Culture
‘ധീരനായ ആണ്‍കുട്ടി, സമര്‍ത്ഥനായ വിദ്യാര്‍ത്ഥി’; ഉമര്‍ ഫയാസിന്റെ ഓര്‍മ്മകളില്‍ ഗ്രാമം
ശ്രീനഗര്‍: പാക്കിസ്താന്‍ പതാകകള്‍ പതിച്ച ചുമരുകള്‍ക്കും ‘ആസാദി’ മുദ്രാവാക്യങ്ങള്‍
ഉയര്‍ന്നു കേള്‍ക്കുന്ന തെരുവുകള്‍ക്കുമപ്പുറം തെക്കേ കാശ്മീരിലെ ഒരു രണ്ടുമുറി വീട്ടിലേക്കെത്തി നോക്കിയാല്‍ അവിടെ 22- കാരന്‍ മകനെ നഷ്ടപ്പെട്ട ഒരു കുടുംബത്തിന്റെ തേങ്ങലുകള്‍ കേള്‍ക്കാം. ധീരനായ ലഫ്. ഉമര്‍ ഫയാസിന്റെ അകാല വിയോഗത്തില്‍ കുടുംബത്തിനൊപ്പം ആ ഗ്രാമവും തേങ്ങുകയാണ്. മകന്റെ ഓര്‍മ്മകളില്‍ വെന്തുനീറുമ്പോള്‍ ആ പിതാവ് പറയുകയാണ് ‘എന്റെ മകന്‍ ധീരനായ ഒരാണ്‍കുട്ടിയായിരുന്നുവെന്ന്’. കഴിഞ്ഞ ദിവസമാണ് കുടുംബത്തിലെ വിവാഹപാര്‍ട്ടിക്കെത്തിയ ഉമറിനെ ഭീകരവാദികള്‍ തട്ടിക്കൊണ്ടുപോയി കൊലപ്പെടുത്തുന്നത്. കാശ്മീരിലെ ഷോപ്പിയാനില്‍ നിന്നാണ് ക്രൂരമായി കൊലചെയ്യപ്പെട്ട ഉമറിന്റെ മൃതദേഹം കണ്ടെടുത്തത്.
‘1994-ല്‍ ആണ് എന്റെ മകന്‍ ജനിക്കുന്നത്. ഏതാനും ആഴ്ച്ചകള്‍ കഴിഞ്ഞാല്‍ അവന് 23വയസ്സ് തികയുമായിരുന്നു. അവന് ധീരനായിരുന്നു…’ മകനെക്കുറിച്ച് രണ്ടു വാചകം പറയുന്നതിന് മുമ്പ് ആ പിതാവിന്റെ കണ്ണീര്‍ ഉതിര്‍ന്നുവീണു. പിന്നെ നീണ്ട നിശബ്ദതയായിരുന്നു. ഉമറിനെക്കുറിച്ച് പറയാനുള്ളത് പൂര്‍ത്തീകരിച്ചത് അയല്‍വാസികളായിരുന്നു. 96ശതമാനം മാര്‍ക്കുനേടി പ്ലസ്ടുവിന് വിജയിച്ച ഉമര്‍ എഞ്ചിനീയറിംഗ് പരീക്ഷയെഴുതാന്‍ തയ്യാറെടുക്കുന്നതിനിടെയാണ് നാഷ്ണല്‍ ഡിഫന്‍സ് ആര്‍മിയില്‍ ജോലി നേടുന്നത്. കൃഷിക്കാരനായ പിതാവിന് ഉമര്‍ ഒരു പൈലറ്റാവണമെന്നായിരുന്നു ആഗ്രഹമെന്ന് സഹോദരി അസ്മാറ്റ് പറഞ്ഞുവെച്ചു. ചുറ്റിലും കൂടിയിരിക്കുന്ന ഓരോ മുഖത്തേക്കും മിഴിച്ചുനോക്കി നില്‍ക്കുന്ന ഉമറിന്റെ മാതാവിനെയാണ് വീട്ടിലെ കുഞ്ഞുമുറിയില്‍ കണ്ടത്. മാധ്യമപ്രവര്‍ത്തകരുടെ ചോദ്യങ്ങള്‍ക്കൊന്നും അവരില്‍ നിന്ന് ഉത്തരമുണ്ടായില്ല.
