Video Stories
ജര്മന്.. നീ മുത്താണ് ബ്രോ..
![](https://demo.chandrikadaily.com/wp-content/uploads/2016/11/gallery-image-991280112.jpg)
ഇന്ത്യന് പ്രീമിയര് ലീഗില് കഴിഞ്ഞ ദിവസം ചെന്നൈ എഫ്സിയെ തുരത്തിയപ്പോള് കേരളാ ബ്ലാസ്റ്റേര്സ് ആരാധകര്ക്ക് ആവേശം പകര്ന്നത് ടീമെന്ന നിലയിലുള്ള താരങ്ങളുടെ ഒത്തിണക്കമാണ്. കഴിഞ്ഞ സീസണില് നഷ്ടപ്പെട്ടുപോയ ഒരുമ ഇത്തവണ ടീം വീണ്ടെടുത്തിരിക്കുന്നു. ടീമില് നിന്ന് ഒരു പ്രശ്നവും റിപ്പോര്ട്ട് ചെയ്യപ്പെടുന്നില്ല. കളിക്കളത്തിലും ഈ ഒരുമ ഏറെ പ്രകടമാകുന്നു.
പോസ്റ്റിനു തൊട്ടുമുന്നില് നിന്നുപോലും പന്ത് പാസ് ചെയ്യാന് മുന്നേറ്റക്കാര് ശ്രമിക്കുന്നു. ചെന്നൈയിനെതിരെ ബ്ലാസ്റ്റേര്സിന്റെ മൂന്നു ഗോളുകളും പിറന്നത് ഈ ടീം സ്പിരിറ്റിലൂടെ തന്നെ. കോച്ച് സ്റ്റീവ് കൊപ്പല് ടീമില് നിറച്ച പോസിറ്റീവ് എനര്ജി തന്നെ ഈ ടീമിന്റെ കുതിപ്പിനു പിന്നില്.
മത്സരത്തില് 28ാം മിനിറ്റില് ബെല്ഫോര്ട്ടിനു പകരക്കാരനായി ആന്റോണിയോ ജര്മനെ ഇറക്കിയതാണ് മത്സരം കേരളത്തിനനുകൂലമായി മാറ്റി മറിച്ചത്. ആദ്യ ഗോളിന് വഴിയൊരുക്കിയ ജര്മന് തന്നെ വിനീതിന്റെ മൂന്നാം ഗോളിനും പിന്നില്. മധ്യനിരയില് നിന്ന് ജര്മന് നീട്ടിനല്കിയ പന്താണ് വിനീത് ഗോളിലേക്ക് തിരിച്ചുവിട്ടത്. വിനീതിന്റെ ആദ്യ ഗോളിലും ഈ ബ്രിട്ടീഷ് കാല്സ്പര്ശമുണ്ടായിരുന്നു.
അസാധ്യ പ്രതിഭയാണെന്ന് പലതവണ ഈ 24കാരന് തെളിയിച്ചതാണ്. പക്ഷെ, ഒരു സ്ട്രൈക്കറെന്ന നിലയില് ടീമിനെ നയിക്കാന് കഴിഞ്ഞ സീസണില് കഴിഞ്ഞില്ല. ഈ സീസണിലും പലപ്പോഴും പകരക്കാരുടെ ബഞ്ചിലായിരുന്നു സ്ഥാനം. പക്ഷെ, ചെന്നൈയിനെതിരായ മത്സരത്തിലൂടെ ആദ്യ ഇലവനിലെ സ്ഥാനം അരക്കിട്ടുറപ്പിച്ചിരിക്കുന്നു ഈ ക്യൂന്സ് പാര്ക്ക് റേഞ്ചേര്സ് യൂത്ത് താരം.
സ്ട്രൈക്കറെന്നതിലുപരി പ്ലേമേക്കറാവാനും തനിക്കാവുമെന്നാണ് ഒരൊറ്റ മത്സരത്തിലൂടെ ജര്മന് തെളിയിച്ചത്. പന്തും കാലും തമ്മിലുള്ള ആ താളം വീണ്ടെടുക്കാനും ജര്മനായി.
