Video Stories
പ്രവാസികളുടെ നോട്ടുകള്‍ ഇനിയും തീരുമാനമായില്ല
റസാഖ് ഒരുമനയൂര്‍
അബുദാബി: കഴിഞ്ഞ ദിവസങ്ങളില്‍ നാട്ടില്‍ ബാങ്കുകളില്‍ സര്‍ക്കാര്‍ ജീവനക്കാരുടെ ശമ്പളം നല്‍കുന്നതിന് പ്രഥമ പരിഗണന നല്‍കിയതുമൂലം നിരവധി പ്രവാസികള്‍ പണം കിട്ടാതെ പ്രയാസത്തിലായിമാറി. യു.എ.ഇ ദേശീയദിനാഘോഷ അവധി കൂടി ചേര്‍ത്ത് നാട്ടില്‍ പോയവരാണ് പണം കിട്ടാതെ ദുരിതത്തിലായി മാ റിയത്. നോട്ട് പിന്‍വലിച്ചു മൂന്നാഴ്ച പിന്നിട്ടിരുന്നു. അതുകൊണ്ടുതന്നെ പണത്തിന് പ്രയാസം നേരിടുകയില്ലെന്നാണ് കരുതിയതെന്ന് സഹോദരിയുടെ വിവാഹത്തിന് നാട്ടില്‍ പോയ കൊടുങ്ങല്ലൂര്‍ സ്വദേശി അക്ബര്‍ മിഡില്‍ ഈസ്റ്റ് ചന്ദ്രികയോട് പ റഞ്ഞു.
എന്നാല്‍ എല്ലാ പ്രതീക്ഷകളും അസ്ഥാനത്താക്കിക്കൊണ്ട് നിരാശനായാണ് ബാങ്കില്‍ നിന്നും തിരിച്ചുപോന്നതെന്ന് അദ്ദേഹം പറഞ്ഞു. അതിനിടെ പ്രവാസികളുടെ കൈവശമുള്ള500,1000 നോട്ടുകള്‍ മാറ്റുന്നതിന് കേ ന്ദ്രസര്‍ക്കാര്‍ യാതൊരുവിധ പകരം സംവിധാനവും ഏര്‍പ്പെടുത്തിയില്ല. ഇനി അതിനുള്ള സാധ്യത ഉണ്ടാവാനിടയില്ലെന്നാണ് അറിയുന്നത്. ഇതിലൂടെ വിദേശ രാജ്യങ്ങളില്‍ കഴിയുന്ന മൊത്തം പ്രവാസികളുടെ കൈവശമുള്ള 2000കോടിയോളം രൂപയാണ് നഷ്ടപ്പെട്ടുപോകുന്നത്.
ഇത്രയും വലിയ തുക ആര്‍ക്കും ഉപയോഗപ്പെടുത്താനാവാതെ പോകുന്നത് അത്യധികം വേദനാജനകമാണെന്ന് വിദേശ ഇന്ത്യക്കാര്‍ വിലയിരുത്തുന്നു. സ്റ്റേറ്റ് ബാങ്കിനു കീഴില്‍ ഗള്‍ഫ് നാടുകളില്‍ പ്രവര്‍ത്തിക്കുന്ന മണി എക്‌സ്‌ചേഞ്ചുകള്‍ മുഖേനയോ ഇന്ത്യയുടെ ബാങ്ക് ഓഫ് ബറോഡ വഴിയോ ഇവ മാറ്റിയെടുക്കു ന്നതിനുള്ള സംവിധാനം ഏര്‍പ്പെടുത്തുകയാണെങ്കില്‍ ഇത്രയും ഭീമമായ തുക പാഴായിപ്പോകുകയില്ല.
ഇന്ത്യന്‍ എംബസ്സിയിലും പ്രത്യേക സൗകര്യം ഏര്‍പ്പെടു ത്തി പ്രവാസികളുടെ പണം നഷ്ടപ്പെടാതിരിക്കാനുള്ള പോംവഴി കണ്ടെത്താന്‍ കേന്ദ്ര സര്‍ക്കാര്‍ തയ്യാറാവണമെന്ന് വിവിധ സംഘടനകള്‍ ആവശ്യമുന്നയിച്ചുവെങ്കിലും ഫലമൊന്നുമുണ്ടായിട്ടില്ല. ഏറ്റവും ചുരുങ്ങിയത് ഈ തുക ശേഖരിച്ചു തെരുവില്‍ കഴിയുന്നവരുടെ ക്ഷേമത്തിനുവേണ്ടിയെങ്കിലും ഉപയോഗപ്പെടുത്താമായിരുന്നുവെന്ന് പ്ര വാസികള്‍ പറയുന്നു. കേന്ദ്രസര്‍ക്കാറിന്റെ കണക്കനുസരിച്ചു വിദേശരാജ്യങ്ങളില്‍ 1.14കോടി ഇന്ത്യക്കാര്‍ ജോലി ചെയ്യുന്നുണ്ട്.
