Sports
വി.പി സത്യന് ഓര്മയായിട്ട് ഒന്നരപതിറ്റാണ്ട്
കാല്പന്തുകളിയിലെ അഭിമാനതാരം വി.പി സത്യന് ഓര്മ്മയായിട്ട് ഇന്നേക്ക് 15 വര്ഷം തികയുന്നു. കണ്ണൂരിലെ ഗ്രാമത്തില് നിന്ന് പന്തുതട്ടി ഇന്ത്യയുടെ ഫുട്ബോള് നായകസ്ഥാനത്തേക്ക് ഉയര്ന്ന സത്യന്റെ കളിയോര്മകള് ഒന്നരപതിറ്റാണ്ടിനിപ്പുറവും മനസില് മായാതെ നില്ക്കുന്നതാണ്. നാല് സാഫ് ഗെയിംസില് പങ്കെടുത്ത ഏകമലയാളിതാരമായ ഈ പ്രതിരോധനിരക്കാരന് കേരള ഫുട്ബോളിലെ സുവര്ണതലമുറയിലെ പ്രധാനിയാണ്. കാല്പന്തുപ്രേമികളെ കണ്ണീരിലാഴ്ത്തി അകാലത്തില് വിടപറഞ്ഞെങ്കിലും തുകല്പന്തിനെ ജീവനുതുല്യം സ്നേഹിച്ച ക്യാപ്റ്റന്റെ സ്മരണാര്ത്ഥം ആരംഭിച്ച വി.പി സത്യന് സോക്കര് സ്കൂള് പുതിയ പ്രതിഭകളെ സൃഷ്ടിച്ച് അദ്ദേഹത്തിന്റെ സ്വപ്നങ്ങള്ക്ക് നിറംപകരുകയാണ്.
കൗമാരതാരങ്ങളെ വളര്ത്തിയെടുക്കുക ലക്ഷ്യമിട്ട് 2013 നവംബറിലാണ് വി.പി സത്യന് സോക്കര് സ്കൂള് കോഴിക്കോട് കേന്ദ്രമായി പിറവിയെടുത്തത്. സത്യന്റെ ഭാര്യ അനിതയുടെയും താരത്തെ സ്നേഹിക്കുന്നഅനേകംപേരുടേയും ഏറെകാലത്തെ ആഗ്രഹമായിരുന്നു അക്കാദമി. സെപ്റ്റ് കോഴിക്കോടിന്റെ 29 കുട്ടികളെ ദത്തെടുത്താണ് സോക്കര് സ്കൂളിന്റെ തുടക്കം. അണ്ടര് 14, 12,10 എന്നീ വിഭാഗങ്ങളിലേക്ക് സെലക്ഷന് നടത്തി. മലബാര് ക്രിസ്ത്യന് കോളജ് ഗ്രൗണ്ട്, സെന്റ് ജോസഫ്സ് ജൂനിയര് ഗ്രൗണ്ട്, റെയില്വെ ഗ്രൗണ്ട് എന്നിവിടങ്ങളിലായാണ് പരിശീലനം. കേരളത്തിലെ മുന്നിര കോച്ചുമാരെല്ലാം പരിശീലക റോളിലെത്തി. അനിതാ സത്യന് പ്രസിഡന്റും എ.ജെ സണ്ണി സെക്രട്ടറിയുമായ കമ്മിറ്റിയാണ് സ്കൂളിന്റെ പ്രവര്ത്തനങ്ങള്ക്ക് നേതൃത്വം നല്കുന്നത്.
