More
ഇതൊരു തീര്‍ത്ഥാടനം; പിന്തുണ ആശാവഹം: മുനവ്വറലി ശിഹാബ് തങ്ങള്‍
ലുഖ്മാന്‍ മമ്പാട്
? യുവജന യാത്ര പാതിയിലേറെ പിന്നിട്ടിരിക്കുന്നു. ഇതുവരെയുള്ള അനുഭവം
– പ്രളയാനന്തര കേരളത്തില്‍ ഒരു ജാഥയുമായി കടന്നു വരുമ്പോള്‍ ഒട്ടേറെ ആശങ്കകളുണ്ടായിരുന്നു. രാഷ്ട്രീയതാല്‍പര്യമില്ലാത്ത വലിയൊരു വിഭാഗം ഇവിടെയുണ്ടല്ലോ. അവരൊക്കെ എങ്ങിനെ പ്രതികരിക്കും എന്നത് ചോദ്യചിഹ്നമായിരുന്നു. പക്ഷെ, കാസര്‍ക്കോട് പിന്നിട്ടപ്പോള്‍ തന്നെ എല്ലാ സംശയവും മാറി. കണ്ണൂരിലെത്തിയപ്പോള്‍ മറ്റൊരു ആശങ്കയും നീങ്ങി. ട്രാഫിക്ക് ബ്ലോക്കുള്ള റോഡിലൂടെ ആയിരങ്ങള്‍ പദയാത്രയായി പോകുമ്പോള്‍ എന്തു സംഭവിക്കുമെന്ന മാതൃകയും മുന്നോട്ടു വെച്ചു. ഒറ്റപ്പെട്ട ചിലയിടങ്ങളില്‍ ചെറിയ ട്രാഫിക്ക് ജാം ഉണ്ടായതു പോലും ഗൗരവത്തിലെടുത്താണ് മുന്നോട്ടു പോയത്. മുസ്്‌ലിം ലീഗ്, യു.ഡി.എഫ് തുടങ്ങിയ തലമൊക്കെ വിട്ട് എല്ലാ വിഭാഗം ആളുകളും നെഞ്ചേറ്റി. യാത്രയെ വരവേല്‍ക്കാന്‍ അമ്മമാരും അമ്മൂമമാരുമൊക്കെ റോഡിലേക്ക് ഇറങ്ങിവന്നു. ഹൈന്ദവ സമൂഹം യാത്രയോട് മറയില്ലാതെ നേരിട്ട് സംവദിക്കാന്‍ എത്തിയത് മുസ്്‌ലിം ലീഗിനും അതിന്റെ യുവജന വിഭാഗത്തിനും ഉള്ള സ്വീകാര്യതയും അനുഭവിച്ചറിയുമ്പോള്‍ ഉത്തരവാദിത്വം വര്‍ധിച്ചതായി തിരിച്ചറിയുന്നു. പൊതു സമൂഹം ഏറ്റെടുത്ത യാത്ര എന്ന് മാധ്യമങ്ങളും രാഷ്ട്രീയ നിരീക്ഷകരുമെല്ലാം ഒരേ സ്വരത്തില്‍ പറയുന്നു.
? ക്ഷേത്ര കമ്മിറ്റിക്കാര്‍ പലയിടത്തും നേരിട്ട് എത്തി
– വര്‍ഗീയ മുക്ത ഭാരതം എന്നതാണ് യാത്ര മുന്നോട്ടു വെക്കുന്ന ഒന്നാമത്തെ പ്രമേയം. ആയിരത്താണ്ടു കാലമായി മൈത്രിയോടെ ജീവിക്കുന്ന നാട്ടില്‍ വര്‍ഗീയതയുടെ കളകള്‍ ഉണ്ടാവുമ്പോള്‍ അതിനെതിരെ ആശയപരമായ സംവേദനമാണ് പോംവഴി. ഭിന്നിപ്പിച്ച് ഭരിക്കല്‍ തന്ത്രവുമായി ബ്രിട്ടീഷുകാര്‍ ഉള്‍പ്പെടെയുള്ള വിദേശികള്‍ ആധിപത്യം നേടിയത് നമുക്ക് മുമ്പിലുണ്ട്. ഭിന്നതയും അകല്‍ച്ചയും സൃഷ്ടിച്ച് രാഷ്ട്രീയ മുതലെടുപ്പിന് ശ്രമിക്കുന്ന കാലത്ത് യൂത്ത് ലീഗ് യാത്രയെ ഹൈന്ദവ, ക്രൈസ്തവ സമൂഹം പ്രത്യാശയോടെ വരവേല്‍ക്കുന്നത് സന്തോഷം പകരുന്നതാണ്.
മഞ്ചേശ്വരത്തു നിന്ന് യാത്ര തുടങ്ങും മുമ്പ് ഉദ്യാവരത്തെ മാടക്ഷേത്രാങ്കണത്തിലെത്തിയപ്പോള്‍ ക്ഷേത്രം ഭാരവാഹികള്‍ നല്‍കിയ സ്വീകരണം ശുഭ സൂചകമായിരുന്നു. ക്ഷേത്രോത്സവത്തിന് തുടക്കം കുറിക്കാന്‍ മുസ്്‌ലിം പള്ളിയിലെ ജുമുഅക്കു ശേഷം സമ്മതം ചോദിക്കുന്ന ചടങ്ങുള്ള ക്ഷേത്രമാണത്. കണ്ണൂര്‍ ജില്ലയിലെ പര്യടത്തിന് പയ്യന്നൂരില്‍ നിന്ന് തയ്യാറെടുക്കുമ്പോള്‍ സുബ്രമണ്യ ക്ഷേത്ര ഭാരവാഹികള്‍ താമസ സ്ഥലത്തെത്തിയാണ് ക്ഷണിച്ചു കൊണ്ടു പോയത്. അഹിന്ദുക്കള്‍ക്ക് പ്രവേശനം ഇല്ലാത്ത ക്ഷേത്രമാണ് അതെങ്കിലും ഉത്സവത്തില്‍ വിതരണം ചെയ്യുന്ന പായസത്തിനുള്ള പഞ്ചസാര മുസ്്‌ലിം തറവാട്ടില്‍ നിന്നാണ്. മൈത്രിയുടെ വര്‍ഗീയ വിരുദ്ധ കേന്ദ്രങ്ങളാണ് ക്ഷേത്രങ്ങളും പള്ളികളുമെല്ലാം എന്ന സന്ദേശം ഉയര്‍ന്നുവരാന്‍ ഇതൊക്കെ സഹായകമാണല്ലോ.
