More
ലീഗിന്റെ നവോത്ഥാന ചരിത്രത്തെ വെല്ലുവിളിച്ച സുനിത ദേവദാസിന് മറുപടിയുമായി റംസീന നരിക്കുനി
കോഴിക്കോട്: മുസ്ലിം ലീഗിനെതിരെ വിമര്‍ശനമുന്നയിച്ച മാധ്യമപ്രവര്‍ത്തക സുനിത ദേവദാസിന് മറുപടിയുമായി യുവഎഴുത്തുകാരി റംസീന നരിക്കുനി. ലീഗിന്റെ നവോത്ഥാന ചരിത്രമെന്താണെന്നും ആരാണ് അവരുടെ നവോത്ഥാന നായകനെന്നും അറിയണമെന്ന് സുനിത ദേവദാസ് വെല്ലുവിളിച്ചിരുന്നു. ഇതിന് മറുപടിയുമായാണ് റംസീന നരിക്കുനി രംഗത്തെത്തിയത്. യുവജനയാത്രക്കിടെയുള്ള കെ.എം ഷാജിയുടെ പ്രസംഗം പരാമര്‍ശിച്ചുകൊണ്ടായിരുന്നു സുനിത ദേവദാസിന്റെ വെല്ലുവിളി.
‘ദുരാചാരങ്ങളില്‍ നിന്ന് എന്നോ തന്നെ രക്ഷ നേടി സമുദ്ധരിക്കപ്പെട്ടവരുമാണ് മുസ്ലിം സമൂഹം. മുസ്ലിംലീഗ് രൂപീകരിക്കപ്പെട്ടത് ഒരു മുസ്ലിം മൂവ്‌മെന്റ് ആയിക്കൊണ്ടല്ല ഒരു പൊളിറ്റിക്കല്‍ മുസ്ലിം പ്രോസസ് എന്ന നിലയിലാണ്. രാജാറാം മോഹന്‍ റോയിയെ പോലെയുള്ളവര്‍ രൂപീകരിച്ചത് മൂവ്‌മെന്റുകളായിരുന്നു , വിപ്ലവ പ്രസ്ഥാനങ്ങള്‍. മുസ്ലിം ലീഗ് ഒരു പ്രോസസാണ് അതായത് ദേശീയത എന്ന മുഖ്യധാരയുമായി വിവിധ കാരണങ്ങളാല്‍ അകന്ന് കഴിയുന്ന മുസ്ലിങ്ങളെ വിളക്കി ചേര്‍ക്കുന്ന പ്രക്രിയയാണ് ആദ്യം മുഹമ്മദ് ഇസ്മായീല്‍ സാഹിബും പിന്നീട് പരശ്ശതം മലയാളത്തിലെ നേതാക്കന്മാരും ഏറ്റെടുത്തത്’-റംസീന നരിക്കുനി പറഞ്ഞു.
പോസ്റ്റിന്റെ പൂര്‍ണ്ണരൂപം:
നവോത്ഥാനമെന്ന വാക്കിന്റെ അര്‍ത്ഥമോ, നവോത്ഥാനം ആരിലാണ് സൃഷ്ടിക്കേണ്ടത് എന്ന ഔചിത്യ ബോധമോ വേണ്ടത്ര ഉള്ളവരല്ല മുസ്ലിംലീഗ് എന്ത് നവോത്ഥാനമാണ് ഉണ്ടാക്കിയത് എന്ന ആരോപണവുമായി രംഗത്തു വരുന്നത്. നിലനില്‍ക്കുന്ന സമൂഹത്തിലെ ദുരാചാരങ്ങള്‍ക്കെതിരെ നടത്തപ്പെടുന്ന സമുദ്ധാരണ ശ്രമങ്ങളെയാണ് നവോത്ഥാനങ്ങള്‍ എന്ന് പറയാറുള്ളത്. നവോത്ഥാന സംഘടനകളായി അറിയപ്പെടുന്ന ഇന്ത്യയിലെ വിവിധ ഹൈന്ദവ ,ദളിത് , ഈഴവ സംഘടനകള്‍ക്ക് ഹിന്ദു സമൂഹത്തില്‍ വിവിധ ദൗത്യങ്ങളുണ്ടായിരുന്നു . രാജാറാം മോഹന്റോയിയെയും ആനിബസന്റിനെയും പോലെയുള്ള ആളുകള്‍ വിവിധ പ്രസ്ഥാനങ്ങളുമായി വന്ന് ഹൈന്ദവ സമൂഹത്തിലെ ദുരാചാരങ്ങള്‍ക്കെതിരെ സമരം ചെയ്ത് അതിനെ സമുദ്ധരിച്ചു എന്നുള്ളത് യാഥാര്‍ഥ്യമാണ്. വിധവകള്‍ക്ക് ജീവനാവകാശം ലഭിച്ചതും , സതി നിര്‍ത്തല്‍ ചെയ്യപ്പെട്ടതും, ശൈശവ വിവാഹം നിരുത്സാഹപ്പെടുത്തപ്പെട്ടതും സ്ത്രീകള്‍ക്ക് സ്വത്തവകാശമുണ്ടായതും തൊട്ട് കൂടായ്മയും തീണ്ടിക്കൂടായ്മയും അവസാനിച്ചതുമൊക്കെ അങ്ങിനെയുള്ള നവോത്ഥാന സംരംഭങ്ങളുടെ ഫലമായിട്ടു തന്നെയാണ്. അക്ഷരാഭ്യാസം നേടല്‍ പോലും കുലദ്രോഹമായി ഗണിക്കപ്പെട്ടൊരു കാലത് സാധനം പൊതിഞ്ഞ കടലാസുകളില്‍ നിന്ന് അക്ഷരം പഠിച് നവോത്ഥാനം സാധിപ്പിച്ചെടുത്ത വിടി ഭട്ടതിരിപ്പാടിനെ പോലെയുള്ള നമ്പൂതിരിമാരും ഹൈന്ദവ സമൂഹത്തില്‍ നവോത്ഥാനം സൃഷ്ടിച്ചവരാണ്.പറഞ്ഞു വരുന്നത് അങ്ങിനെയുള്ള ചില നവോത്ഥാന മാതൃകകളെ മുന്‍നിര്‍ത്തി മുസ്ലിംലീഗ് എന്ത് നവോത്ഥാനമാണ് ചെയ്യുന്നത് എന്ന ചോദ്യം മൗഢ്യമാണ് എന്നാണ് .