Video Stories
ഓസീ ധിംതരികിട തോം
ഹൊബാര്ട്ട്: കടലാസിലെ പുലികള് കളത്തില് എലികളായപ്പോള് പ്രോട്ടീസ് വീണ്ടും കണക്കു തീര്ത്തു. ദക്ഷിണാഫ്രിക്കയ്ക്കെതിരായ രണ്ടാം ടെസ്റ്റില് ഓസ്ട്രേലിയക്ക് നാണംകെട്ട തോല്വി. ഇന്നിംഗ്സിനും 80 റണ്സിനുമാണ് കംഗാരുപ്പട തോറ്റമ്പിയത്. രണ്ടാം ഇന്നിംഗ്സില് 121ന് രണ്ട് എന്ന നിലയില് നാലാം ദിവസം ബാറ്റിംഗ് പുനരാരംഭിച്ച ഓസ്ട്രേലിയ കേവലം 161 റണ്സിന് പുറത്താകുകയായിരുന്നു. നേരത്തെ ഒന്നാം ഇന്നിങ്സില് 85ന് പുറത്തായി 241 റണ്സ് ലീഡ് വഴങ്ങിയതിനെ തുടര്ന്ന് ഓസീസ് മാധ്യമങ്ങള് ടീമിനെ ഒന്നടങ്കം വിമര്ശിച്ചിരുന്നു. രണ്ടാം ഇന്നിങ്സിലും ബാറ്റിങ് നിര അമ്പേ പരാജയപ്പെട്ടതോടെ ഓസീസ് നായകന് സ്മിത്തിനെതിരെ മുറവിളികള് ഉയര്ന്നു കഴിഞ്ഞു. ജയത്തോടെ മൂന്ന് മത്സരങ്ങളടങ്ങിയ പരമ്പരയിലെ ആദ്യ രണ്ട് മത്സരവും ജയിച്ച് ദക്ഷിണാഫ്രിക്ക പരമ്പര സ്വന്തമാക്കി. സ്കോര്: ഓസ്ട്രേലിയ: 85, 161. ദക്ഷിണാഫ്രിക്ക: 326. രണ്ടാം ഇന്നിങ്സില് ആറ് വിക്കറ്റ് വീഴ്ത്തിയ കെയ്ല് ആബട്ടും നാല് വിക്കറ്റ് വീഴ്ത്തിയ റബാദയുമാണ് ഓസ്ട്രേലിയന് ബാറ്റിങ് നിരയെ തകര്ത്തു തരിപ്പണമാക്കിയത്.
23.1 ഓവറില് 77 റണ്സ് വഴങ്ങിയാണ് ആബട്ട് ആറ് വിക്കറ്റ് വീഴ്ത്തിയത്. റബാദയാകട്ടെ 17 ഓവറില് 34 റണ്സ് വഴങ്ങി നാല് വിക്കറ്റ് വീഴ്ത്തി. നാലാം ദിനം അവസാന എട്ട് വിക്കറ്റുകള് കേവലം 32 റണ്സിനാണ് ഓസ്ട്രേലിയ നഷ്ടപ്പെടുത്തിയത്. ഓസ്ട്രേലിയക്കായി ഉസ്മാന് ക്വാജ (64), ഡേവിഡ് വാര്ണര് (45), ക്യാപ്റ്റന് സ്മിത്ത് (31) എന്നീ മൂന്ന് ബാറ്റ്സ്മാന്മാര് മാത്രമാണ് രണ്ടാം ഇന്നിങ്സില് രണ്ടക്കം കടന്നത്. മറ്റ് ഏഴു പേരുടെ സംഭാവന വോഗ്സ് (2), ബോണ്സ് (0), ഫെര്ഗ്യൂസണ് (1) പീറ്റര് നെവില് (6) ജോ മെന്നി (0), മിച്ചല് സ്റ്റാര്ക്ക് (0) നഥാന് ലിയോണ് (4) എന്നിങ്ങനെയായിരുന്നു. ജോഷ് ഹസില്വുഡ് ആറ് റണ്സുമായി പുറത്താകാതെ നിന്നു. ആദ്യ ഇന്നിങ്സില് ഓസീസ് നിരയില് രണ്ട് പേര് മാത്രമാണ് രണ്ടക്കം കടന്നിരുന്നത്.
നേരത്തെ ക്വിന്റണ് ഡികോക്കിന്റെ (104)സെഞ്ച്വറിയുടെ സഹായത്തോടെ ആദ്യ ഇന്നിംഗ്സില് ദക്ഷിണാഫ്രിക്ക 326 റണ്സ് അടിച്ചെടുത്തിരുന്നു.
