More
വിമാനം വൈകിപ്പിച്ചതില് അസ്വഭാവികതയുണ്ട്. വിവാദങ്ങള്ക്ക് സി.കെ സുബൈറിന്റെ വിശദീകരണം
മുസ്ലിം ലീഗ് എം പി മാര്ക്ക് ഉപരാഷ്ട്രപതി തിരഞ്ഞെടുപ്പില് വോട്ട് രേഖപ്പെടുത്താന് കഴിയാതെ പോയത് എയര് ഇന്ത്യ വിമാനത്തിന്റെ തകരാറ് മൂലമാണെന്നും എന്നാല് അവസാന നിമിഷത്തില് പോലും എം പി മാര് എത്തിച്ചേരാതിരിക്കാന് ചില മനഃപ്പൂര്വ്വ ശ്രമങ്ങള് നടന്നിട്ടുണ്ടോയെന്ന് സംശയമുണ്ടെന്നും മുസ്ലിം യൂത്ത് ലീഗ് ദേശീയ സെക്രട്ടറി സി.കെ സുബൈര് ഫെയ്സ്ബുക്കില് പോസ്റ്റില്. ദേശീയ മാധ്യമങ്ങള് പോലും ഇക്കാര്യം റിപ്പോര്ട്ട് ചെയ്തിട്ടും മനഃപ്പൂര്വ്വം വിവാദങ്ങള് സൃഷ്ടിക്കാന് ശ്രമിക്കുന്നതിന്റെ പിന്നിലെ ദുരുദ്ദേശത്തിലേക്കും പോസ്റ്റില് സൂചനയുണ്ട്. സി.കെ സുബൈറിന്റെ ഫെയ്സ് ബുക്ക് പോസ്റ്റിന്റെ പൂര്ണ്ണ രൂപം.
എയര് ഇന്ത്യ വിമാനത്തിന് ആകസ്മികമായുണ്ടായ സാങ്കേതിക തകരാറുമൂലം മുസ്ലിം ലീഗിന്റെ രണ്ട് എം പി മാര്ക്ക്, ഉപരാഷ്ട്രപതി തിരഞ്ഞെടുപ്പില് വോട്ട് രേഖപ്പെടുത്താനാകാതെ പോയ സംഭവത്തില് സ്വന്തം രാഷ്ട്രീയ താല്പ്പര്യങ്ങള്ക്കനുസരിച്ച് കഥകള് മെനയുകയാണ് ഇപ്പോള് ചിലര്.. .
മട്ടന്നൂര് നഗരസഭാ തിരഞ്ഞെടുപ്പില് ഐക്യജനാധിപത്യ മുന്നണിയുടെ തെരഞ്ഞെടുപ്പ് പ്രചാരണ പൊതുസമ്മേ ളനത്തില് പങ്കെടുക്കാനാണ് പാര്ലമെന്റ് സമ്മേളനത്തിനിടയില് കുഞ്ഞാലിക്കുട്ടി സാഹിബ് നാട്ടിലെത്തിയിരുന്നത്.. മട്ടന്നൂരിലേക്കുള്ള യാത്രയില് വടകര മുതല് അദ്ദേഹത്തോടൊപ്പം ഞാനുമുണ്ടായിരുന്നു… പാര്ലമെന്റ് സമ്മേളനം നടക്കുന്നതിനിടയില് നാട്ടിലെ പ്രധാന പരിപാടികളില് പങ്കെടുക്കേണ്ടി വരുന്നതിലുള്ള ബുദ്ധിമുട്ട് അദ്ദേഹം യാത്രക്കിടയില് എന്നോട് പങ്ക് വച്ചു.. പാര്ലമെന്റിലേക്ക് പോയാലും, കുഞ്ഞാപ്പയെ കേരളത്തിനും, യു ഡി എഫി നും നഷ്ടമാകില്ലെന്ന് സയ്യിദ് ഹൈദരലി ശിഹാബ് തങ്ങള് പറഞ്ഞിരുന്ന കാര്യം ഞാനദ്ദേഹത്തെ ഓര്മ്മപ്പെടുത്തി..സ്ഥാനാര്ത്ഥി പ്രഖ്യാപനത്തിന് മുന്പ് തന്നെ കേരളത്തിന്റെ മനസ്സ് ചോദിച്ച ഒരു ചോദ്യമായിരുന്നു., കേരളം,വിട്ട് കുഞ്ഞാലിക്കുട്ടി സാഹിബ് ഡല്ഹിയിലേക്ക് ചേക്കേറിയാല് എന്താവും കേരള രാഷ്ട്രീയത്തിന്റെയും, വിശേഷിച്ച് യു ഡി എഫി ന്റെയും സ്ഥിതി എന്നത്.. പരിണിത പ്രജ്ഞരായ സീനിയര് നേതാക്കളുടെ അഭാവം കേരളത്തിലെ യു ഡി എഫി ല് ഉണ്ടാക്കുന്ന വിടവ് സംബന്ധിച്ച് കേരളീയ പൊതുമനസ്സാക്ഷിയില് ചോദ്യങ്ങളുയരുകയും, മുന് മുഖ്യമന്ത്രി ഉമ്മന് ചാണ്ടിയടക്കം അത് പാണക്കാട് തങ്ങളുടെ ശ്രദ്ധയില് കൊണ്ട് വരികയും ചെയ്തിരുന്നു.. ആ ആശങ്ക മുഴുവന് മാറ്റി കൊണ്ടാണ് തങ്ങള് അന്ന് സ്ഥാനാര്ത്ഥി പ്രഖ്യാപനം നടത്തിയത്..
‘പാര്ലമെന്റിലേക്ക് കുഞ്ഞാപ്പ മല്സരിക്കും..പക്ഷേ, കേരളത്തില് അദ്ദേഹത്തിന്റെ നേത്യത്വം പാര്ട്ടി തുടര്ന്നും ഉപയോഗപ്പെടുത്തും..’ഇതായിരുന്നു തങ്ങളുടെ പ്രഖ്യാപനം.. അതനുസരിച്ച് ദേശീയ തലത്തില് ശക്തമായി ഇടപെടുമ്പോഴും, കേരളത്തില് നിര്ണായക സന്ദര്ഭങ്ങളില് അദ്ദേഹത്തിന്റെ സാന്നിദ്ധ്യം അനിവാര്യമാണ് എന്നതിനെ സംബന്ധിച്ചായിരുന്നു എന്റെ സംസാരം..
