Science
ബഹിരാകാശത്ത് 400 പേര്ക്ക് താമസിക്കാം; ഹോട്ടലും തിയറ്ററും, കാത്തിരിക്കേണ്ടത് വെറും ആറു കൊല്ലം മാത്രം
ബഹിരാകാശത്ത് ഹോട്ടല് പണിയാനുള്ള ഒരുക്കത്തിലാണ് ഗ്രൂപ്പ് ഓര്ബിറ്റല് അസംബ്ലി എന്ന സ്ഥാപനം
ചൊവ്വയിലും ചന്ദ്രനിലും മനുഷ്യവാസം ഉറപ്പാക്കുന്നതിനുള്ള പരീക്ഷണങ്ങള് ശാസ്ത്രലോകത്ത് അതിവേഗത്തില് പുരോഗമിക്കുകയാണ്. ഇത് യാഥാര്ത്ഥ്യമാകുന്നത് അധികം വിദൂരമല്ല എന്നതാണ് വിവിധ ഗവേഷണ റിപ്പോര്ട്ടുകള് നല്കുന്ന സൂചനകള്. എന്നാല് അതിനിടെ പുറത്തുവരുന്നത് മറ്റൊരു കൗതുകം നിറയ്ക്കുന്ന വാര്ത്തയാണ്.
ബഹിരാകാശത്ത് ഹോട്ടല് പണിയാനുള്ള ഒരുക്കത്തിലാണ് ഗ്രൂപ്പ് ഓര്ബിറ്റല് അസംബ്ലി എന്ന സ്ഥാപനം. 2025 ഓടേ ഭൂമിക്ക് അടുത്തുള്ള ഭ്രമണപഥത്തില് സ്പേസ്ഷിപ്പിന്റെ നിര്മ്മാണം ആരംഭിക്കാനാണ് കമ്പനിയുടെ ആദ്യ ലക്ഷ്യം. 2027 ഓടേ റിസോര്ട്ട് യാഥാര്ത്ഥ്യമാക്കാനാണ് പദ്ധതി. 400 പേര്ക്ക് വരെ ഒരേ സമയം താമസിക്കാന് കഴിയുന്ന റിസോര്ട്ടിന് രൂപം നല്കാനാണ് കമ്പനി പരിപാടിയിടുന്നത്.
കറങ്ങിക്കൊണ്ടിരിക്കുന്ന ചക്രവുമായി ബന്ധിപ്പിച്ച് കൊണ്ട് വ്യക്തിഗത സൗകര്യങ്ങള്ക്ക് രൂപം നല്കും. വീലിന്റെ ആക്സില് മാതൃകയിലാണ് ഇവ ബന്ധിപ്പിക്കുക. അത്യാധുനിക സൗകര്യങ്ങള് എല്ലാം ലഭ്യമാക്കുന്ന വിധമാണ് രൂപരേഖ. ഹെല്ത്ത് സ്പാ, സിനിമാ തിയറ്റര്, ജിം, ലൈബ്രറി തുടങ്ങി വിവിധ സേവനങ്ങള് ലഭ്യമാക്കും. ഭൂമിയെ കാണാന് കഴിയുന്നവിധം ലോഞ്ചുകള് നിര്മ്മിക്കും. ബാറുകളും മുറികളുമാണ് മറ്റു പ്രത്യേകതകള്. 400 പേര്ക്ക് വരെ താമസിക്കാന് കഴിയുന്നവിധമാണ് മുറികള് ഒരുക്കുക. അടിസ്ഥാന സൗകര്യങ്ങളായ വെള്ളം, വൈദ്യുതി എന്നിവയും ഉറപ്പാക്കും.
ഓരോ 90 മിനിറ്റിലും ഭൂമിയെ വലംവെയ്ക്കുന്ന നിലയിലാണ് സ്പേസ് സ്റ്റേഷന് രൂപം നല്കുക. സ്പേസ് സ്റ്റേഷനില് ഹോട്ടല് തുടങ്ങുന്നതിന് സ്ഥലം വാങ്ങാന് കഴിയുന്നവിധമാണ് പദ്ധതി.പ്രൈവറ്റ് വില്ല വാങ്ങാനുള്ള സൗകര്യമാണ് മറ്റൊന്ന്. ഒരു വൃത്തത്തിന്റെ മാതൃകയിലായിരിക്കും സ്പേസ് സ്റ്റേഷന്.
