Culture
മുസ്ലിം ലീഗിന് ആരും ഭീഷണിയല്ല: നജീബ് കാന്തപുരം
കെ.ടി ജലീലിന്റെ നേതൃത്വത്തില്‍ ലീഗ് വിരോധികളായ എം എല്‍ എ മാരെ അണിനിരത്തി പുതിയ പാര്‍ട്ടി രുപീകരിക്കുമെന്ന വാര്‍ത്തകളോട് പ്രതികരിച്ച് മുസ്ലിം യൂത്ത് ലീഗ് സീനിയര്‍ വൈസ് പ്രസിഡണ്ട് നജീബ് കാന്തപുരം. മുസ്ലിം ലീഗ് പാര്‍ട്ടി അതിന്റെ നിലപാടുകളില്‍ ഉറച്ചു നില്‍ക്കുന്ന കാലത്തോളം ഒരു കൂറുമുന്നണിയും പാര്‍ട്ടിക്ക് ഭീഷണിയല്ലെന്നായിരുന്നു നജീബ് കാന്തപുരത്തിന്റെ ഫെയ്‌സ്ബുക്ക് പോസ്റ്റ്.
പോസ്റ്റിന്റെ പൂര്‍ണ്ണ രൂപം.
മുസ്ലിം ലീഗിനെതിരെ വിശാല സഖ്യമായി പുതിയ പാര്‍ട്ടി പിറക്കുന്നു എന്ന വാര്‍ത്ത കേള്‍ക്കുമ്പോള്‍ സ്വാഭാവികമായും ഒരു സംശയം ഉയരുന്നുണ്ട്. അപ്പോള്‍ ഇപ്പറയപ്പെട്ട പ്രസ്ഥാനങ്ങളെല്ലാം ഇതു വരെ ലീഗ് ജയിക്കാന്‍ യാസീന്‍ ഓതിയവരാണോ ? ഏതെങ്കിലുമൊരു ഘട്ടത്തില്‍ മുസ്ലിം ലീഗിനു നല്ലത് വരാന്‍ കൂടെ നില്‍ക്കാത്തവര്‍ ഇപ്പോള്‍ ലീഗിനെതിരെ കൂട്ടായി നില്‍ക്കുന്നു എന്ന് പറയുന്നതില്‍ എന്ത് കൗതുകമാണുള്ളത്. കാലാകാലം ഭരണമുറപ്പിക്കാന്‍ മന:പ്പായസമുണ്ണുന്നവരുടെ അധികാര ദുരയില്‍ നിന്നുണ്ടാകുന്നതാണ് പുതിയ പാര്‍ട്ടി.കല്ല് കരട് കാഞ്ഞിരക്കുറ്റി മുതല്‍ മുള്ള് മുരട് മൂര്‍ഖാന്‍ പാമ്പ് വരെ ലീഗിനെതിരെ അണി നിരന്ന കാലത്തും മുസ്ലിം ലീഗ് ഒലിച്ച് പോയിട്ടില്ല. ലീഗ് അതിന്റെ നിലപാടുകളില്‍ ഉറച്ച് നില്‍ക്കുന്ന കാലത്തോളം ഈ പാര്‍ട്ടിക്ക് ഒരു കുറു മുന്നണിയും ഭീഷണിയല്ല. മുസ്ലിം ലീഗിനെ തകര്‍ക്കാന്‍ മനക്കോട്ട കെട്ടുന്നവര്‍ ഒരേ കുടക്കീഴില്‍ സംഘടിച്ചാലും ഒരേ മുഖം മൂടിയണിഞ്ഞെത്തിയാലും രാഷ്ട്രീയ സത്യ സന്ധത ഉയര്‍ത്തിപ്പിടിച്ച് തന്നെ മുസ്ലിം ലീഗ് മുന്നോട്ട് പോവും. ഇന്ന് പുതിയ പാര്‍ട്ടിയുണ്ടാക്കുന്നുവെന്ന് നിങ്ങള്‍ പറയുന്ന ഏതെങ്കിലും പ്രസ്ഥാനങ്ങള്‍ ഏതെങ്കിലും സഹചര്യത്തില്‍ ലീഗിനെ സഹായിച്ചിട്ടുണ്ടോ?..