ഇരു ഇന്നിങ്സുകളിലുമായി ഒമ്പത് വിക്കറ്റ് വീഴ്ത്തിയ കെയ്ല് ആബട്ടാണ് കളിയിലെ താരം. 2008ലും, 2012ലും ഓസ്ട്രേലിയയില് പരമ്പര സ്വന്തമാക്കിയ ദക്ഷിണാഫ്രിക്ക ഓസ്ട്രേലിയന് മണ്ണില് നേടുന്ന തുടര്ച്ചയായ മൂന്നാം പരമ്പര നേട്ടമാണിത്. ഇംഗ്ലണ്ടും വെസ്റ്റിന്ഡീസും മാത്രമാണ് ഇതിനു മുമ്പ് ഓസീസിനെതിരെ തുടര്ച്ചയായി മൂന്നൂ പരമ്പരകള് സ്വന്തമാക്കിയിട്ടുള്ളത്. കങ്കാരുക്കള്ക്കെതിരെ ദക്ഷിണാഫ്രിക്ക നേടുന്ന ഏറ്റവും വലിയ രണ്ടാമത്തെ ജയമാണ് ഹൊബാര്ട്ടിലേത്. 1969-70ല് ഡര്ബനില് ഇന്നിങ്സിനും 129 റണ്സിനും ഓസീസിനെ പരാജയപ്പെടുത്തിയതാണ് റെക്കോര്ഡ്. ഇരു ഇന്നിങ്സുകളിലുമായി 16 ഓസീ ബാറ്റ്സ്മാന്മാര് രണ്ടക്കം കാണാതെ പുറത്തായത് ഓസ്ട്രേലിയന് ക്രിക്കറ്റ് ചരിത്രത്തില് രണ്ടാമത്തെ സംഭവമാണ്. 1912ലാണ് ഇതിനു മുമ്പ് ഇത്തരമൊരു നാണക്കേട് ഓസീസിന് സംഭവിച്ചത്. സ്വന്തം നാട്ടില് ഇരു ഇന്നിങ്സുകളിലും കുറഞ്ഞ സ്കോര് നേടുകയും 20 വിക്കറ്റ് നഷ്്ടപ്പെടുകയും ചെയ്ത ചരിത്രം 112 വര്ഷങ്ങള്ക്കു മുമ്പാണ് ഓസീസിനുണ്ടായത്.
main stories
മുഖ്യമന്ത്രിയെ കരിങ്കൊടി കാണിച്ച കെ.എസ്.യു നേതാവിന് സി.പി.എം പ്രവര്ത്തകരുടെ മര്ദനം
മുഖ്യമന്ത്രി പിണറായി വിജയന് നേരെ കരിങ്കൊടി കാണിച്ച കെ.എസ്.യു നേതാവിന് സി.പി.എം പ്രവര്ത്തകരുടെ മര്ദനം.
![](https://demo.chandrikadaily.com/wp-content/uploads/2022/06/ct.jpg)
മുഖ്യമന്ത്രി പിണറായി വിജയന് നേരെ കരിങ്കൊടി കാണിച്ച കെ.എസ്.യു നേതാവിന് സി.പി.എം പ്രവര്ത്തകരുടെ മര്ദനം.കണ്ണൂര് കെ.എസ്.യു ജില്ല വൈസ്പ്രസിഡന്് ഫര്ഹാന് മുണ്ടേരിക്കാണ് മര്ദനമേറ്റത്.
മുഖ്യമന്ത്രിക്ക് നേരെ കരിങ്കൊടി കാട്ടിയ ഫര്ഹാനെ പോലീസ് കസ്സറ്റഡിയിലെടുക്കുന്നതിനിടെയായിരുന്നു സി.പി.എം പ്രവര്ത്തകരുടെ മര്ദനം.ഫര്ഹാന് മുണ്ടേരി നിലവില് പോലീസ് കസ്സറ്റഡിയിലാണ്.
kerala
അയ്യൂബിന്റെ ഓട്ടോ ഓടിയത് സി.എച്ച്.സെന്ററിന് വേണ്ടി
കാരുണ്യ യാത്രയിൽ കളക്ഷനായി ലഭിച്ച മുഴുവൻ തുകയും രാത്രിയോടെ കമ്മറ്റിക്ക് കൈമാറി.