Health
ഹൈബ്രിഡ് ഇമ്മ്യൂണിറ്റി; ഒമിക്രോണിനെതിരെ ഫലപ്രദമെന്ന് പഠനം
അണുബാധ മുമ്പുണ്ടായ ഒരാള്ക്ക് വാക്സിനേഷന് എടുക്കുന്നതിലൂടെ രൂപപ്പെടുന്ന സങ്കര പ്രതിരോധ ശേഷിയെയാണ് ഹൈബ്രിഡ് ഇമ്മ്യൂണിറ്റി എന്ന് വിളിക്കുന്നത്.
കൊച്ചി: ഹൈബ്രിഡ് ഇമ്മ്യൂണിറ്റി ഒമിക്രോണ് വൈറസിനെ ഫലപ്രദമായി നിര്വീര്യമാക്കുന്നുവെന്ന് പ്രമുഖ ക്ലിനിക്കല് ഇമ്മ്യൂണോളജിസ്റ്റും റൂമറ്റോളജിസ്റ്റുമായ ഡോ.പദ്മനാഭ ഷേണായി. ഭൂരിഭാഗം ഇന്ത്യക്കാര്ക്കും ഹൈബ്രിഡ് ഇമ്മ്യൂണിറ്റി ഉള്ളതിനാലാണ് ഒമിക്രോണിന്റെ രൂപത്തിലെത്തിയ കോവിഡ് മൂന്നാം തരംഗം യുഎസ്, യുകെ പോലുള്ള രാജ്യങ്ങളെ അപേക്ഷിച്ച് ഇന്ത്യയില് മരണ നിരക്ക് കുറയാന് കാരണമെന്ന് തന്റെ പഠനത്തിലൂടെ കണ്ടെത്തിയതായി ഡോ.ഷേണായി വാര്ത്താ സമ്മേളനത്തില് പറഞ്ഞു.
കൊച്ചിയിലെ സെന്റര് ഫോര് ആര്െ്രെതറ്റിസ് ആന്ഡ് റുമാറ്റിസം എക്സലന്സില് കോവിഡ് ബാധിച്ചവരോ ഒരു ഡോസ് കോവിഷീല്ഡ് വാക്സിന് എടുത്തവരോ ആയ രണ്ടായിരം പേരില് നടത്തിയ പഠനത്തിലാണ് പുതിയ കണ്ടെത്തല്. കോവിഡ് പോലുള്ള ഏത് വൈറസ് ബാധയെയും ചെറുക്കുന്നത് ശരീരത്തിലെ പ്രതിരോധശേഷിയാണ്. ഏതൊരാള്ക്കും പ്രതിരോധശേഷി ലഭിക്കുന്നത് സ്വാഭാവികമായ അണുബാധയിലൂടെയോ വാക്സിനേഷനിലൂടെയോ ആണ്. അണുബാധ മുമ്പുണ്ടായ ഒരാള്ക്ക് വാക്സിനേഷന് എടുക്കുന്നതിലൂടെ രൂപപ്പെടുന്ന സങ്കര പ്രതിരോധ ശേഷിയെയാണ് ഹൈബ്രിഡ് ഇമ്മ്യൂണിറ്റി എന്ന് വിളിക്കുന്നത്.
കോവിഡ് വരാത്ത ഒരാള്ക്ക് രണ്ട് ഡോസ് കോവിഷീല്ഡ് വാക്സിനിലൂടെ ലഭിച്ച പ്രതിരോധശേഷിയേക്കാള് 30 മടങ്ങ് അധിക പ്രതിരോധശേഷി കോവിഡ് വന്നതിന് ശേഷം ഒരു ഡോസ് വാക്സിന് മാത്രം സ്വീകരിച്ചവരിലുള്ളതായി മുമ്പ് നടത്തിയ പഠനത്തിലൂടെ കണ്ടെത്തിയിരുന്നു. ഇപ്രകാരം അധിക പ്രതിരോധശേഷി കൈവരിച്ചവരെയാണ് ഹൈബ്രിഡ് ഇമ്മ്യൂണിറ്റി ഗണത്തില് പെടുത്തിയിരിക്കുന്നത്.