യു ഡി എഫ് ഉന്നതാധികാര സമിതിയിലും., സമരങ്ങളിലും സജീവമായി പങ്കെടുക്കുന്നത് അത് കൊണ്ട് തന്നെയാണ് എന്ന് അദ്ദേഹം മറുപടിയും പറഞ്ഞു… ഇപ്പോള് യു ഡി എഫ് തെരഞ്ഞെടുപ്പ് പ്രചാരണത്തിനാണ് നാട്ടിലെത്തിയത്.. ഫലസ്തീന് ഐക്യ ദാര്ഡ്യത്തിനായി നാളെ കോഴിക്കോട് നടക്കുന്ന സെമിനാറില് പങ്കെടുക്കണം.. ചന്ദ്രികയുടെ ഡയറക്ടര്മാരുടെ വളരെ പ്രധാനപ്പെട്ട യോഗത്തിലും നാളെ പങ്കെടുക്കേണ്ടതുണ്ട് .. പിറ്റേന്ന് രാവിലെ ഏഴ് മുപ്പതിന് ഡല്ഹിയിലേക്ക്.. ഉച്ചക്ക് അവിടെയെത്തും.. വോട്ട് രേഖപ്പെടുത്തി തിരികെ നാട്ടിലേക്ക്… പിറ്റേ ദിവസം വളാഞ്ചേരി മര്ക്കസ് മഹാസമ്മേളനം.. പരിപാടികളുടെ പട്ടിക കേട്ടപ്പോള് ഈ ഓട്ടപ്പാച്ചിലിനു പിന്നിലെ കഠിന പ്രയത്നങ്ങളെക്കുറിച്ചാണ് ഞാന് ആലോചിച്ചത്.. ഈ ഉത്തരവാദിത്ത നിര്വഹണമാണ് പിന്നീട് ഭൗര്ഭാഗ്യകരമായ ചര്ച്ചകളിലേക്ക് വഴിവച്ചത്… കുഞ്ഞാലിക്കുട്ടി സാഹിബിനോട് സംഭവത്തിന്റെ നിജസ്ഥിതി ചോദിച്ചറിഞ്ഞത് ഞാനിവിടെ പങ്കു വെക്കുന്നു.
ആഗസ്ത് 5നു രാവിലെ ഏഴര മണിക്ക് തന്നെ കോഴിക്കോട് വിമാനത്താവളത്തില് നിന്ന് വിമാനം കയറിയ കുഞ്ഞാലിക്കുട്ടി സാഹിബും,വഹാബ് സാഹിബും സമയക്രമം അനുസരിച്ച് തന്നെ മുംബെ എയര്പോര്ട്ടിയിലെത്തിയിരുന്നു.. മുംബൈ വഴി ഡല്ഹിയില് 12.15നു എത്തുന്നതാണ് പ്രസ്തുത വിമാനത്തിന്റെ കണകഷന് ഷെഡ്യൂള്. എന്നാല് രാവിലെ 9.30 ന് മുംബെയിലെത്തിയ വിമാനത്തിന്റെ കണക്ഷന് വിമാനം ഒന്നര മണിക്കൂര് വൈകി 11.30 നു പുറപ്പെടുന്നതാണെന്ന് അറിയിപ്പ് ലഭിച്ചു.. ഡല്ഹി വിമാനത്തില് കയറി അവര് 11.30 ആയപ്പോള്, വാതിലുകള് അടക്കുകയും വിമാനം പുറപ്പെടുകയാണെന്ന് അനൗണ്സ്മെന്റ് ഉണ്ടാവുകയും ചെയ്തു.. അപ്പോഴാണ് വൈദ്യുതി തകരാറിലായി വിമാനം അരമണിക്കൂര് കൂടി വൈകും എന്ന അറിയിപ്പ് ലഭിച്ചത്.. 12.15 ന് എത്തേണ്ട വിമാനം 1.40 നു എത്തും . വൈകുന്നേരം 5 മണി വരെ വോട്ടെടുപ്പ് ഉണ്ട് എന്നതിനാല് അത് അത്ര വലിയ പ്രശ്നമായി അപ്പോള് തോന്നിയില്ല. ആ സമയത്ത് വൈദ്യുതി തകരാറിലായതിനാല് എ സി പ്രവര്ത്തിക്കാത്തത് മൂലം യാത്രക്കാര് അസ്വസ്ഥരാവുകയും, വിമാനത്തില് നിന്ന് ഇറങ്ങണമെന്ന് അവശ്യപ്പെട്ട് ബഹളം വക്കുകയും ചെയ്തു. അടച്ചിട്ട വിമാനത്തില് ഉഷ്ണിച്ച് പിഞ്ചുകുഞ്ഞുങ്ങള് കരയാന് തുടങ്ങി.. അരമണിക്കൂര് കഴിഞ്ഞപ്പോള് അടുത്ത അനൗണ്സ്മെന്റ്… തകരാര് പരിഹരിക്കാനായിട്ടില്ല്ലെന്നും, അര മണിക്കൂര് കൂടി വീണ്ടും വൈകും എന്ന്.. അപ്പോള് തന്നെ കുഞ്ഞാലിക്കുട്ടി സാഹിബും വഹാബ്ക്കയും തങ്ങള് പാര്ലമെന്റംഗങ്ങളാണെന്നുംപാര്ലമെന്റില് ഉപരാഷ്ട്രപതി തെരെഞ്ഞെടുപ്പ് നടക്കുകയാണെന്നും അതിനാല് വിമാനത്തില് നിന്ന് അടിയന്തിരമായി ഇറങ്ങണമെന്നും പൈലറ്റിനോട് ക്രൂ മുഖേന രേഖാമൂലം അവശ്യപ്പെട്ടു… എന്നാല് ഇറങ്ങാന് അവര് അനുവദിച്ചില്ല.. പെട്ടെന്ന് എല്ലാം ശരിയാക്കി യാത്ര തുടരാം എന്ന് അറിയിക്കുകയും 3.30നു മുമ്പായി എന്തായാലും എത്തിക്കാമെന്ന് സമാധാനിപ്പിക്കുകയും ചെയ്തു. .. 