Culture
ഏഷ്യന് ഗെയിംസ്: ചൈന ചാമ്പ്യന്മാര്, ഇന്ത്യയ്ക്ക് നേട്ടം
ജക്കാര്ത്ത: ഏഷ്യന് ഗെയിംസില് ഇന്ത്യക്ക് രണ്ടു സ്വര്ണവും വെള്ളിയും വെങ്കലവും. 49 കിലോവിഭാഗം ബോക്സിങ്ങില് അമിത് പങ്കാലും ബ്രിഡ്ജില് പ്രണബ് ബര്ധാന് – ശിബ്നാഥ് സര്ക്കാര് സഖ്യവുമാണ് പൊന്നണിഞ്ഞത്. വനിതാ സ്ക്വാഷ് ഫൈനലില് ഹോങ്കോങ് സഖ്യത്തോട് തോറ്റ സനയ്ന കുരുവിള – ജോഷ്ന ചിന്നപ്പ സഖ്യത്തിന് വെള്ളികൊണ്ട് തൃപ്തിപ്പെടേണ്ടി വന്നപ്പോള് പാകിസ്താനെ തോല്പ്പിച്ച് പുരുഷ ഹോക്കി ടീം വെങ്കലം സ്വന്തമാക്കി. ഗെയിംസ് ഇന്ന് സമാപിക്കും.
ഇതാദ്യമായി ഏഷ്യാഡില് ഉള്പ്പെടുത്തിയ ബ്രിഡ്ജിലെ പെയര് വിഭാഗത്തില് ചൈനയെ പിന്നിലാക്കിയാണ് 60-കാരനായ പ്രണബും 56-കാരനായ ശിബ്നാഥും ഇന്ത്യയെ പൊന്നേട്ടത്തിലെത്തിച്ചത്. ഇന്ത്യന് സംഘത്തിലെ പ്രായമേറിയ താരങ്ങളാണ് പ്രണബും ശിബ്നാഥും. ഇന്ത്യന് സഖ്യം 384 പോയിന്റ് നേടിയപ്പോള് ചൈനയുടെ ലിക്സിന് യാങ് – ഗാങ് ചെന് സഖ്യത്തിന് 378 പോയിന്റേ നേടാനായുള്ളൂ. നേരത്തെ പുരുഷ വിഭാഗത്തിലും മിക്സഡ് പെയര് വിഭാഗത്തിലും ഇന്ത്യ വെങ്കലം നേടിയിരുന്നു.
സ്വര്ണം ഇടിച്ചെടുത്ത് അമിത്
ജക്കാര്ത്ത: ഒളിംപിക് ചാമ്പ്യനെ ഇടിച്ചിട്ട അമിത് പങ്കാല് ബോക്സിങ് റിങില് നിന്ന് ഇന്ത്യക്കു വേണ്ടി സ്വര്ണം സ്വന്തമാക്കി. 49 കിലോ വിഭാഗം ഫൈനലില് ഉസ്ബക്കിസ്താന് താരം ഹസന്ബോയ് ദുസ്മതോവിനെ വീഴ്ത്തിയാണ് സൈനികനായ പങ്കാല് ഇത്തവണ ബോക്സിങ്ങിലെ ഇന്ത്യയുടെ ഏക സ്വര്ണം നേടിയത്. ഏഷ്യാഡ് ബോക്സിങ്ങില് സ്വര്ണം നേടുന്ന എട്ടാമത്തെ ഇന്ത്യക്കാരനാണ് 22-കാരന്. വെങ്കലം നേടിയ വികാസ് കൃഷ്ണന് ആണ് ജക്കാര്ത്തയില് റിങ്ങില് നിന്ന് മെഡല് കണ്ടെത്തിയ മറ്റൊരു ഇന്ത്യന് താരം. റിയോ ഒളിംപിക്സിലും കഴിഞ്ഞ ഏഷ്യന് ഗെയിംസിലും സ്വര്ണം നേടിയ ഹസന്ബോയ് ദുസ്മതോവിനായിരുന്നു ഫൈനലില് വ്യക്തമായ സാധ്യത കല്പ്പിക്കപ്പെട്ടിരുന്നത്. കഴിഞ്ഞ വര്ഷത്തെ ഹാംബുര്ഗ് ലോകചാമ്പ്യന്ഷിപ്പില് പരസ്പരം ഏറ്റുമുട്ടിയപ്പോള് സ്പ്ലിറ്റ് വെര്ഡിക്ടില് ജയം ഉസ്ബക്കുകാരനായിരുന്നു. എന്നാല്, ഇതാദ്യമായി ഗെയിംസില് മത്സരിക്കുന്ന അമിത് പങ്കാല് തന്ത്രപരമായി നീങ്ങുകയും പ്രതിരോധത്തിന് പ്രാധാന്യം നല്കുകയും ചെയ്തുകൊണ്ടാണ് മത്സരിച്ചത്. എതിരാളിയില് നിന്ന് അകലംപാലിച്ച അമിത് പഞ്ചുകളില് കൃത്യത പുലര്ത്തി. തന്നെക്കാള് മൂന്നു വയസ്സ് ചെറുപ്പമായ ഇന്ത്യക്കാരന്റെ വേഗത ഹസന്ബോയ്ക്ക് വെല്ലുവിളിയായി. അവസാനഘട്ടമായപ്പോഴേക്ക് ഉസ്ബെക്ക് താരം ക്ഷീണിതനായിരുന്നു. ഹാംബുര്ഗില് തലനാരിഴക്ക് തോല്വി വഴങ്ങേണ്ടി വന്ന അമിത് ഫൈനലിനു വേണ്ടി ഏറെ ഗൃഹപാഠം ചെയ്തിരുന്നു എന്നു വ്യക്തമാക്കുന്നതായിരുന്നു ഫൈനല് മത്സരം.
ഹരിയാനയിലെ മയ്ന സ്വദേശിയായ അമിത് പങ്കാലിന്റെ കരിയറിലെ ഏറ്റവും മികച്ച പ്രകടനാണ് ജക്കാര്ത്തയിലേത്. കഴിഞ്ഞ വര്ഷം ഏഷ്യന് ചാമ്പ്യന്ഷിപ്പില് വെങ്കലം നേടിയ താരം ലോക ചാമ്പ്യന്ഷിപ്പില് ക്വാര്ട്ടറിലാണ് പുറത്തായത്. കോമണ്വെല്ത്ത് ഗെയിംസില് അമിത് വെള്ളിയും സ്വന്തമാക്കി. ബള്ഗേറിയയിലെ സ്റ്റാന്ദ്യ മെമ്മോറിയലില് നടന്ന ഇന്ത്യ ഓപണില് ഇന്ത്യന് താരത്തിന് സ്വര്ണവും നേടാനായി.
ഹോക്കി: പാകിസ്താനെ തോല്പ്പിച്ച് പുരുഷന്മാര്ക്ക് വെങ്കലം
പാകിസ്താനെ ഒന്നിനെതിരെ രണ്ടു ഗോളിന് തോല്പ്പിച്ച് ഇന്ത്യ ഏഷ്യന് ഗെയിംസ് ഹോക്കിയില് വെങ്കലം സ്വന്തമാക്കി. ആകാശ്ദീപ് സിങ് മൂന്നാം മിനുട്ടില് നേടിയ ഫീല്ഡ് ഗോളും ഹര്മന്പ്രീത് സിങ് 50-ാം മിനുട്ടില് നേടിയ പെനാല്ട്ടി കോര്ണര് ഗോളുമാണ് ചിരവൈരികള്ക്കെതിരെ ഇന്ത്യക്ക് തിളങ്ങുന്ന ജയം സമ്മാനിച്ചത്. 52-ാം മിനുട്ടില് മുഹമ്മദ് ആതിഖ് പാകിസ്താനു വേണ്ടി ഗോളടിച്ചെങ്കിലും പിന്നീട് ഗോള്വഴങ്ങാതെ ഇന്ത്യന് സംഘം ജാഗ്രത പാലിച്ചു.
