india
കാല്ച്ചുവട്ടിലെ മണ്ണൊലിച്ചു, ബംഗാളില് കോണ്ഗ്രസില്ലെങ്കില് സിപിഎം പൂജ്യം!
2019ലെ ലോക്സഭാ തെരഞ്ഞെടുപ്പില് ഒരു സീറ്റില് പോലും സിപിഎമ്മിന് വിജയിക്കാനായിരുന്നില്ല
കൊല്ക്കത്ത: ഒടുവില് അടുത്ത വര്ഷം നടക്കുന്ന പശ്ചിമബംഗാള് നിയമസഭാ തെരഞ്ഞെടുപ്പില് സിപിഎമ്മും കോണ്ഗ്രസും ഒന്നിച്ചു മത്സരിക്കാന് തീരുമാനിച്ചിരിക്കുകയാണ്. ഇതു സംബന്ധിച്ച ധാരണയ്ക്ക് കോണ്ഗ്രസ് ഹൈക്കമാന്ഡ് വ്യാഴാഴ്ചയാണ് പച്ചക്കൊടി കാണിച്ചത്. ഇരുപാര്ട്ടികളും തമ്മിലുള്ള ധാരണയ്ക്ക് ഒക്ടോബറില് തന്നെ സിപിഎം കേന്ദ്ര കമ്മിറ്റി അനുമതി നല്കിയിരുന്നു.
ഒരു കാലത്ത് സിപിഎമ്മിന്റെ നേതൃത്വത്തിലുള്ള ഇടതുമുന്നണിയുടെ ശക്തിദുര്ഗമായിരുന്നു പശ്ചിമബംഗാള്. സംസ്ഥാനത്ത് തുടര്ച്ചയായി 34 വര്ഷമാണ് ഇടതു മുന്നണി അധികാരത്തിലിരുന്നത്. 1977 മുതല് 2011 വരെ തുടര്ച്ചയായി ഏഴു തവണ!
തകര്ന്നടിഞ്ഞ ഇടതുപക്ഷം
2011ല് മമത ബാനര്ജിക്കു മുമ്പിലാണ് ഇടതുമുന്നണിയുടെ അജയ്യയാത്ര അവസാനിച്ചത്. അതിന് വഴിയൊരുക്കിയത് സിംഗൂരിലെയും നന്ദിഗ്രാമിലെയും പ്രക്ഷോഭങ്ങള്. 2006ല് 294ല് 234 സീറ്റില് ജയിച്ച് അധികാരത്തിലെത്തിയ ഇടതിന് 2011ല് കിട്ടിയത് വെറും 62 സീറ്റ്. കോണ്ഗ്രസുമായി ധാരണയുണ്ടാക്കി മത്സരിച്ച 2016ല് ഇടതിന് ജയിക്കാനായത് 32 ഇടത്ത്. 147 സീറ്റില് മത്സരിച്ച സിപിഎം നേടിയത് 26 സീറ്റും. 20 ശതമാനം വോട്ടു വിഹിതം മാത്രമാണ് സിപിഎമ്മിന് ലഭിച്ചത്.
2016ലെ തിരഞ്ഞെടുപ്പില് കോണ്ഗ്രസും ഇടതു മുന്നണിയും കൂടി നേടിയത് 76 സീറ്റാണ്. 92 സീറ്റില് മത്സരിച്ച കോണ്ഗ്രസ് 44 സീറ്റുകള് നേടി. സിപിഐ മത്സരിച്ച 11ല് ഒരു സീറ്റിലും ജയിച്ചു. ആര്എസ്പി മൂന്നും എഐഎഫ്ബി രണ്ടും സീറ്റു നേടി. 291 സീറ്റില് മത്സരിച്ച ബിജെപി ജയിച്ചത് മൂന്നു സീറ്റിലാണ്. 219 സീറ്റ് നേടിയ തൃണമൂല് കോണ്ഗ്രസ് ഭരണം സ്വന്തമാക്കി.
