Art
ഗല്വാന്; ഗുലാം റസൂലിന്റെ പേരില് അറിയപ്പെടുന്ന താഴ്വര- ചരിത്രവും വര്ത്തമാനവും
ന്യൂഡല്ഹി: 1962ലെ യുദ്ധത്തിന് ശേഷം ആദ്യമായി ഉണ്ടായ വലിയ സംഘര്ഷമാണ് കഴിഞ്ഞ ദിവസം ലഡാകിലെ ഗല്വാന് താഴ്വരയില് ഉണ്ടായത്. ഗല്വാന് തങ്ങളുടെ പരമാധികാരത്തില്പ്പെട്ടതാണ് എന്ന് ചൈന ആവര്ത്തിക്കുന്നു. എന്നാല് സ്വന്തം ഭൂമി ഒരിഞ്ചു പോലും വിട്ടുനല്കില്ലെന്ന് ഇന്ത്യയും വ്യക്തമാക്കുന്നു. ഇരുരാഷ്ട്രങ്ങള്ക്കും ഗല്വാന് എന്തു കൊണ്ട് നിര്ണായകമാകുന്നു. ചരിത്രവും വര്ത്തമാനവും ഇങ്ങനെ;
തന്ത്രപ്രധാന പ്രദേശം
കിഴക്കന് ലഡാകിലെ അക്സായി ചിന്നില് നിന്ന് ഉത്ഭവിക്കുന്ന ഗല്വാന് നദിയുടെ താഴ്വാരമാണ് ഈ പ്രദേശം. യഥാര്ത്ഥ നിയന്ത്രണ രേഖയോട് ചേര്ന്നുള്ള സ്ഥലമാണിത്. ഈ അതിര്ത്തിയോട് ചേര്ന്നുള്ള ദൗലത് ബേഗ് ഓള്ഡി(ഡി.ബി.ഒ)യില് ഇന്ത്യ ലോകത്തിലെ തന്നെ ഏറ്റവും ഉയരത്തിലുള്ള വിമാനത്താവളം സജ്ജീകരിച്ചിട്ടുണ്ട്. വലിയ വിമാനങ്ങള് വരെ ഇറക്കാനുള്ള ശേഷിയുള്ള വ്യോമതാവളമാണിത്. സൈന്യത്തില് സബ് സെക്ടര് നോര്ത്ത് എന്നാണ് ഈ ഡി.ബി.ഒ അറിയപ്പെടുന്നത്.
മേഖലയിലെ സൈനിക വിന്യാസത്തിനും സാധന സാമഗ്രികള് എത്തിക്കുന്നതിനും ഈ ലാന്ഡിങ് ഗ്രൗണ്ട് ഏറെ പ്രധാനമാണ്. ഇതിലേക്കുള്ള 255 കിലോമീറ്റര് വരുന്ന ദര്ബുല്-ഷയോക്-ഡി.ബി.ഒ റോഡ് നിര്മാണമാണ് ചൈനയെ പ്രകോപിപ്പിക്കുന്നത്. നിയന്ത്രണ രേഖയോട് തൊട്ടടുത്തു കൂടെ സമാന്തരമായാണ് ഈ റോഡ് പോകുന്നത്. റോഡ് കാരക്കോറം ഹൈവേ വരെയുണ്ട്. നിര്മാണം പൂര്ത്തിയായാല് ലേയില് നിന്ന് ഡി.ബി.ഒയിലേക്കുള്ള യാത്രാ ദൈര്ഘ്യം രണ്ടു ദിവസത്തില് നിന്ന് വെറും ആറു മണിക്കൂറായി ചുരുങ്ങും. റോഡിന്റെയും പാലത്തിന്റെയും നിര്മാണം ഈയിടെ വേഗത്തിലായിരുന്നു.
അറബിക്കടലിലേക്ക് ഒരു വഴി തുറക്കുക എന്ന ഉദ്ദേശ്യത്തോടെ ചൈന നിര്മിക്കുന്ന കാരക്കോറം ഹൈവേയിലേക്ക് ഇതോടെ ഇന്ത്യന് സേനയുടെ നോട്ടമെത്തും. ഈ റോഡിലേക്ക് ഇന്ത്യയുടെ നിരീക്ഷണം സദാ എത്തുന്നത് ചൈന ആഗ്രഹിക്കുന്നില്ല. ഗല്വാന് താഴ്വര പിടിച്ചാല് ആ നിരീക്ഷണം ഇല്ലാതാക്കാന് ചൈനയ്ക്കാകും. ഗല്വാന് പിടിച്ചാല് അക്സായി ചിന്നിലേക്കും വേഗത്തില് എത്താനാകും. കിഴക്കന് കശ്മീരിലെ ഇന്ത്യന് പ്രദേശമായ അക്സായി ചിന് നിലവില് ചൈനീസ് നിയന്ത്രണത്തിലാണ്. 16,000 അടി ഉയരത്തിലുള്ള പ്രദേശമാണിത്.
