Video Stories
മൗനം വെടിയൂ… സൂകിയോട് ലോകം
യാങ്കൂണ്: മ്യാന്മര് സേന റോഹിന്ഗ്യന് മുസ്്ലിംകളെ നിഷ്ഠൂരം വേട്ടയാടുമ്പോള് ലോകത്തെ ഏറെ അത്ഭുതപ്പെടുത്തുന്നത് സമാധാന നൊബേല് ജേതാവ് ആങ് സാന് സൂകിയുടെ മൗനം. ഒരുകാലത്ത് ജനാധിപത്യ ധ്വംസനങ്ങള്ക്കുവേണ്ടി പോരാടി അന്താരാഷ്ട്ര സമൂഹത്തിന്റെ ആദരവ് പിടിച്ചുപറ്റിയ സൂകി പാവപ്പെട്ട മുസ്്ലിംകളുടെ കാര്യത്തില് ഉറക്കം നടിക്കുന്നത് എന്തിനാണെന്ന് പ്രമുഖ രാജ്യങ്ങളും മനുഷ്യാവകാശ സംഘടനകളും ചോദിക്കുന്നു.
റാഖിന് സ്റ്റേറ്റില് 10 ദിവസത്തിനിടെ 123,000 പേര് ബംഗ്ലാദേശിലേക്ക് പലായനം ചെയ്തിട്ടുണ്ടെന്നാണ് കണക്ക്. കുട്ടികളും സ്ത്രീകളുമുള്പ്പെടെ 400ലേറെ റോഹിന്ഗ്യ മുസ്്ലിംകളെ സൈന്യം കൊലപ്പെടുത്തി.
പിഞ്ചുകുട്ടികളെപ്പോലും ജീവനോടെ ചുട്ടെരിച്ച് മ്യാന്മര് സേന റോഹിന്ഗ്യ ഗ്രാമങ്ങളെ ചുട്ടെരിക്കുമ്പോള് സമാധാനത്തിന്റെ കാവല് മാലാഖയായി ലോകം വാഴ്ത്തുന്ന സൂകി അഭിപ്രായപ്രകടത്തിനുപോലും നില്ക്കാതെ മാളത്തിലൊളിക്കുകയാണ്. ആഗസ്റ്റ് 25ന് സൈന്യം റോഹിന്ഗ്യകളെ വേട്ടയാടിത്തുടങ്ങിയ ശേഷം സൂകിയില്നിന്ന് പരസ്യ പ്രസ്താവനകളൊന്നും ഉണ്ടായിട്ടില്ല. മനുഷ്യാവകാശ ധ്വംസനങ്ങള്ക്കിരയായി പതിനായിരങ്ങളാണ് റാഖിനില് നരകിക്കുന്നതെന്ന് മ്യാന്മറിലെ യു.എന് പ്രത്യേക ദൂത യാങ്ഹീ ലീ പറയുന്നു. മ്യാന്മര് സേനയെ അടക്കിനിര്ത്തണമെന്ന് യു.എന് സെക്രട്ടറി ജനറല് അന്റോണിയോ ഗുട്ടെറസും സൂകിയുടെ നേതൃത്വത്തിലുള്ള ഭരണകൂടത്തോട് ആവശ്യപ്പെട്ടിട്ടുണ്ട്. മ്യാന്മര് ഭരണകൂടത്തിന്റെ നിഷ്ക്രിയത്വത്തെ സമാധാന നൊബേല് ജേതാവ് മലാല യൂസുഫ്സായിയും അപലപിച്ചു. വാര്ത്തകള് കാണുന്ന ഓരോ ഘട്ടത്തിലും റോഹിന്ഗ്യ മുസ്്ലിംകളുടെ ദുരിതം എന്റെ ഹൃദയത്തെ തകര്ക്കുന്നു. റോഹിന്ഗ്യകളോട് കാണിക്കുന്ന ദുരന്തപൂര്ണവും നിന്ദ്യവുമായ പെരുമാറ്റത്തെ വര്ഷങ്ങളായി ഞാന് അപലപിച്ചുകൊണ്ടിരിക്കുന്നു. എന്നെപ്പോലെ സമാധാന നൊബേല് നേടിയ സൂകിയും അക്രമങ്ങളെ അപലപിക്കുന്നത് കേള്ക്കാന് ഞാന് കാത്തിരിക്കുകയാണ്- മലാല കൂട്ടിച്ചേര്ത്തു.