280ഓളം യാത്രക്കാരുണ്ടായിരുന്നു വിമാനത്തില് ആ വിമാനത്തില്… ഡല്ഹിയില് നിന്നും മറ്റു കണക്ഷന് വിമാനങ്ങളില് അമേരിക്കയിലേക്കും യൂറോപ്യന് രാജ്യങ്ങളിലേക്കുമൊക്കെ പോവേണ്ടവര് തങ്ങളുടെ യാത്ര മുടങ്ങുന്നതില് അസ്വസ്ഥരായി.ആളുകള് ബഹളം വച്ചു കൊണ്ടിരുന്നു. ഉപരാഷ്ട്രപതി തിരഞ്ഞെടുപ്പില് വോട്ട് ചെയ്യാനുള്ള അവകാശം വിനിയോഗിക്കാന് യാത്ര മറ്റൊരു വിമാനത്തില് തുടരണമെന്ന് അറിയിച്ചതിന് ശേഷവും വിമാനത്തില് നിന്ന് ഇറങ്ങാനനുവദിക്കാതെ പിന്നെയും ഒന്നര മണിക്കൂര് വൈകിച്ചു എന്നതില് ഒരു അസ്വാഭാവികതയുണ്ടെന്ന് ന്യായമായും സംശയിക്കേണ്ടിയിരിക്കുന്നു.. മാത്രമല്ല 4 .15 നാണ് വിമാനം ഡല്ഹിയില് ലാന്റ് ചെയ്യുന്നത്.. ആ സമയത്ത് പുറത്ത് കടന്നിരുന്നെങ്കിലും വോട്ട് ചെയ്യാനാകുമായിരുന്നു.. എയര് ബ്രിഡ്ജ് തകരാറാണ് എന്ന് പറഞ്ഞ് 10 മിനുട്ടോളം പിന്നെയും ഡോര് തുറക്കാന് വൈകിച്ചു . ഇങ്ങനെ പരമാവധി വൈകിയാണ് പുറത്ത് വരാന് അവസരമുണ്ടായത്. പത്ത് മിനിട്ട് വൈകി വോട്ട് ചെയ്യാന് എത്തിയതിന് മാധ്യമങ്ങള് സാക്ഷിയാണ്. ഞങ്ങള്ക്കും, നമ്മുടെ പാര്ട്ടി പ്രവര്ത്തകര്ക്കും വലിയ മന: പ്രയാസം ഉണ്ടാക്കുന്ന അനുഭവമാണിതെന്ന് കുഞ്ഞാലിക്കുട്ടി സാഹിബ് പറഞ്ഞു… 12.15 ന് എത്തേണ്ട വിമാനം നാല് മണിക്കൂറിലേറെ വൈകിയത് അസ്വാഭാവികമായ അനുഭവമാണ്… സ്വപ്നത്തില് പോലും വിചാരിക്കാനാവാത്തതാണ്.. എത്രയോ വര്ഷത്തിനിടയിലെ ആദ്യ അനുഭവം എന്ന് കൂടി അദ്ദേഹം പറഞ്ഞു..
ജുനൈദിന്റെ ക്രൂരമായ കൊലപാതകത്തിനും, അടിക്കടി ഉണ്ടാകുന്ന അക്രമങ്ങള്ക്കുമെതിരെ മുസ്ലിം ലീഗ് ദേശീയ ജന:സെക്രട്ടറിയെന്ന നിലക്ക് കുഞ്ഞാലികുട്ടി സാഹിബും ട്രഷറര് അബ്ദുല് വഹാബ് സാഹിബും നടത്തുന്ന ധീരമായ ഇടപെടലുകള് മനസ്സിലാക്കാത്തവരല്ല സാമൂഹ്യ മാധ്യമങ്ങളില് അവര്ക്കെതിരെ പൊങ്കാലയിട്ടുകൊണ്ടിരിക്കുന്നവര്. ചെറിയ പെരുന്നാള് പിറ്റേന്നു നടത്തിയ പത്ര സമ്മേളനം മുതല് മുസ്ലിം ലീഗ് പ്രതിനിധി സംഘത്തെ ഡല്ഹിയിലേക്ക് നിയോഗിച്ചത്… ജൂലൈ രണ്ടാം തിയതി മുതല് ദേശീയ ക്യാമ്പയിന് തീരുമാനിച്ചതു… കോഴിക്കോട് പ്രതിഷേധ സംഗമത്തിന്റെ സംഘാടനം.. .ചെന്നെയിലെ പ്രതിഷേധ സംഗമം .. ഡല്ഹി പാര്ലമെന്റ് മാര്ച്ച് സംഘടിപ്പിക്കാനും അതില് ഉത്തരേന്ത്യയിലെ പ്രവര്ത്തകരെ പങ്കെടുപ്പിക്കാനും, കുഞ്ഞാലിക്കുട്ടി സാഹിബും വഹാബ് സാഹിബും നടത്തിയ പ്രവര്ത്തനങ്ങള്…
ഇതെല്ലാം കൃത്യമായി അറിയാവുന്ന ഒരാളെന്ന നിലക്ക് അവരുടെ ആത്മാര്ത്തത ചോദ്യം ചെയ്യുന്നവരുടെ രാഷ്ട്രീയ ലക്ഷ്യം തിരിച്ചറിയണമെന്നാണ് എന്റെ അഭിപ്രായം. ഉപരാഷ്ട്രപതി സ്ഥാനാര്ത്ഥിയുടെ നാമനിര്ദേശ പത്രിക സമര്പ്പണ ചടങ്ങില് പങ്കെടുത്തതിന് ശേഷമാണ് കുഞ്ഞാലിക്കുട്ടി സാഹിബ് മുസ്ലിം ലീഗ് പാര്ലമെന്റ് മാര്ച്ചിനെത്തിയിരുന്നത്. അതിന് ശേഷമാണ് സംഘ് പരിവാറിനെതിരെ ആഞ്ഞടിച്ചുള്ള അദ്ദേഹത്തിന്റെ പാര്ലമെന്റ് പ്രസംഗം…ഇതെല്ലാം കൂട്ടിവെച്ച് വേണം ഈ ദൗര്ഭാഗ്യകരമായ സംഭവത്തെ വിശകലനം ചെയ്യാന്..