ഇവരുടെ കൈവശമുള്ള തുക നാട്ടിലേക്ക് കൊണ്ടുവരുന്നതിനുള്ള സാവകാശം നല്‍കുകയാണെങ്കിലും പണം നഷ്ടപ്പെടുകയില്ല. എന്നാല്‍ ഇത്തരം കാര്യങ്ങളിലൊന്നും യാതൊരുവിധ താല്‍പര്യവും കാണിക്കാതെയാണ് സര്‍ക്കാര്‍ മുന്നോട്ട് പോയിക്കൊണ്ടിരിക്കുന്നത്. കോടിക്കണക്കിനുരൂപ നഷ്ടപ്പെടുമെന്ന് അറിഞ്ഞിട്ടും ബദല്‍ സംവിധാനം ഏര്‍പ്പെടുത്താത്ത സര്‍ക്കാര്‍ നയം തികച്ചും അപലപനീയമാണെന്ന് പ്രവാസികള്‍ അഭിപ്രായപ്പെട്ടു.
നോട്ട് ക്ഷാമം അവധിക്കുപോയ പ്രവാസികളെ ഇപ്പോഴും വന്‍പ്രയാസത്തിലാക്കുന്നുണ്ട്. കൃത്യമായി പണം ലഭിക്കാത്തതുമൂലം പല കാര്യങ്ങളും മുടങ്ങിപ്പോകുന്നതായി പറയപ്പെടുന്നു. കഴിഞ്ഞ ദിവസങ്ങളില്‍ നാട്ടിലെ ബാങ്കുകളില്‍ സര്‍ക്കാര്‍ ശമ്പളം വിതരണം ചെയ്യുന്ന തിരക്കായിരുന്നതിനാല്‍ അവധിക്കുപോയവര്‍ക്ക് പണം ലഭിക്കുന്നതിന് തടസ്സം നേരിട്ടു. ബാങ്കുകളില്‍ സര്‍ക്കാര്‍ ജീവനക്കാരുടെ ശമ്പള വിതരണത്തിനാണ് പ്രാധാന്യം നല്‍കിയത് എന്നത് പ്രവാസികളെയാണ് ഏറ്റവും കൂടുതല്‍ ബാധിച്ചത്.
main stories
മുഖ്യമന്ത്രിയെ കരിങ്കൊടി കാണിച്ച കെ.എസ്.യു നേതാവിന് സി.പി.എം പ്രവര്‍ത്തകരുടെ മര്‍ദനം
മുഖ്യമന്ത്രി പിണറായി വിജയന് നേരെ കരിങ്കൊടി കാണിച്ച കെ.എസ്.യു നേതാവിന് സി.പി.എം പ്രവര്‍ത്തകരുടെ മര്‍ദനം.
മുഖ്യമന്ത്രി പിണറായി വിജയന് നേരെ കരിങ്കൊടി കാണിച്ച കെ.എസ്.യു നേതാവിന് സി.പി.എം പ്രവര്‍ത്തകരുടെ മര്‍ദനം.കണ്ണൂര്‍ കെ.എസ്.യു ജില്ല വൈസ്പ്രസിഡന്‍് ഫര്‍ഹാന്‍ മുണ്ടേരിക്കാണ് മര്‍ദനമേറ്റത്.
മുഖ്യമന്ത്രിക്ക് നേരെ കരിങ്കൊടി കാട്ടിയ ഫര്‍ഹാനെ പോലീസ് കസ്സറ്റഡിയിലെടുക്കുന്നതിനിടെയായിരുന്നു സി.പി.എം പ്രവര്‍ത്തകരുടെ മര്‍ദനം.ഫര്‍ഹാന്‍ മുണ്ടേരി നിലവില്‍ പോലീസ് കസ്സറ്റഡിയിലാണ്.
kerala
അയ്യൂബിന്റെ ഓട്ടോ ഓടിയത് സി.എച്ച്.സെന്ററിന് വേണ്ടി
കാരുണ്യ യാത്രയിൽ കളക്ഷനായി ലഭിച്ച മുഴുവൻ തുകയും രാത്രിയോടെ കമ്മറ്റിക്ക് കൈമാറി.
