Video Stories
കല്ലൂര് കൊമ്പന് തടവറയില് നിന്നും മോചനം; ചങ്ങലപൊട്ടിച്ച് പരിഭ്രാന്തി പരത്തി ഓടി

സുല്ത്താന് ബത്തേരി: കഴിഞ്ഞ രണ്ടു വര്ഷമായി മുത്തങ്ങയിലെ ആന പന്തിയില് കഴിഞ്ഞിരുന്ന ഭരതന് എന്ന് പേരുള്ള കല്ലൂര് കൊമ്പന് മോചനം.ഇന്നലെ രാവിലെ 10 മാണിയോട് കൂടിയാണ് കൂട്ടില് നിന്നും പുറത്തിറക്കിയത്. ഒന്പതു മണിക്ക് തന്നെ ആനയെ പുറത്തിറക്കാനുള്ള പ്രാരംഭ നടപടികള് ആരംഭിച്ചിരുന്നു.
പാപ്പാന് മാരായ ചന്ദ്രന്, ബാബു, സന്ദീപ് തുടങ്ങിയവരുടെ നേത്രത്വത്തില് ഗജപൂജ നടത്തി കൊമ്പന്റെ നെറ്റിയില് കളഭം ചാര്ത്തി.പത്തു മണിയോടെ കൊമ്പനെ കൂട്ടില് നിന്നും പുറത്തിറക്കി.രണ്ടു വര്ഷമായി കൂട്ടില് കഴിയുന്ന കല്ലൂര് കൊമ്പനെ പുറത്തിറക്കാന് വന്യ ജീവി വിഭാഗം ചീഫ് ഫോറെസ്റ് കണ്സര്വേറ്റര് ആന്ഡ് ഫീല്ഡ് ഡയറക്ടര് എന് അഞ്ജന്കുമാറിന്റെ ഉത്തരവിനെ തുടര്ന്നാണ് കല്ലൂര് കൊമ്പന് മോചിതനായത്.ഇനി കല്ലൂര് കൊമ്പന് അര്ദ്ധ വന്യവസ്ഥയില് മുത്തങ്ങ പന്തിയോട് ചേര്ന്ന് വാനപ്രദേശത്തു വനം വകുപ്പിന്റെ നിയന്ത്രണത്തില് കഴിയും.
ജനവാസ കേന്ദ്രങ്ങളില് പ്രശ്നങ്ങള് സൃഷ്ഠിക്കുകയും, കര്ഷകനെ ആക്രമിക്കുകയും ചെയ്തതിന്റെ പശ്ചാത്തലത്തില് 2016 നവംബര് 22 നാണു കല്ലൂര് 67 ലെ വനമേഖലയില് നിന്ന് മയക്കു വെടി വെച്ച് പിടികൂടി കല്ലൂര് കൊമ്പനെ കൂട്ടിലടച്ചത്. അന്ന് കൊമ്പനെ പിടികൂടി കൂട്ടിലടച്ചു പറമ്പിക്കുളം കടുവ സങ്കേതതില് തുറന്നു വിടാനായിരുന്നു ഉത്തരവ്. എന്നാല് മുതല മട, പറമ്പിക്കുളം, ആനമല എന്നിവിടങ്ങളില് പൊതുജനങ്ങളും, ജനപ്രധിനിതികളും, വലിയ എതിര്പ്പുണ്ടാക്കി, 2017 ഫെബ്രവരി 12 നു കൊമ്പനെ തുറന്നു വിടാനുള്ള ശ്രമം പിന്നീട് ഉപേക്ഷിക്കുകയായിരുന്നു. സ്വാഭാവിക ആവാസ വ്യവസ്ഥയിലേക്കു തിരികെ വിടുന്നതിനുള്ള സാദ്ധ്യതകള് പരിശോധിക്കാന് വിദഗ്ദ്ധ സമിതിയെ നിയോഗിച്ചെങ്കിലും വീണ്ടും കാട്ടില് തുറന്നു വിടുന്നത് ഉചിതമല്ലെന്നും, അര്ദ്ധ വന്യമായ ആവാസവ്യവസ്ഥയില് തുറന്നു വിടുകയോ,കുങ്കിയാനയാക്കി മാറ്റിയെടുക്കുകയോ ചെയ്യണമെന്നാണ് അന്ന് സമിതി നിര്ദ്ദേശ്ശിച്ചത്.
