india
പുതിയ പാര്ലമെന്റ് പണിയാന് കരാര്; പിന്നാലെ മോദിയെ വാനോളം പുകഴ്ത്തി രത്തന് ടാറ്റ
“നിങ്ങള് പറയുന്നതു പ്രകാരം ഒന്നിച്ചു നിന്നാല് ലോകം പറയും, ഈ പ്രധാനമന്ത്രിയാണ് ഇത് സാധ്യമാക്കിയത് എന്ന്”
ന്യൂഡല്ഹി: പ്രധാനമന്ത്രി നരേന്ദ്രമോദിയെ മുക്തകണ്ഠം പ്രശംസിച്ച് ടാറ്റ ഗ്രൂപ്പ് ചെയര്മാന് രത്തന് ടാറ്റ. മോദിയുടെ ശ്രമങ്ങള് ഷോ കാണിക്കുന്നതല്ലെന്ന് വ്യവസായ സമിതിയായ അസോചം ഫൗണ്ടേഷന്റെ യോഗത്തില് ടാറ്റ പറഞ്ഞു. പുതിയ പാര്ലമെന്റ് സമുച്ചയം നിര്മിക്കാനുള്ള കരാര് ടാറ്റ ഗ്രൂപ്പിന് കിട്ടിയതിന് പിന്നാലെയാണ് ചെയര്മാന്റെ പ്രതികരണം.
‘വര്ഷങ്ങളായി ഞാന് ബിസിനസിലുണ്ട്. പ്രധാനമന്ത്രി ചെയ്യാന് ആഗ്രഹിക്കുന്ന കാര്യങ്ങളെ ഞാന് ആദരവോടെ കാണുന്നു. സാമ്പത്തിക രംഗം താഴോട്ടു പോകുന്നതിന്റെയും കോവിഡ് മഹാമാരിയുടെയും പശ്ചാത്തലത്തില് അദ്ദേഹത്തിന്റെ നേതൃത്വം മികച്ചതാണ്. നിങ്ങള് നേതൃത്വം ഏറ്റെടുത്തു. ഒളിച്ചോടാതെ രാജ്യത്തെ മുമ്പില് നിന്നു നയിച്ചു’ – ടാറ്റ പറഞ്ഞു.
കോവിഡ് മഹാമാരിക്കിടെ മോദിയെ പ്രശംസിച്ച് രംഗത്തെത്തുന്ന രണ്ടാമത്തെ വ്യവസായി ആണ് രത്തന് ടാറ്റ. നേരത്തെ അംബാനിയാണ് പ്രധാനമന്ത്രിയെ പുകഴ്ത്തി രംഗത്തെത്തിയിരുന്നത്.
നിങ്ങളുടെ നേതൃത്വത്തോട് ഞങ്ങള് കടപ്പെട്ടിരിക്കുന്നു. ഇവിടെ പ്രതിപക്ഷമുണ്ട്, അസംതൃപ്തിയുണ്ട്. എന്നാല് ഒളിച്ചോട്ടമില്ല. നിങ്ങള് ലോക്ക്ഡൗണ് കൊണ്ടുവന്നു. കുറച്ചു നേരം രാജ്യത്തെ വിളക്കണക്കമെന്ന് ആവശ്യപ്പെട്ടു. നിങ്ങളാണ് അതു സാധിച്ചത്. ഇത് ഷാ കാണിക്കുന്നതോ പുറമേക്ക് കാണിക്കുന്നതോ അല്ല. രാജ്യത്തെ ലക്ഷ്യത്തിലേക്ക് ഒരുമിച്ചു കൊണ്ടു പോകുന്നതാണ്’
രത്തന് ടാറ്റ
കോവിഡിന്റെ സാഹചര്യത്തില് രാജ്യത്തിന്റെ സാമ്പത്തിക വളര്ച്ച ഏപ്രില്-ജൂണ് പാദത്തില് 23.9 ശതമാനമാണ് കുറഞ്ഞിരുന്നത്. ജൂലൈ-സെപ്തംബര് പാദത്തില് അത് 7.5 ശതമാനമായി ചുരുങ്ങി. സാമ്പത്തിക മേഖലയിലും തൊഴില് മേഖലയിലും മോദിയുടെ പ്രവര്ത്തനങ്ങളെ ടാറ്റ ശ്ലാഘിച്ചു.