കാരണം മുസ്ലിം സമുദായത്തെ സാമൂഹികമായി സമുദ്ധരിച്ചെടുക്കേണ്ട മതപരമോ , ധാര്‍മികമോ ആയ ദൗത്യം മുന്നില്‍ കണ്ട് മുന്നില്‍ കണ്ട് കൊണ്ട് രൂപീകരിക്കപ്പെട്ട ഒരു പ്രസ്ഥാനമേയല്ല മുസ്ലിം ലീഗ് , മറ്റൊന്ന് മേല്പറയപ്പെട്ടത് പോലെയുള്ള ദുരാചാരങ്ങളില്‍ നിന്ന് എന്നോ തന്നെ രക്ഷ നേടി സമുദ്ധരിക്കപ്പെട്ടവരുമാണ് മുസ്ലിം സമൂഹം. മുസ്ലിംലീഗ് രൂപീകരിക്കപ്പെട്ടത് ഒരു മുസ്ലിം മൂവ്‌മെന്റ് ആയിക്കൊണ്ടല്ല ഒരു പൊളിറ്റിക്കല്‍ മുസ്ലിം പ്രോസസ് എന്ന നിലയിലാണ്. രാജാറാം മോഹന്‍ റോയിയെ പോലെയുള്ളവര്‍ രൂപീകരിച്ചത് മൂവ്‌മെന്റുകളായിരുന്നു , വിപ്ലവ പ്രസ്ഥാനങ്ങള്‍. മുസ്ലിം ലീഗ് ഒരു പ്രോസസാണ് അതായത് ദേശീയത എന്ന മുഖ്യധാരയുമായി വിവിധ കാരണങ്ങളാല്‍ അകന്ന് കഴിയുന്ന മുസ്ലിങ്ങളെ വിളക്കി ചേര്‍ക്കുന്ന പ്രക്രിയയാണ് ആദ്യം മുഹമ്മദ് ഇസ്മായീല്‍ സാഹിബും പിന്നീട് പരശ്ശതം മലയാളത്തിലെ നേതാക്കന്മാരും ഏറ്റെടുത്തത്. അവര്‍ക്ക് മുമ്പിലുണ്ടായിരുന്ന വെല്ലുവിളി സ്വന്തം സാംസ്‌കാരിക സ്വതം സൂക്ഷിച്ചു കൊണ്ട് മുഖ്യധാരാ ദേശീയതയോട് ഇഴുകി ചേരാതെ ജീവിക്കണമെന്ന് ശഠിച്ചിരുന്ന മുസ്ലിം ജന വിഭാഗങ്ങളെ അതിനേക്കാളും ഭദ്രമായ രാഷ്ട്രീയം ദേശീയതയുടെ ഭാഗമായി ബഹുസ്വരതയെ ഉള്‍കൊണ്ട് മുന്നോട്ട് പോകലാണ് എന്ന് ബോധ്യപ്പെടുത്തുകയായിരുന്നു.അല്ലാതെ മുസ്ലിം സമൂഹത്തിലെ നാല് കെട്ട് നിര്‍ത്തലാക്കാനും, മുത്വലാഖ് ഇല്ലാതാക്കാനും വേണ്ടി രൂപീകരിക്കപ്പെട്ട പ്രസ്ഥാനമല്ല മുസ്ലിംലീഗ്. മാത്രവുമല്ല പല വിമര്‍ശകരും മനസിലാക്കുന്ന പോലെ ഇസ്‌ലാമിക വ്യവസ്ഥ എന്ന് പറയുന്നത് ഇവിടെയുള്ള ഇടത് സെക്കുലര്‍ ബുദ്ധിജീവികള്‍ സ്വയം മെനഞ്ഞുണ്ടാക്കുന്ന ചില ആശയ ആചാര രൂപങ്ങളല്ല. ദൈവികമായ നിയമങ്ങളും വ്യവസ്ഥകളുമാണ്, അതിനെ മാനുഷികമായ യുക്തിന്യായങ്ങള്‍ മാനദണ്ഡമാക്കി പരിഷ്‌കരിക്കുവാനുള്ള വിവരക്കേട് മുസ്ലിംലീഗിന് ഇല്ലാത്തത് കൊണ്ട് തന്നെ
ലീഗിന്റെ ശ്രമങ്ങള്‍ മറ്റൊരു തലത്തിലാണ് എന്നതാണ് വാസ്തവം.
ചരിത്രപരമായ കാരണങ്ങളാല്‍ സാമൂഹികമായി പിന്തള്ളപ്പെട്ട മുസ്ലിങ്ങളെ അധികാര പീഠത്തിലേക്കും ആദര്‍ശ പീഠത്തിലേക്കും നയിക്കുക എന്നുള്ളതായിരുന്നു ആ രാഷ്ട്രീയ തലം. ഉത്തരേന്ത്യയില്‍ വിദ്യാഭ്യാസ സ്ഥാപനത്തിന് വേണ്ടി മുന്നിട്ടിറങ്ങിയ സര്‍ സയ്യിദ് അഹമ്മദ് ഖാനെ സ്വന്തം സമുദായം കല്ലെറിഞ്ഞു , ആക്ഷേപം നടത്തി നിരുത്സാഹപ്പെടുത്തിയാണ് എതിരേറ്റതെങ്കില്‍ അതിനേക്കാളും വിദ്യാഭ്യാസത്തോട് വിമുഖത കാണിക്കുന്നൊരു ഘട്ടം മലബാറിലെ മാപ്പിളമാര്‍ക്കുണ്ടായിരുന്നു എന്നുള്ളത് അനിഷേധ്യമാണ്. അങ്ങനെയൊരു ജനവിഭാഗത്തെ ബോധവല്‍ക്കരിച് അവരില്‍ നിന്ന് രാജ്യത്തിന്റെ നേതാക്കാളെയും ജേതാക്കളെയും ഉത്പാദിപ്പിച്ചു എന്നുള്ളത് മുസ്ലിംലീഗ് ഈ സമൂഹത്തില്‍ ചെയ്ത വലിയ സാക്ഷര വിപ്ലവം തന്നെയാണ്.
മലബാറിലെ മെഡിക്കല്‍ കോളേജുകളില്‍ ഇന്നേറ്റവും കൂടുതല്‍ സീറ്റുകള്‍ ഒക്കുപൈ ചെയ്യുന്നത് പര്‍ദയും മഫ്തയുമണിഞ്ഞ പെണ്‍കുട്ടികളാണ് എന്നുള്ളത് ആര്‍ക്ക് നിഷേധിക്കാനാകും? സ്വന്തം അഭിമാനം കളങ്കപ്പെടുത്തി പൊതുസമൂഹത്തില്‍ ഉടലാട്ടം നടത്തുന്നതല്ല പെണ്ണിന്റെ അഭിമാനം എന്ന് മനസിലാക്കി സ്വന്തം കഴിവും , മികവും സാമൂഹിക നിര്‍മ്മിതിക്ക് എങ്ങിനെ ഉപയോഗപ്പെടുത്താം എന്നാണ് മുസ്ലിം ലീഗിന്റെ ഐഡിയോളജി സ്ത്രീകളോട് പറയുന്നതും പ്രയോഗവല്‍ക്കരിക്കുന്നതും.