? ഹൈന്ദവ സമൂഹത്തിന്റെ വരവേല്‍പ്പിനെ കുറിച്ച്
– യാത്രയെ വരവേല്‍ക്കാന്‍ കൈകൂപ്പി എത്തുന്ന അമ്മമാര്‍ക്കൊന്നും പ്രത്യേക രാഷ്ട്രീയമില്ല. ‘വര്‍ഗീയ മുക്ത ഭാരതം’ എന്ന മുദ്രാവാക്യം അവര്‍ നമ്മളില്‍ നിന്ന് കേള്‍ക്കാന്‍ കൊതിക്കുകയാണ്. ഭയം നിറയുന്ന കാലത്ത് മതിലുകള്‍ക്ക് പകരം പരസ്പരം പാലം പണിയുകയാണ് യാത്രാ ലക്ഷ്യം. വേള്‍ഡ് ട്രേഡ് സെന്റര്‍ ആക്രമണ ശേഷം ലോക തലത്തില്‍ വളര്‍ന്ന ഇസ്‌ലാമോഫോബിയയും മോദിയുടെ കാലത്ത് ദേശീയ തലത്തില്‍ വര്‍ധച്ച വര്‍ഗീയതയും ആള്‍കൂട്ട കൊലകളും കമ്മ്യൂണിസ്റ്റ് ഭരണകൂടത്തിന്റെ തലതിരിഞ്ഞ പൊലീസ് നയവുമൊക്കെ ഭയം വിതക്കുന്നതാണ്. അമേരിക്കന്‍ പ്രസിഡന്റ് ട്രംപ് ഇവിടെ വന്ന് ഇന്ത്യക്കാരുടെ സഹിഷ്ണുത ഓര്‍മ്മപ്പെടുത്തുന്ന കാലത്ത് പരസ്പര വിശ്വാസവും ആശയ വിനിമയവുമാണ് പരിഹാരം. മുസ്്‌ലിം പണ്ഡിതന്മാരും ക്രിസ്തീയ പുരോഹിതന്മാരും സാഹിത്യ സാംസ്‌കാരിക നായകരുമെല്ലാം വരവേല്‍പ്പും പ്രാര്‍ത്ഥനയുമായി യാത്രയെ ആശീര്‍വദിക്കുന്നു
? പ്രചാരണങ്ങളിലെ സൂക്ഷ്മതയും ചര്‍ച്ചയാണ്
– കൃത്യമായ ആസൂത്രണത്തോടെ നല്ലൊരു ലക്ഷ്യത്തിലേക്ക് ചിന്ത തിരിക്കാനാണല്ലോ യാത്ര. ഓരോ ജില്ലയിലും അതിനനുസരിച്ചാണ് വിഷയം കൈകാര്യം ചെയ്തത്. കണ്ണൂരില്‍ കൊലപാതക രാഷ്ട്രീയമാണ് ചര്‍ച്ചയാക്കിയത്. ജനക്ഷേമ അജണ്ടകളുമായി ആശയ സംവാദത്തിലേക്ക് ഇടതുപക്ഷം ചിന്തിക്കണമെന്നാണ് മുന്നോട്ടു വെച്ച ആയം. കൊലപാതകം ഒന്നിനും പരിഹാരമല്ലെന്നും അമ്മമാരുടെയും സഹോദരിമാരുടെയും കണ്ണീരിന് അറുതി വേണമെന്നും പ്രത്യയശാസ്ത്രപരമായ സംവേദനത്തിന്റെ ബദല്‍ രാഷ്ട്രീയം സാധ്യമാണെന്നും യൂത്ത് ലീഗ് പറഞ്ഞു. അരിയില്‍ ഷുക്കൂറിന്റെ നാട്ടില്‍ കൊലകളും നിഷ്‌കാസനവും വേണ്ടെന്നും രാഷ്ട്രീയത്തിന്റെ പേരില്‍ ചോര ചിന്തരുതെന്നും പറയുമ്പോള്‍ എല്ലാ വിഭാഗം ജനങ്ങളും പിന്തുണ നല്‍കിയെന്നാണ് അനുഭവം. മുഖ്യമന്ത്രി പിണറായി വിജയന്റെ മണ്ഡലത്തിലെ എടക്കാട്ടെ സ്വീകരണത്തിലെത്തും മുമ്പ് ക്ഷേത്രം ഭാരവാഹികള്‍ ഒന്നടങ്കം ക്ഷേത്രാങ്കണത്തിലേക്ക് ആനയിച്ച് പിന്തുണ അറിയിച്ചു. വയനാട്, തൃശ്ശൂര്‍ ജില്ലകളില്‍ പ്രളയം വലിയ നാശനഷ്ടം വരുത്തിയ മേഖലയാണ്. ഇതുവരെ നഷ്ടപരിഹാരം ഒന്നും ലഭിക്കാത്ത എത്രയോ കുടുംബങ്ങള്‍ക്കായി സര്‍ക്കാറിനോട് നീതിക്കായി ആവശ്യപ്പെട്ടു.