ഗോളടിച്ചില്ലെങ്കിലും ഗോളടിപ്പിക്കുകയെന്ന നിലപാടിലേക്കുള്ള ഈ മാറ്റം ബ്ലാസ്റ്റേര്സിന്റെ പ്രയാണത്തിന് ഏറെ കരുത്തുപകരും. അതെ, ആന്റോണിയോ ജര്മന്.. മലയാളികള് ആ പേര് വീണ്ടും ഇഷ്ടപ്പെട്ട് തുടങ്ങിയിരിക്കുന്നു.
പ്രതിഭാ ധാരാളിത്തമുള്ള ഈ കളിക്കാരന് സീസണില് ഫോമിലേക്ക് ഉയരുമ്പോള് കേരളാ ബ്ലാസ്റ്റേര്സിന്റെ മോഹങ്ങളും ചിറകടിച്ചുയരുകയാണ്.
https://www.youtube.com/watch?v=pe6Xqa5YLac
main stories
മുഖ്യമന്ത്രിയെ കരിങ്കൊടി കാണിച്ച കെ.എസ്.യു നേതാവിന് സി.പി.എം പ്രവര്ത്തകരുടെ മര്ദനം
മുഖ്യമന്ത്രി പിണറായി വിജയന് നേരെ കരിങ്കൊടി കാണിച്ച കെ.എസ്.യു നേതാവിന് സി.പി.എം പ്രവര്ത്തകരുടെ മര്ദനം.
![](https://demo.chandrikadaily.com/wp-content/uploads/2022/06/ct.jpg)
മുഖ്യമന്ത്രി പിണറായി വിജയന് നേരെ കരിങ്കൊടി കാണിച്ച കെ.എസ്.യു നേതാവിന് സി.പി.എം പ്രവര്ത്തകരുടെ മര്ദനം.കണ്ണൂര് കെ.എസ്.യു ജില്ല വൈസ്പ്രസിഡന്് ഫര്ഹാന് മുണ്ടേരിക്കാണ് മര്ദനമേറ്റത്.
മുഖ്യമന്ത്രിക്ക് നേരെ കരിങ്കൊടി കാട്ടിയ ഫര്ഹാനെ പോലീസ് കസ്സറ്റഡിയിലെടുക്കുന്നതിനിടെയായിരുന്നു സി.പി.എം പ്രവര്ത്തകരുടെ മര്ദനം.ഫര്ഹാന് മുണ്ടേരി നിലവില് പോലീസ് കസ്സറ്റഡിയിലാണ്.
kerala
അയ്യൂബിന്റെ ഓട്ടോ ഓടിയത് സി.എച്ച്.സെന്ററിന് വേണ്ടി
കാരുണ്യ യാത്രയിൽ കളക്ഷനായി ലഭിച്ച മുഴുവൻ തുകയും രാത്രിയോടെ കമ്മറ്റിക്ക് കൈമാറി.
![](https://demo.chandrikadaily.com/wp-content/uploads/2022/04/IMG-20220416-WA0002.jpg)
റഊഫ് കൂട്ടിലങ്ങാടി
കൂട്ടിലങ്ങാടി: സി.എച്ച്.സെന്റർ ദിനത്തിൽ കൂട്ടിലങ്ങാടിയിലെ ഓട്ടോ ഡ്രൈവർ മാരത്തൊടി അയ്യൂബ് തന്റെ ഓട്ടോറിക്ഷ ഓടിയത് സി.എച്ച്.സെന്റ്റിന് കലക്ഷൻ ശേഖരിക്കുന്നതിന് വേണ്ടി.
KL -O6 H 291 നമ്പറിലുള്ള ഓട്ടോയിൽ “ഇന്നത്തെ കലക്ഷൻ സി.എച്ച് സെന്ററിന്” എന്ന് എഴുതിയ സ്റ്റിക്കർ പതിച്ചാണ് കാരുണ്യ യാത്രക്കാരുങ്ങി വെള്ളിയാഴ്ച രാവിലെ അയ്യൂബ് ഓട്ടോ സ്റ്റാന്റിലേക്ക് എത്തിയത്.