പ്രായോഗിക രാഷ്ട്രീയത്തില്‍ മുസ്ലിം ലീഗിന്റെ എക്കാലത്തെയും ആചാര്യനായ സിഎച് മുഹമ്മദ് കോയ സാഹിബ് ഇത്തരം ആരോപണങ്ങളോട് കാലങ്ങള്‍ക്ക് മുന്നേ തന്നെ സംവദിച്ചിരുന്നു. വെള്ളം കോരികളും , വിറകുവെട്ടികളൂം ,ചാക്ക് തുന്നികളുമായ ഒരു സമുദായത്തെ രാജ്യത്തിന്റെ അധികാര സിംഹാസനത്തിന്റെ ആസ്ഥാന മണ്ഡലങ്ങളില്‍ അവരോധിക്കുവാനുള്ള പര്‍ണശാലയാണ് മുസ്ലിംലീഗ് പാര്‍ട്ടി എന്നായിരുന്നു അദ്ദേഹം ദീര്‍ഘദര്‍ശനം ചെയ്തത്. ഒടുവില്‍ ഇന്ത്യയുടെ നാഡികളെ പോലെ നാല് ഭാഗത്തേക്കും ചിതറുന്ന ഇന്ത്യന്‍ റെയില്‍വേയും , വായുമണ്ഡലങ്ങളിലൂടെ ലോകങ്ങളുമായി ഇന്ത്യയെ വിളക്കി ചേര്‍ക്കുന്ന ആകാശപാതകളെയും വരെ നിയന്ത്രിക്കുന്ന നേതാക്കന്മാര്‍ വരെ മുസ്ലിം ലീഗിന്റെ പര്‍ണശാലയില്‍ നിന്ന് ഉദയം ചെയ്തു. ലീഗിന്റെ നവോത്ഥാന നായകന്‍ ആരാണ് എന്നുള്ളതാണ് മറ്റൊരു ചോദ്യം . മുസ്ലിം ലീഗിനോട് മാത്രമേ ഇങ്ങിനെയൊരു ചോദ്യം ഇക്കാലത് ഉന്നയിക്കപ്പെടാറുള്ളു. കേരളത്തിലെ ഏറ്റവും വലിയ ജനകീയ രാഷ്ട്രീയ പ്രസ്ഥാനമായ സിപിഎം ഇപ്പോള്‍ വനിതാ മതില്‍ തീര്‍ത്തു പുതിയ നവോത്ഥാന ഗോഥയിലാണ്. എന്ത് കൊണ്ട് കമ്മ്യുണിസത്തിന്റെ നവോത്ഥാന നായകന്‍ ആരാണെന്നുള്ള ചോദ്യം കേരളത്തില്‍ ഉയരുന്നില്ല ? സ്ത്രീകളെ പുരുഷന്മാര്‍ അവരുടെ ശാരീരികാവശ്യങ്ങള്‍ക്ക് മുറപോലെ ഉപയോഗിച് വേണ്ടത് പോലെ പെരുമാറാം എന്ന് ചിന്താ വാരികയില്‍ എഴുതിയ ഇ.എം.എസ് നമ്പൂതിപ്പാടാണോ അവരുടെ നവോത്ഥാന നായകന്‍ ? ദളിതരും കീഴാളരും ക്ഷേത്ര പ്രവേശനത്തിന് വേണ്ടി സത്യാഗ്രഹമിരുന്ന കാലത് അധികാരമുപയോഗിച്ചു സവര്‍ണ ഹിന്ദുക്കളെ പ്രീതിപ്പെടുത്താന്‍ അത്തരം സമരങ്ങളെ അടിച്ചമര്‍ത്തിയ കമ്മ്യുണിസ്റ്റ് നേതാക്കന്മാര്‍ക്ക് നവോത്ഥാനത്തെ കുറിച്ച് സംസാരിക്കാന്‍ എന്താണ് അര്‍ഹത? ലോകത് കമ്മ്യുണിസം എന്ന പൊതുവായ ആശയം പലതായി രൂപപ്പെട്ടുവെങ്കിലും ഇപ്പോഴും അതിന്റെ അംശങ്ങള്‍ ബാക്കിയുള്ള ചൈനയിലോ , ക്യൂബയിലോ, വെനിസ്വലയിലോ,ബംഗാളിലോ, ത്രിപുരയിലോ , കേരളത്തിലോ സ്ത്രീ നിയന്ത്രിത കമ്മ്യുണിസ്റ്റ് പാര്‍ട്ടി ചൂണ്ടികാണിക്കുവാന്‍ പറ്റുമോ ? പ്രധാനമന്ത്രിയും മുഖ്യമന്ത്രിയും പോയിട്ട് ഒരു ജില്ലാ ഘടകത്തെയെങ്കിലും സ്ത്രീ നിയന്ത്രിക്കുന്നതിന് ഉദാഹരണമുണ്ടോ? സ്ത്രീകള്‍ക്ക് പൊതുനിരത്തില്‍ ഇറങ്ങുവാനുള്ള അവകാശം 1960 കളിലാണ് കമ്മ്യുണിസ്റ്റ് പാര്‍ട്ടി നല്‍കുന്നത്. പുരുഷന്മാര്‍ യോഗം ചേര്‍ന്നിട്ടാണ് സ്ത്രീകളെ റോട്ടിലിറക്കണമെന്ന് തീരുമാനിക്കുന്നത് പോലും വനിതാമതില്‍ കെട്ടണമെന്ന സിപിഎമ്മിന്റെ തീരുമാനം എടുക്കുന്നത് പോലും ആ പാര്‍ട്ടിയിലെ വനിതാ അംഗങ്ങളല്ലെന്നിരിക്കേ ഇടതുപക്ഷ ആസ്ഥാന ബുദ്ധിജീവി ചമയുന്ന പലരും മുസ്ലിംലീഗിലെ നവോത്ഥാനത്തെ കുറിച്ച് സംസാരിക്കുന്നത് എത്ര വിരോധാഭാസമാണ്! ഇത്തരം ആരോപണങ്ങളുമായി സോഷ്യല്‍ മീഡിയയില്‍ കിടന്നു നിരങ്ങുന്ന ചില ഫെമിനിച്ചികളുണ്ട് അവരുടെ കാര്യം സ്വന്തം കുടുബംത്തിലെ അംഗങ്ങളെയോ മക്കളെയോ ഇത്തരം ലിബറല്‍ സംസ്‌കാരത്തിലേക്ക് വിട്ട് കൊടുക്കാതെ കാത്തു സൂക്ഷിക്കുകയും