സൂകിയുടെ മൗനത്തെ മലേഷ്യന് പ്രധാനമന്ത്രി അനീഫ അമാനും ചോദ്യംചെയ്തു. തുറന്നുപറഞ്ഞാല്, സൂകിയുടെ നിലപാടില് താന് അതൃപ്തനാണെന്ന് അദ്ദേഹം പറഞ്ഞു. റോഹിന്ഗ്യകള്ക്കുവേണ്ടി രംഗത്തിറങ്ങണമെന്ന് തുര്ക്കി പ്രസിഡന്റ് റജബ് ത്വയ്യിബ് ഉര്ദുഗാന് ലോകസമൂഹത്തോട് അഭ്യര്ത്ഥിച്ചു. മുസ്്ലിം ഗ്രാമങ്ങള് കത്തിക്കൊണ്ടിരിക്കുകയാണ്. മ്യാന്മമറിലെ കൂട്ടക്കുരിതിക്കു മുന്നില് മനുഷ്യത്വം നിശബ്ദമാണ്. യു.എന് ജനറല് അസംബ്ലിയില് പ്രശ്നം ഉന്നയിക്കുമെന്നും ഉര്ദുഗാന് വ്യക്തമാക്കി.
തെക്കുകിഴക്കന് ഏഷ്യയിലെ പല മുസ്്ലിം രാജ്യങ്ങളും മ്യാന്മറുമായുള്ള നയതന്ത്ര ബന്ധം വിച്ഛേദിക്കുന്നതിനെക്കുറിച്ചുപോലും ചിന്തിക്കുന്നുണ്ട്. റോഹിന്ഗ്യ മുസ്്ലിംകള്ക്കെതിരെയുള്ള കൂട്ടക്കുരുതികള് തടയുന്നതിന് നടപടി സ്വീകരിക്കുന്നതുവരെ മ്യാന്മറുമായുള്ള എല്ലാ വ്യാപാര ബന്ധങ്ങളും നിര്ത്തിവെച്ചതായി മാലദ്വീപ് പ്രഖ്യാപിച്ചു. ഇന്തോനേഷ്യന് വിദേശകാര്യ മന്ത്രി രെത്്നോ മര്സൂദി മ്യാന്മര് നേതാവ് സൂകിയെയും സൈനിക മേധാവിയേയും നേരില് കണ്ട് പ്രശ്നത്തിന്റെ ഗൗരവം അറിയിച്ചു. പാകിസ്താനും ആശങ്ക പ്രകടിപ്പിച്ചു. മ്യന്മാറില് നടക്കുന്നത് വംശീയ ഉന്മൂലനമാണെന്ന് ഇറാന് വിദേശകാര്യ മന്ത്രി ജവാദ് ശരീഫ് പറഞ്ഞു.
main stories
മുഖ്യമന്ത്രിയെ കരിങ്കൊടി കാണിച്ച കെ.എസ്.യു നേതാവിന് സി.പി.എം പ്രവര്ത്തകരുടെ മര്ദനം
മുഖ്യമന്ത്രി പിണറായി വിജയന് നേരെ കരിങ്കൊടി കാണിച്ച കെ.എസ്.യു നേതാവിന് സി.പി.എം പ്രവര്ത്തകരുടെ മര്ദനം.
മുഖ്യമന്ത്രി പിണറായി വിജയന് നേരെ കരിങ്കൊടി കാണിച്ച കെ.എസ്.യു നേതാവിന് സി.പി.എം പ്രവര്ത്തകരുടെ മര്ദനം.കണ്ണൂര് കെ.എസ്.യു ജില്ല വൈസ്പ്രസിഡന്് ഫര്ഹാന് മുണ്ടേരിക്കാണ് മര്ദനമേറ്റത്.
മുഖ്യമന്ത്രിക്ക് നേരെ കരിങ്കൊടി കാട്ടിയ ഫര്ഹാനെ പോലീസ് കസ്സറ്റഡിയിലെടുക്കുന്നതിനിടെയായിരുന്നു സി.പി.എം പ്രവര്ത്തകരുടെ മര്ദനം.ഫര്ഹാന് മുണ്ടേരി നിലവില് പോലീസ് കസ്സറ്റഡിയിലാണ്.
kerala
അയ്യൂബിന്റെ ഓട്ടോ ഓടിയത് സി.എച്ച്.സെന്ററിന് വേണ്ടി
കാരുണ്യ യാത്രയിൽ കളക്ഷനായി ലഭിച്ച മുഴുവൻ തുകയും രാത്രിയോടെ കമ്മറ്റിക്ക് കൈമാറി.