‘ഉമര്‍ ഒരു ഭീരുവായിരുന്നില്ല. വളരെ ഫ്രീയായി ആര്‍മിയില്‍ ജോലി ചെയ്യുകയായിരുന്നു. ഞങ്ങള്‍ക്കൊപ്പം സമയം ചിലവഴിക്കുമായിരുന്നു. ഒരിത്തിരി പോലും പൊങ്ങച്ചമില്ലാത്ത മനുഷ്യനായിരുന്നു ഉമര്‍’ -ഉമറിന്റെ സുഹൃത്ത് സൊഹൈല്‍ അഹമ്മദ് പറഞ്ഞു. സഹോദരിയുടെ വിവാഹത്തിന് ഉമറിനെ ക്ഷണിച്ചിരുന്നു. എന്നാല്‍ ഉമറിന് എത്താന്‍ കഴിഞ്ഞിരുന്നില്ല. അതിന് ക്ഷമാപണവുമായി ഉമര്‍ പിന്നീട് തന്നെ വന്ന് കണ്ടിരുന്നു. അവസാനമായി കണ്ടപ്പോള്‍ ഞങ്ങള്‍ സംസാരിച്ചത് ക്രിക്കറ്റിനെക്കുറിച്ചായിരുന്നു. വിരാട് കോഹ്‌ലിയുടെ ആരാധകനായിരുന്നു ഉമറെന്നും സൊഹൈല്‍ പറഞ്ഞു. ഉമറിനെ ലക്ഷ്യമാക്കിയാണ് തോക്കുധാരികള്‍ എത്തിയതെന്നും കസിന്റെ വിവാഹത്തിനാണ് അവനെ തട്ടിക്കൊണ്ടുപോയതെന്നും ബന്ധുവായ മുഹമ്മദ് അഷ്‌റഫ് പറയുന്നു. വിവരം പോലീസിലറിയച്ചതിന് ശേഷമാണ് മനസ്സിലായത് ആ ആണ്‍കുട്ടി ഇനി തിരിച്ചുവരില്ലെന്ന് അറിഞ്ഞത്.-അയല്‍വാസി പറഞ്ഞു.
നൂറ് കണക്കിനാളുകളാണ് ഉമറിന്റെ സംസ്‌ക്കാരചടങ്ങുകളില്‍ പങ്കെടുത്തത്. എന്നാല്‍ ഉയര്‍ന്ന ഉദ്യോഗസ്ഥരോ രാഷ്ട്രീയക്കാരോ ഒന്നും ഉമറിന്റെ വീട്ടിലെത്തിയില്ലെന്ന് അയല്‍വാസികള്‍ പറഞ്ഞു. ആ ധീരഹൃദയത്തിന് വിട നല്‍കാന്‍ അയല്‍വാസികളും ബന്ധുക്കളും മാത്രമേ ഉണ്ടായിരുന്നുള്ളൂ.
നടന്‍ ഷമ്മിതിലകനെ അമ്മ സംഘടനയില്‍ നിന്ന് പുറത്താക്കി. അച്ചടക്ക ലംഘനത്തെ തുടര്‍ന്നാണ് നടപടി. ഇന്ന് കൊച്ചിയില്‍ നടന്ന ജനറല്‍ ബോഡി യോഗത്തിലാണ് തീരുമാനം.
കഴിഞ്ഞ യോഗത്തില്‍ ഷമ്മിതിലകന്‍ ചില ദൃശ്യങ്ങള്‍ ചിത്രീകരിച്ചിരുന്നു. ഇത് വിവാദമായതിനെത്തുടര്‍ന്ന് നടനോട് സംഘടന വിശദീകരണം ആവശ്യപ്പെട്ടിരുന്നു. എന്നാല്‍ വിശദീകരണം നല്‍കാന്‍ തയ്യാറാകാത്ത സാഹചര്യത്തിലാണ്് പുറത്താക്കല്‍ നടപടി ഉണ്ടായിരിക്കുന്നത്.
Culture
സി.എച്ച് ചെയര്‍ ഇന്ന് പുതിയ കെട്ടിടത്തിലേക്ക്
കാലിക്കറ്റ് സര്‍വകലാശാലയിലെ സി.എച്ച് മുഹമ്മദ് കോയ ചെയര്‍ ഫോര്‍ സ്റ്റഡീസ് ഓണ്‍ ഡവലപിംഗ് സൊസൈറ്റീസ്ഇന്ന് പുതിയ കെട്ടിടത്തിലേക്ക്.