റഊഫ് കൂട്ടിലങ്ങാടി
കൂട്ടിലങ്ങാടി: സി.എച്ച്.സെന്റർ ദിനത്തിൽ കൂട്ടിലങ്ങാടിയിലെ ഓട്ടോ ഡ്രൈവർ മാരത്തൊടി അയ്യൂബ് തന്റെ ഓട്ടോറിക്ഷ ഓടിയത് സി.എച്ച്.സെന്റ്റിന് കലക്ഷൻ ശേഖരിക്കുന്നതിന് വേണ്ടി.
KL -O6 H 291 നമ്പറിലുള്ള ഓട്ടോയിൽ “ഇന്നത്തെ കലക്ഷൻ സി.എച്ച് സെന്ററിന്” എന്ന് എഴുതിയ സ്റ്റിക്കർ പതിച്ചാണ് കാരുണ്യ യാത്രക്കാരുങ്ങി വെള്ളിയാഴ്ച രാവിലെ അയ്യൂബ് ഓട്ടോ സ്റ്റാന്റിലേക്ക് എത്തിയത്.
അശരണരും ആലംബഹീനരുമായ വേദനയനുഭവിക്കുന്ന ആയിരങ്ങളുടെ കണ്ണീരൊപ്പാൻ സി.എച്ച്.സെന്റർ നടത്തുന്ന കാരുണ്യ പ്രവർത്തനത്ത നങ്ങളിൽ ഒരു കൈ സഹായം നൽകി പങ്കാളിത്തം വഴിക്കാൻ കഴിഞ്ഞ ആത്മസംതൃപ്തിയിലാണ് യൂത്ത് ലീഗ് പ്രവർത്തകനായ അയ്യൂബ്.
കാരുണ്യ യാത്രയിൽ കളക്ഷനായി ലഭിച്ച മുഴുവൻ തുകയും രാത്രിയോടെ കമ്മറ്റിക്ക് കൈമാറി. വാർഡ് മെമ്പർ കൂരി മുസ്തഫ,ഷമീർ കോപ്പിലാൻ എന്നിവർ തുക ഏറ്റുവാങ്ങി.
Health
അറുപത് ഡി ബി എസ് ശസ്ത്രക്രിയകളുമായി ആസ്റ്റര്‍ ഹോസ്പിറ്റല്‍
കേരളത്തില്‍ കോഴിക്കോട് ആസ്റ്റര്‍ മിംസ്, കൊച്ചി ആസ്റ്റര്‍ മെഡ്സിറ്റി എന്നിവിടങ്ങളിലാണ് ഡി ബി എസ് ശസ്ത്രക്രിയ പ്രധാനമായും നിര്‍വ്വഹിക്കുന്നത് .
കോഴിക്കോട്: പാര്‍ക്കിന്‍സണ്‍സ് രോഗത്തിനുള്ള ഏറ്റവും ഫലപ്രദമായ ചികിത്സയായ ഡീപ് ബ്രെയിന്‍ സ്റ്റിമുലേഷന്‍ (ഡി ബി എസ്) അറുപത് എണ്ണം പൂര്‍ത്തിയാക്കിക്കൊണ്ട് കേരളത്തിലെ ആസ്റ്റര്‍ ഹോസ്പിറ്റലുകള്‍ ശ്രദ്ധേയമാകുന്നു. വളരെ ചുരുങ്ങിയ കാലയളവിനുള്ളിലാണ് അറുപത് ഡി ബി എസ് ശസ്ത്രക്രിയകള്‍ വിജയകരമായി പൂര്‍ത്തീകരിക്കാന്‍ ആസ്റ്റര്‍ ഹോസ്പിറ്റലുകള്‍ക്ക് സാധിച്ചിരിക്കുന്നത്. ലോകത്തിലെ തന്നെ ഏറ്റവും മികച്ച ഡി ബി എസ് സെന്ററുകളുടെ നിരക്കുകളോട് സമാനത പുലര്‍ത്തുന്ന നേട്ടമാണിത്.
