Culture
റിയാദില് ഭീകരാക്രമണ പദ്ധതികള് പരാജയപ്പെടുത്തി
റിയാദ്: റിയാദില് ഭീകാരാക്രമണങ്ങള്ക്ക് ഒരുക്കങ്ങള് നടത്തിയ ഭീകര സംഘത്തില് പെട്ടവരെ അറസ്റ്റ് ചെയ്തതായി പ്രസിഡന്സി ഓഫ് സ്റ്റേറ്റ് സെക്യൂരിറ്റി വൃത്തങ്ങള് പറഞ്ഞു. സുരക്ഷാ സൈനികര് നടത്തിയ റെയ്ഡുകള്ക്കിടെ ഒരു ഭീകരന് കൊല്ലപ്പെടുകയും മറ്റൊരു ഭീകരന് ബെല്റ്റ് ബോംബ് പൊട്ടിച്ച് സ്വയം മരിക്കുകയും ചെയ്തു. റിയാദിലെ ഭീകര സംഘം വിദേശത്തെ ഐ.എസുമായി ബന്ധമുള്ളവരാണ്. റിയാദില് പ്രതിരോധ മന്ത്രാലയ ആസ്ഥാനങ്ങള്ക്ക് നേരെ ചാവേറാക്രമണങ്ങള് നടത്തുന്നതിന് പദ്ധതിയിട്ട രണ്ട് യമനികളെ അറസ്റ്റ് ചെയ്തതായി കഴിഞ്ഞ മാസം പന്ത്രണ്ടിന് പ്രസിഡന്സി ഓഫ് സ്റ്റേറ്റ് സെക്യൂരിറ്റി അറിയിച്ചിരുന്നു. പ്രതിരോധ മന്ത്രാലയത്തിന്റെ രണ്ട് ആസ്ഥാനങ്ങളില് ചാവേറാക്രണങ്ങള് നടത്തുന്നതിനാണ് കൊടും ഭീകര സംഘടനയായ ഐ.എസ് പദ്ധതിയിട്ടത്. ഇതിന് ചുമതലപ്പെടുത്തിയ രണ്ട് യമനികളാണ് അറസ്റ്റിലായത്. അഹ്മദ് യാസിര് അല്കല്ദി, അമ്മാര് അലി മുഹമ്മദ് എന്നിവരാണ് പ്രതിരോധ മന്ത്രാലയ ആസ്ഥാനങ്ങളില് ചാവേറാക്രമണങ്ങള് നടത്തുന്നതിനുള്ള ഒരുക്കങ്ങള്ക്കിടെ അറസ്റ്റിലായത്.
ചാവേറാക്രമണ പദ്ധതിയില് പങ്കുണ്ടെന്ന് സംശയിച്ച് രണ്ട് സ്വദേശികളെയും അറസ്റ്റ് ചെയ്തിരുന്നു. ഈ സംഭവവുമായി ബന്ധപ്പെട്ട അന്വേഷണങ്ങളിലാണ് റിയാദില് ആക്രമണങ്ങള്ക്ക് പദ്ധതിയിട്ട പുതിയ ഭീകര സംഘത്തെ കുറിച്ച് വിവരം ലഭിച്ചത്. കിഴക്കന് റിയാദിലെ അല്രിമാല് ഡിസ്ട്രിക്ടിലെ ഇസ്തിറാഹയും പടിഞ്ഞാറന് റിയാദിലെ നമാര് ഡിസ്ട്രിക്ടിലെ ഫഌറ്റും ദക്ഷിണ റിയാദിലെ അല്ഹായിറിന് സമീപമുള്ള അല്ഗനാമിയ ഡിസ്ട്രിക്ടിലെ കുതിരലയവും അടക്കം റിയാദിലെ മൂന്നിടങ്ങള് കേന്ദ്രീകരിച്ചാണ് ഭീകരര് പ്രവര്ത്തിച്ചിരുന്നത്. ബോംബുകളും ബെല്റ്റ് ബോംബുകളും നിര്മിക്കുന്ന കേന്ദ്രമായിരുന്നു അല്രിമാല് ഡിസ്ട്രിക്ടിലെ ഇസ്തിറാഹ. സുരക്ഷാ സൈനികര് വളയുമ്പോള് ഇവിടെ ഭീകരനുണ്ടായിരുന്നു. കീഴടങ്ങുന്നതിനുള്ള സുരക്ഷാ സൈനികരുടെ നിര്ദേശം നിരസിച്ച ഭീകരന് രക്ഷപ്പെടാനാകില്ലെന്ന് കണ്ട് ബെല്റ്റ് ബോംബ് പൊട്ടിച്ച് ആത്മാഹുതി ചെയ്തു. സ്ഫോടനത്തില് ഭീകരന്റെ ശരീര ഭാഗങ്ങള് ഇസ്തിറാഹയില് ചിന്നിച്ചിതറുകയും ഇസ്തിറാഹക്ക് തീ പിടിക്കുകയും ചെയ്തു. തൊട്ടടുത്ത മറ്റൊരു ഇസ്തിറാഹയിലും തീ പടര്ന്നുപിടിച്ചു.
