Local Sports
ഇടിക്കൂട്ടിലേക്ക് ടൈസണ് മടങ്ങിയെത്തുന്നു; 54-ാം വയസ്സില്
![](https://demo.chandrikadaily.com/wp-content/uploads/2020/07/tyson.jpg)
വാഷിങ്ടണ്: ബോക്സിങ് റിങിലെ ഇതിഹാസം മൈക്ക് ടൈസണ് 54ാം വയസില് ഇടിക്കൂട്ടിലേക്ക് മടങ്ങിയെത്തുന്നു. സെപ്തംബര് 12ന് ലോക മുന് ഹെവി വെയിറ്റ് ചാമ്പ്യന് ഫോര് ഡിവിഷന് ലോക ചാമ്പ്യന് റോ ജോന്സ് ജൂനിയറിനെ നേരിടും.
വിര്ച്വല് സോഷ്യല് മീഡിയ, മ്യൂസിക് പ്ലാറ്റ്ഫോമായ ത്രില്ലറിലൂടെ മൂന്ന് മണിക്കൂര് നീളുന്ന പോര് കാണാം. ഈ വര്ഷം മെയില് തിരിച്ചു വരവിന്റെ സൂചന ടൈസന് നല്കിയിരുന്നു. പരിശീലനം നടത്തുന്ന വീഡിയോ പങ്കുവെച്ചായിരുന്നു അത്.
ഡബ്ല്യുബിഎ, ഡബ്ല്യുബിസി, ഐബിഎഫ് എന്നിവയില് കിരീടം നേടിയ ആദ്യ ഹെവി വെയിറ്റ് താരമായ ടൈസന് 2005ലാണ് അവസാനമായി ഇടിക്കൂട്ടിലെത്തിയത്. ചാരിറ്റി പ്രവര്ത്തനങ്ങള്ക്കായി പണം സമാഹരിക്കുന്നതിന് വീണ്ടും റിങ്ങിലേക്ക് എത്താന് ആഗ്രഹിക്കുന്നതായി ടൈസന് പറഞ്ഞിരുന്നു.
20ാം വയസില് ഹെവി വെയിറ്റ് ചാമ്പ്യനായ ടൈസന് റെക്കോര്ഡിട്ടിരുന്നു. 1986ല് ട്രെവര് ബെര്ബിക്കിനെ തോല്പ്പിച്ചായിരുന്നു ഇത്. 58 പ്രൊഫഷണല് മത്സരങ്ങളില് 50ലും അദ്ദേഹം ജയം പിടിച്ചു. ഒടുവില് കെവിന് മക്ബ്രൈഡിനോടേറ്റ തോല്വിക്ക് പിന്നാലെ 2005ല് വിരമിക്കല് പ്രഖ്യാപിച്ചു.
Football
കൊവിഡ് തരംഗം; മലപ്പുറത്ത് നടക്കേണ്ട സന്തോഷ് ട്രോഫി മത്സരങ്ങള് മാറ്റിവച്ചു
ഫെബ്രുവരി മൂന്നാം വാരം സ്ഥിതിഗതികള് വിലയിരുത്തിയതിന് ശേഷം പുതുക്കിയ തീയതി അറിയിക്കുമെന്ന് എഐഎഫ്എഫ് വാര്ത്താകുറിപ്പില് അറിയിച്ചു.
![](https://demo.chandrikadaily.com/wp-content/uploads/2022/01/Untitled-3-copy-7.jpg)
സംസ്ഥാനത്ത് കോവിഡ് വ്യാപനം രൂക്ഷമായ സാഹചര്യത്തില് കേരളത്തില് അടുത്ത മാസം മുതല് നടക്കേണ്ടിയിരുന്ന സന്തോഷ് ട്രോഫി ഫുട്ബോള് ടൂര്ണമെന്റ് മാറ്റിവച്ചു. അഖിലേന്ത്യാ ഫുട്ബോള് ഫെഡറേഷനാണ് (എഐഎഫ്എഫ്) തീരുമാനം അറിയിച്ചത്. ഫെബ്രുവരി മൂന്നാം വാരം സ്ഥിതിഗതികള് വിലയിരുത്തിയതിന് ശേഷം പുതുക്കിയ തീയതി അറിയിക്കുമെന്ന് എഐഎഫ്എഫ് വാര്ത്താകുറിപ്പില് അറിയിച്ചു. അടുത്ത മാസം മലപ്പുറം ജില്ലയില് വെച്ചായിരുന്നു ടൂര്ണമെന്റിന്റിലെ ഫൈനല് റൗണ്ട് മത്സരങ്ങള് നടത്താന് തീരുമാനിച്ചിരുന്നത്. ഫെബ്രുവരി 20 മുതല് മാര്ച്ച് 6 വരെയായിരുന്നു ടൂര്ണമെന്റ്. പയ്യനാട്, കോട്ടപ്പടി സ്റ്റേഡിയങ്ങളായിരുന്നു മത്സര വേദികളാകേണ്ടിയിരുന്നത്.