രണ്ടു വര്ഷമായി കൂട്ടില് കഴിയുന്ന കല്ലൂര് കൊമ്പന് പുറത്തിറങ്ങിയാല് ഉണ്ടാകുന്ന പ്രത്യക സാഹചര്യം കണക്കിലെടുത്തു മുന്കരുതലിനായി ആനക്ക് മൈക്രോ ചിപ്പ് ഘടിപ്പിക്കുകയും പാപ്പാന് മാര്ക്ക് ഇന്ഷുര് പരിരക്ഷ ഉറപ്പാക്കുകയും ചെയ്തിട്ടുണ്ട്.ഇനി മൂന്ന് ആഴ്ച്ചകാലം ആനയെ ഇവിടെ നിരീക്ഷിച്ചതിനു ശേഷം പന്തിയില് മറ്റു ആനകള്ക്കൊപ്പം ചേര്ക്കുമെന്ന് സി സി എഫ് അഞ്ജന്കുമാര് പറഞ്ഞു. ആനയെ പുറത്തിറക്കുന്നതിനു സി സി എഫ് നു പുറമെ വന്യജീവി സങ്കേതം മേധാവി എന് ടി സാജന്,ഫ്ളയിങ് സ്കോഡ് ഡി എഫ് ഒ പി ധനനേഷ് കുമാര്,ആര് ആര് ടി റേഞ്ച് ഓഫീസര്, പി സുനില്, വൈല്ഡ് ലൈഫ് അസിസ്റ്റന്റ് ഫോറെസ്റ് വെറ്റിനറി ഓഫീസര് അരുണ് സക്കറിയ തുടങ്ങിയവര് നേത്രത്വം നല്കി. അതിനിടെ കൊമ്പനെ പുറത്തിറക്കിയപ്പോള് ആനയിലുണ്ടായ മാറ്റം ചുറ്റുമുണ്ടായിരുന്നവരില് ഭീതി പടര്ത്തി. കൂട്ടില് നിന്നും ഇറങ്ങി മുന്നോട്ട് നീങ്ങിയ ആന പെട്ടെന്ന് ചിഹ്നം വിളിച്ചു ഓടാന് ശ്രമിച്ചതാണ് എല്ലാവരിലും ഭീതി പടര്ത്തിയത്. ശാന്തസ്വഭാവത്തോടു കൂടി കൂടിനു പുറത്തിറങ്ങിയ കൊമ്പന് അല്പ ദൂരം നടന്നതോടുകൂടിയാണ് സ്വഭാവത്തില് മാറ്റം പ്രകടിപ്പിച്ചത്. ചിഹ്നം വിളിച്ചു കൊമ്പന് അപ്രതീക്ഷിതമായി മുന്നോട്ട് കുതിച്ചതോടെ ചുറ്റും നിന്നവര് പ്രാണ രാക്ഷാര്ത്ഥം ഓടി മാറി രക്ഷപെടുകയായിരുന്നു. ഇതിനിടെ കൊമ്പന്റെ കാലില് കെട്ടിയിരുന്ന വടവും ചങ്ങലയും പൊട്ടി. മുന്നോട്ടു കുതിക്കുന്നതിനിടെ കൊമ്പന് അടി തെറ്റി നിലത്തു വീഴുകയും ചെയ്തു,ഇത് കൊണ്ട് തന്നെ മറ്റു അപായങ്ങളൊന്നും ഉണ്ടായില്ല. പിന്നീട് ആനയെ മയക്കു വെടി വെച്ച് സമീപത്തെ മരത്തില് തളച്ചു. ഇത്തരം ഭാവമാറ്റങ്ങള് കൂടുകളില് നിന്നും ഇറക്കുമ്പോള് ഉണ്ടാകാറുണ്ടെന്നാണ് വനം വകുപ്പ് ഉന്നത ഉദ്യോഗസ്ഥര് പറയുന്നത്.
main stories
മുഖ്യമന്ത്രിയെ കരിങ്കൊടി കാണിച്ച കെ.എസ്.യു നേതാവിന് സി.പി.എം പ്രവര്ത്തകരുടെ മര്ദനം
മുഖ്യമന്ത്രി പിണറായി വിജയന് നേരെ കരിങ്കൊടി കാണിച്ച കെ.എസ്.യു നേതാവിന് സി.പി.എം പ്രവര്ത്തകരുടെ മര്ദനം.

മുഖ്യമന്ത്രി പിണറായി വിജയന് നേരെ കരിങ്കൊടി കാണിച്ച കെ.എസ്.യു നേതാവിന് സി.പി.എം പ്രവര്ത്തകരുടെ മര്ദനം.കണ്ണൂര് കെ.എസ്.യു ജില്ല വൈസ്പ്രസിഡന്് ഫര്ഹാന് മുണ്ടേരിക്കാണ് മര്ദനമേറ്റത്.