? ഇരകളുടെ വേദനകളോട് ഐക്യദാര്‍ഢ്യവുമായെത്തി
– പലയിടത്തും ഇരകളുടെ വേദന തൊട്ടറിയാനായി. കോരംപീടികയിലെത്തിയപ്പോള്‍ ക്ഷേത്രോത്സവം നടക്കുകയായിരുന്നു. അഞ്ഞൂറ് കൊല്ലത്തിലേറെ പഴക്കമുള്ള ആ ക്ഷേത്രം ദേശീയ പാത വികസനത്തിന്റെ പേരില്‍ ഉന്മൂലന ഭീഷണി നേരിടുകയാണെന്നും സഹായിക്കണമെന്നും അവര്‍ നിവേദനം നല്‍കി. വയല്‍കിളികളുടെ സമരത്തോടൊപ്പം നിന്ന ബി.ജെ.പി മലക്കം മറിഞ്ഞ്, കേന്ദ്ര സര്‍ക്കാര്‍ ജനങ്ങളുടെ ആവശ്യം അവഗണിച്ച് അലൈമെന്റെ പ്രഖ്യാപിച്ച ദിവസമാണ് യാത്ര എത്തിയത്. ക്ഷേത്രം സംരക്ഷിക്കാനും നീതി ലഭിക്കാനും മുസ്്‌ലിം ലീഗീല്‍ പ്രതീക്ഷയര്‍പ്പിച്ച് എത്തിയത് ഉത്തരവാദിത്വ ബോധം വര്‍ധിപ്പിക്കുന്നതാണ്. ദേശീയ പാത വികസനത്തിന്റെ പേരില്‍ കുടിയിറക്കപ്പെടുന്ന ഒട്ടേ പ്രദേശങ്ങളിലുള്ളവര്‍ മുന്നിലെത്തി. തൃപ്രയാറില്‍ കുടിയിറക്കപ്പെടുന്ന സി.പി.എം രക്തസാക്ഷിയുടെ സഹോദരി ഉള്‍പ്പെടെയുള്ളവരുടെ നിരാഹാര സമര പന്തലിലെത്തിയ ഒരനുഭവം പറയാം. കണ്ണീരോടെ കൈകൂപ്പുന്ന മുപ്പതോളം കുടുംബങ്ങളെ ജനിച്ച മണ്ണില്‍ നിന്ന് ആട്ടിയിറക്കുന്നതിന് എതിരായ സമരം 131 ദിവസമായിട്ടും സര്‍ക്കാര്‍ മുഖം തിരിക്കുകയാണ്. ശബ്ദമില്ലാത്ത അവഗണിക്കപ്പെട്ട അത്തരം പാവങ്ങളോടുള്ള ഐക്യദാര്‍ഢ്യമാണ് ഈ യാത്ര.
? നായകന്‍ എന്ന നിലയില്‍
– പിതാമന്മാരായ ബാഫഖി തങ്ങളെയും പൂക്കോയ തങ്ങളെയും പതാവ് മുഹമ്മദലി ശിഹാബ് തങ്ങളെയും ജീവനക്കാളേറെ സ്‌നേഹിച്ചവരുടെ മുമ്പിലേക്ക് എത്തുമ്പോള്‍ ആ സ്‌നേഹം മനസ്സില്‍ തട്ടന്നു. നേരിട്ട് കണ്ടിട്ടില്ലെങ്കിലും മുഹമ്മദലി ശിഹാബ് തങ്ങളെയും മക്കളെയും ഹൃദയത്തില്‍ ഏറ്റുന്ന പലരുടെയും വാത്സല്ല്യം കണ്ണു നിറച്ച എത്രയോ അനുഭവങ്ങള്‍. പ്രായം ചെന്ന മത ജാതികള്‍ക്ക് അപ്പുറം എതിരേല്‍ക്കാന്‍ എത്തിയവരുടെ മുഖത്തെ സ്‌നേഹം ഉത്തരവാദിത്വം വര്‍ധിപ്പിക്കുന്നതാണ്. യാത്രക്ക് ലഭിച്ച സ്വീകാര്യത വ്യക്തിപരമായ നേട്ടമല്ല. മുസ്്‌ലിം ലീഗ് മുന്നോട്ടു വെച്ച ആശയം മുസ്്‌ലിം യൂത്ത് ലീഗ് ഉയര്‍ത്തിയ മുദ്രാവാക്യം, അതാണ് യാത്രയുടെ സ്വീകാര്യതയുടെ പ്രധാന ഘടകം. പിതാവിനെ സ്‌നേഹിച്ചവരുടെ തലമുറകളിലേക്ക് പടരുന്ന ഇഷ്ടവും തൊട്ടയാനാവുന്നു എന്നതും ഭാഗ്യമാണ്. ഒന്നു കാണാനും തൊടാനും എത്തുന്നവര്‍ പിതാവിനോടുള്ള സ്‌നേഹമാണ് ചൊരിയുന്നത്. സംഘടനയുടെ എല്ലാ സാധ്യതകളും ഉപയോഗപ്പെടുത്തിയെന്നതും മുന്നോട്ടു വെക്കുന്ന ആശയവുമാണ് പ്രധാനം. ടീം വര്‍ക്കിന്റെ വിജയമാണ് പാതിയിലേറെ പിന്നിട്ട യാത്രയുടെ ഊര്‍ജ്ജം.
? ലക്ഷ്യവും, പ്രത്യാശയും
– യുവജന സംഘടനകള്‍ മുഖ്യധാരാ വിഷയങ്ങളില്‍ നിന്നും വെല്ലുവിളികളില്‍ നിന്നും ഒളിച്ചോടുന്ന കാലത്ത് രാഷ്ട്രീയത്തിലേക്ക് തിരിച്ചു കൊണ്ടുവരിക എന്നതാണ് യുവജനയാത്രയുടെ ലക്ഷ്യം. ക്ഷുഭിതയൗവനങ്ങളെ തീവ്രവാദത്തിലേക്കും അക്രമത്തിലേക്കും തളളിയിടാതെ ജനാധിപത്യത്തിലേക്കും മതേതരത്വത്തിലേക്കും തിരിച്ചു വിടുകയെന്ന ശ്രമകരമായ ദൗത്യമാണ് മുന്നിലുള്ളത്. 15000 വൈറ്റഗാഡ് അംഗങ്ങള്‍ പരിശീലനം പൂര്‍ത്തിയാക്കിയത് ചെറിയ കാര്യമല്ല. സോഷ്യല്‍ മീഡിയയില്‍ തലപൂഴ്ത്തിയെന്ന് ആരോപിക്കപ്പെടുന്ന ഒരു വിഭാഗത്തെ സേവന സേനയായി സമര്‍പ്പിക്കാന്‍ കഴിയുന്നതും നിസ്സാരമല്ല. യാത്ര തുടങ്ങിയ ശേഷം അഞ്ചു സംസ്ഥാനങ്ങളിലേക്ക്് നടന്ന തെരഞ്ഞെടുപ്പിലെ ജനവിധി ഈ പോരാട്ടത്തിന് ശക്തിപകരുന്നതാണ്. ആത്യന്തികമായി സഹിഷ്ണുതയുടെ ബദല്‍ രാഷ്ട്രീയമാണ് മുന്നോട്ടു വെക്കുന്നത്. ശ്രീനാരായണ ഗുരു പറഞ്ഞപോലെ, വാദിക്കാനോ ജയിക്കാനോ അല്ല യുവജന യാത്ര; അറിയാനും അറിയിക്കാനുമുള്ള ഒരു തീര്‍ത്ഥാടനമാണിത്.