ലോക റാങ്കിങില് അഞ്ചാം സ്ഥാനക്കാരായ ഇന്ത്യക്ക് സ്വര്ണ സ്വപ്നമുണ്ടായിരുന്നെങ്കിലും സെമിയില് മലേഷ്യയോട് തോറ്റത് തിരിച്ചടിയാവുകയായിരുന്നു. മലേഷ്യക്കെതിരെ അലസതയാണ് തിരിച്ചടിയായതെങ്കില് പാകിസ്താനെതിരെ തുടക്കം മുതല്ക്കേ ആധിപത്യത്തോടെയാണ് നീലപ്പട കളിച്ചത്. ഫൈനലിലെത്താനായില്ലെങ്കിലും ഏഴു മത്സരങ്ങളില് നിന്നായി 80 ഗോളുകളാണ് ഇന്ത്യ അടിച്ചുകൂട്ടിയത്. ഹോങ്കോങിനെ 26 ഗോളുകള്ക്ക് തോല്പ്പിച്ചതടക്കം ഇന്ത്യ മിന്നും പ്രകടനം കാഴ്ചവെച്ചു. രൂപീന്ദര് സിങ്, ആകാശ്ദീപ് സിങ് എന്നിവര് 13 വീതം ഗോളുകള് അടിച്ചുകൂട്ടി.
ഇന്ത്യന് വനിതാ ടീം ഫൈനലിലെത്തിയെങ്കിലും നിര്ണായക മത്സരത്തില് ജപ്പാനോട് തോറ്റ് വെള്ളികൊണ്ട് തൃപ്തിപ്പെടേണ്ടി വന്നിരുന്നു. റാങ്കിങില് തങ്ങളേക്കാള് പിന്നിലുള്ള ജപ്പാനോട് ഒന്നിനെതിരെ രണ്ടു ഗോളിനായിരുന്നു തോല്വി. മിനാമി ഷിമിസു, മൊട്ടോമി കവാമുറ എന്നിവര് ജപ്പാനു വേണ്ടി ലക്ഷ്യം കണ്ടപ്പോള് ഇന്ത്യയുടെ മറുപടി നേഹ ഗോയലിന്റെ ഗോളിലൊതുങ്ങി. ഏഷ്യാഡ് ചരിത്രത്തില് ഇത് രണ്ടാം തവണയാണ് ഇന്ത്യന് വനിതകള് വെള്ളിനേടുന്നത്. ടൂര്ണമെന്റിലുടനീളം 38 ഗോളുകള് നേടിയ ഇന്ത്യ ചൈനയെ ഒരു ഗോളിന് തോല്പ്പിച്ചാണ് സ്വര്ണപ്പോരിന് ടിക്കറ്റെടുത്തത്.
മെഡല് നില
(സ്ഥാനം, രാജ്യം, സ്വര്ണം, വെള്ളി, വെങ്കലം എന്ന ക്രമത്തില്)
1-ചൈന 132-92-65
2-ജപ്പാന് 74-56-74
3-ദ.കൊറിയ 49-57-70
4- ഇന്തോനേഷ്യ 31-24-43
5-ഉസ്ബെക്ക് 21-24-25
6-ഇറാന് 20-20-22
7-തായ്പെയി 17-19-31
8-ഇന്ത്യ 15-24-30
9-കസാക്ക് 15-17-43
നടന് ഷമ്മിതിലകനെ അമ്മ സംഘടനയില് നിന്ന് പുറത്താക്കി. അച്ചടക്ക ലംഘനത്തെ തുടര്ന്നാണ് നടപടി. ഇന്ന് കൊച്ചിയില് നടന്ന ജനറല് ബോഡി യോഗത്തിലാണ് തീരുമാനം.