മറ്റുള്ളവരുടെ സ്വാതന്ത്രത്തിന് വേണ്ടി നിരന്തരം സംസാരിക്കുകയും ചെയ്യുക എന്നുള്ളതാണ്. കമ്മ്യുണിസ്റ്റ് പാര്‍ട്ടിയില്‍ ആരാന്റെ തട്ടവും മഫ്തയും കടം വാങ്ങി മുസ്ലിം വേഷത്തില്‍ വന്ന് ഫ്‌ലാഷ് മൊബ് കളിച്ചാല്‍ അതിനെ പിന്തുണക്കുക എന്നതിലുപരി ഇവര്‍ക്ക് സാമൂഹികമായ ദൗത്യങ്ങളില്ല. ഇടതുപക്ഷ അനുകൂല എഴുത്തുകാരികളായ സാറാജോസഫ്, ശാരദക്കുട്ടി പിന്നെ ഇതേപോലെയുള്ള എഴുത്തുകാരെയുമെല്ലാം നിയന്ത്രിക്കുന്ന ഐഡിയോളജി കേവലം ഭ്രമാത്മകമായ തോന്നലുകള്‍ മാത്രമാണ്. സ്വന്തം ജീവിതത്തില്‍ എന്ത് സംഭവിക്കുന്നു എന്നതിലുപരി എന്ത് കൊണ്ട് നാട് നശിച്ചു പോകുന്നു എന്ന വേണ്ടാത്ത ഉത്കണ്ഠയില്‍ സ്വയം ഇല്ലാതാവുന്നവരാണ് ആ വിഭാഗം. ആരാധനാലയങ്ങളില്‍ ആളുകള്‍ മനസാമാധാനത്തിന് പോവുന്നതാണ് എന്ന് തിരിച്ചറിയാന്‍ കഴിയാതെ മനസാമാധാനത്തിന് വേണ്ടി ആരാധനാലയങ്ങളില്‍ നിന്ന് ആളുകള്‍ക്ക് ഇറങ്ങിയോടേണ്ട ഗതിയിലേക്ക് ക്ഷേത്രങ്ങളെയും പള്ളികളെയും ആക്കിത്തീര്‍ത്തെ ഞങ്ങളടങ്ങൂ എന്നാണ് അവരുടെ ദുര്‍വാശി. അത് കൊണ്ടാണ് മാനം മര്യാദക്ക് ആരാധന ചെയ്തു പോരുന്നവരെ തമ്മില്‍ത്തല്ലിക്കാന്‍ വേണ്ടി കെട്ടുകെട്ടി പോയ രഹനമനോജിനെ പിന്തുണച്ചു കൊണ്ട് ഇമ്മാതിരി ആളുകള്‍ രംഗത്തു വരുന്നത്. മുസ്ലിം ലീഗിനോട് മേല്പറഞ്ഞ ചോദ്യമുന്നയിച്ച അഭിനവ ആക്ടിവിസ്റ്റിനും കഴിഞ്ഞ ദിവസങ്ങളില്‍ എന്തുണ്ടായി എന്ന് നാം കണ്ടതാണ് ആരാന്റെ ഇന്റര്‍വ്യൂ കട്ടെടുത്തു സ്വന്തം പേരിലാക്കി അത് പുറത്തു പറഞ്ഞാല്‍ ഞാന്‍ ആത്മഹത്യ ചെയ്ത് കളയുമെന്ന് കക്ഷിയോട് താണ് കേണു പറഞ്ഞു ഒരുവിധം തടിയൂരി വന്നിട്ട് വീണ്ടും മുന്നോട്ട് എന്ന് പറഞ്ഞ രൂപത്തിലാണ് അവരുടെ അവസ്ഥ . സത്യസന്ധതയും, സുതാര്യതയും ലവലേശമില്ലാതെ നവോത്ഥാനത്തിന്റെ ഏത് കൊടുങ്കാട്ടിലേക്കാണ് ഇവര്‍ സ്ത്രീകളെയും പെണ്‍കുട്ടികളെയുമൊക്കെ ക്ഷണിക്കുന്നത് ??
Health
സോനു സൂദും ആസ്റ്റര്‍ മെഡ്‌സിറ്റിയും കൈകോര്‍ത്തു; ഏഴു മാസം പ്രായമുള്ള കുഞ്ഞില്‍ കരള്‍ മാറ്റിവയ്ക്കല്‍ വിജയകരമായി പൂര്‍ത്തിയാക്കി
ആസ്റ്റര്‍ വോളന്റിയേഴ്‌സ്, ബോളിവുഡ് നടന്‍ സോനു സൂദുമായി സഹകരിച്ച്, കരള്‍ രോഗബാധിതരായ നിര്‍ധന കുടുംബങ്ങളിലെ കുട്ടികളുടെ ചികിത്സയ്ക്കു വേണ്ടി തുടങ്ങിയ ദി സെക്കന്റ് ചാന്‍സ് ഇനീഷ്യേറ്റീവ് പദ്ധതിയിലെ ആദ്യത്തെ കരള്‍ മാറ്റിവയ്ക്കല്‍ ശസ്ത്രക്രിയ ആസ്റ്റര്‍ മെഡ്‌സിറ്റിയില്‍ വിജയകരമായി പൂര്‍ത്തിയാക്കി.
കൊച്ചി: ആസ്റ്റര്‍ വോളന്റിയേഴ്‌സ്, ബോളിവുഡ് നടന്‍ സോനു സൂദുമായി സഹകരിച്ച്, കരള്‍ രോഗബാധിതരായ നിര്‍ധന കുടുംബങ്ങളിലെ കുട്ടികളുടെ ചികിത്സയ്ക്കു വേണ്ടി തുടങ്ങിയ ദി സെക്കന്റ് ചാന്‍സ് ഇനീഷ്യേറ്റീവ് പദ്ധതിയിലെ ആദ്യത്തെ കരള്‍ മാറ്റിവയ്ക്കല്‍ ശസ്ത്രക്രിയ ആസ്റ്റര്‍ മെഡ്‌സിറ്റിയില്‍ വിജയകരമായി പൂര്‍ത്തിയാക്കി. മുഹമ്മദ് സഫാന്‍ അലി എന്ന ഏഴുമാസം പ്രായമുള്ള കുഞ്ഞിന്റെ കരളാണ് മാറ്റിവച്ചത്. കൊച്ചി ആസ്റ്റര്‍ മെഡ്‌സിറ്റി ആശുപത്രിയില്‍ നടന്ന ശസ്ത്രക്രിയയില്‍ കുട്ടിയുടെ അമ്മ തന്നെയായിരുന്നു കരള്‍ ദാതാവ്.
