sub story
കോവിഡ് വാക്സിന്റെ പേറ്റന്റ് ഒഴിവാക്കി അമേരിക്ക
അമേരിക്കയുടെ തീരുമാനത്തെ ലോകാരോഗ്യ സംഘടന സ്വാഗതം ചെയ്തു.ലോകാരോഗ്യ സംഘടന തലവന് ടെഡ്രോസ് അഥനോം ഗെബ്രിയേസസ് ഈ തീരുമാനത്തെ അവിസ്മരണീയം എന്നാണ് വിശേഷിപ്പിച്ചത്.
ന്യൂയോര്ക്ക് : വാക്സിന് കമ്പനികളുടെ കുത്തക അവസാനിപ്പിക്കുന്ന നിര്ണായക തീരുമാനവുമായി ജോ ബൈഡന്. വാക്സിനുകളുടെ പേറ്റന്റ് എടുത്തു കളയും എന്നാണ് അമേരിക്കന് ഭരണകൂടം പ്രഖ്യാപിച്ചിരിക്കുന്നത്. വാക്സിന് കമ്പനികളുടെ കടുത്ത എതിര്പ്പിനെ മറികടന്നാണ് തീരുമാനം.
ഫൈസര്, മൊഡേണ അടക്കമുള്ള മരുന്നുകമ്പനികള് ഇത്തരമൊരു തീരുമാനത്തെ ശക്തമായി എതിര്ത്തിരുന്നു എന്നാല് അതെല്ലാം തള്ളിക്കളഞ്ഞാണ് അമേരിക്ക ഇത്തരമൊരു
അസാധാരണ തീരുമാനം കൈക്കൊണ്ടത്. അമേരിക്ക തീരുമാനം ലോകവ്യാപാരസംഘടനയെ അറിയിച്ചു. അമേരിക്കയുടെ തീരുമാനത്തെ ലോകാരോഗ്യ സംഘടന സ്വാഗതം ചെയ്തു.ലോകാരോഗ്യ സംഘടന തലവന് ടെഡ്രോസ് അഥനോം ഗെബ്രിയേസസ് ഈ തീരുമാനത്തെ അവിസ്മരണീയം എന്നാണ് വിശേഷിപ്പിച്ചത്.
kerala
പയ്യന്നൂര് ഫണ്ട് തട്ടിപ്പ്: യൂത്ത് ലീഗ് പരാതിയില് മൊഴിയെടുത്തു
പയ്യന്നൂരില് സിപിഎമ്മിനെ പ്രതിരോധത്തിലാക്കിയ ഫണ്ട് വെട്ടിപ്പുമായി ബന്ധപ്പെട്ട് നിയമനടപടിക്ക് കളമൊരുങ്ങുന്നു.
കണ്ണൂര്: പയ്യന്നൂരില് സിപിഎമ്മിനെ പ്രതിരോധത്തിലാക്കിയ ഫണ്ട് വെട്ടിപ്പുമായി ബന്ധപ്പെട്ട് നിയമനടപടിക്ക് കളമൊരുങ്ങുന്നു. രക്തസാക്ഷി കുടുംബ സഹായ നിധിയുള്പ്പെടെ ഫണ്ട് വെട്ടിപ്പില് ആരോപണ വിധേയരായ എംഎല്എയുള്പ്പെടെയുള്ളവര്ക്കെതിരെ യൂത്ത് ലീഗ് നല്കിയ പരാതിയില് പൊലീസ് മൊഴിയെടുത്തു.
വിവാദമായ ഫണ്ട് വെട്ടിപ്പുമായി ബന്ധപ്പെട്ട സിപിഎം നടപടിക്ക് പിന്നാലെ കണക്ക് സംബന്ധിച്ചും അനിശ്ചിതത്വം നിലനില്ക്കെയാണ് യൂത്ത് ലീഗ് മണ്ഡലം പ്രസിഡന്റ് പികെ ശബീറില് നിന്ന് പയ്യന്നൂര് സ്റ്റേഷന് ഹൗസ് ഓഫീസര് മഹേഷ് കെ നായര് മൊഴിയെടുത്തത്. ഫണ്ട് വെട്ടിപ്പുമായി ബന്ധപ്പെട്ട് സിപിഎം ഏരിയാ സെക്രട്ടറി വി കുഞ്ഞികൃഷ്ണനെ സ്ഥാനത്ത് നിന്ന് നീക്കിയും എംഎല്എ ടിഐ മധുസൂദനനെ ജില്ലാ സെക്രട്ടറിയേറ്റില് നിന്ന് ജില്ലാ കമ്മിറ്റിയിലേക്ക് തരംതാഴ്ത്തുന്നതിലും മാത്രമായിരുന്നു നടപടി. ആരോപണ വിധേയര്ക്കെതിരെ നടപടി സ്വീകരിക്കാതെ ഏരിയാ സെക്രട്ടറിയെ നീക്കിയ നേതൃത്വത്തിന്റെ നിലപാട് അണികളുടെ രോഷത്തിനിടയാക്കിയിരുന്നു.