Local Sports
ബിജെപിയിലേക്കെന്ന പ്രചാരണം; വാര്ത്തകളില് വാസ്തവമില്ലെന്ന് അഞ്ജു ബോബി ജോര്ജ്
നിയമസഭാ തെരഞ്ഞെടുപ്പില് മികച്ച പ്രകടനം ലക്ഷ്യമിട്ട് അഞ്ജുവിനെ രാജ്യസഭാ എംപിയാക്കാന് ബിജെപി ആലോചിക്കുന്നു എന്നായിരുന്നു വാര്ത്തകള്.
![](https://demo.chandrikadaily.com/wp-content/uploads/2020/12/anju-bobby-george.jpg)
ബംഗളൂരു: താന് രാഷ്ട്രീയത്തില് ഇറങ്ങുമെന്ന തരത്തില് മാധ്യമങ്ങളില് വരുന്ന വാര്ത്തകളില് വാസ്തവമില്ലെന്ന് മുന് അത്ലറ്റ് അഞ്ജുബോബി ജോര്ജ്. കായിക മേഖലയുടെ വളര്ച്ചയ്ക്കായുള്ള പദ്ധതികളാണ് ഇപ്പോള് തന്റെ മുമ്പിലുള്ളത് എന്നും അത്ലറ്റിക് ഫെഡറേഷന് സീനിയര് വൈസ് പ്രസിഡണ്ടായ അഞ്ജു വ്യക്തമാക്കി.
നിയമസഭാ തെരഞ്ഞെടുപ്പില് മികച്ച പ്രകടനം ലക്ഷ്യമിട്ട് അഞ്ജുവിനെ രാജ്യസഭാ എംപിയാക്കാന് ബിജെപി ആലോചിക്കുന്നു എന്നായിരുന്നു വാര്ത്തകള്.
പബ്ലിസിറ്റി ലക്ഷ്യമിട്ടാണ് ഇത്തരം വാര്ത്തകള് പടച്ചുവിടുന്നത്. പലരും വിളിച്ചുപറഞ്ഞപ്പോഴാണ് ഇതേക്കുറിച്ച് അറിയുന്നത്. രാഷ്ട്രീയമല്ല ലക്ഷ്യം. കായികമേഖലയുടെ വളര്ച്ചക്കായുള്ള വിവിധ പദ്ധതികളാണ് ഇപ്പോള് മനസ്സില്. അവ ഓരോന്നായി നടപ്പാക്കുന്ന തിരക്കിലാണ്
അഞ്ജു ബോബി ജോര്ജ്
ഡിസംബര് 11നാണ് അഞ്ജു ജോലിയില് നിന്ന് സ്വയം വിരമിച്ചിരുന്നത്. 22 വര്ഷത്തെ സേവനത്തിന് ശേഷമാണ് വിരമിക്കല്. ബംഗളൂരുവില് അഞ്ജു ബോബി സ്പോട്സ് ഫൗണ്ടേഷന്റെ പ്രവര്ത്തനങ്ങളിലും ഇവര് സജീവമായി ഇടപെടുന്നുണ്ട്.
Local Sports
പുതിയ അഥിതിയെത്തുന്നു, പ്രാര്ത്ഥനകള് ഉണ്ടാകണം- അച്ഛനാകുന്ന വാര്ത്ത പങ്കുവച്ച് പാണ്ഡ്യ
![](https://demo.chandrikadaily.com/wp-content/uploads/2020/07/pande.jpg)
മുംബൈ: ജീവിതത്തിലേക്ക് പുതിയ അതിഥിയെ വരവേല്ക്കാന് ഒരുങ്ങിയിരിക്കുകയാണ് എന്ന് ഇന്ത്യന് ക്രിക്കറ്റ് താരം ഹര്ദിക് പാണ്ഡ്യ. ഗര്ഭിണിയായ പങ്കാളി നടാഷ സ്റ്റാന്കോവിച്ചിനൊപ്പമുള്ള ചിത്രവും പാണ്ഡ്യ പങ്കുവച്ചു.