റഊഫ് കൂട്ടിലങ്ങാടി
കൂട്ടിലങ്ങാടി: സി.എച്ച്.സെന്റർ ദിനത്തിൽ കൂട്ടിലങ്ങാടിയിലെ ഓട്ടോ ഡ്രൈവർ മാരത്തൊടി അയ്യൂബ് തന്റെ ഓട്ടോറിക്ഷ ഓടിയത് സി.എച്ച്.സെന്റ്റിന് കലക്ഷൻ ശേഖരിക്കുന്നതിന് വേണ്ടി.
KL -O6 H 291 നമ്പറിലുള്ള ഓട്ടോയിൽ “ഇന്നത്തെ കലക്ഷൻ സി.എച്ച് സെന്ററിന്” എന്ന് എഴുതിയ സ്റ്റിക്കർ പതിച്ചാണ് കാരുണ്യ യാത്രക്കാരുങ്ങി വെള്ളിയാഴ്ച രാവിലെ അയ്യൂബ് ഓട്ടോ സ്റ്റാന്റിലേക്ക് എത്തിയത്.
അശരണരും ആലംബഹീനരുമായ വേദനയനുഭവിക്കുന്ന ആയിരങ്ങളുടെ കണ്ണീരൊപ്പാൻ സി.എച്ച്.സെന്റർ നടത്തുന്ന കാരുണ്യ പ്രവർത്തനത്ത നങ്ങളിൽ ഒരു കൈ സഹായം നൽകി പങ്കാളിത്തം വഴിക്കാൻ കഴിഞ്ഞ ആത്മസംതൃപ്തിയിലാണ് യൂത്ത് ലീഗ് പ്രവർത്തകനായ അയ്യൂബ്.
കാരുണ്യ യാത്രയിൽ കളക്ഷനായി ലഭിച്ച മുഴുവൻ തുകയും രാത്രിയോടെ കമ്മറ്റിക്ക് കൈമാറി. വാർഡ് മെമ്പർ കൂരി മുസ്തഫ,ഷമീർ കോപ്പിലാൻ എന്നിവർ തുക ഏറ്റുവാങ്ങി.
Health
അറുപത് ഡി ബി എസ് ശസ്ത്രക്രിയകളുമായി ആസ്റ്റര് ഹോസ്പിറ്റല്
കേരളത്തില് കോഴിക്കോട് ആസ്റ്റര് മിംസ്, കൊച്ചി ആസ്റ്റര് മെഡ്സിറ്റി എന്നിവിടങ്ങളിലാണ് ഡി ബി എസ് ശസ്ത്രക്രിയ പ്രധാനമായും നിര്വ്വഹിക്കുന്നത് .
കോഴിക്കോട്: പാര്ക്കിന്സണ്സ് രോഗത്തിനുള്ള ഏറ്റവും ഫലപ്രദമായ ചികിത്സയായ ഡീപ് ബ്രെയിന് സ്റ്റിമുലേഷന് (ഡി ബി എസ്) അറുപത് എണ്ണം പൂര്ത്തിയാക്കിക്കൊണ്ട് കേരളത്തിലെ ആസ്റ്റര് ഹോസ്പിറ്റലുകള് ശ്രദ്ധേയമാകുന്നു. വളരെ ചുരുങ്ങിയ കാലയളവിനുള്ളിലാണ് അറുപത് ഡി ബി എസ് ശസ്ത്രക്രിയകള് വിജയകരമായി പൂര്ത്തീകരിക്കാന് ആസ്റ്റര് ഹോസ്പിറ്റലുകള്ക്ക് സാധിച്ചിരിക്കുന്നത്. ലോകത്തിലെ തന്നെ ഏറ്റവും മികച്ച ഡി ബി എസ് സെന്ററുകളുടെ നിരക്കുകളോട് സമാനത പുലര്ത്തുന്ന നേട്ടമാണിത്.