![](https://demo.chandrikadaily.com/wp-content/uploads/2022/04/IMG-20220416-WA0002.jpg)
റഊഫ് കൂട്ടിലങ്ങാടി
കൂട്ടിലങ്ങാടി: സി.എച്ച്.സെന്റർ ദിനത്തിൽ കൂട്ടിലങ്ങാടിയിലെ ഓട്ടോ ഡ്രൈവർ മാരത്തൊടി അയ്യൂബ് തന്റെ ഓട്ടോറിക്ഷ ഓടിയത് സി.എച്ച്.സെന്റ്റിന് കലക്ഷൻ ശേഖരിക്കുന്നതിന് വേണ്ടി.
KL -O6 H 291 നമ്പറിലുള്ള ഓട്ടോയിൽ “ഇന്നത്തെ കലക്ഷൻ സി.എച്ച് സെന്ററിന്” എന്ന് എഴുതിയ സ്റ്റിക്കർ പതിച്ചാണ് കാരുണ്യ യാത്രക്കാരുങ്ങി വെള്ളിയാഴ്ച രാവിലെ അയ്യൂബ് ഓട്ടോ സ്റ്റാന്റിലേക്ക് എത്തിയത്.
അശരണരും ആലംബഹീനരുമായ വേദനയനുഭവിക്കുന്ന ആയിരങ്ങളുടെ കണ്ണീരൊപ്പാൻ സി.എച്ച്.സെന്റർ നടത്തുന്ന കാരുണ്യ പ്രവർത്തനത്ത നങ്ങളിൽ ഒരു കൈ സഹായം നൽകി പങ്കാളിത്തം വഴിക്കാൻ കഴിഞ്ഞ ആത്മസംതൃപ്തിയിലാണ് യൂത്ത് ലീഗ് പ്രവർത്തകനായ അയ്യൂബ്.
കാരുണ്യ യാത്രയിൽ കളക്ഷനായി ലഭിച്ച മുഴുവൻ തുകയും രാത്രിയോടെ കമ്മറ്റിക്ക് കൈമാറി. വാർഡ് മെമ്പർ കൂരി മുസ്തഫ,ഷമീർ കോപ്പിലാൻ എന്നിവർ തുക ഏറ്റുവാങ്ങി.
Health
അറുപത് ഡി ബി എസ് ശസ്ത്രക്രിയകളുമായി ആസ്റ്റര് ഹോസ്പിറ്റല്
കേരളത്തില് കോഴിക്കോട് ആസ്റ്റര് മിംസ്, കൊച്ചി ആസ്റ്റര് മെഡ്സിറ്റി എന്നിവിടങ്ങളിലാണ് ഡി ബി എസ് ശസ്ത്രക്രിയ പ്രധാനമായും നിര്വ്വഹിക്കുന്നത് .
![](https://demo.chandrikadaily.com/wp-content/uploads/2022/04/GridArt_20220411_104258224.png)
കോഴിക്കോട്: പാര്ക്കിന്സണ്സ് രോഗത്തിനുള്ള ഏറ്റവും ഫലപ്രദമായ ചികിത്സയായ ഡീപ് ബ്രെയിന് സ്റ്റിമുലേഷന് (ഡി ബി എസ്) അറുപത് എണ്ണം പൂര്ത്തിയാക്കിക്കൊണ്ട് കേരളത്തിലെ ആസ്റ്റര് ഹോസ്പിറ്റലുകള് ശ്രദ്ധേയമാകുന്നു. വളരെ ചുരുങ്ങിയ കാലയളവിനുള്ളിലാണ് അറുപത് ഡി ബി എസ് ശസ്ത്രക്രിയകള് വിജയകരമായി പൂര്ത്തീകരിക്കാന് ആസ്റ്റര് ഹോസ്പിറ്റലുകള്ക്ക് സാധിച്ചിരിക്കുന്നത്. ലോകത്തിലെ തന്നെ ഏറ്റവും മികച്ച ഡി ബി എസ് സെന്ററുകളുടെ നിരക്കുകളോട് സമാനത പുലര്ത്തുന്ന നേട്ടമാണിത്.
