Video Stories
കിങ് ഖാന് 4000 കോടി, സല്മാന് 2300 കോടി; താരങ്ങളുടെ ബാങ്ക് ബാലന്സ് ഇതാ
![](https://demo.chandrikadaily.com/wp-content/uploads/2016/11/15139418_1063393300452948_572258412_n.jpg)
ന്യൂഡല്ഹി: അഞ്ഞൂറിന്റെയും ആയിരത്തിന്റെയും നോട്ടുകള് അസാധുവാക്കിയതോടെ രാജ്യത്തെ ജനങ്ങളുടെ ബാങ്ക് അക്കൗണ്ടുകളും നിരീക്ഷണത്തിലാണ്. പ്രമുഖ സിനിമാ താരങ്ങളും ഇതില് ഉള്പ്പെടും. അഞ്ച് പ്രമുഖ ബോളിവുഡ് താരങ്ങളുടെ ബാങ്ക് ബാലന്സ് ഇതാണ്: ഷാരൂഖ് ഖാന് 600 ദശലക്ഷം ഡോളറാണ് ഇന്ത്യന് സിനിമാലോകത്തെ കിങ് ഖാനായ ഷാരൂഖ് ഖാന്റെ മൊത്തം ബാങ്ക് ബാലന്സ്. അതായത് 40692270000 (4000 കോടി) രൂപ. ബോക്സോഫീസില് റെക്കോര്ഡ് ഭേദിച്ച കുച്ച് കുച്ച് ഹോത്താഹെ, ഓം ശാന്തി ഓം തുടങ്ങിയ ചിത്രങ്ങളിലെ അഭിനയത്തിന് കിങ് ഖാന് കോടികള് പ്രതിഫലമായി ലഭിച്ചിരുന്നു. ഡ്രീംസ് അണ്ലിമിറ്റഡ്, റെഡ് ചില്ലീസ് എന്റര്റ്റൈന്മെന്റ് തുടങ്ങിയ രണ്ടു പ്രൊഡക്ഷന് കമ്പനികളിലൂടെയുള്ള വരുമാനവും ഷാരൂഖിന്റെ ബാങ്ക് ബാലന്സിന്റെ കനം കൂട്ടി. ഏറ്റവും കൂടുതല് പ്രതിഫലം ലഭിക്കുന്ന ലോക താരങ്ങളുടെ നിരയില് ഷാരൂഖിന് അഞ്ചാം സ്ഥാനമാണുള്ളത്.
സല്മാന് ഖാന് ബോളിവുഡിന്റെ മസില്മാന് സല്മാന് ഖാന്റെ ബാങ്ക് ബാലന്സ് 230 ദശലക്ഷം ഡോളറാണെന്ന് റിപ്പോര്ട്ട്. അതായത് 15598703500 രൂപ (1500 കോടി). 80 ഹിന്ദി ചിത്രങ്ങളിലൂടെയാണ് സല്മാന് ഇത്രയും തുക സ്വന്തമാക്കിയത്. കണക്കില്പ്പെട്ട തുക ഇതാണെങ്കിലും വാഹനാപകട കേസിലും മാന്വേട്ട കേസിലും പ്രതിയാക്കപ്പെട്ട സല്മാന് കണക്കില്പ്പെടാത്ത ഒട്ടേറെ സ്വത്തുക്കളുണ്ടെന്ന് നേരത്തെ കണ്ടെത്തിയിരുന്നു. ഹോളിവുഡ് നടന് ജാക്കിചാനും സല്മാന്റെ അതേ തുക തന്നെയാണ് ബാങ്ക് അക്കൗണ്ടിലുള്ളത്.
അമിതാഭ് ബച്ചന് ബിഗ് ബി അമിതാഭ് ബച്ചനാകട്ടെ 196 ദശലക്ഷം ഡോളറാണ് (1300 കോടി) ബാങ്ക് അക്കൗണ്ടിലുള്ളതെന്നാണ് കണക്കുകള് സൂചിപ്പിക്കുന്നത്. സിനിമകള്ക്കു പുറമെ കോന് ബനേഗാ ക്രോര്പതിയാണ് ബിഗ്ബിയുടെ പ്രധാന വരുമാന സ്രോതസ്സായി ചൂണ്ടിക്കാട്ടുന്നത്. ബോളിവുഡില് ഏറ്റവും കൂടുതല് പ്രതിഫലം പറ്റുന്ന നടന്മാരിലൊരാളാണ് ബച്ചന്.