സിപിഎമ്മിന്റെ ചരിത്രത്തിലെ തന്നെ ഏറ്റവും മോശം പ്രകടനമായിരുന്നു 2016ലേത്. തൃണമൂല് കോണ്ഗ്രസിന്റെ വോട്ടുവിഹിതം എട്ടു ശതമാനം വര്ധിച്ച് 46.7 ശതമാനമായപ്പോള് ഇടതിന്റേത് 28ല് നിന്ന് 25 ശതമാനമായി കുറഞ്ഞു. ബിജെപിയുടെ വോട്ടുവിഹിതത്തിലും കുറവുണ്ടായി. 2014ലെ ലോക്സഭാ തെരഞ്ഞെടുപ്പില് 17 ശതമാനമായിരുന്ന വിഹിതം നിയമസഭയില് ഏഴു ശതമാനമായി മാറി.
2019ലെ ലോക്സഭാ തെരഞ്ഞെടുപ്പില് കോണ്ഗ്രസുമായി സഖ്യചര്ച്ചകള് നടന്നിരുന്നു എങ്കിലും ഔദ്യോഗികമായി ധാരണയിലെത്താന് ഇരുകക്ഷികള്ക്കും ആയിരുന്നില്ല. ലോക്സഭയില് ഒരു സീറ്റില് പോലും സിപിഎമ്മിന് വിജയിക്കാനായിരുന്നില്ല. 39 സീറ്റില് കെട്ടിവച്ച കാശ് നഷ്ടപ്പെടുകയും ചെയ്തു. കോണ്ഗ്രസ് രണ്ടു സീറ്റിലാണ് ജയിച്ചത്. 38 ഇടങ്ങളില് കെട്ടിവച്ച കാശ് നഷ്ടമായി. 42 ലോക്സഭാ സീറ്റുകളില് 18 ഇടത്ത് ബിജെപി ജയിച്ചു. ഭരണകക്ഷിയായ തൃണമൂലിന് 22 സീറ്റു കിട്ടി.
india
സ്മൃതിയുടെ മകളുടെ റസ്റ്റോറന്റിന്റെ മദ്യ ലൈസന്സ് അനധികൃതം
വടക്കന് ഗോവയില് കേന്ദ്രമന്ത്രി സ്മൃതി ഇറാനിയുടെ മകളുടെ പേരിലുള്ള റസ്റ്ററന്റിന് മദ്യ ലൈസന്സ് ലഭിച്ചത് അനധികൃതമാണെന്ന് റിപ്പോര്ട്ട്.
പനജി: വടക്കന് ഗോവയില് കേന്ദ്രമന്ത്രി സ്മൃതി ഇറാനിയുടെ മകളുടെ പേരിലുള്ള റസ്റ്ററന്റിന് മദ്യ ലൈസന്സ് ലഭിച്ചത് അനധികൃതമാണെന്ന് റിപ്പോര്ട്ട്. മരിച്ചയാളുടെ പേരിലാണ് ലൈസന്സ് പുതുക്കിയതെന്നാണ് ആരോപണം. ഇതേത്തുടര്ന്ന് ഗോവ എക്സൈസ് കമ്മിഷണര് നാരായണ് എം. ഗാഡ് ലൈസന്സ് റദ്ദാക്കാതിരിക്കണമെങ്കില് കാരണം കാണിക്കണമെന്ന് ആവശ്യപ്പെട്ട് നോട്ടീസ് അയച്ചിരിക്കുകയാണ്.
ഗോവയിലെ അസന്ഗൗവിലാണ് സ്മൃതിയുടെ മകള് സോയിഷ് ഇറാനിയുടെ പോഷ് റസ്റ്ററന്റായ സില്ലി സോള്സ് കഫേ ആന്റ് ബാര് ഉള്ളത്. ബാറിനുള്ള ലൈസന്സ് കൃത്രിമ രേഖകള് നല്കിയാണ് ഉടമകള് കൈവശപ്പെടുത്തിയതെന്ന് അഭിഭാഷകനായ എയ്റിസ് റോഡ്രിഗസ് നല്കിയ പരാതിയിലാണ് ജൂലൈ 21ന് എക്സൈസ് കമ്മിഷണര് നോട്ടിസ് അയച്ചത്. വിഷയം ജൂലൈ 29ന് കോടതി പരിഗണിക്കും.