Health
സോനു സൂദും ആസ്റ്റര്‍ മെഡ്‌സിറ്റിയും കൈകോര്‍ത്തു; ഏഴു മാസം പ്രായമുള്ള കുഞ്ഞില്‍ കരള്‍ മാറ്റിവയ്ക്കല്‍ വിജയകരമായി പൂര്‍ത്തിയാക്കി
ആസ്റ്റര്‍ വോളന്റിയേഴ്‌സ്, ബോളിവുഡ് നടന്‍ സോനു സൂദുമായി സഹകരിച്ച്, കരള്‍ രോഗബാധിതരായ നിര്‍ധന കുടുംബങ്ങളിലെ കുട്ടികളുടെ ചികിത്സയ്ക്കു വേണ്ടി തുടങ്ങിയ ദി സെക്കന്റ് ചാന്‍സ് ഇനീഷ്യേറ്റീവ് പദ്ധതിയിലെ ആദ്യത്തെ കരള്‍ മാറ്റിവയ്ക്കല്‍ ശസ്ത്രക്രിയ ആസ്റ്റര്‍ മെഡ്‌സിറ്റിയില്‍ വിജയകരമായി പൂര്‍ത്തിയാക്കി.
കൊച്ചി: ആസ്റ്റര്‍ വോളന്റിയേഴ്‌സ്, ബോളിവുഡ് നടന്‍ സോനു സൂദുമായി സഹകരിച്ച്, കരള്‍ രോഗബാധിതരായ നിര്‍ധന കുടുംബങ്ങളിലെ കുട്ടികളുടെ ചികിത്സയ്ക്കു വേണ്ടി തുടങ്ങിയ ദി സെക്കന്റ് ചാന്‍സ് ഇനീഷ്യേറ്റീവ് പദ്ധതിയിലെ ആദ്യത്തെ കരള്‍ മാറ്റിവയ്ക്കല്‍ ശസ്ത്രക്രിയ ആസ്റ്റര്‍ മെഡ്‌സിറ്റിയില്‍ വിജയകരമായി പൂര്‍ത്തിയാക്കി. മുഹമ്മദ് സഫാന്‍ അലി എന്ന ഏഴുമാസം പ്രായമുള്ള കുഞ്ഞിന്റെ കരളാണ് മാറ്റിവച്ചത്. കൊച്ചി ആസ്റ്റര്‍ മെഡ്‌സിറ്റി ആശുപത്രിയില്‍ നടന്ന ശസ്ത്രക്രിയയില്‍ കുട്ടിയുടെ അമ്മ തന്നെയായിരുന്നു കരള്‍ ദാതാവ്.
നാല് മാസം പ്രായമുള്ളപ്പോഴാണ് സഫാന്‍ അലിയെ ആസ്റ്റര്‍ മെഡ്‌സിറ്റിയിലേക്ക് കൊണ്ടുവരുന്നത്. പിത്തരസം കുഴലുകള്‍ അഥവാ, കരളിനെ കുടലുമായി ബന്ധിപ്പിക്കുന്ന ട്യൂബ് വികസിക്കാത്ത അപൂര്‍വ രോഗാവസ്ഥയായ ബിലിയറി അട്രേസിയയാണ് കുഞ്ഞിനെന്ന് രോഗനിര്‍ണയത്തിലൂടെ കണ്ടെത്തി. മഞ്ഞപ്പിത്തത്തിനും കണ്ണുകളുടെ മഞ്ഞനിറത്തിനും കാരണമാകുന്ന രോഗം ക്രമേണ കരളിന്റെ പ്രവര്‍ത്തനത്തെ തകരാറിലാക്കുകയാണ് ചെയ്യുക. തെലങ്കാന സ്വദേശികളായ കുടുംബം ജന്മനാടായ കരിംനഗറിലെ ആശുപത്രിയില്‍ വച്ച് നടത്തിയ ശസ്ത്രക്രിയ പരാജയപ്പെട്ടിരുന്നു. ഇത് മഞ്ഞപ്പിത്തത്തിന്റേയും സിറോസിസ് ബാധയുടേയും മൂര്‍ച്ച കൂട്ടി. ഇതോടെ കരള്‍ മാറ്റിവയ്ക്കുകയെല്ലാതെ വേറെ വഴിയില്ലെന്നായി. കുഞ്ഞിന്റെ രോഗവിവരം അറിഞ്ഞ സോനു സൂദിന്റെ സഹായത്തോടെയാണ് കുടുംബം കൊച്ചിയിലെ ആസ്റ്റര്‍ മെഡ്‌സിറ്റിയിലേക്ക് എത്തുന്നതും കഴിഞ്ഞ ദിവസം ശസ്ത്രക്രിയ വിജയകരമായി പൂര്‍ത്തിയാക്കിയതും.
സഫാന്‍ ആസ്റ്റര്‍ മെഡ്‌സിറ്റിയിലെത്തുമ്പോള്‍ മഞ്ഞപ്പിത്തം, പോഷകാഹാരക്കുറവ്, വളര്‍ച്ചക്കുറവ് തുടങ്ങിയ ആരോഗ്യപ്രശ്‌നങ്ങള്‍ കാര്യമായി അലട്ടിയിരുന്നതായി ആസ്റ്റര്‍ മെഡ്‌സിറ്റി ലീഡ് സീനിയര്‍ കണ്‍സള്‍ട്ടന്റ് ഡോ. മാത്യു ജേക്കബ് പറഞ്ഞു. കുഞ്ഞിന്റെ രോഗസ്ഥിതിയെ കുറിച്ചും, അടിയന്തരമായി ശസ്ത്രക്രിയ വേണമെന്നും കുടുംബത്തെ അറിയിച്ചു. കുട്ടിയുടെ പ്രായവും അവികസിത ശരീരഘടനയുള്‍പ്പടെ വലിയ വെല്ലുവിളിയായിരുന്നു എങ്കിലും തടസ്സങ്ങളില്ലാതെ ശസ്ത്രക്രിയ പൂര്‍ത്തിയാക്കാനായി. കുഞ്ഞ് വളരെ വേഗം സുഖം പ്രാപിച്ചു വരുന്നതായും മഞ്ഞപ്പിത്തം ഉള്‍പ്പടെയുള്ള ആരോഗ്യപ്രശ്‌നങ്ങള്‍ നീങ്ങിയതായും ഡോ. മാത്യു ജേക്കബ് വ്യക്തമാക്കി.