ഗുലാം റസൂലിന്റെ പേരില്
ലേയില് നിന്നുള്ള പര്യവേഷകന് ഗുലാം റസൂല് ഗല്വാന്റെ പേരാണ് ഗല്വാന് നദിക്ക് നല്കിയിട്ടുള്ളത്. സിന്ധു നദിയുടെ പോഷക നദിയെ കുറിച്ച് 1899ല് ഗവേഷണം നടത്തിയയാളാണ് ഗുലാം റസൂല്. ബ്രിട്ടീഷ് കമാന്ഡര് ലഫ്റ്റനന്റ് കേണല് സര് ഫ്രാന്സിസ് യങ്ഹസ്ബന്ഡിന്റെ ഗവേഷക സംഘത്തില് അംഗമായിരുന്നു 21കാരനായ ഗുലാം റസൂല്. അക്കാലത്ത് ഒരിന്ത്യയ്ക്കാരന്റെ ഓര്മയ്ക്കായി നദിക്ക് പേരിട്ടത് അപൂര്വ്വമായ സംഭവമായി കണക്കാക്കപ്പെടുന്നു.
ഗുലാം റസൂലിന്റെ പേരില്
ലേയില് നിന്നുള്ള പര്യവേഷകന് ഗുലാം റസൂല് ഗല്വാന്റെ പേരാണ് ഗല്വാന് നദിക്ക് നല്കിയിട്ടുള്ളത്. സിന്ധു നദിയുടെ പോഷക നദിയെ കുറിച്ച് 1899ല് ഗവേഷണം നടത്തിയയാളാണ് ഗുലാം റസൂല്. ബ്രിട്ടീഷ് കമാന്ഡര് ലഫ്റ്റനന്റ് കേണല് സര് ഫ്രാന്സിസ് യങ്ഹസ്ബന്ഡിന്റെ ഗവേഷക സംഘത്തില് അംഗമായിരുന്നു 21കാരനായ ഗുലാം റസൂല്. അക്കാലത്ത് ഒരിന്ത്യയ്ക്കാരന്റെ ഓര്മയ്ക്കായി നദിക്ക് പേരിട്ടത് അപൂര്വ്വമായ സംഭവമായി കണക്കാക്കപ്പെടുന്നു.
Art
റിസബാവ ഇനി ഒാര്മ; മൃതദേഹം ഖബറടക്കി
കൊച്ചി കൊച്ചങ്ങാടി ചെമ്പിട്ട പള്ളി ഖബര്സ്ഥാനിലാണ് മറവുചെയ്തത്
കൊച്ചി: അന്തരിച്ച ചലച്ചിത്ര താരം റിസബാവയുടെ മൃതദേഹം ഖബറടക്കി. കൊച്ചി കൊച്ചങ്ങാടി ചെമ്പിട്ട പള്ളി ഖബര്സ്ഥാനിലാണ് മറവുചെയ്തത്. ഔദ്യോഗിക ചടങ്ങുകളോടെയായിരുന്നു മരണാനന്തര ചടങ്ങുകള്. എറണാകുളം ജില്ലാ കലക്ടര് അന്തിമോപചാരമര്പിച്ചു.
കൊച്ചിയിലെ സ്വകാര്യ ആശുപത്രിയില് വൃക്ക സംബന്ധമായ അസുഖത്തെ തുടര്ന്നായിരുന്നു അന്ത്യം. മരണശേഷം നടത്തിയ പരിശോധനയില് റിസബാവക്ക് കോവിഡ് സ്ഥിരീകരിച്ചിരുന്നു. അതിനാല് പൊതുദര്ശനം ഒഴിവാക്കി.
നൂറിലേറെ ചിത്രങ്ങളില് വില്ലനായും സ്വഭാവ നടനായും തിളങ്ങിയ റിസബാവ നാടകവേദികളിലൂടെയാണ് സിനിമയിലെത്തുന്നത്. വിഷുപക്ഷിയാണ് ആദ്യ ചിത്രം.