അക്ഷയ് കുമാര് ആക്ഷന് ഹീറോയായി അറിയപ്പെടുന്ന അക്ഷയ് കുമാറിന്റെ ബാങ്ക് അക്കൗണ്ടില് 170 ദശലക്ഷം ഡോളറുണ്ടെന്നാണ് റിപ്പോര്ട്ട്. അതായത് ഏകദേശം 11522600000 രൂപ (1150 കോടി). രാജീവ് ഹരി ഓം ഭാട്ട്യ എന്ന അക്ഷയ് കുമാര് അഭിനയത്തിലൂടെ മാത്രമല്ല, സംവിധാനം, മാര്ഷ്യല് ആര്ട്സ് എന്നീ മേഖലകളിലും പ്രവീണ്യം തെളിയിച്ചിട്ടുണ്ട്. ലോക കബഡി ലീഗില് ഖാല്സ വാരിയേഴ്സ് അക്ഷയ് കുമാര് ഉടമസ്ഥതയിലുള്ളതാണ്.
ആമിര് ഖാന് അക്ഷയ് കുമാറിനേക്കാള് അല്പം കൂടുതലാണ് നടന് ആമിര് ഖാന്റെ ബാങ്ക് ബാലന്സ്. 180 ദശലക്ഷം ഡോളറാണ് അദ്ദേഹത്തിന്റെ അക്കൗണ്ടിലുള്ളതെന്ന് ദേശീയ മാധ്യമങ്ങള് റിപ്പോര്ട്ട് ചെയ്തു. അതായത് 12200400000 രൂപ (1200 കോടി). രാജഹിന്ദുസ്ഥാനി, ലഗാന്, പി.കെ, ത്രീ ഇഡിയറ്റ്സ് തുടങ്ങി നിരവധി ചിത്രങ്ങളിലൂടെ ജനശ്രദ്ധ നേടിയ ആമിര് ഖാന് സംവിധായകന്, നിര്മാതാവ്, അവതാരകന് എന്നീ നിലകളിലും പ്രശസ്തനാണ്.
main stories
മുഖ്യമന്ത്രിയെ കരിങ്കൊടി കാണിച്ച കെ.എസ്.യു നേതാവിന് സി.പി.എം പ്രവര്ത്തകരുടെ മര്ദനം
മുഖ്യമന്ത്രി പിണറായി വിജയന് നേരെ കരിങ്കൊടി കാണിച്ച കെ.എസ്.യു നേതാവിന് സി.പി.എം പ്രവര്ത്തകരുടെ മര്ദനം.
![](https://demo.chandrikadaily.com/wp-content/uploads/2022/06/ct.jpg)
മുഖ്യമന്ത്രി പിണറായി വിജയന് നേരെ കരിങ്കൊടി കാണിച്ച കെ.എസ്.യു നേതാവിന് സി.പി.എം പ്രവര്ത്തകരുടെ മര്ദനം.കണ്ണൂര് കെ.എസ്.യു ജില്ല വൈസ്പ്രസിഡന്് ഫര്ഹാന് മുണ്ടേരിക്കാണ് മര്ദനമേറ്റത്.
മുഖ്യമന്ത്രിക്ക് നേരെ കരിങ്കൊടി കാട്ടിയ ഫര്ഹാനെ പോലീസ് കസ്സറ്റഡിയിലെടുക്കുന്നതിനിടെയായിരുന്നു സി.പി.എം പ്രവര്ത്തകരുടെ മര്ദനം.ഫര്ഹാന് മുണ്ടേരി നിലവില് പോലീസ് കസ്സറ്റഡിയിലാണ്.
kerala
അയ്യൂബിന്റെ ഓട്ടോ ഓടിയത് സി.എച്ച്.സെന്ററിന് വേണ്ടി
കാരുണ്യ യാത്രയിൽ കളക്ഷനായി ലഭിച്ച മുഴുവൻ തുകയും രാത്രിയോടെ കമ്മറ്റിക്ക് കൈമാറി.
![](https://demo.chandrikadaily.com/wp-content/uploads/2022/04/IMG-20220416-WA0002.jpg)
റഊഫ് കൂട്ടിലങ്ങാടി
കൂട്ടിലങ്ങാടി: സി.എച്ച്.സെന്റർ ദിനത്തിൽ കൂട്ടിലങ്ങാടിയിലെ ഓട്ടോ ഡ്രൈവർ മാരത്തൊടി അയ്യൂബ് തന്റെ ഓട്ടോറിക്ഷ ഓടിയത് സി.എച്ച്.സെന്റ്റിന് കലക്ഷൻ ശേഖരിക്കുന്നതിന് വേണ്ടി.