മോദിയുടെ നേതൃത്വത്തിന് കീഴില് തൊഴിലും വ്യവസായവും നേട്ടങ്ങളുണ്ടാക്കി. നമ്മള് ചെയ്യാനുള്ള കാര്യങ്ങളില് തനിക്ക് ആത്മവിശ്വാസമുണ്ട്. ഈ ബുദ്ധിമുട്ടേറിയ വേളയില് രാജ്യത്തെ നയിക്കുന്നതിന് നന്ദി അറിയിക്കുന്നു. നിങ്ങള് പറയുന്നതു പ്രകാരം ഒന്നിച്ചു നിന്നാല് ലോകം പറയും, ഈ പ്രധാനമന്ത്രിയാണ് ഇത് സാധ്യമാക്കിയത് എന്ന്- ടാറ്റ കൂട്ടിച്ചേര്ത്തു.
അതിനിടെ, പുതിയ പാര്ലമെന്റ് നിര്മിക്കാനുള്ള കരാര് ടാറ്റ പ്രൊജക്ട് 861.90 കോടിക്കാണ് സ്വന്തമാക്കിയത്. ലാര്സണ് ആന്ഡ് ടര്ബോ, പലോന്ജി ആന്ഡ് കമ്പനി എന്നിവയെ മറികടന്നാണ് ടാറ്റ പ്രൊജക്ട് സ്വന്തമാക്കിയിരുന്നത്.
india
സ്മൃതിയുടെ മകളുടെ റസ്റ്റോറന്റിന്റെ മദ്യ ലൈസന്സ് അനധികൃതം
വടക്കന് ഗോവയില് കേന്ദ്രമന്ത്രി സ്മൃതി ഇറാനിയുടെ മകളുടെ പേരിലുള്ള റസ്റ്ററന്റിന് മദ്യ ലൈസന്സ് ലഭിച്ചത് അനധികൃതമാണെന്ന് റിപ്പോര്ട്ട്.
പനജി: വടക്കന് ഗോവയില് കേന്ദ്രമന്ത്രി സ്മൃതി ഇറാനിയുടെ മകളുടെ പേരിലുള്ള റസ്റ്ററന്റിന് മദ്യ ലൈസന്സ് ലഭിച്ചത് അനധികൃതമാണെന്ന് റിപ്പോര്ട്ട്. മരിച്ചയാളുടെ പേരിലാണ് ലൈസന്സ് പുതുക്കിയതെന്നാണ് ആരോപണം. ഇതേത്തുടര്ന്ന് ഗോവ എക്സൈസ് കമ്മിഷണര് നാരായണ് എം. ഗാഡ് ലൈസന്സ് റദ്ദാക്കാതിരിക്കണമെങ്കില് കാരണം കാണിക്കണമെന്ന് ആവശ്യപ്പെട്ട് നോട്ടീസ് അയച്ചിരിക്കുകയാണ്.
ഗോവയിലെ അസന്ഗൗവിലാണ് സ്മൃതിയുടെ മകള് സോയിഷ് ഇറാനിയുടെ പോഷ് റസ്റ്ററന്റായ സില്ലി സോള്സ് കഫേ ആന്റ് ബാര് ഉള്ളത്. ബാറിനുള്ള ലൈസന്സ് കൃത്രിമ രേഖകള് നല്കിയാണ് ഉടമകള് കൈവശപ്പെടുത്തിയതെന്ന് അഭിഭാഷകനായ എയ്റിസ് റോഡ്രിഗസ് നല്കിയ പരാതിയിലാണ് ജൂലൈ 21ന് എക്സൈസ് കമ്മിഷണര് നോട്ടിസ് അയച്ചത്. വിഷയം ജൂലൈ 29ന് കോടതി പരിഗണിക്കും.