ഹെപ്പറ്റോളജിസ്റ്റ് വിഭാഗം സീനിയര്‍ കണ്‍സള്‍ട്ടന്റ് ഡോ. ചാള്‍സ് പനക്കല്‍, പീഡിയാട്രിക് ഗ്യാസ്‌ട്രോ എന്‍ട്രോളജി വിഭാഗത്തിലെ ഡോ. ഗീത മമ്മയില്‍, കണ്‍സള്‍ട്ടന്റ് സര്‍ജന്‍ ഡോ. സുധീര്‍ മുഹമ്മദ് എം, ഡോ. ബിജു ചന്ദ്രന്‍ എന്നിവരുള്‍പ്പെട്ട വിദഗ്ധ സംഘമാണ് ശസ്ത്രക്രിയക്ക് നേതൃത്വം നല്‍കിയത്.സഫാനെ പോലെ വളരെ ചെറിയ പ്രായമുള്ള കുഞ്ഞിനെ ജീവിതത്തിലേക്ക് മടക്കി കൊണ്ടുവരാനായതില്‍ അതിയായ സന്തോഷമുണ്ടെന്ന് ആസ്റ്റര്‍ ഡിഎം ഹെല്‍ത്ത് കെയര്‍ സ്ഥാപക ചെയര്‍മാനും മാനേജിംഗ് ഡയറക്ടറുമായ ഡോ. ആസാദ് മൂപ്പന്‍ പറഞ്ഞു. കരള്‍ മാറ്റിവയ്ക്കല്‍ ഏറെ ചിലവേറിയതും രാജ്യത്ത് ചുരുക്കം ചില ആശുപത്രികളില്‍ മാത്രം സൗകര്യവുമുള്ള ചികിത്സ രീതിയാണ്. ആസ്റ്റര്‍ മെഡ്‌സിറ്റിയിലെ ഇന്റഗ്രേറ്റഡ് ലിവര്‍ ട്രാന്‍സ്പ്ലാന്റ് ടീം രാജ്യത്തെ തന്നെ ഏറ്റവും മികച്ച പീഡിയാട്രിക് കരള്‍ മാറ്റിവയ്ക്കല്‍ വിഭാഗമാണ്. മെഡ്‌സിറ്റിയിലെ കരള്‍ മാറ്റിവയ്ക്കല്‍ ശസ്ത്രക്രിയക്ക് മറ്റിടങ്ങളേക്കാള്‍ ചിലവ് കുറവാണെങ്കിലും, പല രക്ഷിതാക്കള്‍ക്കും അത് താങ്ങാനാവുന്നതിലും അപ്പുറമാണ്. സോനു സൂദിനെ പോലെ ജീവകാരുണ്യ പ്രവര്‍ത്തനങ്ങളില്‍ ഏറെ തല്‍പരനായ താരത്തോടടൊപ്പം പദ്ധതിയില്‍ സഹകരിക്കാനായതിലും, നിരാലംബരായ നിരവധി കുടുംബങ്ങള്‍ക്ക് പ്രതീക്ഷയാകാനായതിലും ആസ്റ്ററിന് വലിയ സന്തോഷമുണ്ടെന്നും ആസാദ് മൂപ്പന്‍ വ്യക്തമാക്കി.
സാമ്പത്തികമായി പിന്നോക്കം നില്‍ക്കുന്ന 50 കുടുംബങ്ങളിലെ കുട്ടികള്‍ക്കാണ് ദി സെക്കന്റ് ചാന്‍സ് ഇനീഷ്യേറ്റീവിന്റെ ഭാഗമായി ചികിത്സ സഹായം ലഭിക്കുക. മെയ് മാസത്തില്‍ പദ്ധതിയുടെ പ്രഖ്യാപനം വന്നതിന് പിന്നാലെ അര്‍ഹരായ നിരവധി പേരാണ് ചികിത്സ സഹായം ആവശ്യപ്പെട്ട് മുന്നോട്ട് വന്നത്. മെഡിക്കല്‍ രംഗത്ത് രാജ്യം വലിയ പുരോഗതി കൈവരിച്ചിട്ടുണ്ടെങ്കിലും സഫാന്‍ അലിയെയും കുടുംബത്തെയും പോലുള്ളവര്‍ക്ക് ഉയര്‍ന്ന ചിലവ് കാരണം അതിന്റെ പ്രയോജനം ഇപ്പോഴും അകലെയാണെന്ന് സോനു സൂദ് പറഞ്ഞു. സെക്കന്‍ഡ് ചാന്‍സ് ഇനീഷ്യേറ്റീവിലൂടെ കൂടുതല്‍ കുട്ടികള്‍ക്ക് പുതിയ ജീവിതം സമ്മാനിക്കാനാവുമെന്നാണ് പ്രതീക്ഷയെന്നും അദ്ദേഹം കൂട്ടിച്ചേര്‍ത്തു.