കോഴിക്കോട്: കാലിക്കറ്റ് സര്‍വകലാശാലയിലെ സി.എച്ച് മുഹമ്മദ് കോയ ചെയര്‍ ഫോര്‍ സ്റ്റഡീസ് ഓണ്‍ ഡവലപിംഗ് സൊസൈറ്റീസ്ഇന്ന് പുതിയ കെട്ടിടത്തിലേക്ക്. 2011 ല്‍ പ്രവര്‍ത്തനമാരംഭിച്ച ചെയര്‍ ഇത് വരെറോഡരികിലെ പഴയ കെട്ടിടത്തില്‍ പ്രവര്‍ത്തിച്ച് വരികയായിരുന്നു. കാമ്പസില്‍ പരീക്ഷാ ഭവന് പിറകില്‍ ഗസ്റ്റ് ഹൗസിന് സമീപമാണ് പുതിയ കെട്ടിടം. ഇ.അഹമദ്, പി.കെ കുഞ്ഞാലിക്കുട്ടി, പി.വി അബ്ദുല്‍ വഹാബ് എന്നിവരുടെ എം.പി ഫണ്ടില്‍ നിന്ന് 65 ലക്ഷം രൂപ ചെലവഴിച്ചാണ് മൂന്ന് നിലയില്‍ വിഭാവനം ചെയ്ത കെട്ടിടത്തിന്റെ ഒരു നിലയും ബേസ്‌മെന്റ് ഏരിയയുമാണ് പൂര്‍ത്തിയാക്കിയത്.
2004 ല്‍ പാണക്കാട് ഹൈദരലി ശിഹാബ് തങ്ങള്‍ ചെയര്‍മാനും അഷ്‌റഫ് തങ്ങള്‍ ജനറല്‍ സെക്രട്ടറിയുമായി രൂപീകരിച്ച ഗ്രെയ്‌സ് എജുക്കേഷണല്‍ അസോസിയേഷനാണ് ചെയറിന്റെ ഡോണര്‍ സംഘടന. ഇന്ന് വൈകിട്ട് 4 മണിക്ക് നടക്കുന്ന ചടങ്ങില്‍ വൈസ് ചാന്‍സലര്‍ ഡോ.എം.കെ ജയരാജ് അധ്യക്ഷത വഹിക്കും. പ്രതിപക്ഷ ഉപനേതാവ് പി.കെ കുഞ്ഞാലിക്കുട്ടി ഉദ്ഘാടനം ചെയ്യും. പി.വി അബ്ദുല്‍ വഹാബ് എം.പി മുഖ്യപ്രഭാഷണം നടത്തും. പ്രമുഖ ചരിത്രകാരന്‍ ഡോ. എം. ഗംഗാധരന്റെ പുസ്തകം കുടുംബാംഗങ്ങള്‍ ചെയറിന് കൈമാറും. ഗവേണിംഗ് ബോഡി അംഗം ഡോ.എം.കെ മുനീര്‍ എം.എല്‍.എ ഏറ്റുവാങ്ങും.
മൂന്ന് പദ്ധതികളോടെയാണ് ചെയര്‍ പുതിയ കെട്ടിടത്തില്‍ പ്രവര്‍ത്തിച്ച് തുടങ്ങുക. രാഷ്ട്രാന്തരീയ തലത്തിലെ അക്കാദമിഷ്യന്‍മാര്‍ക്കും ഗവേഷകര്‍ക്കും ഉപയോഗപ്പെടുത്താവുന്ന റിസര്‍ച്ച് ജേണല്‍, പഠന ഗവേഷണ സ്ഥാപനങ്ങളുമായി മെമ്മോറാണ്ടം ഓഫ് അണ്ടര്‍സ്റ്റാന്റിംഗ് ഒപ്പു വെയ്ക്കല്‍,അഫിര്‍മേറ്റീവ് ആക്ഷനും ഇന്ത്യന്‍ ഭരണഘടനയും എന്ന വിഷയത്തിലുളള ഓണ്‍ലൈന്‍ പ്രോഗ്രാം എന്നിവയാണിവ. ഹെരിറ്റേജ് ലൈബ്രറി ,സ്‌കൂള്‍ ഓഫ് കമ്മ്യൂണിറ്റി. ഡവലപ്‌മെന്റ്, ഓറിയന്റേഷന്‍ പ്രോഗ്രാമുകള്‍, ഫെലോഷിപ്പുകള്‍ തുടങ്ങിയവയാണ് നിലവില്‍ ചെയറിന്റെ പ്രവര്‍ത്തനങ്ങള്‍.