കഴിഞ്ഞ യോഗത്തില് ഷമ്മിതിലകന് ചില ദൃശ്യങ്ങള് ചിത്രീകരിച്ചിരുന്നു. ഇത് വിവാദമായതിനെത്തുടര്ന്ന് നടനോട് സംഘടന വിശദീകരണം ആവശ്യപ്പെട്ടിരുന്നു. എന്നാല് വിശദീകരണം നല്കാന് തയ്യാറാകാത്ത സാഹചര്യത്തിലാണ്് പുറത്താക്കല് നടപടി ഉണ്ടായിരിക്കുന്നത്.
Culture
സി.എച്ച് ചെയര് ഇന്ന് പുതിയ കെട്ടിടത്തിലേക്ക്
കാലിക്കറ്റ് സര്വകലാശാലയിലെ സി.എച്ച് മുഹമ്മദ് കോയ ചെയര് ഫോര് സ്റ്റഡീസ് ഓണ് ഡവലപിംഗ് സൊസൈറ്റീസ്ഇന്ന് പുതിയ കെട്ടിടത്തിലേക്ക്.
കോഴിക്കോട്: കാലിക്കറ്റ് സര്വകലാശാലയിലെ സി.എച്ച് മുഹമ്മദ് കോയ ചെയര് ഫോര് സ്റ്റഡീസ് ഓണ് ഡവലപിംഗ് സൊസൈറ്റീസ്ഇന്ന് പുതിയ കെട്ടിടത്തിലേക്ക്. 2011 ല് പ്രവര്ത്തനമാരംഭിച്ച ചെയര് ഇത് വരെറോഡരികിലെ പഴയ കെട്ടിടത്തില് പ്രവര്ത്തിച്ച് വരികയായിരുന്നു. കാമ്പസില് പരീക്ഷാ ഭവന് പിറകില് ഗസ്റ്റ് ഹൗസിന് സമീപമാണ് പുതിയ കെട്ടിടം. ഇ.അഹമദ്, പി.കെ കുഞ്ഞാലിക്കുട്ടി, പി.വി അബ്ദുല് വഹാബ് എന്നിവരുടെ എം.പി ഫണ്ടില് നിന്ന് 65 ലക്ഷം രൂപ ചെലവഴിച്ചാണ് മൂന്ന് നിലയില് വിഭാവനം ചെയ്ത കെട്ടിടത്തിന്റെ ഒരു നിലയും ബേസ്മെന്റ് ഏരിയയുമാണ് പൂര്ത്തിയാക്കിയത്.
2004 ല് പാണക്കാട് ഹൈദരലി ശിഹാബ് തങ്ങള് ചെയര്മാനും അഷ്റഫ് തങ്ങള് ജനറല് സെക്രട്ടറിയുമായി രൂപീകരിച്ച ഗ്രെയ്സ് എജുക്കേഷണല് അസോസിയേഷനാണ് ചെയറിന്റെ ഡോണര് സംഘടന. ഇന്ന് വൈകിട്ട് 4 മണിക്ക് നടക്കുന്ന ചടങ്ങില് വൈസ് ചാന്സലര് ഡോ.എം.കെ ജയരാജ് അധ്യക്ഷത വഹിക്കും. പ്രതിപക്ഷ ഉപനേതാവ് പി.കെ കുഞ്ഞാലിക്കുട്ടി ഉദ്ഘാടനം ചെയ്യും. പി.വി അബ്ദുല് വഹാബ് എം.പി മുഖ്യപ്രഭാഷണം നടത്തും. പ്രമുഖ ചരിത്രകാരന് ഡോ. എം. ഗംഗാധരന്റെ പുസ്തകം കുടുംബാംഗങ്ങള് ചെയറിന് കൈമാറും. ഗവേണിംഗ് ബോഡി അംഗം ഡോ.എം.കെ മുനീര് എം.എല്.എ ഏറ്റുവാങ്ങും.