അവയവം മാറ്റിവയ്ക്കല്‍ ശസ്ത്രക്രിയകള്‍ക്കായി അത്യാധുനിക സൗകര്യങ്ങളോട് കൂടിയ മള്‍ട്ടി-ഓര്‍ഗന്‍ ട്രാന്‍സ്പ്ലാന്റ് സെന്ററിന് ആസ്റ്റര്‍ ഹോസ്പിറ്റല്‍സ് രൂപം നല്‍കിയിരുന്നു. കരള്‍, വൃക്ക, ഹൃദയം, ശ്വാസകോശം, കോര്‍ണിയ, മജ്ജ തുടങ്ങി വിവിധ മാറ്റിവയ്ക്കല്‍ ശസ്ത്രക്രിയകള്‍ നടത്തുന്നതില്‍ ഏറെ വൈദഗ്ധ്യമുള്ള സര്‍ജന്‍മാരുടെ സംഘമാണ് ഈ കേന്ദ്രത്തെ നയിക്കുന്നത്. ദക്ഷിണേന്ത്യയിലെ തന്നെ ഏറ്റവും വലിയ പീഡിയാട്രിക് കരള്‍ മാറ്റിവയ്ക്കല്‍ വിഭാഗവും ഇവിടെയുണ്ട്. കുട്ടികളിലെ കരള്‍ രോഗ സംബന്ധമായി സമഗ്രമായ പരിചരണം ലക്ഷ്യമിട്ടുള്ളതാണ് ഇത്. മികച്ച കരള്‍ രോഗ വിദഗ്ധര്‍, കരള്‍ ശസ്ത്രക്രിയാ വിദഗ്ധര്‍, പരിശീലനം ലഭിച്ച കോര്‍ഡിനേറ്റര്‍മാര്‍, കൗണ്‍സിലര്‍മാര്‍ എന്നിവര്‍ക്ക് പുറമേ ക്രിട്ടിക്കല്‍ കെയര്‍ സ്പെഷ്യലിസ്റ്റുകള്‍, അനസ്തെറ്റിസ്റ്റുകള്‍, ഇന്റര്‍വെന്‍ഷണല്‍ റേഡിയോളജിസ്റ്റുകള്‍, ഫിസിയോതെറാപ്പിസ്റ്റുകള്‍ എന്നിവരും മികച്ച ഒരു നഴ്സിങ്ങ് ടീമും ഈ മള്‍ട്ടി-ഓര്‍ഗന്‍ ട്രാന്‍സ്പ്ലാന്റ് കേന്ദ്രത്തിലുണ്ട്. അഞ്ഞൂറിലധികം കരള്‍ മാറ്റിവയ്ക്കല്‍ ശസ്ത്രക്രിയകള്‍ ഇതിനോടകം വിജകരമായി ഇവിടെ പൂര്‍ത്തിയാക്കി കഴിഞ്ഞു.
Health
ഓള്‍ ഇന്ത്യ ക്രിട്ടിക്കല്‍ കെയര്‍ ഹോസ്പിറ്റല്‍ സര്‍വ്വേയില്‍ ആസ്റ്റര്‍ ഹോസ്പിറ്റലുകള്‍ക്ക് മികച്ച നേട്ടം
ആതുര സേവന രംഗത്ത് രാജ്യത്തെ മികച്ച ആശുപത്രികളെ തിരഞ്ഞെടുക്കുന്ന ഓള്‍ ഇന്ത്യ ക്രിട്ടിക്കല്‍ കെയര്‍ സര്‍വ്വേ 2022ല്‍ ആസ്റ്റര്‍ ഹോസ്പിറ്റലുകള്‍ക്ക് നേട്ടം.
ആതുര സേവന രംഗത്ത് രാജ്യത്തെ മികച്ച ആശുപത്രികളെ തിരഞ്ഞെടുക്കുന്ന ഓള്‍ ഇന്ത്യ ക്രിട്ടിക്കല്‍ കെയര്‍ സര്‍വ്വേ 2022ല്‍ ആസ്റ്റര്‍ ഹോസ്പിറ്റലുകള്‍ക്ക് നേട്ടം. കേരളത്തില്‍ നിന്നുള്ള ഏറ്റവും മികച്ച മള്‍ട്ടി സ്പെഷ്യലിറ്റി ഹോസ്പിറ്റലായി ആസ്റ്റര്‍ മെഡ്‌സിറ്റി കൊച്ചി തിരഞ്ഞെടുക്കപ്പെട്ടു.
കാര്‍ഡിയോളജി, യൂറോളജി, ഗ്യാസ്‌ട്രോഎന്‍ട്രോളജി&ഹീപ്പറ്റോളജി, ഓന്‍കോളജി, നെഫ്‌റോളജി, ന്യൂറോസയന്‍സസ്, എമര്‍ജന്‍സി ആന്‍ഡ് ട്രോമ, പീടിയാട്രിക്‌സ്, ഒബ്‌സ്റ്റെട്രിക്‌സ് ആന്‍ഡ് ഗൈനക്കോളജി എന്നീ വിഭാഗങ്ങളില്‍ ആസ്റ്റര്‍ മെഡ്‌സിറ്റി കൊച്ചി, ആസ്റ്റര്‍ മിംസ് കോഴിക്കോട് എന്നിവ ദേശീയ തലത്തില്‍ ഉയര്‍ന്ന റാങ്കുകള്‍ കരസ്ഥമാക്കി.
ആരോഗ്യ പരിചരണത്തിന് ഡോക്ടര്‍മാരുടെ സേവനം ഫലപ്രദമാവണമെങ്കില്‍ ചികിത്സാ അനുബന്ധമേഖലകളില്‍ പ്രാവീണ്യമുള്ള വിദഗ്ധരുടെ പിന്തുണ അനിവാര്യമാണെന്നതില്‍ തര്‍ക്കമില്ലല്ലോ? ചികിസ്തയുമായി ബന്ധപ്പെട്ട മേഖലകളിലെല്ലാം ഇടപെടല്‍ നടത്താന്‍ പരിശീലനം ലഭിച്ച പാരാമെഡിക്കല്‍ അല്ലെങ്കില്‍ അലൈഡ് മെഡിക്കല്‍ പ്രൊഫെഷനലുകള്‍ ആരോഗ്യ മേഖലയുടെ നട്ടെല്ലാണ്. ലോകത്തിന്റെ വിവിധ ഭാഗങ്ങളില്‍ മലയാളി വിദഗ്ധര്‍ നിസ്തുലമായ സംഭാവനകളാണ് ഈ രംഗത്തര്‍പ്പിച്ചുകൊണ്ടിരിക്കുന്നത്.