നമാര് ഡിസ്ട്രിക്ടിലെ ഫഌറ്റ് സുരക്ഷാ സൈനികര് വളയുമ്പോള് ഇവിടെ ഭീകര സംഘത്തില് പെട്ട ഒരാളുണ്ടായിരുന്നു. തോക്ക് കൈവശം വെച്ച് ഫഌറ്റിലെ മുറിയില് കയറി വാതിലടച്ച ഭീകരന് കീഴടങ്ങുന്നതിന് വിസമ്മതിച്ചു. കെട്ടിടത്തിലുള്ളവരുടെ സുരക്ഷ മുന്നിര്ത്തി സുരക്ഷാ ഭടന്മാര് ഭീകരനെ വെടിവെച്ച് കൊല്ലുകയായിരുന്നു. ഏറ്റുമുട്ടലില് മറ്റാര്ക്കും പരിക്കേറ്റിട്ടില്ല. രഹസ്യ കൂടിക്കാഴ്ചകള്ക്കും പരസ്പര ഏകോപനത്തിനുമുള്ള താവളമായാണ് അല്ഗനാമിയ ഡിസ്ട്രിക്ടിലെ കുതിരലയം ഭീകരര് ഉപയോഗിച്ചിരുന്നത്. ഭീകര സംഘത്തില് പെട്ട അഞ്ച് പേരാണ് ഇതിനകം അറസ്റ്റിലായത്. അന്വേഷണ താല്പര്യം മുനിര്ത്തി, ഇവരുടെ പേരുവിവരങ്ങള് ഇപ്പോള് പുറത്തുവിടുന്നതിന് സാധിക്കില്ല. ഭീകരരുടെ താവളങ്ങളില് രണ്ട് കലാഷ്നിക്കോവ് തോക്കുകളും വെടിയുണ്ടകളും ബോംബ് നിര്മാണത്തിനുപയോഗിക്കുന്ന രാസപദാര്ഥങ്ങളും മറ്റ് വസ്തുക്കളും കണ്ടെത്തി. മരിച്ച ഭീകരന്റെ ശരീരാവശിഷ്ടങ്ങളും ഭീകര താവളങ്ങളില് കണ്ടെത്തിയ മറ്റ് തെളിവുകളും ക്രിമിനല് എവിഡെന്സ് വിദഗ്ധര് ശേഖരിച്ചിട്ടുണ്ടെന്നും കേസില് അന്വേഷണം തുടരുകയാണെന്നും പ്രസിഡന്സി ഓഫ് സ്റ്റേറ്റ് സെക്യൂരിറ്റി വൃത്തങ്ങള് പറഞ്ഞു.
നടന് ഷമ്മിതിലകനെ അമ്മ സംഘടനയില് നിന്ന് പുറത്താക്കി. അച്ചടക്ക ലംഘനത്തെ തുടര്ന്നാണ് നടപടി. ഇന്ന് കൊച്ചിയില് നടന്ന ജനറല് ബോഡി യോഗത്തിലാണ് തീരുമാനം.
കഴിഞ്ഞ യോഗത്തില് ഷമ്മിതിലകന് ചില ദൃശ്യങ്ങള് ചിത്രീകരിച്ചിരുന്നു. ഇത് വിവാദമായതിനെത്തുടര്ന്ന് നടനോട് സംഘടന വിശദീകരണം ആവശ്യപ്പെട്ടിരുന്നു. എന്നാല് വിശദീകരണം നല്കാന് തയ്യാറാകാത്ത സാഹചര്യത്തിലാണ്് പുറത്താക്കല് നടപടി ഉണ്ടായിരിക്കുന്നത്.
Culture
സി.എച്ച് ചെയര് ഇന്ന് പുതിയ കെട്ടിടത്തിലേക്ക്
കാലിക്കറ്റ് സര്വകലാശാലയിലെ സി.എച്ച് മുഹമ്മദ് കോയ ചെയര് ഫോര് സ്റ്റഡീസ് ഓണ് ഡവലപിംഗ് സൊസൈറ്റീസ്ഇന്ന് പുതിയ കെട്ടിടത്തിലേക്ക്.