‘നടാഷയുമൊന്നിച്ചുള്ള യാത്ര മഹത്തരമായിരുന്നു. അതു കൂടുതല് മനോഹരമാകാന് പോകുന്നു. ഞങ്ങളുടെ ജീവിതത്തിലേക്ക് വളരെ വൈകാതെ പുതിയൊരാള് കൂടി വരും. ജീവിതത്തിന്റെ ഈ ഘട്ടത്തില് ഞങ്ങള് ആഹ്ലാദഭരിതരാണ്. നിങ്ങളുടെ ആശംസകളും അനുഗ്രഹങ്ങളുമുണ്ടാകണം’ – പാണ്ഡ്യ ഇന്സ്റ്റഗ്രാമില് കുറിച്ചു.
സെര്ബിയന് സ്വദേശിനിയായ ബോളിവുഡ് നടിയും മോഡലുമാണ് നടാഷ സ്റ്റാന്കോവിച്ച്. ഈ വര്ഷമാദ്യമാണ് ഇരുവരും പ്രണയം തുറന്നു സമ്മതിച്ചത്.
പരിക്കിനിടെ തുടര്ന്ന് ഇന്ത്യന് ടീമില് നിന്ന് പുറത്തായ പാണ്ഡ്യ ഈയിടെ ശസ്ത്രക്രിയക്ക് വിധേയനായിരുന്നു. കഴിഞ്ഞ വര്ഷം സെപ്തംബറില് ദക്ഷിണാഫ്രിക്കയ്ക്കെതിരെയുള്ള ടി 20 പരമ്പരയ്ക്ക് ശേഷം താരം അന്താരാഷ്ട്ര മത്സരം കളിച്ചിട്ടില്ല.
-
Video Stories8 years ago
കൊടിഞ്ഞിയില് കൊല്ലപ്പെട്ട ഫൈസലിന്റ കഫീല് അബ്ദുല്ല അല്മുഹാവിസിന്റെ വാക്കുകള് വൈറലാവുന്നു
-
Culture8 years ago
അനസ്തേഷ്യയില്ലാത്ത ശസ്ത്രക്രിയയില് ഖുര്ആന് ഉരുവിട്ട് കുഞ്ഞ്; വാര്ത്ത വായിക്കുമ്പോള് വിതുമ്പിക്കരഞ്ഞ് അവതാരകന്
-
More8 years ago
ഭോപ്പാല് വിവാദ ഏറ്റുമുട്ടല്; കൂടുതല് തെളിവുകളോടെ മൂന്നാമത്തെ വീഡിയോ പുറത്ത്
-
More8 years ago
‘മകളെ കൊണ്ട് കള്ളം പറയിച്ചു’ ദിലീപ്-കാവ്യ വിവാഹത്തില് മഞ്ജുവിന്റെ പ്രതികരണം
-
Culture8 years ago
വഴിയോര കച്ചവടങ്ങളിലെ ബിരിയാണിയില് പൂച്ച മാംസം
-
Culture5 years ago
വീട്ടമ്മയുടെ നഗ്നദൃശ്യങ്ങള് ഭര്ത്താവിന് വാട്സ് ആപ്പില്; പ്രതിയെ കണ്ട് ഞെട്ടി പൊലീസും വീട്ടുകാരും
-
Culture7 years ago
‘സോനു നിഗം പ്രിയങ്കയില് നിന്നു പഠിക്കണം; ബാങ്കുവിളിയെക്കുറിച്ചുള്ള അധിക്ഷേപത്തിന് ശേഷം പ്രിയങ്കയുടെ ബാങ്കുവിളി പരാമര്ശം വൈറല്
-
Culture8 years ago
അണികളില് നിന്ന് ‘മുര്ദാബാദ് വിളി’; അസ്വസ്ഥനായി മോദി – മാധ്യമങ്ങള് കണ്ടില്ലെന്ന് നടിച്ച വീഡിയോ