ചുരുങ്ങിയകാലത്തിനുള്ളില് ദേശീയ അന്തര്ദേശീയതലത്തില് നിരവധി കൗമാരതാരങ്ങളെ വളര്ത്തിയെടുത്ത സോക്കര് സ്കൂള് പ്രഖ്യാപിതലക്ഷ്യത്തിലേക്കുള്ള യാത്രയിലാണിപ്പോള്. സ്പെയിനിലെ അണ്ടര് 18 സെക്കന്റ്ഡ് ഡിവിഷന് ഫുട്ബോള് ടൂര്ണമെന്റില് മിന്നുംപ്രകടനം നടത്തി ടോപ്സ്കോററായ മുഹമ്മദ് നെമില് സത്യന് സോക്കര് സ്കൂളിലൂടെയാണ് കളിപഠിച്ചത്. ഐലീഗില് ഗോകുലം കേരള എഫ്.സി ജൂനിയര് ടീമിലും ബ്ലാസ്റ്റേഴ്സ് കൗമാരനിരയിലിലുമെല്ലാം സത്യന് സ്കൂളിലെ പ്രതിഭകളുണ്ട്. നിലവില് രണ്ട് വര്ഷത്തിലൊരിക്കലാണ് ടീം സെലക്ഷന് ക്യാമ്പ് നടത്തുന്നത്. ഓരോ ബാച്ചിലും 30 അംഗസംഘത്തെ സെലക്ട് ചെയ്ത് കൃത്യമായ പരിശീലനത്തിലൂടെ മികവിലേക്കുയര്ത്തുന്നു. ഇതിനായി മികച്ച കോച്ചിംഗ് നിരതന്നെയുണ്ട്. പരിമിതികള്ക്ക് നടുവിലാണ് അക്കാദമിയുടെ പ്രവര്ത്തനം. സ്വന്തമായൊരു ഗ്രൗണ്ട് എന്ന ലക്ഷ്യം ഇനിയും യാഥാര്ത്ഥ്യമായിട്ടില്ല. മറ്റുക്ലബുകള് ചെയ്യുന്നതുപോലെ കുട്ടികളില് നിന്ന് വലിയ സംഖ്യ ഈടാക്കുകയോ സ്പോണ്സര്മാരെ കണ്ടെത്തി പ്രവര്ത്തനരീതിയില് മാറ്റംവരുത്താനോ സ്കൂള് അധികൃതര് ശ്രമിച്ചിട്ടില്ല. പലപ്പോഴും സ്കൂള് നടത്തിപ്പ് പ്രതിസന്ധിനേരിട്ടെങ്കിലും സത്യന് എന്ന പേരുനല്കുന്ന ആത്മവിശ്വാസമാണ് പ്രചോദനമായത്. പരാധീനതകള്ക്കിടയിലും പുതിയ പ്രതിഭകളെ കണ്ടെത്തി നിശ്ചയദാര്ഢ്യത്തോടെ യാത്രതുടരുകയാണ് സോക്കര് സ്കൂള്. സത്യന്റെ സ്വപ്നങ്ങളിലേക്ക്.
News
ലണ്ടനിലെത്തി മഞ്ഞപ്പട
26ന് ആരംഭിക്കുന്ന നെക്സ്റ്റ് ജെന് കപ്പ് ടൂര്ണമെന്റിനുള്ള കേരള ബ്ലാസ്റ്റേഴ്സ് ടീം ലണ്ടനിലെത്തി.
കൊച്ചി: 26ന് ആരംഭിക്കുന്ന നെക്സ്റ്റ് ജെന് കപ്പ് ടൂര്ണമെന്റിനുള്ള കേരള ബ്ലാസ്റ്റേഴ്സ് ടീം ലണ്ടനിലെത്തി. ഗോവയില് നടന്ന റിലയന്സ് ഫൗണ്ടേഷന് ഡെവലപ്മെന്റ് ലീഗില് റണ്ണേഴ്സ് അപ്പായാണ് ബ്ലാസ്റ്റേഴ്സ് നെക്സ്റ്റ് ജെന് കപ്പിന് യോഗ്യത നേടിയത്. പ്രമുഖ പ്രീമിയര് ലീഗ് ക്ലബ്ബുകളുടെ യൂത്ത് ടീമുകളെയാണ് ബ്ലാസ്റ്റേഴ്സ് നേരിടുന്നത്. ബെംഗളൂരു എഫ്സി, റിലയന്സ് ഫൗണ്ടേഷന് യങ് ചാമ്പ്സ് എന്നീ ടീമുകളും ഇന്ത്യയില് നിന്ന് മത്സരത്തിനുണ്ട്.