നാല് മാസം പ്രായമുള്ളപ്പോഴാണ് സഫാന്‍ അലിയെ ആസ്റ്റര്‍ മെഡ്‌സിറ്റിയിലേക്ക് കൊണ്ടുവരുന്നത്. പിത്തരസം കുഴലുകള്‍ അഥവാ, കരളിനെ കുടലുമായി ബന്ധിപ്പിക്കുന്ന ട്യൂബ് വികസിക്കാത്ത അപൂര്‍വ രോഗാവസ്ഥയായ ബിലിയറി അട്രേസിയയാണ് കുഞ്ഞിനെന്ന് രോഗനിര്‍ണയത്തിലൂടെ കണ്ടെത്തി. മഞ്ഞപ്പിത്തത്തിനും കണ്ണുകളുടെ മഞ്ഞനിറത്തിനും കാരണമാകുന്ന രോഗം ക്രമേണ കരളിന്റെ പ്രവര്‍ത്തനത്തെ തകരാറിലാക്കുകയാണ് ചെയ്യുക. തെലങ്കാന സ്വദേശികളായ കുടുംബം ജന്മനാടായ കരിംനഗറിലെ ആശുപത്രിയില്‍ വച്ച് നടത്തിയ ശസ്ത്രക്രിയ പരാജയപ്പെട്ടിരുന്നു. ഇത് മഞ്ഞപ്പിത്തത്തിന്റേയും സിറോസിസ് ബാധയുടേയും മൂര്‍ച്ച കൂട്ടി. ഇതോടെ കരള്‍ മാറ്റിവയ്ക്കുകയെല്ലാതെ വേറെ വഴിയില്ലെന്നായി. കുഞ്ഞിന്റെ രോഗവിവരം അറിഞ്ഞ സോനു സൂദിന്റെ സഹായത്തോടെയാണ് കുടുംബം കൊച്ചിയിലെ ആസ്റ്റര്‍ മെഡ്‌സിറ്റിയിലേക്ക് എത്തുന്നതും കഴിഞ്ഞ ദിവസം ശസ്ത്രക്രിയ വിജയകരമായി പൂര്‍ത്തിയാക്കിയതും.
സഫാന്‍ ആസ്റ്റര്‍ മെഡ്‌സിറ്റിയിലെത്തുമ്പോള്‍ മഞ്ഞപ്പിത്തം, പോഷകാഹാരക്കുറവ്, വളര്‍ച്ചക്കുറവ് തുടങ്ങിയ ആരോഗ്യപ്രശ്‌നങ്ങള്‍ കാര്യമായി അലട്ടിയിരുന്നതായി ആസ്റ്റര്‍ മെഡ്‌സിറ്റി ലീഡ് സീനിയര്‍ കണ്‍സള്‍ട്ടന്റ് ഡോ. മാത്യു ജേക്കബ് പറഞ്ഞു. കുഞ്ഞിന്റെ രോഗസ്ഥിതിയെ കുറിച്ചും, അടിയന്തരമായി ശസ്ത്രക്രിയ വേണമെന്നും കുടുംബത്തെ അറിയിച്ചു. കുട്ടിയുടെ പ്രായവും അവികസിത ശരീരഘടനയുള്‍പ്പടെ വലിയ വെല്ലുവിളിയായിരുന്നു എങ്കിലും തടസ്സങ്ങളില്ലാതെ ശസ്ത്രക്രിയ പൂര്‍ത്തിയാക്കാനായി. കുഞ്ഞ് വളരെ വേഗം സുഖം പ്രാപിച്ചു വരുന്നതായും മഞ്ഞപ്പിത്തം ഉള്‍പ്പടെയുള്ള ആരോഗ്യപ്രശ്‌നങ്ങള്‍ നീങ്ങിയതായും ഡോ. മാത്യു ജേക്കബ് വ്യക്തമാക്കി.
ഹെപ്പറ്റോളജിസ്റ്റ് വിഭാഗം സീനിയര്‍ കണ്‍സള്‍ട്ടന്റ് ഡോ. ചാള്‍സ് പനക്കല്‍, പീഡിയാട്രിക് ഗ്യാസ്‌ട്രോ എന്‍ട്രോളജി വിഭാഗത്തിലെ ഡോ. ഗീത മമ്മയില്‍, കണ്‍സള്‍ട്ടന്റ് സര്‍ജന്‍ ഡോ. സുധീര്‍ മുഹമ്മദ് എം, ഡോ. ബിജു ചന്ദ്രന്‍ എന്നിവരുള്‍പ്പെട്ട വിദഗ്ധ സംഘമാണ് ശസ്ത്രക്രിയക്ക് നേതൃത്വം നല്‍കിയത്.സഫാനെ പോലെ വളരെ ചെറിയ പ്രായമുള്ള കുഞ്ഞിനെ ജീവിതത്തിലേക്ക് മടക്കി കൊണ്ടുവരാനായതില്‍ അതിയായ സന്തോഷമുണ്ടെന്ന് ആസ്റ്റര്‍ ഡിഎം ഹെല്‍ത്ത് കെയര്‍ സ്ഥാപക ചെയര്‍മാനും മാനേജിംഗ് ഡയറക്ടറുമായ ഡോ. ആസാദ് മൂപ്പന്‍ പറഞ്ഞു. കരള്‍ മാറ്റിവയ്ക്കല്‍ ഏറെ ചിലവേറിയതും രാജ്യത്ത് ചുരുക്കം ചില ആശുപത്രികളില്‍ മാത്രം സൗകര്യവുമുള്ള ചികിത്സ രീതിയാണ്. ആസ്റ്റര്‍ മെഡ്‌സിറ്റിയിലെ ഇന്റഗ്രേറ്റഡ് ലിവര്‍ ട്രാന്‍സ്പ്ലാന്റ് ടീം രാജ്യത്തെ തന്നെ ഏറ്റവും മികച്ച പീഡിയാട്രിക് കരള്‍ മാറ്റിവയ്ക്കല്‍ വിഭാഗമാണ്. മെഡ്‌സിറ്റിയിലെ കരള്‍ മാറ്റിവയ്ക്കല്‍ ശസ്ത്രക്രിയക്ക് മറ്റിടങ്ങളേക്കാള്‍ ചിലവ് കുറവാണെങ്കിലും, പല രക്ഷിതാക്കള്‍ക്കും അത് താങ്ങാനാവുന്നതിലും അപ്പുറമാണ്. സോനു സൂദിനെ പോലെ ജീവകാരുണ്യ പ്രവര്‍ത്തനങ്ങളില്‍ ഏറെ തല്‍പരനായ താരത്തോടടൊപ്പം പദ്ധതിയില്‍ സഹകരിക്കാനായതിലും, നിരാലംബരായ നിരവധി കുടുംബങ്ങള്‍ക്ക് പ്രതീക്ഷയാകാനായതിലും ആസ്റ്ററിന് വലിയ സന്തോഷമുണ്ടെന്നും ആസാദ് മൂപ്പന്‍ വ്യക്തമാക്കി.