കോഴിക്കോട്: കാലിക്കറ്റ് സര്വകലാശാലയിലെ സി.എച്ച് മുഹമ്മദ് കോയ ചെയര് ഫോര് സ്റ്റഡീസ് ഓണ് ഡവലപിംഗ് സൊസൈറ്റീസ്ഇന്ന് പുതിയ കെട്ടിടത്തിലേക്ക്. 2011 ല് പ്രവര്ത്തനമാരംഭിച്ച ചെയര് ഇത് വരെറോഡരികിലെ പഴയ കെട്ടിടത്തില് പ്രവര്ത്തിച്ച് വരികയായിരുന്നു. കാമ്പസില് പരീക്ഷാ ഭവന് പിറകില് ഗസ്റ്റ് ഹൗസിന് സമീപമാണ് പുതിയ കെട്ടിടം. ഇ.അഹമദ്, പി.കെ കുഞ്ഞാലിക്കുട്ടി, പി.വി അബ്ദുല് വഹാബ് എന്നിവരുടെ എം.പി ഫണ്ടില് നിന്ന് 65 ലക്ഷം രൂപ ചെലവഴിച്ചാണ് മൂന്ന് നിലയില് വിഭാവനം ചെയ്ത കെട്ടിടത്തിന്റെ ഒരു നിലയും ബേസ്മെന്റ് ഏരിയയുമാണ് പൂര്ത്തിയാക്കിയത്.
2004 ല് പാണക്കാട് ഹൈദരലി ശിഹാബ് തങ്ങള് ചെയര്മാനും അഷ്റഫ് തങ്ങള് ജനറല് സെക്രട്ടറിയുമായി രൂപീകരിച്ച ഗ്രെയ്സ് എജുക്കേഷണല് അസോസിയേഷനാണ് ചെയറിന്റെ ഡോണര് സംഘടന. ഇന്ന് വൈകിട്ട് 4 മണിക്ക് നടക്കുന്ന ചടങ്ങില് വൈസ് ചാന്സലര് ഡോ.എം.കെ ജയരാജ് അധ്യക്ഷത വഹിക്കും. പ്രതിപക്ഷ ഉപനേതാവ് പി.കെ കുഞ്ഞാലിക്കുട്ടി ഉദ്ഘാടനം ചെയ്യും. പി.വി അബ്ദുല് വഹാബ് എം.പി മുഖ്യപ്രഭാഷണം നടത്തും. പ്രമുഖ ചരിത്രകാരന് ഡോ. എം. ഗംഗാധരന്റെ പുസ്തകം കുടുംബാംഗങ്ങള് ചെയറിന് കൈമാറും. ഗവേണിംഗ് ബോഡി അംഗം ഡോ.എം.കെ മുനീര് എം.എല്.എ ഏറ്റുവാങ്ങും.
മൂന്ന് പദ്ധതികളോടെയാണ് ചെയര് പുതിയ കെട്ടിടത്തില് പ്രവര്ത്തിച്ച് തുടങ്ങുക. രാഷ്ട്രാന്തരീയ തലത്തിലെ അക്കാദമിഷ്യന്മാര്ക്കും ഗവേഷകര്ക്കും ഉപയോഗപ്പെടുത്താവുന്ന റിസര്ച്ച് ജേണല്, പഠന ഗവേഷണ സ്ഥാപനങ്ങളുമായി മെമ്മോറാണ്ടം ഓഫ് അണ്ടര്സ്റ്റാന്റിംഗ് ഒപ്പു വെയ്ക്കല്,അഫിര്മേറ്റീവ് ആക്ഷനും ഇന്ത്യന് ഭരണഘടനയും എന്ന വിഷയത്തിലുളള ഓണ്ലൈന് പ്രോഗ്രാം എന്നിവയാണിവ. ഹെരിറ്റേജ് ലൈബ്രറി ,സ്കൂള് ഓഫ് കമ്മ്യൂണിറ്റി. ഡവലപ്മെന്റ്, ഓറിയന്റേഷന് പ്രോഗ്രാമുകള്, ഫെലോഷിപ്പുകള് തുടങ്ങിയവയാണ് നിലവില് ചെയറിന്റെ പ്രവര്ത്തനങ്ങള്.