നിലയ്ക്കാത്ത വിറയലും അനുബന്ധമായ മറ്റ് ബുദ്ധിമുട്ടുകളുമാണ് പാര്‍ക്കിന്‍സണ്‍സ് രോഗത്തിന്റെ പ്രധാന ലക്ഷണവും പ്രതിസന്ധിയും. ഇത് മൂലം രോഗബാധിതരായവരുടെ ദൈനംദിന ജീവിതം തന്നെ ദുരിതത്തിലാവുകയും സമാനതകളില്ലാത്ത പ്രതിസന്ധികള്‍ അവര്‍ അഭിമുഖീകരിക്കേണ്ടി വരികയും ചെയ്യുന്നു. അടുത്ത കാലം വരെ ഫലപ്രദമായ ചികിത്സകളില്ലാതിരുന്ന രോഗം എന്ന നിലയിലായിരുന്നു പാര്‍ക്കിന്‍സണ്‍സിനെ നോക്കിക്കണ്ടിരുന്നത്. എന്നാല്‍ ഡി ബി എസിന്റെ ആവിര്‍ഭാവത്തോടെ ഈ അവസ്ഥയ്ക്ക് വലിയ പരിഹാരമാണ് സൃഷ്ടിക്കപ്പെട്ടിരിക്കുന്നത്. തലച്ചോറില്‍ ഇലക്ട്രോഡുകള്‍ ശസ്ത്രക്രിയ വഴി സ്ഥാപിക്കുകയും ഇതിന്റെ തരംഗങ്ങള്‍ ഉപയോഗപ്പെടുത്തി രോഗലക്ഷണങ്ങള്‍ക്ക് കാരണമാകുന്ന അസാധാരണ പ്രവര്‍ത്തനങ്ങളെ പ്രതിരോധിക്കുകയോ കുറയ്ക്കുകയോ ചെയ്യുകയുമാണ് ഡി ബി എസിലൂടെ നിര്‍വ്വഹിക്കപ്പെടുന്നത്.
കേരളത്തില്‍ കോഴിക്കോട് ആസ്റ്റര്‍ മിംസ്, കൊച്ചി ആസ്റ്റര്‍ മെഡ്സിറ്റി എന്നിവിടങ്ങളിലാണ് ഡി ബി എസ് ശസ്ത്രക്രിയ പ്രധാനമായും നിര്‍വ്വഹിക്കുന്നത് എന്ന് ശ്രീ. ഫര്‍ഹാന്‍ യാസിന്‍ (റീജ്യണല്‍ ഡയറക്ടര്‍, ആസ്റ്റര്‍ ഹോസ്പിറ്റല്‍സ്) പറഞ്ഞു. നിലവിലുള്ള ഏറ്റവും ഫലപ്രദമായ ചികിത്സാ രീതിയാണ് ഡി ബി എസ് എന്നും ഇതുമായി ബന്ധപ്പെട്ടുള്ള ഏത് അന്വേഷണങ്ങള്‍ക്കും 9746554443 (കൊച്ചിന്‍), 95623 30022 (കോഴിക്കോട്) എന്നീ നമ്പറുകളില്‍ ബന്ധപ്പെടാവുന്നതാണെന്നും അദ്ദേഹം കൂട്ടിച്ചേര്‍ത്തു.
-
Video Stories8 years agoകൊടിഞ്ഞിയില് കൊല്ലപ്പെട്ട ഫൈസലിന്റ കഫീല് അബ്ദുല്ല അല്മുഹാവിസിന്റെ വാക്കുകള് വൈറലാവുന്നു
-
Culture8 years agoഅനസ്തേഷ്യയില്ലാത്ത ശസ്ത്രക്രിയയില് ഖുര്ആന് ഉരുവിട്ട് കുഞ്ഞ്; വാര്ത്ത വായിക്കുമ്പോള് വിതുമ്പിക്കരഞ്ഞ് അവതാരകന്
-
More8 years agoഭോപ്പാല് വിവാദ ഏറ്റുമുട്ടല്; കൂടുതല്‍ തെളിവുകളോടെ മൂന്നാമത്തെ വീഡിയോ പുറത്ത്
-
More8 years ago‘മകളെ കൊണ്ട് കള്ളം പറയിച്ചു’ ദിലീപ്-കാവ്യ വിവാഹത്തില് മഞ്ജുവിന്റെ പ്രതികരണം
-
Culture8 years agoവഴിയോര കച്ചവടങ്ങളിലെ ബിരിയാണിയില് പൂച്ച മാംസം
-
Culture5 years agoവീട്ടമ്മയുടെ നഗ്നദൃശ്യങ്ങള് ഭര്ത്താവിന് വാട്സ് ആപ്പില്; പ്രതിയെ കണ്ട് ഞെട്ടി പൊലീസും വീട്ടുകാരും
-
Culture8 years ago‘സോനു നിഗം പ്രിയങ്കയില് നിന്നു പഠിക്കണം; ബാങ്കുവിളിയെക്കുറിച്ചുള്ള അധിക്ഷേപത്തിന് ശേഷം പ്രിയങ്കയുടെ ബാങ്കുവിളി പരാമര്ശം വൈറല്
-
Culture8 years agoഅണികളില് നിന്ന് ‘മുര്ദാബാദ് വിളി’; അസ്വസ്ഥനായി മോദി – മാധ്യമങ്ങള് കണ്ടില്ലെന്ന് നടിച്ച വീഡിയോ