സാമ്പത്തികമായി പിന്നോക്കം നില്‍ക്കുന്ന 50 കുടുംബങ്ങളിലെ കുട്ടികള്‍ക്കാണ് ദി സെക്കന്റ് ചാന്‍സ് ഇനീഷ്യേറ്റീവിന്റെ ഭാഗമായി ചികിത്സ സഹായം ലഭിക്കുക. മെയ് മാസത്തില്‍ പദ്ധതിയുടെ പ്രഖ്യാപനം വന്നതിന് പിന്നാലെ അര്‍ഹരായ നിരവധി പേരാണ് ചികിത്സ സഹായം ആവശ്യപ്പെട്ട് മുന്നോട്ട് വന്നത്. മെഡിക്കല്‍ രംഗത്ത് രാജ്യം വലിയ പുരോഗതി കൈവരിച്ചിട്ടുണ്ടെങ്കിലും സഫാന്‍ അലിയെയും കുടുംബത്തെയും പോലുള്ളവര്‍ക്ക് ഉയര്‍ന്ന ചിലവ് കാരണം അതിന്റെ പ്രയോജനം ഇപ്പോഴും അകലെയാണെന്ന് സോനു സൂദ് പറഞ്ഞു. സെക്കന്‍ഡ് ചാന്‍സ് ഇനീഷ്യേറ്റീവിലൂടെ കൂടുതല്‍ കുട്ടികള്‍ക്ക് പുതിയ ജീവിതം സമ്മാനിക്കാനാവുമെന്നാണ് പ്രതീക്ഷയെന്നും അദ്ദേഹം കൂട്ടിച്ചേര്‍ത്തു.
അവയവം മാറ്റിവയ്ക്കല്‍ ശസ്ത്രക്രിയകള്‍ക്കായി അത്യാധുനിക സൗകര്യങ്ങളോട് കൂടിയ മള്‍ട്ടി-ഓര്‍ഗന്‍ ട്രാന്‍സ്പ്ലാന്റ് സെന്ററിന് ആസ്റ്റര്‍ ഹോസ്പിറ്റല്‍സ് രൂപം നല്‍കിയിരുന്നു. കരള്‍, വൃക്ക, ഹൃദയം, ശ്വാസകോശം, കോര്‍ണിയ, മജ്ജ തുടങ്ങി വിവിധ മാറ്റിവയ്ക്കല്‍ ശസ്ത്രക്രിയകള്‍ നടത്തുന്നതില്‍ ഏറെ വൈദഗ്ധ്യമുള്ള സര്‍ജന്‍മാരുടെ സംഘമാണ് ഈ കേന്ദ്രത്തെ നയിക്കുന്നത്. ദക്ഷിണേന്ത്യയിലെ തന്നെ ഏറ്റവും വലിയ പീഡിയാട്രിക് കരള്‍ മാറ്റിവയ്ക്കല്‍ വിഭാഗവും ഇവിടെയുണ്ട്. കുട്ടികളിലെ കരള്‍ രോഗ സംബന്ധമായി സമഗ്രമായ പരിചരണം ലക്ഷ്യമിട്ടുള്ളതാണ് ഇത്. മികച്ച കരള്‍ രോഗ വിദഗ്ധര്‍, കരള്‍ ശസ്ത്രക്രിയാ വിദഗ്ധര്‍, പരിശീലനം ലഭിച്ച കോര്‍ഡിനേറ്റര്‍മാര്‍, കൗണ്‍സിലര്‍മാര്‍ എന്നിവര്‍ക്ക് പുറമേ ക്രിട്ടിക്കല്‍ കെയര്‍ സ്പെഷ്യലിസ്റ്റുകള്‍, അനസ്തെറ്റിസ്റ്റുകള്‍, ഇന്റര്‍വെന്‍ഷണല്‍ റേഡിയോളജിസ്റ്റുകള്‍, ഫിസിയോതെറാപ്പിസ്റ്റുകള്‍ എന്നിവരും മികച്ച ഒരു നഴ്സിങ്ങ് ടീമും ഈ മള്‍ട്ടി-ഓര്‍ഗന്‍ ട്രാന്‍സ്പ്ലാന്റ് കേന്ദ്രത്തിലുണ്ട്. അഞ്ഞൂറിലധികം കരള്‍ മാറ്റിവയ്ക്കല്‍ ശസ്ത്രക്രിയകള്‍ ഇതിനോടകം വിജകരമായി ഇവിടെ പൂര്‍ത്തിയാക്കി കഴിഞ്ഞു.
Health
ഓള്‍ ഇന്ത്യ ക്രിട്ടിക്കല്‍ കെയര്‍ ഹോസ്പിറ്റല്‍ സര്‍വ്വേയില്‍ ആസ്റ്റര്‍ ഹോസ്പിറ്റലുകള്‍ക്ക് മികച്ച നേട്ടം
ആതുര സേവന രംഗത്ത് രാജ്യത്തെ മികച്ച ആശുപത്രികളെ തിരഞ്ഞെടുക്കുന്ന ഓള്‍ ഇന്ത്യ ക്രിട്ടിക്കല്‍ കെയര്‍ സര്‍വ്വേ 2022ല്‍ ആസ്റ്റര്‍ ഹോസ്പിറ്റലുകള്‍ക്ക് നേട്ടം.
ആതുര സേവന രംഗത്ത് രാജ്യത്തെ മികച്ച ആശുപത്രികളെ തിരഞ്ഞെടുക്കുന്ന ഓള്‍ ഇന്ത്യ ക്രിട്ടിക്കല്‍ കെയര്‍ സര്‍വ്വേ 2022ല്‍ ആസ്റ്റര്‍ ഹോസ്പിറ്റലുകള്‍ക്ക് നേട്ടം. കേരളത്തില്‍ നിന്നുള്ള ഏറ്റവും മികച്ച മള്‍ട്ടി സ്പെഷ്യലിറ്റി ഹോസ്പിറ്റലായി ആസ്റ്റര്‍ മെഡ്‌സിറ്റി കൊച്ചി തിരഞ്ഞെടുക്കപ്പെട്ടു.
കാര്‍ഡിയോളജി, യൂറോളജി, ഗ്യാസ്‌ട്രോഎന്‍ട്രോളജി&ഹീപ്പറ്റോളജി, ഓന്‍കോളജി, നെഫ്‌റോളജി, ന്യൂറോസയന്‍സസ്, എമര്‍ജന്‍സി ആന്‍ഡ് ട്രോമ, പീടിയാട്രിക്‌സ്, ഒബ്‌സ്റ്റെട്രിക്‌സ് ആന്‍ഡ് ഗൈനക്കോളജി എന്നീ വിഭാഗങ്ങളില്‍ ആസ്റ്റര്‍ മെഡ്‌സിറ്റി കൊച്ചി, ആസ്റ്റര്‍ മിംസ് കോഴിക്കോട് എന്നിവ ദേശീയ തലത്തില്‍ ഉയര്‍ന്ന റാങ്കുകള്‍ കരസ്ഥമാക്കി.