നിലയ്ക്കാത്ത വിറയലും അനുബന്ധമായ മറ്റ് ബുദ്ധിമുട്ടുകളുമാണ് പാര്ക്കിന്സണ്സ് രോഗത്തിന്റെ പ്രധാന ലക്ഷണവും പ്രതിസന്ധിയും. ഇത് മൂലം രോഗബാധിതരായവരുടെ ദൈനംദിന ജീവിതം തന്നെ ദുരിതത്തിലാവുകയും സമാനതകളില്ലാത്ത പ്രതിസന്ധികള് അവര് അഭിമുഖീകരിക്കേണ്ടി വരികയും ചെയ്യുന്നു. അടുത്ത കാലം വരെ ഫലപ്രദമായ ചികിത്സകളില്ലാതിരുന്ന രോഗം എന്ന നിലയിലായിരുന്നു പാര്ക്കിന്സണ്സിനെ നോക്കിക്കണ്ടിരുന്നത്. എന്നാല് ഡി ബി എസിന്റെ ആവിര്ഭാവത്തോടെ ഈ അവസ്ഥയ്ക്ക് വലിയ പരിഹാരമാണ് സൃഷ്ടിക്കപ്പെട്ടിരിക്കുന്നത്. തലച്ചോറില് ഇലക്ട്രോഡുകള് ശസ്ത്രക്രിയ വഴി സ്ഥാപിക്കുകയും ഇതിന്റെ തരംഗങ്ങള് ഉപയോഗപ്പെടുത്തി രോഗലക്ഷണങ്ങള്ക്ക് കാരണമാകുന്ന അസാധാരണ പ്രവര്ത്തനങ്ങളെ പ്രതിരോധിക്കുകയോ കുറയ്ക്കുകയോ ചെയ്യുകയുമാണ് ഡി ബി എസിലൂടെ നിര്വ്വഹിക്കപ്പെടുന്നത്.
കേരളത്തില് കോഴിക്കോട് ആസ്റ്റര് മിംസ്, കൊച്ചി ആസ്റ്റര് മെഡ്സിറ്റി എന്നിവിടങ്ങളിലാണ് ഡി ബി എസ് ശസ്ത്രക്രിയ പ്രധാനമായും നിര്വ്വഹിക്കുന്നത് എന്ന് ശ്രീ. ഫര്ഹാന് യാസിന് (റീജ്യണല് ഡയറക്ടര്, ആസ്റ്റര് ഹോസ്പിറ്റല്സ്) പറഞ്ഞു. നിലവിലുള്ള ഏറ്റവും ഫലപ്രദമായ ചികിത്സാ രീതിയാണ് ഡി ബി എസ് എന്നും ഇതുമായി ബന്ധപ്പെട്ടുള്ള ഏത് അന്വേഷണങ്ങള്ക്കും 9746554443 (കൊച്ചിന്), 95623 30022 (കോഴിക്കോട്) എന്നീ നമ്പറുകളില് ബന്ധപ്പെടാവുന്നതാണെന്നും അദ്ദേഹം കൂട്ടിച്ചേര്ത്തു.
-
Video Stories8 years ago
കൊടിഞ്ഞിയില് കൊല്ലപ്പെട്ട ഫൈസലിന്റ കഫീല് അബ്ദുല്ല അല്മുഹാവിസിന്റെ വാക്കുകള് വൈറലാവുന്നു
-
Culture8 years ago
അനസ്തേഷ്യയില്ലാത്ത ശസ്ത്രക്രിയയില് ഖുര്ആന് ഉരുവിട്ട് കുഞ്ഞ്; വാര്ത്ത വായിക്കുമ്പോള് വിതുമ്പിക്കരഞ്ഞ് അവതാരകന്
-
More8 years ago
ഭോപ്പാല് വിവാദ ഏറ്റുമുട്ടല്; കൂടുതല് തെളിവുകളോടെ മൂന്നാമത്തെ വീഡിയോ പുറത്ത്
-
More8 years ago
‘മകളെ കൊണ്ട് കള്ളം പറയിച്ചു’ ദിലീപ്-കാവ്യ വിവാഹത്തില് മഞ്ജുവിന്റെ പ്രതികരണം
-
Culture8 years ago
വഴിയോര കച്ചവടങ്ങളിലെ ബിരിയാണിയില് പൂച്ച മാംസം
-
Culture5 years ago
വീട്ടമ്മയുടെ നഗ്നദൃശ്യങ്ങള് ഭര്ത്താവിന് വാട്സ് ആപ്പില്; പ്രതിയെ കണ്ട് ഞെട്ടി പൊലീസും വീട്ടുകാരും
-
Culture7 years ago
‘സോനു നിഗം പ്രിയങ്കയില് നിന്നു പഠിക്കണം; ബാങ്കുവിളിയെക്കുറിച്ചുള്ള അധിക്ഷേപത്തിന് ശേഷം പ്രിയങ്കയുടെ ബാങ്കുവിളി പരാമര്ശം വൈറല്
-
Culture8 years ago
അണികളില് നിന്ന് ‘മുര്ദാബാദ് വിളി’; അസ്വസ്ഥനായി മോദി – മാധ്യമങ്ങള് കണ്ടില്ലെന്ന് നടിച്ച വീഡിയോ