രണ്ട് ഡോസ് വാക്സിന് സ്വീകരിച്ച 60% ആളുകള്ക്കും, ഹൈബ്രിഡ് പ്രതിരോധശേഷിയുള്ള 90% ആളുകള്ക്കും യഥാര്ഥ കോവിഡ് വൈറസിനെ പ്രതിരോധിക്കാന് കഴിഞ്ഞു. ഡെല്റ്റ വകഭേദത്തിലും ഈ കണക്കുകള് ഏതാണ്ട് സമാനമായിരുന്നു. കോവിഡ് വന്നതിന് ശേഷം കോവാക്സിന് സ്വീകരിച്ചവരില് ഒമിക്രോണ് വകഭേദത്തെ നിര്വീര്യമാക്കാനുള്ള കഴിവ് എത്രത്തോളമുണ്ട്, കോവിഡ് വന്നവരില് രണ്ടാം ഡോസ് കോവിഷീല്ഡ് വാക്സിന് നല്കുന്നതിലൂടെ ഒമിക്രോണിനെ നേരിടുന്നതിനായി ഉയര്ന്ന പ്രതിരോധശേഷി ലഭിക്കുന്നുണ്ടോ എന്നിവയെക്കുറിച്ചുള്ള പഠനങ്ങള് പുരോഗമിക്കുകയാണെന്നും ഡോക്ടര് അറിയിച്ചു. പഠന റിപ്പോര്ട്ട് ലണ്ടനില് നിന്നും പ്രസിദ്ധീകരിക്കുന്ന വിഖ്യാതമായ ലാന്സെറ്റ് റുമറ്റോളജി ജേണലിന്റെ 2021 നവംബര് ലക്കത്തില് പ്രസിദ്ധീകരിച്ചിട്ടുണ്ട്.
Health
കോവിഡ്,അടുത്ത വകഭേദത്തെ കുറിച്ച് വ്യക്തതയില്ല:ഡബ്ല്യു.എച്ച്.ഒ
വൈറസിന്റെ അവസാന വകഭേദമായിരിക്കില്ല ഒമിക്രോണെന്ന് ശാസ്ത്രജ്ഞര് മുന്നറിയിപ്പ് നല്കിയതിന് ദിവസങ്ങള്ക്ക് ശേഷമാണ് ലോകാരോഗ്യ സംഘടന ഇത്തരമൊരു പ്രസ്താവന നടത്തുന്നത്.
ജനീവ: കോവിഡ് വൈറസിന്റെ പരിണാമത്തെക്കുറിച്ച് ആരോഗ്യ വിദഗ്ധര്ക്ക് ഇതുവരെ വ്യക്തമായ നിഗമനത്തിലെത്താന് കഴിഞ്ഞിട്ടില്ലെന്ന് ലോകാരോഗ്യ സംഘടന. വൈറസ് ഇപ്പോഴും പരിണമിച്ച് കൊണ്ടിരിക്കുന്നതിനാല് അടുത്ത വകഭേദം എങ്ങനെയായിരിക്കുമെന്ന് പ്രവചിക്കാനാവില്ലെന്ന് ലോകാരോഗ്യ സംഘടനയിലെ സാംക്രമികരോഗ വിദഗ്ധയും കോവിഡ് 19 സാങ്കേതിക സംഘത്തിന്റെ മേധാവിയുമായ മരിയ വാന് കെര്ഖോവ് അഭിപ്രായപ്പെട്ടു.
ഗ്ലോബല് ഇന്ഫ്ലുവന്സ് സര്വൈലന്സ് ആന്ഡ് റെസ്പോണ്സ് സിസ്റ്റത്തിന് കൂടുതല് ഡാറ്റ കിട്ടിയാല് മാത്രമേ വൈറസിന്റെ പരിണാമത്തെക്കുറിച്ച് മനസ്സിലാക്കാന് സാധിക്കൂവെന്ന് തന്റെ പ്രസ്താവനക്ക് വ്യക്തത വരുത്തി കെര്ഖോവ് ട്വീറ്റ് ചെയ്തു. സാധാരണ പകര്ച്ചപ്പനികളെ അപേക്ഷിച്ച് കാലാനുസൃതമല്ലാതെയാണ് കൊറോണ വൈറസ് പരിണമിക്കുന്നതെന്നും അതുകൊണ്ട് പരിണാമത്തെക്കുറിച്ച് പ്രവചിക്കാനാവില്ലെന്നും അവര് കൂട്ടിച്ചേര്ത്തു.