പാരാമെഡിക്കല്‍ മേഖലയിലെ പഠനാവസരങ്ങള്‍ മനസിലാക്കി യുക്തമായ കോഴ്‌സുകള്‍ തിരഞ്ഞെടുക്കാന്‍ ശ്രമിക്കുക എന്നതേറെ പ്രധാനമാണ്. പ്ലസ്ടു സയന്‍സ് ഗ്രൂപ് എടുത്ത് പഠിച്ചവര്‍ക്കാണ് പാരാമെഡിക്കല്‍ കോഴ്‌സുകള്‍ക് ചേരാനുള്ള യോഗ്യതയുള്ളത്. ബിരുദ, ഡിപ്ലോമ പ്രോഗ്രാമുകളാണ് നിലവിലുള്ളതെങ്കിലും ബിരുദ പ്രോഗ്രാമുകള്‍ പഠിക്കാനവസരം ലഭിക്കുമെങ്കിലത് കൂടുതല്‍ മികവുറ്റ അവസരങ്ങളിലെത്തിക്കുമെന്നോര്‍ക്കുക.
ഫാര്‍മസി ബിരുദ പ്രോഗ്രാമായ ബി.ഫാം ഒഴികെയുള്ള കോഴ്‌സുകളിലേക്കുള്ള അഡ്മിഷന്‍ നടക്കുന്നത് പ്ലസ്ടു മാര്‍ക്കിന്റെയടിസ്ഥാനത്തിലാണ്. ബി.ഫാം കോഴ്‌സ് പ്രവേശനം കേരള എന്‍ട്രന്‍സ് കമ്മീഷണര്‍ നടത്തിയ എന്‍ട്രന്‍സ് വഴിയായിരിക്കും. മറ്റു പാരാമെഡിക്കല്‍ ബിരുദ കോഴ്‌സുകളുടെ പ്രവേശനം നടത്തുന്നത് കേരള സര്‍ക്കാറിന്റെ നിയന്ത്രണത്തിലുള്ള ലാല്‍ ബഹദൂര്‍ ശാസ്ത്രി സെന്റര്‍ ഫോര്‍ സയന്‍സ് ആന്‍ഡ് ടെക്‌നോളജിയാണ്. പ്രവേശന പരീക്ഷയില്ലെങ്കിലും പ്ലസ്ടുവിന് മികച്ച മാര്‍ക്ക് നേടിയവര്‍ക്കാണ് താല്‍പര്യപ്പെട്ട കോഴ്‌സ് മികച്ച സ്ഥാപനത്തില്‍ പഠിക്കാനവസരമുണ്ടാവുക.
ബിരുദ കോഴ്‌സുകളില്‍ പ്രവേശനത്തിനുള്ള അറിയിപ്പ് ഉടനുണ്ടാവുമെന്നും ആവശ്യമായ സര്‍ട്ടിഫിക്കറ്റുകള്‍ തയാറാക്കി വെക്കണമെന്നും എല്‍ബിഎസ് അറിയിച്ചിട്ടുണ്ട്. എല്ലാ കോഴ്‌സുകള്‍ക്കും ഒരേ തരത്തിലുള്ള തൊഴില്‍ സാധ്യതകളല്ല നിലവിലുള്ളതെന്ന് തിരിച്ചറിഞ്ഞ് അവരവരുടെ അഭിരുചിയും തിരഞ്ഞെടുക്കാനുദ്ദേശിക്കുന്ന കോഴ്‌സിന്റെ തൊഴില്‍ മേഖലയും സാധ്യതയും മനസിലാക്കി വിവേകപൂര്‍ണമായ തീരുമാനമെടുക്കാന്‍ ശ്രദ്ധിക്കണം. സ്വന്തമായി പ്രാക്ടീസ് ചെയ്യാന്‍ സാധ്യതകളുള്ള കോഴ്‌സുകളും ഹോസ്പിറ്റലുകളുമായി മാത്രം ബന്ധപ്പെട്ട് പ്രവര്‍ത്തിക്കാന്‍ അവസരമൊരുക്കുന്ന മേഖലകളും വെവ്വേറെയായിത്തന്നെ കാണണം.ബി.എസ്.സി നഴ്‌സിംഗ് കോഴ്‌സുകള്‍ക്കൊപ്പം പ്രവേശനം നടത്തുന്ന പാരാമെഡിക്കല്‍ ബിരുദ കോഴ്‌സുകളെക്കുറിച്ചല്‍പം വിശദീകരിക്കാം.
ബി.എസ്.സി മെഡിക്കല്‍
ലാബ് ടെക്‌നോളജി
മെഡിക്കല്‍ സാമ്പിളുകള്‍ ശേഖരിക്കാനും ഉചിതമായ പരിശോധനകള്‍ നടത്താനും ലഭ്യമായ ഫലങ്ങള്‍ വിശകലനം ചെയ്യാന്‍ ഡോക്ടറെ സഹായിക്കുകയും ചെയ്യുന്നതുമായി ബന്ധപ്പെട്ടതാണീ കോഴ്‌സ്. രക്തമടക്കമുള്ള സാമ്പിളുകളിലെ സൂക്ഷ്മ ജീവികളുടെ സാന്നിധ്യം, രാസവിശകലനം, വിവിധ ഘടകങ്ങളുടെ അളവ് എന്നിവ സംബന്ധിച്ച് വിശലകലനം നടത്തുന്നത് രോഗനിര്‍ണയത്തിലേറെ സഹായകരമായിരിക്കും. പഠനത്തിന്റെ ഭാഗമായി ഹെമറ്റോളജി, ഹിസ്‌റ്റോ പത്തോളജി, മൈക്രോബയോളജി, ബയോകെമിസ്ട്രി എന്നിവയിലവഗാഹം നേടാനാവസരമുണ്ടാവും. യോഗ്യതയോടൊപ്പം വൈഭവവും പ്രയോഗികാനുഭവവും നേടി സ്വതന്ത്ര ലാബുകളും ആശുപതികളുമായി ബന്ധപ്പെട്ട് ടെക്‌നൊളജിസ്റ്റ്, സൂപ്പര്‍വൈസര്‍, മാനേജര്‍, അനലിസ്റ്റ് എന്നീ തസ്തികളില്‍ ജോലിക്ക് ശ്രമിക്കാം.