ആരോഗ്യ പരിചരണത്തിന് ഡോക്ടര്‍മാരുടെ സേവനം ഫലപ്രദമാവണമെങ്കില്‍ ചികിത്സാ അനുബന്ധമേഖലകളില്‍ പ്രാവീണ്യമുള്ള വിദഗ്ധരുടെ പിന്തുണ അനിവാര്യമാണെന്നതില്‍ തര്‍ക്കമില്ലല്ലോ? ചികിസ്തയുമായി ബന്ധപ്പെട്ട മേഖലകളിലെല്ലാം ഇടപെടല്‍ നടത്താന്‍ പരിശീലനം ലഭിച്ച പാരാമെഡിക്കല്‍ അല്ലെങ്കില്‍ അലൈഡ് മെഡിക്കല്‍ പ്രൊഫെഷനലുകള്‍ ആരോഗ്യ മേഖലയുടെ നട്ടെല്ലാണ്. ലോകത്തിന്റെ വിവിധ ഭാഗങ്ങളില്‍ മലയാളി വിദഗ്ധര്‍ നിസ്തുലമായ സംഭാവനകളാണ് ഈ രംഗത്തര്‍പ്പിച്ചുകൊണ്ടിരിക്കുന്നത്.
പാരാമെഡിക്കല്‍ മേഖലയിലെ പഠനാവസരങ്ങള്‍ മനസിലാക്കി യുക്തമായ കോഴ്‌സുകള്‍ തിരഞ്ഞെടുക്കാന്‍ ശ്രമിക്കുക എന്നതേറെ പ്രധാനമാണ്. പ്ലസ്ടു സയന്‍സ് ഗ്രൂപ് എടുത്ത് പഠിച്ചവര്‍ക്കാണ് പാരാമെഡിക്കല്‍ കോഴ്‌സുകള്‍ക് ചേരാനുള്ള യോഗ്യതയുള്ളത്. ബിരുദ, ഡിപ്ലോമ പ്രോഗ്രാമുകളാണ് നിലവിലുള്ളതെങ്കിലും ബിരുദ പ്രോഗ്രാമുകള്‍ പഠിക്കാനവസരം ലഭിക്കുമെങ്കിലത് കൂടുതല്‍ മികവുറ്റ അവസരങ്ങളിലെത്തിക്കുമെന്നോര്‍ക്കുക.
ഫാര്‍മസി ബിരുദ പ്രോഗ്രാമായ ബി.ഫാം ഒഴികെയുള്ള കോഴ്‌സുകളിലേക്കുള്ള അഡ്മിഷന്‍ നടക്കുന്നത് പ്ലസ്ടു മാര്‍ക്കിന്റെയടിസ്ഥാനത്തിലാണ്. ബി.ഫാം കോഴ്‌സ് പ്രവേശനം കേരള എന്‍ട്രന്‍സ് കമ്മീഷണര്‍ നടത്തിയ എന്‍ട്രന്‍സ് വഴിയായിരിക്കും. മറ്റു പാരാമെഡിക്കല്‍ ബിരുദ കോഴ്‌സുകളുടെ പ്രവേശനം നടത്തുന്നത് കേരള സര്‍ക്കാറിന്റെ നിയന്ത്രണത്തിലുള്ള ലാല്‍ ബഹദൂര്‍ ശാസ്ത്രി സെന്റര്‍ ഫോര്‍ സയന്‍സ് ആന്‍ഡ് ടെക്‌നോളജിയാണ്. പ്രവേശന പരീക്ഷയില്ലെങ്കിലും പ്ലസ്ടുവിന് മികച്ച മാര്‍ക്ക് നേടിയവര്‍ക്കാണ് താല്‍പര്യപ്പെട്ട കോഴ്‌സ് മികച്ച സ്ഥാപനത്തില്‍ പഠിക്കാനവസരമുണ്ടാവുക.
ബിരുദ കോഴ്‌സുകളില്‍ പ്രവേശനത്തിനുള്ള അറിയിപ്പ് ഉടനുണ്ടാവുമെന്നും ആവശ്യമായ സര്‍ട്ടിഫിക്കറ്റുകള്‍ തയാറാക്കി വെക്കണമെന്നും എല്‍ബിഎസ് അറിയിച്ചിട്ടുണ്ട്. എല്ലാ കോഴ്‌സുകള്‍ക്കും ഒരേ തരത്തിലുള്ള തൊഴില്‍ സാധ്യതകളല്ല നിലവിലുള്ളതെന്ന് തിരിച്ചറിഞ്ഞ് അവരവരുടെ അഭിരുചിയും തിരഞ്ഞെടുക്കാനുദ്ദേശിക്കുന്ന കോഴ്‌സിന്റെ തൊഴില്‍ മേഖലയും സാധ്യതയും മനസിലാക്കി വിവേകപൂര്‍ണമായ തീരുമാനമെടുക്കാന്‍ ശ്രദ്ധിക്കണം. സ്വന്തമായി പ്രാക്ടീസ് ചെയ്യാന്‍ സാധ്യതകളുള്ള കോഴ്‌സുകളും ഹോസ്പിറ്റലുകളുമായി മാത്രം ബന്ധപ്പെട്ട് പ്രവര്‍ത്തിക്കാന്‍ അവസരമൊരുക്കുന്ന മേഖലകളും വെവ്വേറെയായിത്തന്നെ കാണണം.ബി.എസ്.സി നഴ്‌സിംഗ് കോഴ്‌സുകള്‍ക്കൊപ്പം പ്രവേശനം നടത്തുന്ന പാരാമെഡിക്കല്‍ ബിരുദ കോഴ്‌സുകളെക്കുറിച്ചല്‍പം വിശദീകരിക്കാം.
ബി.എസ്.സി മെഡിക്കല്‍
ലാബ് ടെക്‌നോളജി
മെഡിക്കല്‍ സാമ്പിളുകള്‍ ശേഖരിക്കാനും ഉചിതമായ പരിശോധനകള്‍ നടത്താനും ലഭ്യമായ ഫലങ്ങള്‍ വിശകലനം ചെയ്യാന്‍ ഡോക്ടറെ സഹായിക്കുകയും ചെയ്യുന്നതുമായി ബന്ധപ്പെട്ടതാണീ കോഴ്‌സ്. രക്തമടക്കമുള്ള സാമ്പിളുകളിലെ സൂക്ഷ്മ ജീവികളുടെ സാന്നിധ്യം, രാസവിശകലനം, വിവിധ ഘടകങ്ങളുടെ അളവ് എന്നിവ സംബന്ധിച്ച് വിശലകലനം നടത്തുന്നത് രോഗനിര്‍ണയത്തിലേറെ സഹായകരമായിരിക്കും. പഠനത്തിന്റെ ഭാഗമായി ഹെമറ്റോളജി, ഹിസ്‌റ്റോ പത്തോളജി, മൈക്രോബയോളജി, ബയോകെമിസ്ട്രി എന്നിവയിലവഗാഹം നേടാനാവസരമുണ്ടാവും. യോഗ്യതയോടൊപ്പം വൈഭവവും പ്രയോഗികാനുഭവവും നേടി സ്വതന്ത്ര ലാബുകളും ആശുപതികളുമായി ബന്ധപ്പെട്ട് ടെക്‌നൊളജിസ്റ്റ്, സൂപ്പര്‍വൈസര്‍, മാനേജര്‍, അനലിസ്റ്റ് എന്നീ തസ്തികളില്‍ ജോലിക്ക് ശ്രമിക്കാം.