മുഖ്യമന്ത്രിക്ക് നേരെ കരിങ്കൊടി കാട്ടിയ ഫര്ഹാനെ പോലീസ് കസ്സറ്റഡിയിലെടുക്കുന്നതിനിടെയായിരുന്നു സി.പി.എം പ്രവര്ത്തകരുടെ മര്ദനം.ഫര്ഹാന് മുണ്ടേരി നിലവില് പോലീസ് കസ്സറ്റഡിയിലാണ്.
kerala
അയ്യൂബിന്റെ ഓട്ടോ ഓടിയത് സി.എച്ച്.സെന്ററിന് വേണ്ടി
കാരുണ്യ യാത്രയിൽ കളക്ഷനായി ലഭിച്ച മുഴുവൻ തുകയും രാത്രിയോടെ കമ്മറ്റിക്ക് കൈമാറി.

റഊഫ് കൂട്ടിലങ്ങാടി
കൂട്ടിലങ്ങാടി: സി.എച്ച്.സെന്റർ ദിനത്തിൽ കൂട്ടിലങ്ങാടിയിലെ ഓട്ടോ ഡ്രൈവർ മാരത്തൊടി അയ്യൂബ് തന്റെ ഓട്ടോറിക്ഷ ഓടിയത് സി.എച്ച്.സെന്റ്റിന് കലക്ഷൻ ശേഖരിക്കുന്നതിന് വേണ്ടി.
KL -O6 H 291 നമ്പറിലുള്ള ഓട്ടോയിൽ “ഇന്നത്തെ കലക്ഷൻ സി.എച്ച് സെന്ററിന്” എന്ന് എഴുതിയ സ്റ്റിക്കർ പതിച്ചാണ് കാരുണ്യ യാത്രക്കാരുങ്ങി വെള്ളിയാഴ്ച രാവിലെ അയ്യൂബ് ഓട്ടോ സ്റ്റാന്റിലേക്ക് എത്തിയത്.
അശരണരും ആലംബഹീനരുമായ വേദനയനുഭവിക്കുന്ന ആയിരങ്ങളുടെ കണ്ണീരൊപ്പാൻ സി.എച്ച്.സെന്റർ നടത്തുന്ന കാരുണ്യ പ്രവർത്തനത്ത നങ്ങളിൽ ഒരു കൈ സഹായം നൽകി പങ്കാളിത്തം വഴിക്കാൻ കഴിഞ്ഞ ആത്മസംതൃപ്തിയിലാണ് യൂത്ത് ലീഗ് പ്രവർത്തകനായ അയ്യൂബ്.
കാരുണ്യ യാത്രയിൽ കളക്ഷനായി ലഭിച്ച മുഴുവൻ തുകയും രാത്രിയോടെ കമ്മറ്റിക്ക് കൈമാറി. വാർഡ് മെമ്പർ കൂരി മുസ്തഫ,ഷമീർ കോപ്പിലാൻ എന്നിവർ തുക ഏറ്റുവാങ്ങി.
Health
അറുപത് ഡി ബി എസ് ശസ്ത്രക്രിയകളുമായി ആസ്റ്റര് ഹോസ്പിറ്റല്
കേരളത്തില് കോഴിക്കോട് ആസ്റ്റര് മിംസ്, കൊച്ചി ആസ്റ്റര് മെഡ്സിറ്റി എന്നിവിടങ്ങളിലാണ് ഡി ബി എസ് ശസ്ത്രക്രിയ പ്രധാനമായും നിര്വ്വഹിക്കുന്നത് .

കോഴിക്കോട്: പാര്ക്കിന്സണ്സ് രോഗത്തിനുള്ള ഏറ്റവും ഫലപ്രദമായ ചികിത്സയായ ഡീപ് ബ്രെയിന് സ്റ്റിമുലേഷന് (ഡി ബി എസ്) അറുപത് എണ്ണം പൂര്ത്തിയാക്കിക്കൊണ്ട് കേരളത്തിലെ ആസ്റ്റര് ഹോസ്പിറ്റലുകള് ശ്രദ്ധേയമാകുന്നു. വളരെ ചുരുങ്ങിയ കാലയളവിനുള്ളിലാണ് അറുപത് ഡി ബി എസ് ശസ്ത്രക്രിയകള് വിജയകരമായി പൂര്ത്തീകരിക്കാന് ആസ്റ്റര് ഹോസ്പിറ്റലുകള്ക്ക് സാധിച്ചിരിക്കുന്നത്. ലോകത്തിലെ തന്നെ ഏറ്റവും മികച്ച ഡി ബി എസ് സെന്ററുകളുടെ നിരക്കുകളോട് സമാനത പുലര്ത്തുന്ന നേട്ടമാണിത്.