നിലയ്ക്കാത്ത വിറയലും അനുബന്ധമായ മറ്റ് ബുദ്ധിമുട്ടുകളുമാണ് പാര്ക്കിന്സണ്സ് രോഗത്തിന്റെ പ്രധാന ലക്ഷണവും പ്രതിസന്ധിയും. ഇത് മൂലം രോഗബാധിതരായവരുടെ ദൈനംദിന ജീവിതം തന്നെ ദുരിതത്തിലാവുകയും സമാനതകളില്ലാത്ത പ്രതിസന്ധികള് അവര് അഭിമുഖീകരിക്കേണ്ടി വരികയും ചെയ്യുന്നു. അടുത്ത കാലം വരെ ഫലപ്രദമായ ചികിത്സകളില്ലാതിരുന്ന രോഗം എന്ന നിലയിലായിരുന്നു പാര്ക്കിന്സണ്സിനെ നോക്കിക്കണ്ടിരുന്നത്. എന്നാല് ഡി ബി എസിന്റെ ആവിര്ഭാവത്തോടെ ഈ അവസ്ഥയ്ക്ക് വലിയ പരിഹാരമാണ് സൃഷ്ടിക്കപ്പെട്ടിരിക്കുന്നത്. തലച്ചോറില് ഇലക്ട്രോഡുകള് ശസ്ത്രക്രിയ വഴി സ്ഥാപിക്കുകയും ഇതിന്റെ തരംഗങ്ങള് ഉപയോഗപ്പെടുത്തി രോഗലക്ഷണങ്ങള്ക്ക് കാരണമാകുന്ന അസാധാരണ പ്രവര്ത്തനങ്ങളെ പ്രതിരോധിക്കുകയോ കുറയ്ക്കുകയോ ചെയ്യുകയുമാണ് ഡി ബി എസിലൂടെ നിര്വ്വഹിക്കപ്പെടുന്നത്.
കേരളത്തില് കോഴിക്കോട് ആസ്റ്റര് മിംസ്, കൊച്ചി ആസ്റ്റര് മെഡ്സിറ്റി എന്നിവിടങ്ങളിലാണ് ഡി ബി എസ് ശസ്ത്രക്രിയ പ്രധാനമായും നിര്വ്വഹിക്കുന്നത് എന്ന് ശ്രീ. ഫര്ഹാന് യാസിന് (റീജ്യണല് ഡയറക്ടര്, ആസ്റ്റര് ഹോസ്പിറ്റല്സ്) പറഞ്ഞു. നിലവിലുള്ള ഏറ്റവും ഫലപ്രദമായ ചികിത്സാ രീതിയാണ് ഡി ബി എസ് എന്നും ഇതുമായി ബന്ധപ്പെട്ടുള്ള ഏത് അന്വേഷണങ്ങള്ക്കും 9746554443 (കൊച്ചിന്), 95623 30022 (കോഴിക്കോട്) എന്നീ നമ്പറുകളില് ബന്ധപ്പെടാവുന്നതാണെന്നും അദ്ദേഹം കൂട്ടിച്ചേര്ത്തു.
-
Video Stories8 years ago
കൊടിഞ്ഞിയില് കൊല്ലപ്പെട്ട ഫൈസലിന്റ കഫീല് അബ്ദുല്ല അല്മുഹാവിസിന്റെ വാക്കുകള് വൈറലാവുന്നു
-
Culture8 years ago
അനസ്തേഷ്യയില്ലാത്ത ശസ്ത്രക്രിയയില് ഖുര്ആന് ഉരുവിട്ട് കുഞ്ഞ്; വാര്ത്ത വായിക്കുമ്പോള് വിതുമ്പിക്കരഞ്ഞ് അവതാരകന്
-
More8 years ago
ഭോപ്പാല് വിവാദ ഏറ്റുമുട്ടല്; കൂടുതല് തെളിവുകളോടെ മൂന്നാമത്തെ വീഡിയോ പുറത്ത്
-
More8 years ago
‘മകളെ കൊണ്ട് കള്ളം പറയിച്ചു’ ദിലീപ്-കാവ്യ വിവാഹത്തില് മഞ്ജുവിന്റെ പ്രതികരണം
-
Culture8 years ago
വഴിയോര കച്ചവടങ്ങളിലെ ബിരിയാണിയില് പൂച്ച മാംസം
-
Culture5 years ago
വീട്ടമ്മയുടെ നഗ്നദൃശ്യങ്ങള് ഭര്ത്താവിന് വാട്സ് ആപ്പില്; പ്രതിയെ കണ്ട് ഞെട്ടി പൊലീസും വീട്ടുകാരും
-
Culture7 years ago
‘സോനു നിഗം പ്രിയങ്കയില് നിന്നു പഠിക്കണം; ബാങ്കുവിളിയെക്കുറിച്ചുള്ള അധിക്ഷേപത്തിന് ശേഷം പ്രിയങ്കയുടെ ബാങ്കുവിളി പരാമര്ശം വൈറല്
-
Culture7 years ago
അണികളില് നിന്ന് ‘മുര്ദാബാദ് വിളി’; അസ്വസ്ഥനായി മോദി – മാധ്യമങ്ങള് കണ്ടില്ലെന്ന് നടിച്ച വീഡിയോ