ഈ വിമാനം 4.10 ന് മാത്രം എത്തുന്ന വിമാനമാണെന്നും, മനപൂര്വം അതില് കയറിയതാണെന്നും ചിലര് ഫേസ് ബുക്കില് പോസ്റ്റിട്ടിരുന്നു.. അവര്ക്കു വേണ്ടി കുഞ്ഞാലിക്കുട്ടി സാഹിബിന്റെ ബോര്ഡിംഗ് പാസും, ഈ വിമാനത്തിലുണ്ടായ അസ്വാഭാവിക സംഭവങ്ങളെ കുറിച്ച് ദേശീയ മാധ്യമങ്ങളില് വന്ന വാര്ത്തകളും ഇതോടൊപ്പം ചേര്ക്കുന്നു….
കള്ളക്കഥകള് പ്രചരിപ്പിക്കുന്നവര്ക്ക് ഇനിയുമതാവാം… ഈ പോസ്റ്റ് അവര്ക്കു വേണ്ടിയല്ല… തെറ്റിദ്ധരിക്കപ്പെടുന്നവര്ക്ക് വേണ്ടിയാണ്.. സത്യമറിയാന് താല്പ്പര്യമുള്ളവര്ക്ക് വേണ്ടി മാത്രം..
Health
സോനു സൂദും ആസ്റ്റര് മെഡ്സിറ്റിയും കൈകോര്ത്തു; ഏഴു മാസം പ്രായമുള്ള കുഞ്ഞില് കരള് മാറ്റിവയ്ക്കല് വിജയകരമായി പൂര്ത്തിയാക്കി
ആസ്റ്റര് വോളന്റിയേഴ്സ്, ബോളിവുഡ് നടന് സോനു സൂദുമായി സഹകരിച്ച്, കരള് രോഗബാധിതരായ നിര്ധന കുടുംബങ്ങളിലെ കുട്ടികളുടെ ചികിത്സയ്ക്കു വേണ്ടി തുടങ്ങിയ ദി സെക്കന്റ് ചാന്സ് ഇനീഷ്യേറ്റീവ് പദ്ധതിയിലെ ആദ്യത്തെ കരള് മാറ്റിവയ്ക്കല് ശസ്ത്രക്രിയ ആസ്റ്റര് മെഡ്സിറ്റിയില് വിജയകരമായി പൂര്ത്തിയാക്കി.
കൊച്ചി: ആസ്റ്റര് വോളന്റിയേഴ്സ്, ബോളിവുഡ് നടന് സോനു സൂദുമായി സഹകരിച്ച്, കരള് രോഗബാധിതരായ നിര്ധന കുടുംബങ്ങളിലെ കുട്ടികളുടെ ചികിത്സയ്ക്കു വേണ്ടി തുടങ്ങിയ ദി സെക്കന്റ് ചാന്സ് ഇനീഷ്യേറ്റീവ് പദ്ധതിയിലെ ആദ്യത്തെ കരള് മാറ്റിവയ്ക്കല് ശസ്ത്രക്രിയ ആസ്റ്റര് മെഡ്സിറ്റിയില് വിജയകരമായി പൂര്ത്തിയാക്കി. മുഹമ്മദ് സഫാന് അലി എന്ന ഏഴുമാസം പ്രായമുള്ള കുഞ്ഞിന്റെ കരളാണ് മാറ്റിവച്ചത്. കൊച്ചി ആസ്റ്റര് മെഡ്സിറ്റി ആശുപത്രിയില് നടന്ന ശസ്ത്രക്രിയയില് കുട്ടിയുടെ അമ്മ തന്നെയായിരുന്നു കരള് ദാതാവ്.
നാല് മാസം പ്രായമുള്ളപ്പോഴാണ് സഫാന് അലിയെ ആസ്റ്റര് മെഡ്സിറ്റിയിലേക്ക് കൊണ്ടുവരുന്നത്. പിത്തരസം കുഴലുകള് അഥവാ, കരളിനെ കുടലുമായി ബന്ധിപ്പിക്കുന്ന ട്യൂബ് വികസിക്കാത്ത അപൂര്വ രോഗാവസ്ഥയായ ബിലിയറി അട്രേസിയയാണ് കുഞ്ഞിനെന്ന് രോഗനിര്ണയത്തിലൂടെ കണ്ടെത്തി. മഞ്ഞപ്പിത്തത്തിനും കണ്ണുകളുടെ മഞ്ഞനിറത്തിനും കാരണമാകുന്ന രോഗം ക്രമേണ കരളിന്റെ പ്രവര്ത്തനത്തെ തകരാറിലാക്കുകയാണ് ചെയ്യുക. തെലങ്കാന സ്വദേശികളായ കുടുംബം ജന്മനാടായ കരിംനഗറിലെ ആശുപത്രിയില് വച്ച് നടത്തിയ ശസ്ത്രക്രിയ പരാജയപ്പെട്ടിരുന്നു. ഇത് മഞ്ഞപ്പിത്തത്തിന്റേയും സിറോസിസ് ബാധയുടേയും മൂര്ച്ച കൂട്ടി. ഇതോടെ കരള് മാറ്റിവയ്ക്കുകയെല്ലാതെ വേറെ വഴിയില്ലെന്നായി. കുഞ്ഞിന്റെ രോഗവിവരം അറിഞ്ഞ സോനു സൂദിന്റെ സഹായത്തോടെയാണ് കുടുംബം കൊച്ചിയിലെ ആസ്റ്റര് മെഡ്സിറ്റിയിലേക്ക് എത്തുന്നതും കഴിഞ്ഞ ദിവസം ശസ്ത്രക്രിയ വിജയകരമായി പൂര്ത്തിയാക്കിയതും.