ബി.എസ്.സി മെഡിക്കല്‍ റേഡിയോളജിക്കല്‍
ടെക്‌നോളജി
എക്‌സ്‌റേ, എം.ആര്‍.ഐ, സി.ടി സ്‌കാന്‍ അടക്കമുള്ള ഇമേജിങ് നടപടിക്രമങ്ങള്‍ ഉപയോഗപ്പെടുത്തി രോഗനിര്‍ണയം നടത്താന്‍ ഡോക്ടറെ സഹായിക്കുന്ന പ്രൊഫഷനലുകളാണ് റേഡിയോളജിക്കല്‍ ടെക്‌നൊളജിസ്റ്റുകള്‍. കാര്‍ഡിയോ വാസ്‌കുലാര്‍ ഇന്റര്‍വെന്‍ഷണല്‍ റേഡിയോഗ്രാഫര്‍, മാമോഗ്രാഫി തുടങ്ങിയ മേഖലകളില്‍ സ്‌പെഷ്യലൈസ് ചെയ്യാനവസരമുണ്ട്. അനാട്ടമി, ഫിസിയോളജി, അറ്റോമിക്‌സ് ആന്‍ഡ് ന്യുക്ലിയാര്‍ ഫിസിക്‌സ്, റേഡിയേഷന്‍ ഫിസിക്‌സ്, റേഡിയോതെറാപ്പി ഇമേജിങ് ടെക്‌നിക്‌സ്, അടിസ്ഥാന ഇലക്ട്രോണിക്‌സ് തുടങ്ങിയവ പഠിക്കാനുണ്ടാവും.
ബി.എസ്.സി പെര്‍ഫ്യൂഷന്‍, ബാച്ചിലര്‍ ഓഫ്
കാര്‍ഡിയോ വാസ്‌കുലാര്‍ ടെക്‌നോളജി
ഹൃദയം, ശ്വാസകോശം തുടങ്ങിയവയുടെ അസുഖങ്ങളുമായി ബന്ധപ്പെട്ടു ശസ്ത്രക്രിയകള്‍ നടക്കുന്ന വേളയില്‍ ഈ അവയവങ്ങളുടെ പ്രവര്‍ത്തനം നടത്തുന്നതിന് വേണ്ടി സ്ഥാപിക്കുന്ന യന്ത്രങ്ങളുടെ പ്രവര്‍ത്തനത്തെ നിയന്ത്രിക്കുന്ന പ്രൊഫഷനലുകളാണ് ക്ലിനിക്കല്‍ പെര്‍ഫ്യൂഷനിസ്റ്റുകള്‍. ഓപ്പണ്‍ ഹാര്‍ട്ട് ശസ്ത്രക്രിയ പോലെയുള്ള സങ്കീര്‍ണ പ്രവര്‍ത്തനങ്ങള്‍ നടത്തുമ്പോള്‍ പെര്‍ഫ്യൂഷനിസ്റ്റുകളുടെ ഉത്തരവാദിത്തം കാര്യമായുണ്ടാവും. ഹൃദയം, രക്തധമനികള്‍ എന്നിവയുമായി ബന്ധപ്പെട്ട രോഗങ്ങളുടെ നിര്‍ണയവും ചികിത്‌സയും നടത്താന്‍ ഡോക്ടറെ സഹായിക്കുന്ന പ്രൊഫഷനലുകളാണ് കാര്‍ഡിയോ വാസ്‌കുലാര്‍ ടെക്‌നൊളജിസ്റ്റുകള്‍. ഇന്‍വേസീവ് കാര്‍ഡിയോ വാസ്‌കുലാര്‍ ടെസ്റ്റിംഗ് പോലെയുള്ള ചികിത്സാ നടപടികള്‍ക്ക് കാര്‍ഡിയോ വാസ്‌ക്കുലാര്‍ ടെക്‌നൊളജിസ്റ്റുകളുടെ സേവനം ആവശ്യമായി വരും.
സാമാന്യം വലിയ ആശുപത്രികളുമായി ബന്ധപ്പെട്ടാണ് ഈ രണ്ട് പ്രൊഫഷനലുകള്‍ക്കവസരമുള്ളത്. തൊഴില്‍രീതിയുടെ സവിശേഷത കൊണ്ടും പുത്തന്‍ സാങ്കേതികവിദ്യയുടെ സ്വാധീനമുണ്ടാവാവനിടയുള്ളതുകൊണ്ടും ഈ കോഴ്‌സുകള്‍ക്ക് വിപുലമായ സാധ്യതകള്‍ കണക്കാക്കുക പ്രയാസകരമാണ്.
-
Video Stories8 years agoകൊടിഞ്ഞിയില്‍ കൊല്ലപ്പെട്ട ഫൈസലിന്റ കഫീല്‍ അബ്ദുല്ല അല്‍മുഹാവിസിന്റെ വാക്കുകള്‍ വൈറലാവുന്നു
-
Culture8 years agoഅനസ്‌തേഷ്യയില്ലാത്ത ശസ്ത്രക്രിയയില്‍ ഖുര്‍ആന്‍ ഉരുവിട്ട് കുഞ്ഞ്; വാര്‍ത്ത വായിക്കുമ്പോള്‍ വിതുമ്പിക്കരഞ്ഞ് അവതാരകന്‍
-
More8 years agoഭോപ്പാല്‍ വിവാദ ഏറ്റുമുട്ടല്‍; കൂടുതല്‍ തെളിവുകളോടെ മൂന്നാമത്തെ വീഡിയോ പുറത്ത്
-
More8 years ago‘മകളെ കൊണ്ട് കള്ളം പറയിച്ചു’ ദിലീപ്-കാവ്യ വിവാഹത്തില്‍ മഞ്ജുവിന്റെ പ്രതികരണം
-
Culture8 years agoവഴിയോര കച്ചവടങ്ങളിലെ ബിരിയാണിയില്‍ പൂച്ച മാംസം
-
Culture5 years agoവീട്ടമ്മയുടെ നഗ്നദൃശ്യങ്ങള്‍ ഭര്‍ത്താവിന് വാട്‌സ് ആപ്പില്‍; പ്രതിയെ കണ്ട് ഞെട്ടി പൊലീസും വീട്ടുകാരും
-
Culture8 years ago‘സോനു നിഗം പ്രിയങ്കയില്‍ നിന്നു പഠിക്കണം; ബാങ്കുവിളിയെക്കുറിച്ചുള്ള അധിക്ഷേപത്തിന് ശേഷം പ്രിയങ്കയുടെ ബാങ്കുവിളി പരാമര്‍ശം വൈറല്‍
-
Culture8 years agoഅണികളില്‍ നിന്ന് ‘മുര്‍ദാബാദ് വിളി’; അസ്വസ്ഥനായി മോദി – മാധ്യമങ്ങള്‍ കണ്ടില്ലെന്ന് നടിച്ച വീഡിയോ