അശരണരും ആലംബഹീനരുമായ വേദനയനുഭവിക്കുന്ന ആയിരങ്ങളുടെ കണ്ണീരൊപ്പാൻ സി.എച്ച്.സെന്റർ നടത്തുന്ന കാരുണ്യ പ്രവർത്തനത്ത നങ്ങളിൽ ഒരു കൈ സഹായം നൽകി പങ്കാളിത്തം വഴിക്കാൻ കഴിഞ്ഞ ആത്മസംതൃപ്തിയിലാണ് യൂത്ത് ലീഗ് പ്രവർത്തകനായ അയ്യൂബ്.
കാരുണ്യ യാത്രയിൽ കളക്ഷനായി ലഭിച്ച മുഴുവൻ തുകയും രാത്രിയോടെ കമ്മറ്റിക്ക് കൈമാറി. വാർഡ് മെമ്പർ കൂരി മുസ്തഫ,ഷമീർ കോപ്പിലാൻ എന്നിവർ തുക ഏറ്റുവാങ്ങി.
Health
അറുപത് ഡി ബി എസ് ശസ്ത്രക്രിയകളുമായി ആസ്റ്റര് ഹോസ്പിറ്റല്
കേരളത്തില് കോഴിക്കോട് ആസ്റ്റര് മിംസ്, കൊച്ചി ആസ്റ്റര് മെഡ്സിറ്റി എന്നിവിടങ്ങളിലാണ് ഡി ബി എസ് ശസ്ത്രക്രിയ പ്രധാനമായും നിര്വ്വഹിക്കുന്നത് .
![](https://demo.chandrikadaily.com/wp-content/uploads/2022/04/GridArt_20220411_104258224.png)
കോഴിക്കോട്: പാര്ക്കിന്സണ്സ് രോഗത്തിനുള്ള ഏറ്റവും ഫലപ്രദമായ ചികിത്സയായ ഡീപ് ബ്രെയിന് സ്റ്റിമുലേഷന് (ഡി ബി എസ്) അറുപത് എണ്ണം പൂര്ത്തിയാക്കിക്കൊണ്ട് കേരളത്തിലെ ആസ്റ്റര് ഹോസ്പിറ്റലുകള് ശ്രദ്ധേയമാകുന്നു. വളരെ ചുരുങ്ങിയ കാലയളവിനുള്ളിലാണ് അറുപത് ഡി ബി എസ് ശസ്ത്രക്രിയകള് വിജയകരമായി പൂര്ത്തീകരിക്കാന് ആസ്റ്റര് ഹോസ്പിറ്റലുകള്ക്ക് സാധിച്ചിരിക്കുന്നത്. ലോകത്തിലെ തന്നെ ഏറ്റവും മികച്ച ഡി ബി എസ് സെന്ററുകളുടെ നിരക്കുകളോട് സമാനത പുലര്ത്തുന്ന നേട്ടമാണിത്.
നിലയ്ക്കാത്ത വിറയലും അനുബന്ധമായ മറ്റ് ബുദ്ധിമുട്ടുകളുമാണ് പാര്ക്കിന്സണ്സ് രോഗത്തിന്റെ പ്രധാന ലക്ഷണവും പ്രതിസന്ധിയും. ഇത് മൂലം രോഗബാധിതരായവരുടെ ദൈനംദിന ജീവിതം തന്നെ ദുരിതത്തിലാവുകയും സമാനതകളില്ലാത്ത പ്രതിസന്ധികള് അവര് അഭിമുഖീകരിക്കേണ്ടി വരികയും ചെയ്യുന്നു. അടുത്ത കാലം വരെ ഫലപ്രദമായ ചികിത്സകളില്ലാതിരുന്ന രോഗം എന്ന നിലയിലായിരുന്നു പാര്ക്കിന്സണ്സിനെ നോക്കിക്കണ്ടിരുന്നത്. എന്നാല് ഡി ബി എസിന്റെ ആവിര്ഭാവത്തോടെ ഈ അവസ്ഥയ്ക്ക് വലിയ പരിഹാരമാണ് സൃഷ്ടിക്കപ്പെട്ടിരിക്കുന്നത്. തലച്ചോറില് ഇലക്ട്രോഡുകള് ശസ്ത്രക്രിയ വഴി സ്ഥാപിക്കുകയും ഇതിന്റെ തരംഗങ്ങള് ഉപയോഗപ്പെടുത്തി രോഗലക്ഷണങ്ങള്ക്ക് കാരണമാകുന്ന അസാധാരണ പ്രവര്ത്തനങ്ങളെ പ്രതിരോധിക്കുകയോ കുറയ്ക്കുകയോ ചെയ്യുകയുമാണ് ഡി ബി എസിലൂടെ നിര്വ്വഹിക്കപ്പെടുന്നത്.