ഇല്ല. പല പാത്രങ്ങളില്‍ നിന്ന് ഒരേ ഇലയില്‍ വിളമ്പിയ സദ്യ ഇനി അതേ ഇലയില്‍ കൂട്ടിക്കുഴച്ച് തരാന്‍ പോകുന്നുവെന്ന് മാത്രം. അതാണ് ഇനി ലീഗിനെതിരെ പിറക്കാനിരിക്കുന്ന പരീക്ഷണം. എതിരാളികളേ..എന്തിനു മടിക്കണം. ഒളിഞ്ഞും തെളിഞ്ഞും ഒക്കത്തും മടിയിലുമായി കൊണ്ട് നടന്ന സുഡാപ്പികളെ മാത്രം എന്തിനു വഴിയില്‍ നിര്‍ത്തണം. അവരെ കൂടെ ഒപ്പം ചേര്‍ത്തോളൂ. എന്നാലും , ഹരിതക്കൊടി വാനിലുയര്‍ത്തി ആര്‍ക്ക് മുമ്പിലും അടിയറവ് പറയാതെ ഞങ്ങള്‍ മുന്നോട്ട് തന്നെ കുതിക്കും.ശബ്ദം തൊണ്ടയില്‍ മരിച്ചു പോയ ഒരു സമൂഹത്തിന് ജനാധിപത്യ ബോധം കൊണ്ട് ശബ്ദം നല്‍കിയ പ്രസ്ഥാനമാണ് മുസ്ലിം ലീഗ്. ചില തെരെഞ്ഞെടുപ്പുകളില്‍ നിങ്ങള്‍ക്ക് ജയിച്ചു കയറാന്‍ പറ്റിയിട്ടുണ്ടാവാം. അതിന്റെ ആയിരമിരട്ടി കുതിര ശക്തിയോടെ ഞങ്ങള്‍ തിരിച്ചു വന്നിട്ടുണ്ട്. നിങ്ങള്‍ക്ക് തെരെഞ്ഞെടുപ്പുകളിലെ താല്‍ക്കാലിക ജയം മാത്രമാണ് ലക്ഷ്യം. എന്നാല്‍ ഞങ്ങള്‍ക്ക് ഒരു സമൂഹത്തിന്റെ അഭിമാനകരമായ അതിജീവനമാണ് ലക്ഷ്യം. അതു കൊണ്ട് ഓലപ്പാമ്പുകള്‍ കൊണ്ട് ഞങ്ങളെ വിരട്ടാന്‍ വരേണ്ട.
നടന്‍ ഷമ്മിതിലകനെ അമ്മ സംഘടനയില്‍ നിന്ന് പുറത്താക്കി. അച്ചടക്ക ലംഘനത്തെ തുടര്‍ന്നാണ് നടപടി. ഇന്ന് കൊച്ചിയില്‍ നടന്ന ജനറല്‍ ബോഡി യോഗത്തിലാണ് തീരുമാനം.
കഴിഞ്ഞ യോഗത്തില്‍ ഷമ്മിതിലകന്‍ ചില ദൃശ്യങ്ങള്‍ ചിത്രീകരിച്ചിരുന്നു. ഇത് വിവാദമായതിനെത്തുടര്‍ന്ന് നടനോട് സംഘടന വിശദീകരണം ആവശ്യപ്പെട്ടിരുന്നു. എന്നാല്‍ വിശദീകരണം നല്‍കാന്‍ തയ്യാറാകാത്ത സാഹചര്യത്തിലാണ്് പുറത്താക്കല്‍ നടപടി ഉണ്ടായിരിക്കുന്നത്.
Culture
സി.എച്ച് ചെയര്‍ ഇന്ന് പുതിയ കെട്ടിടത്തിലേക്ക്
കാലിക്കറ്റ് സര്‍വകലാശാലയിലെ സി.എച്ച് മുഹമ്മദ് കോയ ചെയര്‍ ഫോര്‍ സ്റ്റഡീസ് ഓണ്‍ ഡവലപിംഗ് സൊസൈറ്റീസ്ഇന്ന് പുതിയ കെട്ടിടത്തിലേക്ക്.