സഫാന് ആസ്റ്റര് മെഡ്സിറ്റിയിലെത്തുമ്പോള് മഞ്ഞപ്പിത്തം, പോഷകാഹാരക്കുറവ്, വളര്ച്ചക്കുറവ് തുടങ്ങിയ ആരോഗ്യപ്രശ്നങ്ങള് കാര്യമായി അലട്ടിയിരുന്നതായി ആസ്റ്റര് മെഡ്സിറ്റി ലീഡ് സീനിയര് കണ്സള്ട്ടന്റ് ഡോ. മാത്യു ജേക്കബ് പറഞ്ഞു. കുഞ്ഞിന്റെ രോഗസ്ഥിതിയെ കുറിച്ചും, അടിയന്തരമായി ശസ്ത്രക്രിയ വേണമെന്നും കുടുംബത്തെ അറിയിച്ചു. കുട്ടിയുടെ പ്രായവും അവികസിത ശരീരഘടനയുള്പ്പടെ വലിയ വെല്ലുവിളിയായിരുന്നു എങ്കിലും തടസ്സങ്ങളില്ലാതെ ശസ്ത്രക്രിയ പൂര്ത്തിയാക്കാനായി. കുഞ്ഞ് വളരെ വേഗം സുഖം പ്രാപിച്ചു വരുന്നതായും മഞ്ഞപ്പിത്തം ഉള്പ്പടെയുള്ള ആരോഗ്യപ്രശ്നങ്ങള് നീങ്ങിയതായും ഡോ. മാത്യു ജേക്കബ് വ്യക്തമാക്കി.
ഹെപ്പറ്റോളജിസ്റ്റ് വിഭാഗം സീനിയര് കണ്സള്ട്ടന്റ് ഡോ. ചാള്സ് പനക്കല്, പീഡിയാട്രിക് ഗ്യാസ്ട്രോ എന്ട്രോളജി വിഭാഗത്തിലെ ഡോ. ഗീത മമ്മയില്, കണ്സള്ട്ടന്റ് സര്ജന് ഡോ. സുധീര് മുഹമ്മദ് എം, ഡോ. ബിജു ചന്ദ്രന് എന്നിവരുള്പ്പെട്ട വിദഗ്ധ സംഘമാണ് ശസ്ത്രക്രിയക്ക് നേതൃത്വം നല്കിയത്.സഫാനെ പോലെ വളരെ ചെറിയ പ്രായമുള്ള കുഞ്ഞിനെ ജീവിതത്തിലേക്ക് മടക്കി കൊണ്ടുവരാനായതില് അതിയായ സന്തോഷമുണ്ടെന്ന് ആസ്റ്റര് ഡിഎം ഹെല്ത്ത് കെയര് സ്ഥാപക ചെയര്മാനും മാനേജിംഗ് ഡയറക്ടറുമായ ഡോ. ആസാദ് മൂപ്പന് പറഞ്ഞു. കരള് മാറ്റിവയ്ക്കല് ഏറെ ചിലവേറിയതും രാജ്യത്ത് ചുരുക്കം ചില ആശുപത്രികളില് മാത്രം സൗകര്യവുമുള്ള ചികിത്സ രീതിയാണ്. ആസ്റ്റര് മെഡ്സിറ്റിയിലെ ഇന്റഗ്രേറ്റഡ് ലിവര് ട്രാന്സ്പ്ലാന്റ് ടീം രാജ്യത്തെ തന്നെ ഏറ്റവും മികച്ച പീഡിയാട്രിക് കരള് മാറ്റിവയ്ക്കല് വിഭാഗമാണ്. മെഡ്സിറ്റിയിലെ കരള് മാറ്റിവയ്ക്കല് ശസ്ത്രക്രിയക്ക് മറ്റിടങ്ങളേക്കാള് ചിലവ് കുറവാണെങ്കിലും, പല രക്ഷിതാക്കള്ക്കും അത് താങ്ങാനാവുന്നതിലും അപ്പുറമാണ്. സോനു സൂദിനെ പോലെ ജീവകാരുണ്യ പ്രവര്ത്തനങ്ങളില് ഏറെ തല്പരനായ താരത്തോടടൊപ്പം പദ്ധതിയില് സഹകരിക്കാനായതിലും, നിരാലംബരായ നിരവധി കുടുംബങ്ങള്ക്ക് പ്രതീക്ഷയാകാനായതിലും ആസ്റ്ററിന് വലിയ സന്തോഷമുണ്ടെന്നും ആസാദ് മൂപ്പന് വ്യക്തമാക്കി.
സാമ്പത്തികമായി പിന്നോക്കം നില്ക്കുന്ന 50 കുടുംബങ്ങളിലെ കുട്ടികള്ക്കാണ് ദി സെക്കന്റ് ചാന്സ് ഇനീഷ്യേറ്റീവിന്റെ ഭാഗമായി ചികിത്സ സഹായം ലഭിക്കുക. മെയ് മാസത്തില് പദ്ധതിയുടെ പ്രഖ്യാപനം വന്നതിന് പിന്നാലെ അര്ഹരായ നിരവധി പേരാണ് ചികിത്സ സഹായം ആവശ്യപ്പെട്ട് മുന്നോട്ട് വന്നത്. മെഡിക്കല് രംഗത്ത് രാജ്യം വലിയ പുരോഗതി കൈവരിച്ചിട്ടുണ്ടെങ്കിലും സഫാന് അലിയെയും കുടുംബത്തെയും പോലുള്ളവര്ക്ക് ഉയര്ന്ന ചിലവ് കാരണം അതിന്റെ പ്രയോജനം ഇപ്പോഴും അകലെയാണെന്ന് സോനു സൂദ് പറഞ്ഞു. സെക്കന്ഡ് ചാന്സ് ഇനീഷ്യേറ്റീവിലൂടെ കൂടുതല് കുട്ടികള്ക്ക് പുതിയ ജീവിതം സമ്മാനിക്കാനാവുമെന്നാണ് പ്രതീക്ഷയെന്നും അദ്ദേഹം കൂട്ടിച്ചേര്ത്തു.
