങളും പ്രതിപക്ഷമാണെന്നും ചര്ച്ച തുടരണമെന്നും ബി.ജെ.പി നേതാക്കള് അഭിപ്രായപ്പെട്ടു. ഇതോടെ യു.ഡി.എഫ് പ്രതിനിധികളുടെ അസാന്നിധ്യത്തില് ചര്ച്ച തുടരുകയായിരുന്നു. മന്ത്രി രാമചന്ദ്രന് കടന്നപ്പള്ളി, കലക്ടര് മീര് മുഹമ്മദലി, ജില്ലാ പൊലീസ് മേധാവി ജി ശിവവിക്രം, കെ.പി സഹദേവന്, എം.വി ചന്ദ്രബാബു, സി.പി ഷാജന്, വര്ക്കി വട്ടപ്പാറ, പി.പി ദിവാകരന് യോഗത്തില് പങ്കെടുത്തു.
നടന് ഷമ്മിതിലകനെ അമ്മ സംഘടനയില് നിന്ന് പുറത്താക്കി. അച്ചടക്ക ലംഘനത്തെ തുടര്ന്നാണ് നടപടി. ഇന്ന് കൊച്ചിയില് നടന്ന ജനറല് ബോഡി യോഗത്തിലാണ് തീരുമാനം.
കഴിഞ്ഞ യോഗത്തില് ഷമ്മിതിലകന് ചില ദൃശ്യങ്ങള് ചിത്രീകരിച്ചിരുന്നു. ഇത് വിവാദമായതിനെത്തുടര്ന്ന് നടനോട് സംഘടന വിശദീകരണം ആവശ്യപ്പെട്ടിരുന്നു. എന്നാല് വിശദീകരണം നല്കാന് തയ്യാറാകാത്ത സാഹചര്യത്തിലാണ്് പുറത്താക്കല് നടപടി ഉണ്ടായിരിക്കുന്നത്.
Culture
സി.എച്ച് ചെയര് ഇന്ന് പുതിയ കെട്ടിടത്തിലേക്ക്
കാലിക്കറ്റ് സര്വകലാശാലയിലെ സി.എച്ച് മുഹമ്മദ് കോയ ചെയര് ഫോര് സ്റ്റഡീസ് ഓണ് ഡവലപിംഗ് സൊസൈറ്റീസ്ഇന്ന് പുതിയ കെട്ടിടത്തിലേക്ക്.
കോഴിക്കോട്: കാലിക്കറ്റ് സര്വകലാശാലയിലെ സി.എച്ച് മുഹമ്മദ് കോയ ചെയര് ഫോര് സ്റ്റഡീസ് ഓണ് ഡവലപിംഗ് സൊസൈറ്റീസ്ഇന്ന് പുതിയ കെട്ടിടത്തിലേക്ക്. 2011 ല് പ്രവര്ത്തനമാരംഭിച്ച ചെയര് ഇത് വരെറോഡരികിലെ പഴയ കെട്ടിടത്തില് പ്രവര്ത്തിച്ച് വരികയായിരുന്നു. കാമ്പസില് പരീക്ഷാ ഭവന് പിറകില് ഗസ്റ്റ് ഹൗസിന് സമീപമാണ് പുതിയ കെട്ടിടം. ഇ.അഹമദ്, പി.കെ കുഞ്ഞാലിക്കുട്ടി, പി.വി അബ്ദുല് വഹാബ് എന്നിവരുടെ എം.പി ഫണ്ടില് നിന്ന് 65 ലക്ഷം രൂപ ചെലവഴിച്ചാണ് മൂന്ന് നിലയില് വിഭാവനം ചെയ്ത കെട്ടിടത്തിന്റെ ഒരു നിലയും ബേസ്മെന്റ് ഏരിയയുമാണ് പൂര്ത്തിയാക്കിയത്.
2004 ല് പാണക്കാട് ഹൈദരലി ശിഹാബ് തങ്ങള് ചെയര്മാനും അഷ്റഫ് തങ്ങള് ജനറല് സെക്രട്ടറിയുമായി രൂപീകരിച്ച ഗ്രെയ്സ് എജുക്കേഷണല് അസോസിയേഷനാണ് ചെയറിന്റെ ഡോണര് സംഘടന. ഇന്ന് വൈകിട്ട് 4 മണിക്ക് നടക്കുന്ന ചടങ്ങില് വൈസ് ചാന്സലര് ഡോ.എം.കെ ജയരാജ് അധ്യക്ഷത വഹിക്കും. പ്രതിപക്ഷ ഉപനേതാവ് പി.കെ കുഞ്ഞാലിക്കുട്ടി ഉദ്ഘാടനം ചെയ്യും. പി.വി അബ്ദുല് വഹാബ് എം.പി മുഖ്യപ്രഭാഷണം നടത്തും. പ്രമുഖ ചരിത്രകാരന് ഡോ. എം. ഗംഗാധരന്റെ പുസ്തകം കുടുംബാംഗങ്ങള് ചെയറിന് കൈമാറും. ഗവേണിംഗ് ബോഡി അംഗം ഡോ.എം.കെ മുനീര് എം.എല്.എ ഏറ്റുവാങ്ങും.