ഫണ്ട് വെട്ടിപ്പുമായി ബന്ധപ്പെട്ട വിവാദത്തിനിടെ പാര്ട്ടിതല നടപടിയിലും വിവാദം കത്തിനില്ക്കുന്നതിനിടെയാണ് യൂത്ത് ലീഗും രംഗത്തെത്തിയത്. പാര്ട്ടി ഫണ്ടാണെങ്കിലും ജനങ്ങളില് നിന്നു പിരിച്ചെടുത്ത കോടിക്കണക്കിന് രൂപയുമായി ബന്ധപ്പെട്ട ഫണ്ട് തിരിമറിയില് അന്വേഷണം വേണമെന്നായിരുന്നു യൂത്ത് ലീഗ് ആവശ്യം. ടിഐ മധുസൂദനന് എംഎല്എ രാജിവെച്ച് അന്വേഷണം വേണമെന്ന ആവശ്യവും യൂത്ത് ലീഗ് ഉയര്ത്തിയിരുന്നു. എംഎല്എക്കെതിരെ പാര്ട്ടിതലത്തില് സ്വീകരിച്ച നടപടിയിലൂടെ ആരോപണം സത്യമാണെന്ന് തെളിഞ്ഞ സാഹചര്യത്തിലാണ് പൊലീസിലും പരാതി നല്കിയത്. ടിഐ മധുസൂദനനെതിരെ നിയമ നടപടി സ്വീകരിക്കണമെന്ന് ആവശ്യപ്പെട്ട് നല്കിയ പരാതിയെ തുടര്ന്നാണ് മണ്ഡലം പ്രസിഡന്റ് പികെ ശബീറില് നിന്ന് പൊലീസ് മൊഴിയെടുത്തത്.
india
കോവിഡ്; 2020ല് ആത്മഹത്യ ചെയ്തത് 8761 പേര്
2020ല് കോവിഡിന്റെ ആദ്യ തരംഗ സമയത്ത് കുടിയേറ്റ തൊഴിലാളികളുടെ മരണം സംബന്ധിച്ച് രേഖകള് ഇല്ലാത്തതിനാല് നഷ്ടപരിഹാരം സംബന്ധിച്ച ചോദ്യം ഉയരുന്നില്ലെന്നായിരുന്നു സര്ക്കാര് ഇതുവരെ സ്വീകരിച്ച നിലപാട്.
ന്യൂഡല്ഹി: രാജ്യത്ത് കോവിഡിന്റെ ആദ്യ തരംഗ സമയത്ത് സാമ്പത്തിക പ്രതിസന്ധി മൂലം ആത്മഹത്യ ചെയ്തവരുടെ കണക്ക് പുറത്ത് വിട്ട് കേന്ദ്ര ആഭ്യന്തര മന്ത്രാലയം. തൊഴില് നഷ്ടപ്പെട്ട് മാസങ്ങളോളം വരുമാനം നിലച്ചതോടെ സാമ്പത്തിക പരാധീനതകള് കാരണം 8761 പേര് 2020ല് ആത്മഹത്യ ചെയ്തതായി കേന്ദ്ര ആഭ്യന്തര സഹമന്ത്രി നിത്യാനന്ത റായ് രാജ്യസഭയെ രേഖാമൂലം അറിയിച്ചു. 2018-2021 വരെ മൂന്നുവര്ഷത്തിനിടെ 25,251 പേര് സാമ്പത്തിക ബാധ്യമത മൂലം ആത്മഹത്യ ചെയ്തതായും അദ്ദേഹം അറിയിച്ചു. 2020ല് കോവിഡിന്റെ ആദ്യ തരംഗ സമയത്ത് കുടിയേറ്റ തൊഴിലാളികളുടെ മരണം സംബന്ധിച്ച് രേഖകള് ഇല്ലാത്തതിനാല് നഷ്ടപരിഹാരം സംബന്ധിച്ച ചോദ്യം ഉയരുന്നില്ലെന്നായിരുന്നു സര്ക്കാര് ഇതുവരെ സ്വീകരിച്ച നിലപാട്.
kerala
ആര്.ടി.പി.സി.ആര് നിരക്ക് 300 രൂപയാക്കി കുറച്ചു
സംസ്ഥാനത്തെ കോവിഡ് പരിശോധനകള്ക്കും പി.പി.ഇ. കിറ്റ്, എന് 95 മാസ്ക് തുടങ്ങിയ സുരക്ഷാ സാമഗ്രികള്ക്കും നിരക്ക് പുന:ക്രമീകരിച്ച് ഉത്തരവിട്ടു.