Art
‘സഫിയ’ വെള്ളിത്തിരയിലേക്ക്
പ്രവാസ ജീവകാരുണ്യ മേഖലയില് സമാനതകളില്ലാത്ത പ്രവര്ത്തന രീതികളിലുടെ വ്യത്യസ്ഥയായ മരണപ്പെട്ട സഫിയയുടെ ജീവിതം വെള്ളിത്തിരയിലേക്ക്
ദമ്മാം: പ്രവാസ ജീവകാരുണ്യ മേഖലയില് സമാനതകളില്ലാത്ത പ്രവര്ത്തന രീതികളിലുടെ വ്യത്യസ്ഥയായ മരണപ്പെട്ട സഫിയയുടെ ജീവിതം വെള്ളിത്തിരയിലേക്ക്. സഫിയയുടെ ജീവിതത്തിനൊപ്പം നടന്ന ഒരു കൂട്ടം കലാകാരന്മാരുടെ വര്ഷങ്ങള് നീണ്ട പ്രവര്ത്തനങ്ങള്ക്കൊടുവിലാണ് ഈ ജീവിതം തിരശ്ശീലയില് പതിയുന്നത്. ഡോക്യൂമെന്ററിയായും, ഷോര്ട് ഫിലിമായുമൊക്കെ ചിത്രീകരിക്കാന് ശ്രമിച്ചിട്ടും ആ ജീവിതത്തിന്റെ പകുതി പോലും പറയാന് കഴിയുന്നില്ലെന്ന തിരിച്ചറിവില് നിന്നാണ് സിനിമ എന്ന സ്വപ്നത്തിലേക്ക് ഇതിന്റെ അണിയറ ശില്പികള് എത്തിയത്.
ഇത് യാഥാര്ത്ഥ്യമാക്കാന് എല്ലാ അര്ത്ഥത്തിലും പിന്തുണയുമായി വ്യവസായികളും, കച്ചവടക്കാരും കലാകാരന്മാരുമായ കുറേപ്പേര് രംഗത്ത് വന്നതോടെ വര്ഷങ്ങളുടെ പഴക്കമുള്ള സ്വപ്നം യാഥാര്ത്ഥ്യത്തിലേക്ക് കടക്കുകയാണ്. വളരെ അടുത്ത് തന്നെ ചിത്രീകരണം ആരംഭിക്കാന് കഴിയുന്ന രീതിയില് ഒരുക്കങ്ങളുമായി മുന്നാട്ട് പോകുന്ന ഈ ചിത്രം യാഥാര്ത്ഥ്യമാക്കുന്നത് സൗദിയില് നിന്നുള്ള പ്രവാസികളുടെ ആദ്യ ചിത്രം എന്ന അംഗീകാരം കൂടിയായിരിക്കും. തേജോമയ പ്രൊഡക്ഷന്സിന്റെ ബാനറില് സതീഷ്കുമാര് ജുബൈല്, നിതിന് കണ്ടമ്പേത്ത്, ജേക്കബ് ഉതുപ്പ്, മഹേന്ദ്രന് ജനാര്ദ്ധനന് എന്നിവരായിരിക്കും ഇതിന്റെ നിര്മ്മാതാക്കള്. സഹീര്ഷാ കൊല്ലമാണ് സംവിധാനം.
എഴുത്തുകാരി സബീന എം സാലിയുടെ തണല്പ്പെയ്ത് എന്ന പുസ്തകത്തെ ആധാരമാക്കിയാണ് സഫിയയുടെ കഥയുടെ ദൃശ്യ ഭാഷ വികസിക്കുന്നത്. ഇതിന്റെ തിരക്കഥ എഴുതുന്നതും സബീന എം സാലി തന്നെയാണ്. പുരുഷന്മാര്ക്ക് മാത്രം മേധാവിത്തമുണ്ടായിരുന്ന സൗദിയുടെ ജീവകാരുണ്യ മേഖലയില് വിസ്മരിക്കാന് കഴിയാത്ത അടയാളപെടുത്തലുകളാണ് സഫിയ നടത്തിയത്. വീട്ടുകാരികളായ നിരവധി സ്ത്രീകള്ക്ക് പുതു ജീവന് നല്കാന് സഫിയക്ക് കഴിഞ്ഞു. സഫിയയുടെ പ്രവര്ത്തങ്ങളിലെആത്മാര്ത്ഥത തിരിച്ചറിഞ്ഞ് സൗദി അധികൃതര് വലിയ പിന്തുണയാണ് ഇവര്ക്ക് നല്കിയത്. ദമ്മാമിന്റെ സാമൂഹ്യ സാംസ്കാരിക മണ്ഡലങ്ങളിലും അവര് സജീവ ഇടപെടലുകള് നടത്തിയിരുന്നു. കാന്സര് ബാധിതയായ അവര് 2015 ജനുവരിയില് ലേക്ഷോര് ആശുപത്രിയില് നിര്യാതയായി. സഫിയയുടെ ജീവിതം പറയുമ്പോള് പ്രവാസത്തിന്റെ വൈവിധ്യങ്ങളേയും, വൈരുദ്ധ്യങ്ങളേയും പറയാന് പറ്റുമെന്നും ഇവിടെയുള്ള നിരവധി കലാകാരന്മാര്ക്ക് അവസരമൊരുക്കുമെന്നും സംവിധായകന് സഹീര് ഷാ പറഞ്ഞു. മലയാള സിനിമയിലെ പ്രമുഖ നടിയായിക്കും കേന്ദ്ര കഥാ പാത്രത്തെ അവതരിപ്പിക്കുക. ഗള്ഫിലും, നാട്ടിലുമായി ചിത്രീകരണം പൂര്ത്തിയാക്കാനാണ് തീരുമാനമെന്നും സഹീര്ഷാ പറഞ്ഞു.