കഴിഞ്ഞമാസമാണ് ലൈസന്സ് പുതുക്കിയത്. എന്നാല് ലൈസന്സിന്റെ ഉടമ ആയിരുന്ന ആന്തണി ഡിഗാമ 2021 മേയ് 17ന് അന്തരിച്ചിരുന്നു. ഡിഗാമയുടെ ആധാര് കാര്ഡിലെ വിവരം അനുസരിച്ച് മുംബൈയിലെ വിലേ പാര്ലെയിലെ താമസക്കാരനാണിയാള്. ഇയാളുടെ മരണ സര്ട്ടിഫിക്കറ്റ് മുംബൈ മുനിസിപ്പല് കോര്പ്പറേഷനില്നിന്ന് റോഡ്രിഗസിന് ലഭിച്ചിട്ടുമുണ്ട്.
ആറുമാസത്തിനുള്ളില് ലൈസന്സ് ട്രാന്സ്ഫര് ചെയ്യുമെന്നാണ് അപേക്ഷയില് വ്യക്തമാക്കിയിരുന്നതെന്ന് സംസ്ഥാന എക്സൈസ് വിഭാഗം പറയുന്നു.വിവരാവകാശ നിയമപ്രകാരമാണ് റോഡ്രിഗസ് വിവരങ്ങള് ശേഖരിച്ചത്. സില്ലി സോള്സ് കഫേ ആന്റ് ബാറിന് സംസ്ഥാനത്ത് പ്രവര്ത്തിക്കുന്നതിന് റസ്റ്ററന്റ് ലൈസന്സ് ഇല്ലെന്നും അഭിഭാഷകനായ റോഡ്രിഗസ് പറയുന്നു.
india
സിഖ് വിദ്യാര്ഥികളോട് തലപ്പാവും കൃപാണും ധരിക്കരുതെന്ന് യു.പിയിലെ സ്കൂള്
ലഖ്നൗ: ഉത്തര്പ്രദേശിലെ സ്കൂളല് സിഖ് വിദ്യാര്ഥികളോട് തലപ്പാവും കൃപാണും ധരിക്കരുതെന്ന് ആവശ്യപ്പെട്ട സംഭവത്തില് ശക്തമായ പ്രതിഷേധം അറിയിച്ച് പ്രമുഖ സിഖ് മത നേതൃത്വമായ ശിരോമണി ഗുരുദ്വാര പര്ബന്ധക് കമ്മിറ്റി (എസ്.ജി.പി.സി). രാജസ്ഥാനിലെ അല്വാര് ജില്ലയില് അജ്ഞാതര് സിഖ് പുരോഹിതനെ മര്ദിക്കുകയും മുടി മുറിക്കുകയും ചെയ്ത സംഭവത്തെയും സിഖുകാരുടെ പരമോന്നത മതസംഘടന അപലപിച്ചു.
വ്യാഴാഴ്ച ഉത്തര്പ്രദേശിലെ ബറേലിയിലെ സിഖ് സമുദായാംഗങ്ങള് സ്കൂള് മാനേജ്മെന്റിന്റെ ഉത്തരവിനെതിരെ പ്രതിഷേധിച്ചിരുന്നു. ഉത്തരവ് പാലിക്കാത്തതിനാല് കുട്ടികളോട് സ്കൂളിലേക്ക് പ്രവേശിക്കരുതെന്ന് പറഞ്ഞതായും അവര് ആരോപിച്ചു.
india
ഇന്ത്യയില് ഒരു ഡോസ് വാക്സിന് പോലും എടുക്കാതെ 4 കോടി ആളുകള്
കേന്ദ്ര ആരോഗ്യ മന്ത്രാലയത്തിന്റെ കണക്കനുസരിച്ച് ഇന്ത്യയില് 98 ശതമാനം പേര്ക്കും കുറഞ്ഞത് ഒരു ഡോസ് വാക്സിനെങ്കിലും ലഭിച്ചിട്ടുണ്ട്.