അവയവം മാറ്റിവയ്ക്കല് ശസ്ത്രക്രിയകള്ക്കായി അത്യാധുനിക സൗകര്യങ്ങളോട് കൂടിയ മള്ട്ടി-ഓര്ഗന് ട്രാന്സ്പ്ലാന്റ് സെന്ററിന് ആസ്റ്റര് ഹോസ്പിറ്റല്സ് രൂപം നല്കിയിരുന്നു. കരള്, വൃക്ക, ഹൃദയം, ശ്വാസകോശം, കോര്ണിയ, മജ്ജ തുടങ്ങി വിവിധ മാറ്റിവയ്ക്കല് ശസ്ത്രക്രിയകള് നടത്തുന്നതില് ഏറെ വൈദഗ്ധ്യമുള്ള സര്ജന്മാരുടെ സംഘമാണ് ഈ കേന്ദ്രത്തെ നയിക്കുന്നത്. ദക്ഷിണേന്ത്യയിലെ തന്നെ ഏറ്റവും വലിയ പീഡിയാട്രിക് കരള് മാറ്റിവയ്ക്കല് വിഭാഗവും ഇവിടെയുണ്ട്. കുട്ടികളിലെ കരള് രോഗ സംബന്ധമായി സമഗ്രമായ പരിചരണം ലക്ഷ്യമിട്ടുള്ളതാണ് ഇത്. മികച്ച കരള് രോഗ വിദഗ്ധര്, കരള് ശസ്ത്രക്രിയാ വിദഗ്ധര്, പരിശീലനം ലഭിച്ച കോര്ഡിനേറ്റര്മാര്, കൗണ്സിലര്മാര് എന്നിവര്ക്ക് പുറമേ ക്രിട്ടിക്കല് കെയര് സ്പെഷ്യലിസ്റ്റുകള്, അനസ്തെറ്റിസ്റ്റുകള്, ഇന്റര്വെന്ഷണല് റേഡിയോളജിസ്റ്റുകള്, ഫിസിയോതെറാപ്പിസ്റ്റുകള് എന്നിവരും മികച്ച ഒരു നഴ്സിങ്ങ് ടീമും ഈ മള്ട്ടി-ഓര്ഗന് ട്രാന്സ്പ്ലാന്റ് കേന്ദ്രത്തിലുണ്ട്. അഞ്ഞൂറിലധികം കരള് മാറ്റിവയ്ക്കല് ശസ്ത്രക്രിയകള് ഇതിനോടകം വിജകരമായി ഇവിടെ പൂര്ത്തിയാക്കി കഴിഞ്ഞു.
Health
ഓള് ഇന്ത്യ ക്രിട്ടിക്കല് കെയര് ഹോസ്പിറ്റല് സര്വ്വേയില് ആസ്റ്റര് ഹോസ്പിറ്റലുകള്ക്ക് മികച്ച നേട്ടം
ആതുര സേവന രംഗത്ത് രാജ്യത്തെ മികച്ച ആശുപത്രികളെ തിരഞ്ഞെടുക്കുന്ന ഓള് ഇന്ത്യ ക്രിട്ടിക്കല് കെയര് സര്വ്വേ 2022ല് ആസ്റ്റര് ഹോസ്പിറ്റലുകള്ക്ക് നേട്ടം.
ആതുര സേവന രംഗത്ത് രാജ്യത്തെ മികച്ച ആശുപത്രികളെ തിരഞ്ഞെടുക്കുന്ന ഓള് ഇന്ത്യ ക്രിട്ടിക്കല് കെയര് സര്വ്വേ 2022ല് ആസ്റ്റര് ഹോസ്പിറ്റലുകള്ക്ക് നേട്ടം. കേരളത്തില് നിന്നുള്ള ഏറ്റവും മികച്ച മള്ട്ടി സ്പെഷ്യലിറ്റി ഹോസ്പിറ്റലായി ആസ്റ്റര് മെഡ്സിറ്റി കൊച്ചി തിരഞ്ഞെടുക്കപ്പെട്ടു.
കാര്ഡിയോളജി, യൂറോളജി, ഗ്യാസ്ട്രോഎന്ട്രോളജി&ഹീപ്പറ്റോളജി, ഓന്കോളജി, നെഫ്റോളജി, ന്യൂറോസയന്സസ്, എമര്ജന്സി ആന്ഡ് ട്രോമ, പീടിയാട്രിക്സ്, ഒബ്സ്റ്റെട്രിക്സ് ആന്ഡ് ഗൈനക്കോളജി എന്നീ വിഭാഗങ്ങളില് ആസ്റ്റര് മെഡ്സിറ്റി കൊച്ചി, ആസ്റ്റര് മിംസ് കോഴിക്കോട് എന്നിവ ദേശീയ തലത്തില് ഉയര്ന്ന റാങ്കുകള് കരസ്ഥമാക്കി.
Education
career chandrika: പാരാമെഡിക്കല് കോഴ്സുകള്; ആഗോള സാധ്യതകളിലേക്കുള്ള കവാടം
ആരോഗ്യ പരിചരണത്തിന് ഡോക്ടര്മാരുടെ സേവനം ഫലപ്രദമാവണമെങ്കില് ചികിത്സാ അനുബന്ധമേഖലകളില് പ്രാവീണ്യമുള്ള വിദഗ്ധരുടെ പിന്തുണ അനിവാര്യമാണെന്നതില് തര്ക്കമില്ലല്ലോ? ചികിസ്തയുമായി ബന്ധപ്പെട്ട മേഖലകളിലെല്ലാം ഇടപെടല് നടത്താന് പരിശീലനം ലഭിച്ച പാരാമെഡിക്കല് അല്ലെങ്കില് അലൈഡ് മെഡിക്കല് പ്രൊഫെഷനലുകള് ആരോഗ്യ മേഖലയുടെ നട്ടെല്ലാണ്. ലോകത്തിന്റെ വിവിധ ഭാഗങ്ങളില് മലയാളി വിദഗ്ധര് നിസ്തുലമായ സംഭാവനകളാണ് ഈ രംഗത്തര്പ്പിച്ചുകൊണ്ടിരിക്കുന്നത്.