കോഴിക്കോട്: കാലിക്കറ്റ് സര്‍വകലാശാലയിലെ സി.എച്ച് മുഹമ്മദ് കോയ ചെയര്‍ ഫോര്‍ സ്റ്റഡീസ് ഓണ്‍ ഡവലപിംഗ് സൊസൈറ്റീസ്ഇന്ന് പുതിയ കെട്ടിടത്തിലേക്ക്. 2011 ല്‍ പ്രവര്‍ത്തനമാരംഭിച്ച ചെയര്‍ ഇത് വരെറോഡരികിലെ പഴയ കെട്ടിടത്തില്‍ പ്രവര്‍ത്തിച്ച് വരികയായിരുന്നു. കാമ്പസില്‍ പരീക്ഷാ ഭവന് പിറകില്‍ ഗസ്റ്റ് ഹൗസിന് സമീപമാണ് പുതിയ കെട്ടിടം. ഇ.അഹമദ്, പി.കെ കുഞ്ഞാലിക്കുട്ടി, പി.വി അബ്ദുല്‍ വഹാബ് എന്നിവരുടെ എം.പി ഫണ്ടില്‍ നിന്ന് 65 ലക്ഷം രൂപ ചെലവഴിച്ചാണ് മൂന്ന് നിലയില്‍ വിഭാവനം ചെയ്ത കെട്ടിടത്തിന്റെ ഒരു നിലയും ബേസ്‌മെന്റ് ഏരിയയുമാണ് പൂര്‍ത്തിയാക്കിയത്.
2004 ല്‍ പാണക്കാട് ഹൈദരലി ശിഹാബ് തങ്ങള്‍ ചെയര്‍മാനും അഷ്‌റഫ് തങ്ങള്‍ ജനറല്‍ സെക്രട്ടറിയുമായി രൂപീകരിച്ച ഗ്രെയ്‌സ് എജുക്കേഷണല്‍ അസോസിയേഷനാണ് ചെയറിന്റെ ഡോണര്‍ സംഘടന. ഇന്ന് വൈകിട്ട് 4 മണിക്ക് നടക്കുന്ന ചടങ്ങില്‍ വൈസ് ചാന്‍സലര്‍ ഡോ.എം.കെ ജയരാജ് അധ്യക്ഷത വഹിക്കും. പ്രതിപക്ഷ ഉപനേതാവ് പി.കെ കുഞ്ഞാലിക്കുട്ടി ഉദ്ഘാടനം ചെയ്യും. പി.വി അബ്ദുല്‍ വഹാബ് എം.പി മുഖ്യപ്രഭാഷണം നടത്തും. പ്രമുഖ ചരിത്രകാരന്‍ ഡോ. എം. ഗംഗാധരന്റെ പുസ്തകം കുടുംബാംഗങ്ങള്‍ ചെയറിന് കൈമാറും. ഗവേണിംഗ് ബോഡി അംഗം ഡോ.എം.കെ മുനീര്‍ എം.എല്‍.എ ഏറ്റുവാങ്ങും.
മൂന്ന് പദ്ധതികളോടെയാണ് ചെയര്‍ പുതിയ കെട്ടിടത്തില്‍ പ്രവര്‍ത്തിച്ച് തുടങ്ങുക. രാഷ്ട്രാന്തരീയ തലത്തിലെ അക്കാദമിഷ്യന്‍മാര്‍ക്കും ഗവേഷകര്‍ക്കും ഉപയോഗപ്പെടുത്താവുന്ന റിസര്‍ച്ച് ജേണല്‍, പഠന ഗവേഷണ സ്ഥാപനങ്ങളുമായി മെമ്മോറാണ്ടം ഓഫ് അണ്ടര്‍സ്റ്റാന്റിംഗ് ഒപ്പു വെയ്ക്കല്‍,അഫിര്‍മേറ്റീവ് ആക്ഷനും ഇന്ത്യന്‍ ഭരണഘടനയും എന്ന വിഷയത്തിലുളള ഓണ്‍ലൈന്‍ പ്രോഗ്രാം എന്നിവയാണിവ. ഹെരിറ്റേജ് ലൈബ്രറി ,സ്‌കൂള്‍ ഓഫ് കമ്മ്യൂണിറ്റി. ഡവലപ്‌മെന്റ്, ഓറിയന്റേഷന്‍ പ്രോഗ്രാമുകള്‍, ഫെലോഷിപ്പുകള്‍ തുടങ്ങിയവയാണ് നിലവില്‍ ചെയറിന്റെ പ്രവര്‍ത്തനങ്ങള്‍.
Culture
ജൂറി ഹോം സിനിമ കണ്ടിട്ടുണ്ടാകില്ല: വിമര്‍ശനവുമായി നടന്‍ ഇന്ദ്രന്‍സ്
കുറ്റവാളി നിരപരാധിയാണെന്ന് തെളിഞ്ഞാല്‍ ജൂറി വീണ്ടും സിനിമ കാണുമോയെന്നും ഇന്ദ്രന്‍സ് ചോദിച്ചു.