മൂന്ന് പദ്ധതികളോടെയാണ് ചെയര് പുതിയ കെട്ടിടത്തില് പ്രവര്ത്തിച്ച് തുടങ്ങുക. രാഷ്ട്രാന്തരീയ തലത്തിലെ അക്കാദമിഷ്യന്മാര്ക്കും ഗവേഷകര്ക്കും ഉപയോഗപ്പെടുത്താവുന്ന റിസര്ച്ച് ജേണല്, പഠന ഗവേഷണ സ്ഥാപനങ്ങളുമായി മെമ്മോറാണ്ടം ഓഫ് അണ്ടര്സ്റ്റാന്റിംഗ് ഒപ്പു വെയ്ക്കല്,അഫിര്മേറ്റീവ് ആക്ഷനും ഇന്ത്യന് ഭരണഘടനയും എന്ന വിഷയത്തിലുളള ഓണ്ലൈന് പ്രോഗ്രാം എന്നിവയാണിവ. ഹെരിറ്റേജ് ലൈബ്രറി ,സ്കൂള് ഓഫ് കമ്മ്യൂണിറ്റി. ഡവലപ്മെന്റ്, ഓറിയന്റേഷന് പ്രോഗ്രാമുകള്, ഫെലോഷിപ്പുകള് തുടങ്ങിയവയാണ് നിലവില് ചെയറിന്റെ പ്രവര്ത്തനങ്ങള്.
Culture
ജൂറി ഹോം സിനിമ കണ്ടിട്ടുണ്ടാകില്ല: വിമര്ശനവുമായി നടന് ഇന്ദ്രന്സ്
കുറ്റവാളി നിരപരാധിയാണെന്ന് തെളിഞ്ഞാല് ജൂറി വീണ്ടും സിനിമ കാണുമോയെന്നും ഇന്ദ്രന്സ് ചോദിച്ചു.
ചലച്ചിത്ര അവാര്ഡ് വിവാദത്തില് മാധ്യമങ്ങളോട് പ്രതികരണം നടത്തി നടന് ഇന്ദ്രന്സ്. സംസ്ഥാന ചലച്ചിത്ര പുരസ്കാര ജൂറി ‘ഹോം’ സിനിമ കണ്ടുകാണില്ല. തനിക്ക് അവാര്ഡ് ലഭിക്കാത്തതില് വിഷമമില്ല. എന്നാല് ഹോം സിനിമക്ക് അവാര്ഡ് പ്രതീക്ഷിച്ചെന്ന് ഇന്ദ്രന്സ് പറഞ്ഞു.
ഹോമിനെ തഴഞ്ഞതിനും, ചിത്രത്തിലെ പ്രകടനത്തിന് ഇന്ദ്രന്സിനെ മികച്ച നടനുള്ള പുരസ്കാരത്തിന് പരിഗണിക്കാതിരുന്നതിലും സമൂഹമാധ്യമങ്ങളില് വിമര്ശനം ശക്തമായ പശ്ചാത്തലത്തിലാണ് അദ്ദേഹത്തിന്റെ പ്രതികരണം.
ഹൃദയം സിനിമയും മികച്ചതാണെന്നും അതോടോപ്പം ചേര്ത്തുവക്കേണ്ട സിനിമായാണ് ഹോമെന്നും അദ്ദേഹം പറഞ്ഞു. സിനിമയെ ഒഴിവാക്കാന് നേരത്തേ കാരണം കണ്ടുവച്ചിട്ടുണ്ടാകാം. വിജയ്ബാബുവിനെതിരായ കേസും കാരണമായേക്കാം. കുറ്റവാളി നിരപരാധിയാണെന്ന് തെളിഞ്ഞാല് ജൂറി വീണ്ടും സിനിമ കാണുമോയെന്നും ഇന്ദ്രന്സ് ചോദിച്ചു.
-
Video Stories7 years ago
കൊടിഞ്ഞിയില് കൊല്ലപ്പെട്ട ഫൈസലിന്റ കഫീല് അബ്ദുല്ല അല്മുഹാവിസിന്റെ വാക്കുകള് വൈറലാവുന്നു
-
Culture7 years ago
അനസ്തേഷ്യയില്ലാത്ത ശസ്ത്രക്രിയയില് ഖുര്ആന് ഉരുവിട്ട് കുഞ്ഞ്; വാര്ത്ത വായിക്കുമ്പോള് വിതുമ്പിക്കരഞ്ഞ് അവതാരകന്
-
More8 years ago
ഭോപ്പാല് വിവാദ ഏറ്റുമുട്ടല്; കൂടുതല് തെളിവുകളോടെ മൂന്നാമത്തെ വീഡിയോ പുറത്ത്
-
More7 years ago
‘മകളെ കൊണ്ട് കള്ളം പറയിച്ചു’ ദിലീപ്-കാവ്യ വിവാഹത്തില് മഞ്ജുവിന്റെ പ്രതികരണം
-
Culture8 years ago
വഴിയോര കച്ചവടങ്ങളിലെ ബിരിയാണിയില് പൂച്ച മാംസം
-
Culture5 years ago
വീട്ടമ്മയുടെ നഗ്നദൃശ്യങ്ങള് ഭര്ത്താവിന് വാട്സ് ആപ്പില്; പ്രതിയെ കണ്ട് ഞെട്ടി പൊലീസും വീട്ടുകാരും
-
Culture7 years ago
‘സോനു നിഗം പ്രിയങ്കയില് നിന്നു പഠിക്കണം; ബാങ്കുവിളിയെക്കുറിച്ചുള്ള അധിക്ഷേപത്തിന് ശേഷം പ്രിയങ്കയുടെ ബാങ്കുവിളി പരാമര്ശം വൈറല്
-
Culture7 years ago
അണികളില് നിന്ന് ‘മുര്ദാബാദ് വിളി’; അസ്വസ്ഥനായി മോദി – മാധ്യമങ്ങള് കണ്ടില്ലെന്ന് നടിച്ച വീഡിയോ