ന്യൂഡല്ഹി: ഇന്ത്യയില് യോഗ്യരായ നാലു കോടി ആളുകള് ഇതുവരെ ഒരു ഡോസ് വാക്സിന് പോലും സ്വീകരിച്ചിട്ടില്ലെന്ന് കേന്ദ്ര ആരോഗ്യ സഹമന്ത്രി ഭാരതി പ്രവീണ് പവാര്. ജൂലൈ 18 വരെ സര്ക്കാര് കോവിഡ് വാക്സിനേഷന് സെന്ററുകളില് 1,78,38,52,566 വാക്സിന് ഡോസുകള് സൗജന്യമായി നല്കിയിട്ടുണ്ടെന്നും രേഖാമൂലമുള്ള മറുപടിയില് വ്യക്തമാക്കി.
കേന്ദ്ര ആരോഗ്യ മന്ത്രാലയത്തിന്റെ കണക്കനുസരിച്ച് ഇന്ത്യയില് 98 ശതമാനം പേര്ക്കും കുറഞ്ഞത് ഒരു ഡോസ് വാക്സിനെങ്കിലും ലഭിച്ചിട്ടുണ്ട്. 90 ശതമാനം പേര് പൂര്ണമായി വാക്സിന് എടുത്തിട്ടുണ്ടെന്നും കണക്കില് പറയുന്നു.
-
Video Stories7 years ago
കൊടിഞ്ഞിയില് കൊല്ലപ്പെട്ട ഫൈസലിന്റ കഫീല് അബ്ദുല്ല അല്മുഹാവിസിന്റെ വാക്കുകള് വൈറലാവുന്നു
-
Culture7 years ago
അനസ്തേഷ്യയില്ലാത്ത ശസ്ത്രക്രിയയില് ഖുര്ആന് ഉരുവിട്ട് കുഞ്ഞ്; വാര്ത്ത വായിക്കുമ്പോള് വിതുമ്പിക്കരഞ്ഞ് അവതാരകന്
-
More8 years ago
ഭോപ്പാല് വിവാദ ഏറ്റുമുട്ടല്; കൂടുതല് തെളിവുകളോടെ മൂന്നാമത്തെ വീഡിയോ പുറത്ത്
-
More7 years ago
‘മകളെ കൊണ്ട് കള്ളം പറയിച്ചു’ ദിലീപ്-കാവ്യ വിവാഹത്തില് മഞ്ജുവിന്റെ പ്രതികരണം
-
Culture8 years ago
വഴിയോര കച്ചവടങ്ങളിലെ ബിരിയാണിയില് പൂച്ച മാംസം
-
Culture5 years ago
വീട്ടമ്മയുടെ നഗ്നദൃശ്യങ്ങള് ഭര്ത്താവിന് വാട്സ് ആപ്പില്; പ്രതിയെ കണ്ട് ഞെട്ടി പൊലീസും വീട്ടുകാരും
-
Culture7 years ago
‘സോനു നിഗം പ്രിയങ്കയില് നിന്നു പഠിക്കണം; ബാങ്കുവിളിയെക്കുറിച്ചുള്ള അധിക്ഷേപത്തിന് ശേഷം പ്രിയങ്കയുടെ ബാങ്കുവിളി പരാമര്ശം വൈറല്
-
Culture7 years ago
അണികളില് നിന്ന് ‘മുര്ദാബാദ് വിളി’; അസ്വസ്ഥനായി മോദി – മാധ്യമങ്ങള് കണ്ടില്ലെന്ന് നടിച്ച വീഡിയോ