KL -O6 H 291 നമ്പറിലുള്ള ഓട്ടോയിൽ “ഇന്നത്തെ കലക്ഷൻ സി.എച്ച് സെന്ററിന്” എന്ന് എഴുതിയ സ്റ്റിക്കർ പതിച്ചാണ് കാരുണ്യ യാത്രക്കാരുങ്ങി വെള്ളിയാഴ്ച രാവിലെ അയ്യൂബ് ഓട്ടോ സ്റ്റാന്റിലേക്ക് എത്തിയത്.
അശരണരും ആലംബഹീനരുമായ വേദനയനുഭവിക്കുന്ന ആയിരങ്ങളുടെ കണ്ണീരൊപ്പാൻ സി.എച്ച്.സെന്റർ നടത്തുന്ന കാരുണ്യ പ്രവർത്തനത്ത നങ്ങളിൽ ഒരു കൈ സഹായം നൽകി പങ്കാളിത്തം വഴിക്കാൻ കഴിഞ്ഞ ആത്മസംതൃപ്തിയിലാണ് യൂത്ത് ലീഗ് പ്രവർത്തകനായ അയ്യൂബ്.
കാരുണ്യ യാത്രയിൽ കളക്ഷനായി ലഭിച്ച മുഴുവൻ തുകയും രാത്രിയോടെ കമ്മറ്റിക്ക് കൈമാറി. വാർഡ് മെമ്പർ കൂരി മുസ്തഫ,ഷമീർ കോപ്പിലാൻ എന്നിവർ തുക ഏറ്റുവാങ്ങി.
Health
അറുപത് ഡി ബി എസ് ശസ്ത്രക്രിയകളുമായി ആസ്റ്റര് ഹോസ്പിറ്റല്
കേരളത്തില് കോഴിക്കോട് ആസ്റ്റര് മിംസ്, കൊച്ചി ആസ്റ്റര് മെഡ്സിറ്റി എന്നിവിടങ്ങളിലാണ് ഡി ബി എസ് ശസ്ത്രക്രിയ പ്രധാനമായും നിര്വ്വഹിക്കുന്നത് .
![](https://demo.chandrikadaily.com/wp-content/uploads/2022/04/GridArt_20220411_104258224.png)
കോഴിക്കോട്: പാര്ക്കിന്സണ്സ് രോഗത്തിനുള്ള ഏറ്റവും ഫലപ്രദമായ ചികിത്സയായ ഡീപ് ബ്രെയിന് സ്റ്റിമുലേഷന് (ഡി ബി എസ്) അറുപത് എണ്ണം പൂര്ത്തിയാക്കിക്കൊണ്ട് കേരളത്തിലെ ആസ്റ്റര് ഹോസ്പിറ്റലുകള് ശ്രദ്ധേയമാകുന്നു. വളരെ ചുരുങ്ങിയ കാലയളവിനുള്ളിലാണ് അറുപത് ഡി ബി എസ് ശസ്ത്രക്രിയകള് വിജയകരമായി പൂര്ത്തീകരിക്കാന് ആസ്റ്റര് ഹോസ്പിറ്റലുകള്ക്ക് സാധിച്ചിരിക്കുന്നത്. ലോകത്തിലെ തന്നെ ഏറ്റവും മികച്ച ഡി ബി എസ് സെന്ററുകളുടെ നിരക്കുകളോട് സമാനത പുലര്ത്തുന്ന നേട്ടമാണിത്.