പാരാമെഡിക്കല് മേഖലയിലെ പഠനാവസരങ്ങള് മനസിലാക്കി യുക്തമായ കോഴ്സുകള് തിരഞ്ഞെടുക്കാന് ശ്രമിക്കുക എന്നതേറെ പ്രധാനമാണ്. പ്ലസ്ടു സയന്സ് ഗ്രൂപ് എടുത്ത് പഠിച്ചവര്ക്കാണ് പാരാമെഡിക്കല് കോഴ്സുകള്ക് ചേരാനുള്ള യോഗ്യതയുള്ളത്. ബിരുദ, ഡിപ്ലോമ പ്രോഗ്രാമുകളാണ് നിലവിലുള്ളതെങ്കിലും ബിരുദ പ്രോഗ്രാമുകള് പഠിക്കാനവസരം ലഭിക്കുമെങ്കിലത് കൂടുതല് മികവുറ്റ അവസരങ്ങളിലെത്തിക്കുമെന്നോര്ക്കുക.
ഫാര്മസി ബിരുദ പ്രോഗ്രാമായ ബി.ഫാം ഒഴികെയുള്ള കോഴ്സുകളിലേക്കുള്ള അഡ്മിഷന് നടക്കുന്നത് പ്ലസ്ടു മാര്ക്കിന്റെയടിസ്ഥാനത്തിലാണ്. ബി.ഫാം കോഴ്സ് പ്രവേശനം കേരള എന്ട്രന്സ് കമ്മീഷണര് നടത്തിയ എന്ട്രന്സ് വഴിയായിരിക്കും. മറ്റു പാരാമെഡിക്കല് ബിരുദ കോഴ്സുകളുടെ പ്രവേശനം നടത്തുന്നത് കേരള സര്ക്കാറിന്റെ നിയന്ത്രണത്തിലുള്ള ലാല് ബഹദൂര് ശാസ്ത്രി സെന്റര് ഫോര് സയന്സ് ആന്ഡ് ടെക്നോളജിയാണ്. പ്രവേശന പരീക്ഷയില്ലെങ്കിലും പ്ലസ്ടുവിന് മികച്ച മാര്ക്ക് നേടിയവര്ക്കാണ് താല്പര്യപ്പെട്ട കോഴ്സ് മികച്ച സ്ഥാപനത്തില് പഠിക്കാനവസരമുണ്ടാവുക.
ബിരുദ കോഴ്സുകളില് പ്രവേശനത്തിനുള്ള അറിയിപ്പ് ഉടനുണ്ടാവുമെന്നും ആവശ്യമായ സര്ട്ടിഫിക്കറ്റുകള് തയാറാക്കി വെക്കണമെന്നും എല്ബിഎസ് അറിയിച്ചിട്ടുണ്ട്. എല്ലാ കോഴ്സുകള്ക്കും ഒരേ തരത്തിലുള്ള തൊഴില് സാധ്യതകളല്ല നിലവിലുള്ളതെന്ന് തിരിച്ചറിഞ്ഞ് അവരവരുടെ അഭിരുചിയും തിരഞ്ഞെടുക്കാനുദ്ദേശിക്കുന്ന കോഴ്സിന്റെ തൊഴില് മേഖലയും സാധ്യതയും മനസിലാക്കി വിവേകപൂര്ണമായ തീരുമാനമെടുക്കാന് ശ്രദ്ധിക്കണം. സ്വന്തമായി പ്രാക്ടീസ് ചെയ്യാന് സാധ്യതകളുള്ള കോഴ്സുകളും ഹോസ്പിറ്റലുകളുമായി മാത്രം ബന്ധപ്പെട്ട് പ്രവര്ത്തിക്കാന് അവസരമൊരുക്കുന്ന മേഖലകളും വെവ്വേറെയായിത്തന്നെ കാണണം.ബി.എസ്.സി നഴ്സിംഗ് കോഴ്സുകള്ക്കൊപ്പം പ്രവേശനം നടത്തുന്ന പാരാമെഡിക്കല് ബിരുദ കോഴ്സുകളെക്കുറിച്ചല്പം വിശദീകരിക്കാം.
ബി.എസ്.സി മെഡിക്കല്
ലാബ് ടെക്നോളജി
മെഡിക്കല് സാമ്പിളുകള് ശേഖരിക്കാനും ഉചിതമായ പരിശോധനകള് നടത്താനും ലഭ്യമായ ഫലങ്ങള് വിശകലനം ചെയ്യാന് ഡോക്ടറെ സഹായിക്കുകയും ചെയ്യുന്നതുമായി ബന്ധപ്പെട്ടതാണീ കോഴ്സ്. രക്തമടക്കമുള്ള സാമ്പിളുകളിലെ സൂക്ഷ്മ ജീവികളുടെ സാന്നിധ്യം, രാസവിശകലനം, വിവിധ ഘടകങ്ങളുടെ അളവ് എന്നിവ സംബന്ധിച്ച് വിശലകലനം നടത്തുന്നത് രോഗനിര്ണയത്തിലേറെ സഹായകരമായിരിക്കും. പഠനത്തിന്റെ ഭാഗമായി ഹെമറ്റോളജി, ഹിസ്റ്റോ പത്തോളജി, മൈക്രോബയോളജി, ബയോകെമിസ്ട്രി എന്നിവയിലവഗാഹം നേടാനാവസരമുണ്ടാവും. യോഗ്യതയോടൊപ്പം വൈഭവവും പ്രയോഗികാനുഭവവും നേടി സ്വതന്ത്ര ലാബുകളും ആശുപതികളുമായി ബന്ധപ്പെട്ട് ടെക്നൊളജിസ്റ്റ്, സൂപ്പര്വൈസര്, മാനേജര്, അനലിസ്റ്റ് എന്നീ തസ്തികളില് ജോലിക്ക് ശ്രമിക്കാം.