നിലവിലെ ചാമ്പ്യന്മാരായ ചെല്സി എഫ്സി, മാഞ്ചസ്റ്റര് യുണൈറ്റഡ്, സതാംപ്ടണ് എഫ്സി എന്നിവയാണ് ഇംഗ്ലീഷ് ടീമുകള്. അണ്ടര് 21 താരങ്ങളാണ് ബ്ലാസ്റ്റേഴ്സിനായി ബൂട്ടണിയുന്നത്. രണ്ട് അണ്ടര് 23 താരങ്ങളും ടീമിലുണ്ട്. പ്രീമിയര് ലീഗും ഇന്ത്യന് സൂപ്പര്ലീഗും തമ്മിലുള്ള സഹകരണത്തിന്റെ ഭാഗമായാണ് നെക്സ്റ്റ് ജെന് കപ്പ് സംഘടിപ്പിക്കുന്നത്. ബ്ലാസ്റ്റേഴ്സ് ടീം: സച്ചിന് സുരേഷ്, മുഹമ്മദ് മുര്ഷിദ്, മുഹീത് ഷബീര് ഖാന്, മുഹമ്മദ് ബാസിത്, ഹോര്മിപാം റൂയിവാ, ബിജോയ് വി, തേജസ് കൃഷ്ണ, മര്വാന് ഹുസൈന്, ഷെറിന് സലാറി, അരിത്ര ദാസ്, മുഹമ്മദ് ജാസിം, ജീക്സണ് സിങ്, ആയുഷ് അധികാരി, ഗിവ്സണ് സിങ്, മുഹമ്മദ് അസര്, മുഹമ്മദ് അജ്സല്, മുഹമ്മദ് അയ്മെന്, നിഹാല് സുധീഷ്. തോമക് ഷ്വാസാണ് മുഖ്യ പരിശീലകന്. ടി.ജി പുരുഷോത്തമന് സഹപരിശീലകന്.
News
ഇന്ത്യക്കിന്ന് രണ്ടാം ഏകദിനം; ജയിച്ചാല് പരമ്പര
ആദ്യ ഏകദിനത്തില് കേവലം നാല് റണ്സിന് ഭാഗ്യത്തിന് രക്ഷപ്പെട്ട ഇന്ത്യക്കിന്ന് രണ്ടാം ഏകദിനം.
പോര്ട്ട് ഓഫ് സ്പെയിന്: ആദ്യ ഏകദിനത്തില് കേവലം നാല് റണ്സിന് ഭാഗ്യത്തിന് രക്ഷപ്പെട്ട ഇന്ത്യക്കിന്ന് രണ്ടാം ഏകദിനം. രാത്രി ഏഴിന് ആരംഭിക്കുന്ന മല്സരത്തില് ജയിച്ചാല് ശിഖര് ധവാന്റെ സംഘത്തിന് പരമ്പര സ്വന്തമാക്കാം. പക്ഷേ ആദ്യ മല്സരത്തില് തന്നെ വിന്ഡീസ് ഇന്ത്യയെ ഞെട്ടിച്ച സാഹചര്യത്തില് ധവാന്റെ സംഘത്തിന് മുന് കരുതല് നന്നായി വേണ്ടി വരും. ആദ്യ മല്സരത്തില് വന് സ്ക്കോര് ഉയര്ത്തിയിരുന്നു ഇന്ത്യ. നായകന് ധവാന് സ്വന്തമാക്കിയ 97 റണ്സ്, സഹ ഓപ്പണര് ശുഭ്മാന് ഗില്, മൂന്നാമനായ ശ്രേയാംസ് അയ്യര് എന്നിവരുടെ അര്ധ ശതകങ്ങള് എന്നിവയെല്ലാം സഹായമായപ്പോള് ഏഴ് വിക്കറ്റിന് 308 റണ്സ്.