കേരളത്തില് കോഴിക്കോട് ആസ്റ്റര് മിംസ്, കൊച്ചി ആസ്റ്റര് മെഡ്സിറ്റി എന്നിവിടങ്ങളിലാണ് ഡി ബി എസ് ശസ്ത്രക്രിയ പ്രധാനമായും നിര്വ്വഹിക്കുന്നത് എന്ന് ശ്രീ. ഫര്ഹാന് യാസിന് (റീജ്യണല് ഡയറക്ടര്, ആസ്റ്റര് ഹോസ്പിറ്റല്സ്) പറഞ്ഞു. നിലവിലുള്ള ഏറ്റവും ഫലപ്രദമായ ചികിത്സാ രീതിയാണ് ഡി ബി എസ് എന്നും ഇതുമായി ബന്ധപ്പെട്ടുള്ള ഏത് അന്വേഷണങ്ങള്ക്കും 9746554443 (കൊച്ചിന്), 95623 30022 (കോഴിക്കോട്) എന്നീ നമ്പറുകളില് ബന്ധപ്പെടാവുന്നതാണെന്നും അദ്ദേഹം കൂട്ടിച്ചേര്ത്തു.
-
Video Stories8 years ago
കൊടിഞ്ഞിയില് കൊല്ലപ്പെട്ട ഫൈസലിന്റ കഫീല് അബ്ദുല്ല അല്മുഹാവിസിന്റെ വാക്കുകള് വൈറലാവുന്നു
-
Culture8 years ago
അനസ്തേഷ്യയില്ലാത്ത ശസ്ത്രക്രിയയില് ഖുര്ആന് ഉരുവിട്ട് കുഞ്ഞ്; വാര്ത്ത വായിക്കുമ്പോള് വിതുമ്പിക്കരഞ്ഞ് അവതാരകന്
-
More8 years ago
ഭോപ്പാല് വിവാദ ഏറ്റുമുട്ടല്; കൂടുതല് തെളിവുകളോടെ മൂന്നാമത്തെ വീഡിയോ പുറത്ത്
-
More8 years ago
‘മകളെ കൊണ്ട് കള്ളം പറയിച്ചു’ ദിലീപ്-കാവ്യ വിവാഹത്തില് മഞ്ജുവിന്റെ പ്രതികരണം
-
Culture8 years ago
വഴിയോര കച്ചവടങ്ങളിലെ ബിരിയാണിയില് പൂച്ച മാംസം
-
Culture5 years ago
വീട്ടമ്മയുടെ നഗ്നദൃശ്യങ്ങള് ഭര്ത്താവിന് വാട്സ് ആപ്പില്; പ്രതിയെ കണ്ട് ഞെട്ടി പൊലീസും വീട്ടുകാരും
-
Culture7 years ago
‘സോനു നിഗം പ്രിയങ്കയില് നിന്നു പഠിക്കണം; ബാങ്കുവിളിയെക്കുറിച്ചുള്ള അധിക്ഷേപത്തിന് ശേഷം പ്രിയങ്കയുടെ ബാങ്കുവിളി പരാമര്ശം വൈറല്
-
Culture7 years ago
അണികളില് നിന്ന് ‘മുര്ദാബാദ് വിളി’; അസ്വസ്ഥനായി മോദി – മാധ്യമങ്ങള് കണ്ടില്ലെന്ന് നടിച്ച വീഡിയോ