ചലച്ചിത്ര അവാര്‍ഡ് വിവാദത്തില്‍ മാധ്യമങ്ങളോട് പ്രതികരണം നടത്തി നടന്‍ ഇന്ദ്രന്‍സ്. സംസ്ഥാന ചലച്ചിത്ര പുരസ്‌കാര ജൂറി ‘ഹോം’ സിനിമ കണ്ടുകാണില്ല. തനിക്ക് അവാര്‍ഡ് ലഭിക്കാത്തതില്‍ വിഷമമില്ല. എന്നാല്‍ ഹോം സിനിമക്ക് അവാര്‍ഡ് പ്രതീക്ഷിച്ചെന്ന് ഇന്ദ്രന്‍സ് പറഞ്ഞു.
ഹോമിനെ തഴഞ്ഞതിനും, ചിത്രത്തിലെ പ്രകടനത്തിന് ഇന്ദ്രന്‍സിനെ മികച്ച നടനുള്ള പുരസ്‌കാരത്തിന് പരിഗണിക്കാതിരുന്നതിലും സമൂഹമാധ്യമങ്ങളില്‍ വിമര്‍ശനം ശക്തമായ പശ്ചാത്തലത്തിലാണ് അദ്ദേഹത്തിന്റെ പ്രതികരണം.
ഹൃദയം സിനിമയും മികച്ചതാണെന്നും അതോടോപ്പം ചേര്‍ത്തുവക്കേണ്ട സിനിമായാണ് ഹോമെന്നും അദ്ദേഹം പറഞ്ഞു. സിനിമയെ ഒഴിവാക്കാന്‍ നേരത്തേ കാരണം കണ്ടുവച്ചിട്ടുണ്ടാകാം. വിജയ്ബാബുവിനെതിരായ കേസും കാരണമായേക്കാം. കുറ്റവാളി നിരപരാധിയാണെന്ന് തെളിഞ്ഞാല്‍ ജൂറി വീണ്ടും സിനിമ കാണുമോയെന്നും ഇന്ദ്രന്‍സ് ചോദിച്ചു.
-
Video Stories8 years agoകൊടിഞ്ഞിയില് കൊല്ലപ്പെട്ട ഫൈസലിന്റ കഫീല് അബ്ദുല്ല അല്മുഹാവിസിന്റെ വാക്കുകള് വൈറലാവുന്നു
-
Culture8 years agoഅനസ്തേഷ്യയില്ലാത്ത ശസ്ത്രക്രിയയില് ഖുര്ആന് ഉരുവിട്ട് കുഞ്ഞ്; വാര്‍ത്ത വായിക്കുമ്പോള് വിതുമ്പിക്കരഞ്ഞ് അവതാരകന്
-
More8 years agoഭോപ്പാല് വിവാദ ഏറ്റുമുട്ടല്; കൂടുതല് തെളിവുകളോടെ മൂന്നാമത്തെ വീഡിയോ പുറത്ത്
-
More8 years ago‘മകളെ കൊണ്ട് കള്ളം പറയിച്ചു’ ദിലീപ്-കാവ്യ വിവാഹത്തില് മഞ്ജുവിന്റെ പ്രതികരണം
-
Culture8 years agoവഴിയോര കച്ചവടങ്ങളിലെ ബിരിയാണിയില് പൂച്ച മാംസം
-
Culture5 years agoവീട്ടമ്മയുടെ നഗ്നദൃശ്യങ്ങള് ഭര്ത്താവിന് വാട്സ് ആപ്പില്; പ്രതിയെ കണ്ട് ഞെട്ടി പൊലീസും വീട്ടുകാരും
-
Culture8 years ago‘സോനു നിഗം പ്രിയങ്കയില് നിന്നു പഠിക്കണം; ബാങ്കുവിളിയെക്കുറിച്ചുള്ള അധിക്ഷേപത്തിന് ശേഷം പ്രിയങ്കയുടെ ബാങ്കുവിളി പരാമര്ശം വൈറല്
-
Culture8 years agoഅണികളില് നിന്ന് ‘മുര്ദാബാദ് വിളി’; അസ്വസ്ഥനായി മോദി – മാധ്യമങ്ങള് കണ്ടില്ലെന്ന് നടിച്ച വീഡിയോ