കഴിഞ്ഞമാസമാണ് ലൈസന്സ് പുതുക്കിയത്. എന്നാല് ലൈസന്സിന്റെ ഉടമ ആയിരുന്ന ആന്തണി ഡിഗാമ 2021 മേയ് 17ന് അന്തരിച്ചിരുന്നു. ഡിഗാമയുടെ ആധാര് കാര്ഡിലെ വിവരം അനുസരിച്ച് മുംബൈയിലെ വിലേ പാര്ലെയിലെ താമസക്കാരനാണിയാള്. ഇയാളുടെ മരണ സര്ട്ടിഫിക്കറ്റ് മുംബൈ മുനിസിപ്പല് കോര്പ്പറേഷനില്നിന്ന് റോഡ്രിഗസിന് ലഭിച്ചിട്ടുമുണ്ട്.
ആറുമാസത്തിനുള്ളില് ലൈസന്സ് ട്രാന്സ്ഫര് ചെയ്യുമെന്നാണ് അപേക്ഷയില് വ്യക്തമാക്കിയിരുന്നതെന്ന് സംസ്ഥാന എക്സൈസ് വിഭാഗം പറയുന്നു.വിവരാവകാശ നിയമപ്രകാരമാണ് റോഡ്രിഗസ് വിവരങ്ങള് ശേഖരിച്ചത്. സില്ലി സോള്സ് കഫേ ആന്റ് ബാറിന് സംസ്ഥാനത്ത് പ്രവര്ത്തിക്കുന്നതിന് റസ്റ്ററന്റ് ലൈസന്സ് ഇല്ലെന്നും അഭിഭാഷകനായ റോഡ്രിഗസ് പറയുന്നു.
india
സിഖ് വിദ്യാര്ഥികളോട് തലപ്പാവും കൃപാണും ധരിക്കരുതെന്ന് യു.പിയിലെ സ്കൂള്
ലഖ്നൗ: ഉത്തര്പ്രദേശിലെ സ്കൂളല് സിഖ് വിദ്യാര്ഥികളോട് തലപ്പാവും കൃപാണും ധരിക്കരുതെന്ന് ആവശ്യപ്പെട്ട സംഭവത്തില് ശക്തമായ പ്രതിഷേധം അറിയിച്ച് പ്രമുഖ സിഖ് മത നേതൃത്വമായ ശിരോമണി ഗുരുദ്വാര പര്ബന്ധക് കമ്മിറ്റി (എസ്.ജി.പി.സി). രാജസ്ഥാനിലെ അല്വാര് ജില്ലയില് അജ്ഞാതര് സിഖ് പുരോഹിതനെ മര്ദിക്കുകയും മുടി മുറിക്കുകയും ചെയ്ത സംഭവത്തെയും സിഖുകാരുടെ പരമോന്നത മതസംഘടന അപലപിച്ചു.
വ്യാഴാഴ്ച ഉത്തര്പ്രദേശിലെ ബറേലിയിലെ സിഖ് സമുദായാംഗങ്ങള് സ്കൂള് മാനേജ്മെന്റിന്റെ ഉത്തരവിനെതിരെ പ്രതിഷേധിച്ചിരുന്നു. ഉത്തരവ് പാലിക്കാത്തതിനാല് കുട്ടികളോട് സ്കൂളിലേക്ക് പ്രവേശിക്കരുതെന്ന് പറഞ്ഞതായും അവര് ആരോപിച്ചു.
india
ഇന്ത്യയില് ഒരു ഡോസ് വാക്സിന് പോലും എടുക്കാതെ 4 കോടി ആളുകള്
കേന്ദ്ര ആരോഗ്യ മന്ത്രാലയത്തിന്റെ കണക്കനുസരിച്ച് ഇന്ത്യയില് 98 ശതമാനം പേര്ക്കും കുറഞ്ഞത് ഒരു ഡോസ് വാക്സിനെങ്കിലും ലഭിച്ചിട്ടുണ്ട്.