പക്ഷേ മറുപടിയില് വിന്ഡീസ് 305 ലെത്തി. ഓപ്പണര് ഷായ് ഹോപ്പിനെ (7) മുഹമ്മദ് സിറാജ് പെട്ടെന്ന് പുറത്താക്കിയെങ്കിലും കൈല് മേയേഴ്സ്, ഷംറോ ബ്രുക്സ് എന്നിവര് തകര്ത്തടിച്ചു. അപാര ഫോമിലായിരുന്നു മേയേഴ്സ്. 10 ബൗണ്ടറികളും ഒരു സിക്സറും ഉള്പ്പെടെ ഗംഭീര ഇന്നിംഗ്സ്. ബ്രൂക്സാവട്ടെ കൂറ്റനടികള്ക്ക് നിന്നില്ല. പക്ഷേ ന്നായി പിന്തുണച്ചു. ഈ സഖ്യത്തെ ഷാര്ദുല് ഠാക്കൂര് പുറത്താക്കുമ്പോഴേക്കും നല്ല അടിത്തറ കിട്ടിയിരുന്നു ആതിഥേയര്ക്ക്. ബ്രൂക്സ് പുറത്തായ ശേഷമെത്തിയ ബ്രാന്ഡണ് കിംഗും പൊരുതി നിന്നതോടെ ഇന്ത്യ വിറക്കാന് തുടങ്ങി. ബൗളര്മാര് തെറ്റുകള് ആവര്ത്തിച്ചു. പന്തുകള് അതിര്ത്തിയിലേക്ക് പായാന് തുടങ്ങി. മേയേഴ്സിനെ സഞ്ജു സാംസണിന്റെ കരങ്ങളിലെത്തിച്ച് ഷാര്ദുല് തന്നെയാണ് മല്സരത്തിലേക്ക് ടീമിനെ തിരികെ കൊണ്ടുവന്നത്. 189 റണ്സിലായിരുന്നു മേയേഴ്സിന്റെ മടക്കം. ഫോമിലുള്ള നായകന് നിക്കോളാസ് പുരാനെ സിറാജ് രണ്ടാം വരവില് മടക്കിയതോടെ ആവേശമായി. യൂസവേന്ദ്ര ചാഹല് റോവ്മാന് പവലിനെ (6) വേഗം മടക്കി. പക്ഷേ അപ്പോഴും വാലറ്റത്തില് അഖില് ഹുസൈന് (32 നോട്ടൗട്ട്), റോമാരിയോ ഷെപ്പേര്ഡ് എന്നിവര് അവസാനം വരെ പൊരുതി.
News
കളി കാര്യവട്ടത്ത്; മല്സരം സെപ്തംബര് 28ന്
ഓസ്ട്രേലിയയില് ഒക്ടോബറില് നടക്കാനിരിക്കുന്ന ടി-20 ലോകകപ്പ് മുന്നിര്ത്തി ഇന്ത്യന് ക്രിക്കറ്റ് ടീം തിരുവനന്തപുരത്തേക്ക്.
മുംബൈ: ഓസ്ട്രേലിയയില് ഒക്ടോബറില് നടക്കാനിരിക്കുന്ന ടി-20 ലോകകപ്പ് മുന്നിര്ത്തി ഇന്ത്യന് ക്രിക്കറ്റ് ടീം തിരുവനന്തപുരത്തേക്ക്. ദക്ഷിണാഫ്രിക്കക്കെതിരായ ടി-20 പരമ്പരയിലെ ഒരു മല്സരം തിരുവനന്തപുരം കാര്യവട്ടം ഗ്രീന്ഫീല്ഡ് സ്റ്റേഡിയത്തിലായിരിക്കും.