നിലയ്ക്കാത്ത വിറയലും അനുബന്ധമായ മറ്റ് ബുദ്ധിമുട്ടുകളുമാണ് പാര്ക്കിന്സണ്സ് രോഗത്തിന്റെ പ്രധാന ലക്ഷണവും പ്രതിസന്ധിയും. ഇത് മൂലം രോഗബാധിതരായവരുടെ ദൈനംദിന ജീവിതം തന്നെ ദുരിതത്തിലാവുകയും സമാനതകളില്ലാത്ത പ്രതിസന്ധികള് അവര് അഭിമുഖീകരിക്കേണ്ടി വരികയും ചെയ്യുന്നു. അടുത്ത കാലം വരെ ഫലപ്രദമായ ചികിത്സകളില്ലാതിരുന്ന രോഗം എന്ന നിലയിലായിരുന്നു പാര്ക്കിന്സണ്സിനെ നോക്കിക്കണ്ടിരുന്നത്. എന്നാല് ഡി ബി എസിന്റെ ആവിര്ഭാവത്തോടെ ഈ അവസ്ഥയ്ക്ക് വലിയ പരിഹാരമാണ് സൃഷ്ടിക്കപ്പെട്ടിരിക്കുന്നത്. തലച്ചോറില് ഇലക്ട്രോഡുകള് ശസ്ത്രക്രിയ വഴി സ്ഥാപിക്കുകയും ഇതിന്റെ തരംഗങ്ങള് ഉപയോഗപ്പെടുത്തി രോഗലക്ഷണങ്ങള്ക്ക് കാരണമാകുന്ന അസാധാരണ പ്രവര്ത്തനങ്ങളെ പ്രതിരോധിക്കുകയോ കുറയ്ക്കുകയോ ചെയ്യുകയുമാണ് ഡി ബി എസിലൂടെ നിര്വ്വഹിക്കപ്പെടുന്നത്.
കേരളത്തില് കോഴിക്കോട് ആസ്റ്റര് മിംസ്, കൊച്ചി ആസ്റ്റര് മെഡ്സിറ്റി എന്നിവിടങ്ങളിലാണ് ഡി ബി എസ് ശസ്ത്രക്രിയ പ്രധാനമായും നിര്വ്വഹിക്കുന്നത് എന്ന് ശ്രീ. ഫര്ഹാന് യാസിന് (റീജ്യണല് ഡയറക്ടര്, ആസ്റ്റര് ഹോസ്പിറ്റല്സ്) പറഞ്ഞു. നിലവിലുള്ള ഏറ്റവും ഫലപ്രദമായ ചികിത്സാ രീതിയാണ് ഡി ബി എസ് എന്നും ഇതുമായി ബന്ധപ്പെട്ടുള്ള ഏത് അന്വേഷണങ്ങള്ക്കും 9746554443 (കൊച്ചിന്), 95623 30022 (കോഴിക്കോട്) എന്നീ നമ്പറുകളില് ബന്ധപ്പെടാവുന്നതാണെന്നും അദ്ദേഹം കൂട്ടിച്ചേര്ത്തു.
-
Video Stories8 years ago
കൊടിഞ്ഞിയില് കൊല്ലപ്പെട്ട ഫൈസലിന്റ കഫീല് അബ്ദുല്ല അല്മുഹാവിസിന്റെ വാക്കുകള് വൈറലാവുന്നു
-
Culture8 years ago
അനസ്തേഷ്യയില്ലാത്ത ശസ്ത്രക്രിയയില് ഖുര്ആന് ഉരുവിട്ട് കുഞ്ഞ്; വാര്ത്ത വായിക്കുമ്പോള് വിതുമ്പിക്കരഞ്ഞ് അവതാരകന്
-
More8 years ago
ഭോപ്പാല് വിവാദ ഏറ്റുമുട്ടല്; കൂടുതല് തെളിവുകളോടെ മൂന്നാമത്തെ വീഡിയോ പുറത്ത്
-
More8 years ago
‘മകളെ കൊണ്ട് കള്ളം പറയിച്ചു’ ദിലീപ്-കാവ്യ വിവാഹത്തില് മഞ്ജുവിന്റെ പ്രതികരണം
-
Culture8 years ago
വഴിയോര കച്ചവടങ്ങളിലെ ബിരിയാണിയില് പൂച്ച മാംസം
-
Culture5 years ago
വീട്ടമ്മയുടെ നഗ്നദൃശ്യങ്ങള് ഭര്ത്താവിന് വാട്സ് ആപ്പില്; പ്രതിയെ കണ്ട് ഞെട്ടി പൊലീസും വീട്ടുകാരും
-
Culture8 years ago
‘സോനു നിഗം പ്രിയങ്കയില് നിന്നു പഠിക്കണം; ബാങ്കുവിളിയെക്കുറിച്ചുള്ള അധിക്ഷേപത്തിന് ശേഷം പ്രിയങ്കയുടെ ബാങ്കുവിളി പരാമര്ശം വൈറല്
-
Culture8 years ago
അണികളില് നിന്ന് ‘മുര്ദാബാദ് വിളി’; അസ്വസ്ഥനായി മോദി – മാധ്യമങ്ങള് കണ്ടില്ലെന്ന് നടിച്ച വീഡിയോ