ബി.എസ്.സി മെഡിക്കല് റേഡിയോളജിക്കല്
ടെക്നോളജി
എക്സ്റേ, എം.ആര്.ഐ, സി.ടി സ്കാന് അടക്കമുള്ള ഇമേജിങ് നടപടിക്രമങ്ങള് ഉപയോഗപ്പെടുത്തി രോഗനിര്ണയം നടത്താന് ഡോക്ടറെ സഹായിക്കുന്ന പ്രൊഫഷനലുകളാണ് റേഡിയോളജിക്കല് ടെക്നൊളജിസ്റ്റുകള്. കാര്ഡിയോ വാസ്കുലാര് ഇന്റര്വെന്ഷണല് റേഡിയോഗ്രാഫര്, മാമോഗ്രാഫി തുടങ്ങിയ മേഖലകളില് സ്പെഷ്യലൈസ് ചെയ്യാനവസരമുണ്ട്. അനാട്ടമി, ഫിസിയോളജി, അറ്റോമിക്സ് ആന്ഡ് ന്യുക്ലിയാര് ഫിസിക്സ്, റേഡിയേഷന് ഫിസിക്സ്, റേഡിയോതെറാപ്പി ഇമേജിങ് ടെക്നിക്സ്, അടിസ്ഥാന ഇലക്ട്രോണിക്സ് തുടങ്ങിയവ പഠിക്കാനുണ്ടാവും.
ബി.എസ്.സി പെര്ഫ്യൂഷന്, ബാച്ചിലര് ഓഫ്
കാര്ഡിയോ വാസ്കുലാര് ടെക്നോളജി
ഹൃദയം, ശ്വാസകോശം തുടങ്ങിയവയുടെ അസുഖങ്ങളുമായി ബന്ധപ്പെട്ടു ശസ്ത്രക്രിയകള് നടക്കുന്ന വേളയില് ഈ അവയവങ്ങളുടെ പ്രവര്ത്തനം നടത്തുന്നതിന് വേണ്ടി സ്ഥാപിക്കുന്ന യന്ത്രങ്ങളുടെ പ്രവര്ത്തനത്തെ നിയന്ത്രിക്കുന്ന പ്രൊഫഷനലുകളാണ് ക്ലിനിക്കല് പെര്ഫ്യൂഷനിസ്റ്റുകള്. ഓപ്പണ് ഹാര്ട്ട് ശസ്ത്രക്രിയ പോലെയുള്ള സങ്കീര്ണ പ്രവര്ത്തനങ്ങള് നടത്തുമ്പോള് പെര്ഫ്യൂഷനിസ്റ്റുകളുടെ ഉത്തരവാദിത്തം കാര്യമായുണ്ടാവും. ഹൃദയം, രക്തധമനികള് എന്നിവയുമായി ബന്ധപ്പെട്ട രോഗങ്ങളുടെ നിര്ണയവും ചികിത്സയും നടത്താന് ഡോക്ടറെ സഹായിക്കുന്ന പ്രൊഫഷനലുകളാണ് കാര്ഡിയോ വാസ്കുലാര് ടെക്നൊളജിസ്റ്റുകള്. ഇന്വേസീവ് കാര്ഡിയോ വാസ്കുലാര് ടെസ്റ്റിംഗ് പോലെയുള്ള ചികിത്സാ നടപടികള്ക്ക് കാര്ഡിയോ വാസ്ക്കുലാര് ടെക്നൊളജിസ്റ്റുകളുടെ സേവനം ആവശ്യമായി വരും.
സാമാന്യം വലിയ ആശുപത്രികളുമായി ബന്ധപ്പെട്ടാണ് ഈ രണ്ട് പ്രൊഫഷനലുകള്ക്കവസരമുള്ളത്. തൊഴില്രീതിയുടെ സവിശേഷത കൊണ്ടും പുത്തന് സാങ്കേതികവിദ്യയുടെ സ്വാധീനമുണ്ടാവാവനിടയുള്ളതുകൊണ്ടും ഈ കോഴ്സുകള്ക്ക് വിപുലമായ സാധ്യതകള് കണക്കാക്കുക പ്രയാസകരമാണ്.
-
Video Stories7 years ago
കൊടിഞ്ഞിയില് കൊല്ലപ്പെട്ട ഫൈസലിന്റ കഫീല് അബ്ദുല്ല അല്മുഹാവിസിന്റെ വാക്കുകള് വൈറലാവുന്നു
-
Culture7 years ago
അനസ്തേഷ്യയില്ലാത്ത ശസ്ത്രക്രിയയില് ഖുര്ആന് ഉരുവിട്ട് കുഞ്ഞ്; വാര്ത്ത വായിക്കുമ്പോള് വിതുമ്പിക്കരഞ്ഞ് അവതാരകന്
-
More8 years ago
ഭോപ്പാല് വിവാദ ഏറ്റുമുട്ടല്; കൂടുതല് തെളിവുകളോടെ മൂന്നാമത്തെ വീഡിയോ പുറത്ത്
-
More7 years ago
‘മകളെ കൊണ്ട് കള്ളം പറയിച്ചു’ ദിലീപ്-കാവ്യ വിവാഹത്തില് മഞ്ജുവിന്റെ പ്രതികരണം
-
Culture8 years ago
വഴിയോര കച്ചവടങ്ങളിലെ ബിരിയാണിയില് പൂച്ച മാംസം
-
Culture5 years ago
വീട്ടമ്മയുടെ നഗ്നദൃശ്യങ്ങള് ഭര്ത്താവിന് വാട്സ് ആപ്പില്; പ്രതിയെ കണ്ട് ഞെട്ടി പൊലീസും വീട്ടുകാരും
-
Culture7 years ago
‘സോനു നിഗം പ്രിയങ്കയില് നിന്നു പഠിക്കണം; ബാങ്കുവിളിയെക്കുറിച്ചുള്ള അധിക്ഷേപത്തിന് ശേഷം പ്രിയങ്കയുടെ ബാങ്കുവിളി പരാമര്ശം വൈറല്
-
Culture7 years ago
അണികളില് നിന്ന് ‘മുര്ദാബാദ് വിളി’; അസ്വസ്ഥനായി മോദി – മാധ്യമങ്ങള് കണ്ടില്ലെന്ന് നടിച്ച വീഡിയോ