നിലയ്ക്കാത്ത വിറയലും അനുബന്ധമായ മറ്റ് ബുദ്ധിമുട്ടുകളുമാണ് പാര്ക്കിന്സണ്സ് രോഗത്തിന്റെ പ്രധാന ലക്ഷണവും പ്രതിസന്ധിയും. ഇത് മൂലം രോഗബാധിതരായവരുടെ ദൈനംദിന ജീവിതം തന്നെ ദുരിതത്തിലാവുകയും സമാനതകളില്ലാത്ത പ്രതിസന്ധികള് അവര് അഭിമുഖീകരിക്കേണ്ടി വരികയും ചെയ്യുന്നു. അടുത്ത കാലം വരെ ഫലപ്രദമായ ചികിത്സകളില്ലാതിരുന്ന രോഗം എന്ന നിലയിലായിരുന്നു പാര്ക്കിന്സണ്സിനെ നോക്കിക്കണ്ടിരുന്നത്. എന്നാല് ഡി ബി എസിന്റെ ആവിര്ഭാവത്തോടെ ഈ അവസ്ഥയ്ക്ക് വലിയ പരിഹാരമാണ് സൃഷ്ടിക്കപ്പെട്ടിരിക്കുന്നത്. തലച്ചോറില് ഇലക്ട്രോഡുകള് ശസ്ത്രക്രിയ വഴി സ്ഥാപിക്കുകയും ഇതിന്റെ തരംഗങ്ങള് ഉപയോഗപ്പെടുത്തി രോഗലക്ഷണങ്ങള്ക്ക് കാരണമാകുന്ന അസാധാരണ പ്രവര്ത്തനങ്ങളെ പ്രതിരോധിക്കുകയോ കുറയ്ക്കുകയോ ചെയ്യുകയുമാണ് ഡി ബി എസിലൂടെ നിര്വ്വഹിക്കപ്പെടുന്നത്.
കേരളത്തില് കോഴിക്കോട് ആസ്റ്റര് മിംസ്, കൊച്ചി ആസ്റ്റര് മെഡ്സിറ്റി എന്നിവിടങ്ങളിലാണ് ഡി ബി എസ് ശസ്ത്രക്രിയ പ്രധാനമായും നിര്വ്വഹിക്കുന്നത് എന്ന് ശ്രീ. ഫര്ഹാന് യാസിന് (റീജ്യണല് ഡയറക്ടര്, ആസ്റ്റര് ഹോസ്പിറ്റല്സ്) പറഞ്ഞു. നിലവിലുള്ള ഏറ്റവും ഫലപ്രദമായ ചികിത്സാ രീതിയാണ് ഡി ബി എസ് എന്നും ഇതുമായി ബന്ധപ്പെട്ടുള്ള ഏത് അന്വേഷണങ്ങള്ക്കും 9746554443 (കൊച്ചിന്), 95623 30022 (കോഴിക്കോട്) എന്നീ നമ്പറുകളില് ബന്ധപ്പെടാവുന്നതാണെന്നും അദ്ദേഹം കൂട്ടിച്ചേര്ത്തു.
-
Video Stories8 years ago
കൊടിഞ്ഞിയില് കൊല്ലപ്പെട്ട ഫൈസലിന്റ കഫീല് അബ്ദുല്ല അല്മുഹാവിസിന്റെ വാക്കുകള് വൈറലാവുന്നു
-
Culture8 years ago
അനസ്തേഷ്യയില്ലാത്ത ശസ്ത്രക്രിയയില് ഖുര്ആന് ഉരുവിട്ട് കുഞ്ഞ്; വാര്ത്ത വായിക്കുമ്പോള് വിതുമ്പിക്കരഞ്ഞ് അവതാരകന്
-
More8 years ago
ഭോപ്പാല് വിവാദ ഏറ്റുമുട്ടല്; കൂടുതല് തെളിവുകളോടെ മൂന്നാമത്തെ വീഡിയോ പുറത്ത്
-
More8 years ago
‘മകളെ കൊണ്ട് കള്ളം പറയിച്ചു’ ദിലീപ്-കാവ്യ വിവാഹത്തില് മഞ്ജുവിന്റെ പ്രതികരണം
-
Culture8 years ago
വഴിയോര കച്ചവടങ്ങളിലെ ബിരിയാണിയില് പൂച്ച മാംസം
-
Culture5 years ago
വീട്ടമ്മയുടെ നഗ്നദൃശ്യങ്ങള് ഭര്ത്താവിന് വാട്സ് ആപ്പില്; പ്രതിയെ കണ്ട് ഞെട്ടി പൊലീസും വീട്ടുകാരും
-
Culture7 years ago
‘സോനു നിഗം പ്രിയങ്കയില് നിന്നു പഠിക്കണം; ബാങ്കുവിളിയെക്കുറിച്ചുള്ള അധിക്ഷേപത്തിന് ശേഷം പ്രിയങ്കയുടെ ബാങ്കുവിളി പരാമര്ശം വൈറല്
-
Culture8 years ago
അണികളില് നിന്ന് ‘മുര്ദാബാദ് വിളി’; അസ്വസ്ഥനായി മോദി – മാധ്യമങ്ങള് കണ്ടില്ലെന്ന് നടിച്ച വീഡിയോ