Culture
ജൂറി ഹോം സിനിമ കണ്ടിട്ടുണ്ടാകില്ല: വിമര്ശനവുമായി നടന് ഇന്ദ്രന്സ്
കുറ്റവാളി നിരപരാധിയാണെന്ന് തെളിഞ്ഞാല് ജൂറി വീണ്ടും സിനിമ കാണുമോയെന്നും ഇന്ദ്രന്സ് ചോദിച്ചു.
ചലച്ചിത്ര അവാര്ഡ് വിവാദത്തില് മാധ്യമങ്ങളോട് പ്രതികരണം നടത്തി നടന് ഇന്ദ്രന്സ്. സംസ്ഥാന ചലച്ചിത്ര പുരസ്കാര ജൂറി ‘ഹോം’ സിനിമ കണ്ടുകാണില്ല. തനിക്ക് അവാര്ഡ് ലഭിക്കാത്തതില് വിഷമമില്ല. എന്നാല് ഹോം സിനിമക്ക് അവാര്ഡ് പ്രതീക്ഷിച്ചെന്ന് ഇന്ദ്രന്സ് പറഞ്ഞു.
ഹോമിനെ തഴഞ്ഞതിനും, ചിത്രത്തിലെ പ്രകടനത്തിന് ഇന്ദ്രന്സിനെ മികച്ച നടനുള്ള പുരസ്കാരത്തിന് പരിഗണിക്കാതിരുന്നതിലും സമൂഹമാധ്യമങ്ങളില് വിമര്ശനം ശക്തമായ പശ്ചാത്തലത്തിലാണ് അദ്ദേഹത്തിന്റെ പ്രതികരണം.
ഹൃദയം സിനിമയും മികച്ചതാണെന്നും അതോടോപ്പം ചേര്ത്തുവക്കേണ്ട സിനിമായാണ് ഹോമെന്നും അദ്ദേഹം പറഞ്ഞു. സിനിമയെ ഒഴിവാക്കാന് നേരത്തേ കാരണം കണ്ടുവച്ചിട്ടുണ്ടാകാം. വിജയ്ബാബുവിനെതിരായ കേസും കാരണമായേക്കാം. കുറ്റവാളി നിരപരാധിയാണെന്ന് തെളിഞ്ഞാല് ജൂറി വീണ്ടും സിനിമ കാണുമോയെന്നും ഇന്ദ്രന്സ് ചോദിച്ചു.
-
Video Stories8 years ago
കൊടിഞ്ഞിയില് കൊല്ലപ്പെട്ട ഫൈസലിന്റ കഫീല് അബ്ദുല്ല അല്മുഹാവിസിന്റെ വാക്കുകള് വൈറലാവുന്നു
-
Culture8 years ago
അനസ്തേഷ്യയില്ലാത്ത ശസ്ത്രക്രിയയില് ഖുര്ആന് ഉരുവിട്ട് കുഞ്ഞ്; വാര്ത്ത വായിക്കുമ്പോള് വിതുമ്പിക്കരഞ്ഞ് അവതാരകന്
-
More8 years ago
ഭോപ്പാല് വിവാദ ഏറ്റുമുട്ടല്; കൂടുതല് തെളിവുകളോടെ മൂന്നാമത്തെ വീഡിയോ പുറത്ത്
-
More8 years ago
‘മകളെ കൊണ്ട് കള്ളം പറയിച്ചു’ ദിലീപ്-കാവ്യ വിവാഹത്തില് മഞ്ജുവിന്റെ പ്രതികരണം
-
Culture8 years ago
വഴിയോര കച്ചവടങ്ങളിലെ ബിരിയാണിയില് പൂച്ച മാംസം
-
Culture5 years ago
വീട്ടമ്മയുടെ നഗ്നദൃശ്യങ്ങള് ഭര്ത്താവിന് വാട്സ് ആപ്പില്; പ്രതിയെ കണ്ട് ഞെട്ടി പൊലീസും വീട്ടുകാരും
-
Culture7 years ago
‘സോനു നിഗം പ്രിയങ്കയില് നിന്നു പഠിക്കണം; ബാങ്കുവിളിയെക്കുറിച്ചുള്ള അധിക്ഷേപത്തിന് ശേഷം പ്രിയങ്കയുടെ ബാങ്കുവിളി പരാമര്ശം വൈറല്
-
Culture8 years ago
അണികളില് നിന്ന് ‘മുര്ദാബാദ് വിളി’; അസ്വസ്ഥനായി മോദി – മാധ്യമങ്ങള് കണ്ടില്ലെന്ന് നടിച്ച വീഡിയോ