സെപ്തംബര് 28 നാണ് അങ്കം. ലോകകപ്പിന് മുമ്പ് ഓസ്ട്രേലിയന് ടി-20 സംഘം ഇന്ത്യയിലെത്തുന്നുണ്ട്. മൊഹാലി (സെപ്തംബര് 20,) നാഗ്പ്പൂര് (സെപ്തംബര് 23), ഹൈദരാബാദ് (സെപ്തംബര് 25) എന്നിവിടങ്ങളലായിരിക്കും ഈ മല്സരങ്ങള്. ഇതിന് ശേഷമായിരിക്കും ദക്ഷിണാഫ്രിക്ക വരുന്നത്. ആദ്യ മല്സരം തിരുവനന്തപുരത്തും രണ്ടാംമല്സരം ഗോഹട്ടിയിലും (ഒക്ടോബര് 01), മൂന്നാം മല്സരം ഇന്ഡോറിലുമായിരിക്കും (ഒക്ടോബര് 3). ഈ പരമ്പരക്ക് ശേഷം മൂന്ന് മല്സര ഏകദിന പരമ്പരയിലും ദക്ഷിണാഫ്രിക്ക കളിക്കും. റാഞ്ചി (ഒക്ടോബര് 6), ലക്നൗ (ഒക്ടോബര് 9), ഡല്ഹി (ഒക്ടോബര് 3) എന്നിവിടങ്ങളിലാണ് ഈ മല്സരം. കോവിഡ് കാലത്ത് കളിക്കാന് കഴിയാതിരുന്ന പരമ്പരയാണ് ക്രിക്കറ്റ് ബോര്ഡ് ഇപ്പോള് റീ ഷെഡ്യൂള് ചെയ്തിരിക്കുന്നത്.
2019 ലാണ് അവസാനമായി തിരുവനന്തപുരത്ത് ഒരു രാജ്യാന്തര മല്സരം നടന്നത്. ഡിസംബര് എട്ടിന് നടന്ന ആ മല്സരത്തില് വിരാത് കോലിയുടെ ഇന്ത്യയെ വിന്ഡീസ് തറപറ്റിച്ചിരുന്നു.
-
Video Stories7 years ago
കൊടിഞ്ഞിയില് കൊല്ലപ്പെട്ട ഫൈസലിന്റ കഫീല് അബ്ദുല്ല അല്മുഹാവിസിന്റെ വാക്കുകള് വൈറലാവുന്നു
-
Culture7 years ago
അനസ്തേഷ്യയില്ലാത്ത ശസ്ത്രക്രിയയില് ഖുര്ആന് ഉരുവിട്ട് കുഞ്ഞ്; വാര്ത്ത വായിക്കുമ്പോള് വിതുമ്പിക്കരഞ്ഞ് അവതാരകന്
-
More8 years ago
ഭോപ്പാല് വിവാദ ഏറ്റുമുട്ടല്; കൂടുതല് തെളിവുകളോടെ മൂന്നാമത്തെ വീഡിയോ പുറത്ത്
-
More7 years ago
‘മകളെ കൊണ്ട് കള്ളം പറയിച്ചു’ ദിലീപ്-കാവ്യ വിവാഹത്തില് മഞ്ജുവിന്റെ പ്രതികരണം
-
Culture8 years ago
വഴിയോര കച്ചവടങ്ങളിലെ ബിരിയാണിയില് പൂച്ച മാംസം
-
Culture5 years ago
വീട്ടമ്മയുടെ നഗ്നദൃശ്യങ്ങള് ഭര്ത്താവിന് വാട്സ് ആപ്പില്; പ്രതിയെ കണ്ട് ഞെട്ടി പൊലീസും വീട്ടുകാരും
-
Culture7 years ago
‘സോനു നിഗം പ്രിയങ്കയില് നിന്നു പഠിക്കണം; ബാങ്കുവിളിയെക്കുറിച്ചുള്ള അധിക്ഷേപത്തിന് ശേഷം പ്രിയങ്കയുടെ ബാങ്കുവിളി പരാമര്ശം വൈറല്
-
Culture7 years ago
അണികളില് നിന്ന് ‘മുര്ദാബാദ് വിളി’; അസ്വസ്ഥനായി മോദി – മാധ്യമങ്ങള് കണ്ടില്ലെന്ന് നടിച്ച വീഡിയോ