വൈറസിന്റെ അവസാന വകഭേദമായിരിക്കില്ല ഒമിക്രോണെന്ന് ശാസ്ത്രജ്ഞര് മുന്നറിയിപ്പ് നല്കിയതിന് ദിവസങ്ങള്ക്ക് ശേഷമാണ് ലോകാരോഗ്യ സംഘടന ഇത്തരമൊരു പ്രസ്താവന നടത്തുന്നത്.
india
രാജ്യത്ത് അടുത്ത വര്ഷം മുതല് 5 ജി
രാജ്യത്ത് അടുത്ത വര്ഷം ഇന്റര്നെറ്റ് 5ജി ആരംഭിക്കും. 2022 ഏപ്രില്, മെയ് മാസങ്ങളിലായി 5ജി സ്പെക്ട്രം വിതരണം നടക്കുമെന്ന് കേന്ദ്ര സര്ക്കാര്
ന്യൂഡല്ഹി: രാജ്യത്ത് അടുത്ത വര്ഷം ഇന്റര്നെറ്റ് 5ജി ആരംഭിക്കും. 2022 ഏപ്രില്, മെയ് മാസങ്ങളിലായി 5ജി സ്പെക്ട്രം വിതരണം നടക്കുമെന്ന് കേന്ദ്ര സര്ക്കാര് അറിയിച്ചു. ടെലികോം മന്ത്രി അശ്വനി വൈഷ്ണവാണ് ഇക്കാര്യം അറിയിച്ചത്.
5ജി മാറ്റത്തെ കുറിച്ചുള്ള ട്രായിയുടെ റിപ്പോര്ട്ട് ഫെബ്രുവരിയില് കേന്ദ്രത്തിന് കിട്ടും. ടെലികോം ദാതാക്കള് അടുത്തവര്ഷം മെയ് വരെ സ്പെക്ട്രം ലേലത്തിന് അധികസമയം ടെലി കമ്മ്യൂണിക്കേഷന് വകുപ്പില് ആവശ്യപ്പെട്ടിട്ടുണ്ട്.
മെയ് മാസം മുതലുള്ള ആറു മാസം രാജ്യത്ത് 5ജി പരീക്ഷണങ്ങള് നടത്തുന്നതിനായിട്ടായിരിക്കും ഉപയോഗപ്പെടുത്തുക. നഗരങ്ങളിലെന്ന പോലെ ഗ്രാമങ്ങളിലും ഇക്കാലയളവില് 5ജി പരീക്ഷണം നടത്തും.
-
Video Stories8 years ago
കൊടിഞ്ഞിയില് കൊല്ലപ്പെട്ട ഫൈസലിന്റ കഫീല് അബ്ദുല്ല അല്മുഹാവിസിന്റെ വാക്കുകള് വൈറലാവുന്നു
-
Culture8 years ago
അനസ്തേഷ്യയില്ലാത്ത ശസ്ത്രക്രിയയില് ഖുര്ആന് ഉരുവിട്ട് കുഞ്ഞ്; വാര്ത്ത വായിക്കുമ്പോള് വിതുമ്പിക്കരഞ്ഞ് അവതാരകന്
-
More8 years ago
ഭോപ്പാല് വിവാദ ഏറ്റുമുട്ടല്; കൂടുതല് തെളിവുകളോടെ മൂന്നാമത്തെ വീഡിയോ പുറത്ത്
-
More8 years ago
‘മകളെ കൊണ്ട് കള്ളം പറയിച്ചു’ ദിലീപ്-കാവ്യ വിവാഹത്തില് മഞ്ജുവിന്റെ പ്രതികരണം
-
Culture8 years ago
വഴിയോര കച്ചവടങ്ങളിലെ ബിരിയാണിയില് പൂച്ച മാംസം
-
Culture5 years ago
വീട്ടമ്മയുടെ നഗ്നദൃശ്യങ്ങള് ഭര്ത്താവിന് വാട്സ് ആപ്പില്; പ്രതിയെ കണ്ട് ഞെട്ടി പൊലീസും വീട്ടുകാരും
-
Culture7 years ago
‘സോനു നിഗം പ്രിയങ്കയില് നിന്നു പഠിക്കണം; ബാങ്കുവിളിയെക്കുറിച്ചുള്ള അധിക്ഷേപത്തിന് ശേഷം പ്രിയങ്കയുടെ ബാങ്കുവിളി പരാമര്ശം വൈറല്
-
Culture8 years ago
അണികളില് നിന്ന് ‘മുര്ദാബാദ് വിളി’; അസ്വസ്ഥനായി മോദി – മാധ്യമങ്ങള് കണ്ടില്ലെന്ന് നടിച്ച വീഡിയോ