ന്യൂഡല്ഹി: ഇന്ത്യയില് യോഗ്യരായ നാലു കോടി ആളുകള് ഇതുവരെ ഒരു ഡോസ് വാക്സിന് പോലും സ്വീകരിച്ചിട്ടില്ലെന്ന് കേന്ദ്ര ആരോഗ്യ സഹമന്ത്രി ഭാരതി പ്രവീണ് പവാര്. ജൂലൈ 18 വരെ സര്ക്കാര് കോവിഡ് വാക്സിനേഷന് സെന്ററുകളില് 1,78,38,52,566 വാക്സിന് ഡോസുകള് സൗജന്യമായി നല്കിയിട്ടുണ്ടെന്നും രേഖാമൂലമുള്ള മറുപടിയില് വ്യക്തമാക്കി.
കേന്ദ്ര ആരോഗ്യ മന്ത്രാലയത്തിന്റെ കണക്കനുസരിച്ച് ഇന്ത്യയില് 98 ശതമാനം പേര്ക്കും കുറഞ്ഞത് ഒരു ഡോസ് വാക്സിനെങ്കിലും ലഭിച്ചിട്ടുണ്ട്. 90 ശതമാനം പേര് പൂര്ണമായി വാക്സിന് എടുത്തിട്ടുണ്ടെന്നും കണക്കില് പറയുന്നു.
-
Video Stories7 years ago
കൊടിഞ്ഞിയില് കൊല്ലപ്പെട്ട ഫൈസലിന്റ കഫീല് അബ്ദുല്ല അല്മുഹാവിസിന്റെ വാക്കുകള് വൈറലാവുന്നു
-
Culture7 years ago
അനസ്തേഷ്യയില്ലാത്ത ശസ്ത്രക്രിയയില് ഖുര്ആന് ഉരുവിട്ട് കുഞ്ഞ്; വാര്ത്ത വായിക്കുമ്പോള് വിതുമ്പിക്കരഞ്ഞ് അവതാരകന്
-
More8 years ago
ഭോപ്പാല് വിവാദ ഏറ്റുമുട്ടല്; കൂടുതല് തെളിവുകളോടെ മൂന്നാമത്തെ വീഡിയോ പുറത്ത്
-
More7 years ago
‘മകളെ കൊണ്ട് കള്ളം പറയിച്ചു’ ദിലീപ്-കാവ്യ വിവാഹത്തില് മഞ്ജുവിന്റെ പ്രതികരണം
-
Culture8 years ago
വഴിയോര കച്ചവടങ്ങളിലെ ബിരിയാണിയില് പൂച്ച മാംസം
-
Culture5 years ago
വീട്ടമ്മയുടെ നഗ്നദൃശ്യങ്ങള് ഭര്ത്താവിന് വാട്സ് ആപ്പില്; പ്രതിയെ കണ്ട് ഞെട്ടി പൊലീസും വീട്ടുകാരും
-
Culture7 years ago
‘സോനു നിഗം പ്രിയങ്കയില് നിന്നു പഠിക്കണം; ബാങ്കുവിളിയെക്കുറിച്ചുള്ള അധിക്ഷേപത്തിന് ശേഷം പ്രിയങ്കയുടെ ബാങ്കുവിളി പരാമര്ശം വൈറല്
-
Culture7 years ago
അണികളില് നിന്ന് ‘മുര്ദാബാദ് വിളി’; അസ്വസ്ഥനായി മോദി – മാധ്യമങ്ങള് കണ്ടില്ലെന്ന് നടിച്ച വീഡിയോ