ബി.എസ്.സി മെഡിക്കല്‍ റേഡിയോളജിക്കല്‍
ടെക്‌നോളജി
എക്‌സ്‌റേ, എം.ആര്‍.ഐ, സി.ടി സ്‌കാന്‍ അടക്കമുള്ള ഇമേജിങ് നടപടിക്രമങ്ങള്‍ ഉപയോഗപ്പെടുത്തി രോഗനിര്‍ണയം നടത്താന്‍ ഡോക്ടറെ സഹായിക്കുന്ന പ്രൊഫഷനലുകളാണ് റേഡിയോളജിക്കല്‍ ടെക്‌നൊളജിസ്റ്റുകള്‍. കാര്‍ഡിയോ വാസ്‌കുലാര്‍ ഇന്റര്‍വെന്‍ഷണല്‍ റേഡിയോഗ്രാഫര്‍, മാമോഗ്രാഫി തുടങ്ങിയ മേഖലകളില്‍ സ്‌പെഷ്യലൈസ് ചെയ്യാനവസരമുണ്ട്. അനാട്ടമി, ഫിസിയോളജി, അറ്റോമിക്‌സ് ആന്‍ഡ് ന്യുക്ലിയാര്‍ ഫിസിക്‌സ്, റേഡിയേഷന്‍ ഫിസിക്‌സ്, റേഡിയോതെറാപ്പി ഇമേജിങ് ടെക്‌നിക്‌സ്, അടിസ്ഥാന ഇലക്ട്രോണിക്‌സ് തുടങ്ങിയവ പഠിക്കാനുണ്ടാവും.
ബി.എസ്.സി പെര്‍ഫ്യൂഷന്‍, ബാച്ചിലര്‍ ഓഫ്
കാര്‍ഡിയോ വാസ്‌കുലാര്‍ ടെക്‌നോളജി
ഹൃദയം, ശ്വാസകോശം തുടങ്ങിയവയുടെ അസുഖങ്ങളുമായി ബന്ധപ്പെട്ടു ശസ്ത്രക്രിയകള്‍ നടക്കുന്ന വേളയില്‍ ഈ അവയവങ്ങളുടെ പ്രവര്‍ത്തനം നടത്തുന്നതിന് വേണ്ടി സ്ഥാപിക്കുന്ന യന്ത്രങ്ങളുടെ പ്രവര്‍ത്തനത്തെ നിയന്ത്രിക്കുന്ന പ്രൊഫഷനലുകളാണ് ക്ലിനിക്കല്‍ പെര്‍ഫ്യൂഷനിസ്റ്റുകള്‍. ഓപ്പണ്‍ ഹാര്‍ട്ട് ശസ്ത്രക്രിയ പോലെയുള്ള സങ്കീര്‍ണ പ്രവര്‍ത്തനങ്ങള്‍ നടത്തുമ്പോള്‍ പെര്‍ഫ്യൂഷനിസ്റ്റുകളുടെ ഉത്തരവാദിത്തം കാര്യമായുണ്ടാവും. ഹൃദയം, രക്തധമനികള്‍ എന്നിവയുമായി ബന്ധപ്പെട്ട രോഗങ്ങളുടെ നിര്‍ണയവും ചികിത്‌സയും നടത്താന്‍ ഡോക്ടറെ സഹായിക്കുന്ന പ്രൊഫഷനലുകളാണ് കാര്‍ഡിയോ വാസ്‌കുലാര്‍ ടെക്‌നൊളജിസ്റ്റുകള്‍. ഇന്‍വേസീവ് കാര്‍ഡിയോ വാസ്‌കുലാര്‍ ടെസ്റ്റിംഗ് പോലെയുള്ള ചികിത്സാ നടപടികള്‍ക്ക് കാര്‍ഡിയോ വാസ്‌ക്കുലാര്‍ ടെക്‌നൊളജിസ്റ്റുകളുടെ സേവനം ആവശ്യമായി വരും.
സാമാന്യം വലിയ ആശുപത്രികളുമായി ബന്ധപ്പെട്ടാണ് ഈ രണ്ട് പ്രൊഫഷനലുകള്‍ക്കവസരമുള്ളത്. തൊഴില്‍രീതിയുടെ സവിശേഷത കൊണ്ടും പുത്തന്‍ സാങ്കേതികവിദ്യയുടെ സ്വാധീനമുണ്ടാവാവനിടയുള്ളതുകൊണ്ടും ഈ കോഴ്‌സുകള്‍ക്ക് വിപുലമായ സാധ്യതകള്‍ കണക്കാക്കുക പ്രയാസകരമാണ്.
-
Video Stories8 years agoകൊടിഞ്ഞിയില് കൊല്ലപ്പെട്ട ഫൈസലിന്റ കഫീല് അബ്ദുല്ല അല്മുഹാവിസിന്റെ വാക്കുകള് വൈറലാവുന്നു
-
Culture8 years agoഅനസ്തേഷ്യയില്ലാത്ത ശസ്ത്രക്രിയയില്‍ ഖുര്ആന് ഉരുവിട്ട് കുഞ്ഞ്; വാര്‍ത്ത വായിക്കുമ്പോള് വിതുമ്പിക്കരഞ്ഞ് അവതാരകന്
-
More8 years agoഭോപ്പാല് വിവാദ ഏറ്റുമുട്ടല്; കൂടുതല്‍ തെളിവുകളോടെ മൂന്നാമത്തെ വീഡിയോ പുറത്ത്
-
More8 years ago‘മകളെ കൊണ്ട് കള്ളം പറയിച്ചു’ ദിലീപ്-കാവ്യ വിവാഹത്തില് മഞ്ജുവിന്റെ പ്രതികരണം
-
Culture8 years agoവഴിയോര കച്ചവടങ്ങളിലെ ബിരിയാണിയില് പൂച്ച മാംസം
-
Culture5 years agoവീട്ടമ്മയുടെ നഗ്നദൃശ്യങ്ങള് ഭര്ത്താവിന് വാട്സ് ആപ്പില്; പ്രതിയെ കണ്ട് ഞെട്ടി പൊലീസും വീട്ടുകാരും
-
Culture8 years ago‘സോനു നിഗം പ്രിയങ്കയില് നിന്നു പഠിക്കണം; ബാങ്കുവിളിയെക്കുറിച്ചുള്ള അധിക്ഷേപത്തിന് ശേഷം പ്രിയങ്കയുടെ ബാങ്കുവിളി പരാമര്ശം വൈറല്
-
Culture8 years agoഅണികളില് നിന്ന് ‘മുര്ദാബാദ് വിളി’; അസ്വസ്ഥനായി മോദി – മാധ്യമങ്ങള് കണ്ടില്ലെന്ന് നടിച്ച വീഡിയോ