സംസ്ഥാനത്തെ കോവിഡ് പരിശോധനകള്ക്കും പി.പി.ഇ. കിറ്റ്, എന് 95 മാസ്ക് തുടങ്ങിയ സുരക്ഷാ സാമഗ്രികള്ക്കും നിരക്ക് പുന:ക്രമീകരിച്ച് ഉത്തരവിട്ടു. ആര്ടിപിസിആര് 300 രൂപ, ആന്റിജന് 100 രൂപ, എക്സ്പെര്ട്ട് നാറ്റ് 2,350 രൂപ, ട്രൂനാറ്റ് 1225 രൂപ, ആര്ടി ലാമ്പ് 1025 രൂപ എന്നിങ്ങനെയാണ് നിരക്ക് നിശ്ചയിച്ചിരിക്കുന്നത്. എല്ലാ ചാര്ജുകളും ഉള്പ്പെടെയുള്ള നിരക്കാണിത്.
പിപിഇ കിറ്റ് ഒരു യൂണിറ്റിന് എക്സ്.എല്. സൈസിന് 154 രൂപയും ഡബിള് എക്സ്.എല്. സൈസിന് 156 രൂപയുമാണ് ഏറ്റവും കുറഞ്ഞ തുക. എക്സ്.എല്., ഡബിള് എക്സ്.എല്. സൈസിന് ഉയര്ന്ന തുക 175 രൂപയാണ്. എന് 95 മാസ്ക് ഒരെണ്ണത്തിന് കുറഞ്ഞ തുക 5.50 രൂപയും ഉയര്ന്ന തുക 15 രൂപയുമാണ്. അമിത ചാര്ജ് ഈടാക്കുന്നവര്ക്കെതിരെ കര്ശന നടപടി സ്വീകരിക്കുന്നതാണ്.
ആര്ടിപിസിആര് 500 രൂപ, ആന്റിജന് 300 രൂപ, എക്സ്പെര്ട്ട് നാറ്റ് 2500 രൂപ, ട്രൂനാറ്റ് 1500 രൂപ, ആര്ടി ലാമ്പ് 1150 രൂപ എന്നിങ്ങനെയാണ് മുമ്പ് നിശ്ചയിച്ച നിരക്ക്.
-
Video Stories7 years ago
കൊടിഞ്ഞിയില് കൊല്ലപ്പെട്ട ഫൈസലിന്റ കഫീല് അബ്ദുല്ല അല്മുഹാവിസിന്റെ വാക്കുകള് വൈറലാവുന്നു
-
Culture7 years ago
അനസ്തേഷ്യയില്ലാത്ത ശസ്ത്രക്രിയയില് ഖുര്ആന് ഉരുവിട്ട് കുഞ്ഞ്; വാര്ത്ത വായിക്കുമ്പോള് വിതുമ്പിക്കരഞ്ഞ് അവതാരകന്
-
More7 years ago
ഭോപ്പാല് വിവാദ ഏറ്റുമുട്ടല്; കൂടുതല് തെളിവുകളോടെ മൂന്നാമത്തെ വീഡിയോ പുറത്ത്
-
More7 years ago
‘മകളെ കൊണ്ട് കള്ളം പറയിച്ചു’ ദിലീപ്-കാവ്യ വിവാഹത്തില് മഞ്ജുവിന്റെ പ്രതികരണം
-
Culture7 years ago
വഴിയോര കച്ചവടങ്ങളിലെ ബിരിയാണിയില് പൂച്ച മാംസം
-
Culture5 years ago
വീട്ടമ്മയുടെ നഗ്നദൃശ്യങ്ങള് ഭര്ത്താവിന് വാട്സ് ആപ്പില്; പ്രതിയെ കണ്ട് ഞെട്ടി പൊലീസും വീട്ടുകാരും
-
Culture7 years ago
‘സോനു നിഗം പ്രിയങ്കയില് നിന്നു പഠിക്കണം; ബാങ്കുവിളിയെക്കുറിച്ചുള്ള അധിക്ഷേപത്തിന് ശേഷം പ്രിയങ്കയുടെ ബാങ്കുവിളി പരാമര്ശം വൈറല്
-
Culture7 years ago
അണികളില് നിന്ന് ‘മുര്ദാബാദ് വിളി’; അസ്വസ്ഥനായി മോദി – മാധ്യമങ്ങള് കണ്ടില്ലെന്ന് നടിച്ച വീഡിയോ