Culture
ജൂറി ഹോം സിനിമ കണ്ടിട്ടുണ്ടാകില്ല: വിമര്‍ശനവുമായി നടന്‍ ഇന്ദ്രന്‍സ്
കുറ്റവാളി നിരപരാധിയാണെന്ന് തെളിഞ്ഞാല്‍ ജൂറി വീണ്ടും സിനിമ കാണുമോയെന്നും ഇന്ദ്രന്‍സ് ചോദിച്ചു.
ചലച്ചിത്ര അവാര്‍ഡ് വിവാദത്തില്‍ മാധ്യമങ്ങളോട് പ്രതികരണം നടത്തി നടന്‍ ഇന്ദ്രന്‍സ്. സംസ്ഥാന ചലച്ചിത്ര പുരസ്‌കാര ജൂറി ‘ഹോം’ സിനിമ കണ്ടുകാണില്ല. തനിക്ക് അവാര്‍ഡ് ലഭിക്കാത്തതില്‍ വിഷമമില്ല. എന്നാല്‍ ഹോം സിനിമക്ക് അവാര്‍ഡ് പ്രതീക്ഷിച്ചെന്ന് ഇന്ദ്രന്‍സ് പറഞ്ഞു.
ഹോമിനെ തഴഞ്ഞതിനും, ചിത്രത്തിലെ പ്രകടനത്തിന് ഇന്ദ്രന്‍സിനെ മികച്ച നടനുള്ള പുരസ്‌കാരത്തിന് പരിഗണിക്കാതിരുന്നതിലും സമൂഹമാധ്യമങ്ങളില്‍ വിമര്‍ശനം ശക്തമായ പശ്ചാത്തലത്തിലാണ് അദ്ദേഹത്തിന്റെ പ്രതികരണം.
ഹൃദയം സിനിമയും മികച്ചതാണെന്നും അതോടോപ്പം ചേര്‍ത്തുവക്കേണ്ട സിനിമായാണ് ഹോമെന്നും അദ്ദേഹം പറഞ്ഞു. സിനിമയെ ഒഴിവാക്കാന്‍ നേരത്തേ കാരണം കണ്ടുവച്ചിട്ടുണ്ടാകാം. വിജയ്ബാബുവിനെതിരായ കേസും കാരണമായേക്കാം. കുറ്റവാളി നിരപരാധിയാണെന്ന് തെളിഞ്ഞാല്‍ ജൂറി വീണ്ടും സിനിമ കാണുമോയെന്നും ഇന്ദ്രന്‍സ് ചോദിച്ചു.
-
Video Stories8 years agoകൊടിഞ്ഞിയില് കൊല്ലപ്പെട്ട ഫൈസലിന്റ കഫീല് അബ്ദുല്ല അല്മുഹാവിസിന്റെ വാക്കുകള് വൈറലാവുന്നു
-
Culture8 years agoഅനസ്തേഷ്യയില്ലാത്ത ശസ്ത്രക്രിയയില് ഖുര്ആന് ഉരുവിട്ട് കുഞ്ഞ്; വാര്ത്ത വായിക്കുമ്പോള് വിതുമ്പിക്കരഞ്ഞ് അവതാരകന്
-
More8 years agoഭോപ്പാല് വിവാദ ഏറ്റുമുട്ടല്; കൂടുതല് തെളിവുകളോടെ മൂന്നാമത്തെ വീഡിയോ പുറത്ത്
-
More8 years ago‘മകളെ കൊണ്ട് കള്ളം പറയിച്ചു’ ദിലീപ്-കാവ്യ വിവാഹത്തില് മഞ്ജുവിന്റെ പ്രതികരണം
-
Culture8 years agoവഴിയോര കച്ചവടങ്ങളിലെ ബിരിയാണിയില് പൂച്ച മാംസം
-
Culture5 years agoവീട്ടമ്മയുടെ നഗ്നദൃശ്യങ്ങള് ഭര്ത്താവിന് വാട്സ് ആപ്പില്; പ്രതിയെ കണ്ട് ഞെട്ടി പൊലീസും വീട്ടുകാരും
-
Culture7 years ago‘സോനു നിഗം പ്രിയങ്കയില് നിന്നു പഠിക്കണം; ബാങ്കുവിളിയെക്കുറിച്ചുള്ള അധിക്ഷേപത്തിന് ശേഷം പ്രിയങ്കയുടെ ബാങ്കുവിളി പരാമര്ശം വൈറല്
-
Culture7 years agoഅണികളില് നിന്ന് ‘മുര്ദാബാദ് വിളി’; അസ്വസ്ഥനായി മോദി – മാധ്യമങ്ങള് കണ്ടില്ലെന്ന് നടിച്ച വീഡിയോ