Art
യുവ കാര്ട്ടൂണിസ്റ്റ് ഇബ്രാഹിം ബാദുഷ അന്തരിച്ചു
ആലുവ താലൂക്ക് ആശുപത്രിയില് വച്ചായിരുന്നു അന്ത്യം
യുവ കാര്ട്ടൂണിസ്റ്റ് ഇബ്രാഹിം ബാദുഷ അന്തരിച്ചു. ആലുവ താലൂക്ക് ആശുപത്രിയില് വച്ചായിരുന്നു അന്ത്യം. കൊവിഡ് മുക്തനായി വീട്ടില് എത്തിയിരുന്നുവെങ്കിലും ശാരീരിക അസ്വസ്ഥതകളെ തുടര്ന്ന് ആശുപത്രിയില് എത്തിക്കുകയയിരുന്നു. ഇന്ന് രാവിലെയാണ് അന്ത്യം സംഭവിച്ചത്.
കാര്ട്ടൂണ് ക്ലബ് ഓഫ് കേരള കോഓര്ഡിനേറ്ററും കേരള കാര്ട്ടൂണ് അക്കാദമി മുന് വൈസ് ചെയര്മാനുമായിരുന്നു ബാദുഷ. ഒരു മിനിറ്റ് കൊണ്ട് ആളുകളുടെ വണ് മിനിറ്റ് കാരിക്കേച്ചര് വരയ്ക്കുന്ന ബാദുഷ കാര്ട്ടൂണ് മാന് എന്നും അറിയപ്പെട്ടിരുന്നു. തത്സമയ കാരിക്കേച്ചര് വരച്ചതിലൂടെ ലഭിച്ച വരുമാനം മുഖ്യമന്ത്രിയുടെ ദുരിതാശ്വാസ നിധിയിലേക്ക് നല്കിയും മാതൃകയായിരുന്നു.
തോട്ടുംമുഖം കല്ലുങ്കല് വീട്ടില് പരേതനായ ഹംസയുടെ മകനാണ്. സഫീനയാണ് ഭാര്യ.മുഹമ്മദ് ഫനാന്,ആയിഷ,അമാന് എന്നിവര് മക്കളാണ്.ഖബറടക്കം തോട്ടുംമുഖം പടിഞ്ഞാറേ പള്ളിയില് നടക്കും.
-
Video Stories7 years ago
കൊടിഞ്ഞിയില് കൊല്ലപ്പെട്ട ഫൈസലിന്റ കഫീല് അബ്ദുല്ല അല്മുഹാവിസിന്റെ വാക്കുകള് വൈറലാവുന്നു
-
Culture7 years ago
അനസ്തേഷ്യയില്ലാത്ത ശസ്ത്രക്രിയയില് ഖുര്ആന് ഉരുവിട്ട് കുഞ്ഞ്; വാര്ത്ത വായിക്കുമ്പോള് വിതുമ്പിക്കരഞ്ഞ് അവതാരകന്
-
More8 years ago
ഭോപ്പാല് വിവാദ ഏറ്റുമുട്ടല്; കൂടുതല് തെളിവുകളോടെ മൂന്നാമത്തെ വീഡിയോ പുറത്ത്
-
More7 years ago
‘മകളെ കൊണ്ട് കള്ളം പറയിച്ചു’ ദിലീപ്-കാവ്യ വിവാഹത്തില് മഞ്ജുവിന്റെ പ്രതികരണം
-
Culture8 years ago
വഴിയോര കച്ചവടങ്ങളിലെ ബിരിയാണിയില് പൂച്ച മാംസം
-
Culture5 years ago
വീട്ടമ്മയുടെ നഗ്നദൃശ്യങ്ങള് ഭര്ത്താവിന് വാട്സ് ആപ്പില്; പ്രതിയെ കണ്ട് ഞെട്ടി പൊലീസും വീട്ടുകാരും
-
Culture7 years ago
‘സോനു നിഗം പ്രിയങ്കയില് നിന്നു പഠിക്കണം; ബാങ്കുവിളിയെക്കുറിച്ചുള്ള അധിക്ഷേപത്തിന് ശേഷം പ്രിയങ്കയുടെ ബാങ്കുവിളി പരാമര്ശം വൈറല്
-
Culture7 years ago
അണികളില് നിന്ന് ‘മുര്ദാബാദ് വിളി’; അസ്വസ്ഥനായി മോദി – മാധ്യമങ്ങള് കണ്ടില്ലെന്ന് നടിച്ച വീഡിയോ