മൂന്ന് പദ്ധതികളോടെയാണ് ചെയര് പുതിയ കെട്ടിടത്തില് പ്രവര്ത്തിച്ച് തുടങ്ങുക. രാഷ്ട്രാന്തരീയ തലത്തിലെ അക്കാദമിഷ്യന്മാര്ക്കും ഗവേഷകര്ക്കും ഉപയോഗപ്പെടുത്താവുന്ന റിസര്ച്ച് ജേണല്, പഠന ഗവേഷണ സ്ഥാപനങ്ങളുമായി മെമ്മോറാണ്ടം ഓഫ് അണ്ടര്സ്റ്റാന്റിംഗ് ഒപ്പു വെയ്ക്കല്,അഫിര്മേറ്റീവ് ആക്ഷനും ഇന്ത്യന് ഭരണഘടനയും എന്ന വിഷയത്തിലുളള ഓണ്ലൈന് പ്രോഗ്രാം എന്നിവയാണിവ. ഹെരിറ്റേജ് ലൈബ്രറി ,സ്കൂള് ഓഫ് കമ്മ്യൂണിറ്റി. ഡവലപ്മെന്റ്, ഓറിയന്റേഷന് പ്രോഗ്രാമുകള്, ഫെലോഷിപ്പുകള് തുടങ്ങിയവയാണ് നിലവില് ചെയറിന്റെ പ്രവര്ത്തനങ്ങള്.
Culture
ജൂറി ഹോം സിനിമ കണ്ടിട്ടുണ്ടാകില്ല: വിമര്ശനവുമായി നടന് ഇന്ദ്രന്സ്
കുറ്റവാളി നിരപരാധിയാണെന്ന് തെളിഞ്ഞാല് ജൂറി വീണ്ടും സിനിമ കാണുമോയെന്നും ഇന്ദ്രന്സ് ചോദിച്ചു.
ചലച്ചിത്ര അവാര്ഡ് വിവാദത്തില് മാധ്യമങ്ങളോട് പ്രതികരണം നടത്തി നടന് ഇന്ദ്രന്സ്. സംസ്ഥാന ചലച്ചിത്ര പുരസ്കാര ജൂറി ‘ഹോം’ സിനിമ കണ്ടുകാണില്ല. തനിക്ക് അവാര്ഡ് ലഭിക്കാത്തതില് വിഷമമില്ല. എന്നാല് ഹോം സിനിമക്ക് അവാര്ഡ് പ്രതീക്ഷിച്ചെന്ന് ഇന്ദ്രന്സ് പറഞ്ഞു.
ഹോമിനെ തഴഞ്ഞതിനും, ചിത്രത്തിലെ പ്രകടനത്തിന് ഇന്ദ്രന്സിനെ മികച്ച നടനുള്ള പുരസ്കാരത്തിന് പരിഗണിക്കാതിരുന്നതിലും സമൂഹമാധ്യമങ്ങളില് വിമര്ശനം ശക്തമായ പശ്ചാത്തലത്തിലാണ് അദ്ദേഹത്തിന്റെ പ്രതികരണം.
ഹൃദയം സിനിമയും മികച്ചതാണെന്നും അതോടോപ്പം ചേര്ത്തുവക്കേണ്ട സിനിമായാണ് ഹോമെന്നും അദ്ദേഹം പറഞ്ഞു. സിനിമയെ ഒഴിവാക്കാന് നേരത്തേ കാരണം കണ്ടുവച്ചിട്ടുണ്ടാകാം. വിജയ്ബാബുവിനെതിരായ കേസും കാരണമായേക്കാം. കുറ്റവാളി നിരപരാധിയാണെന്ന് തെളിഞ്ഞാല് ജൂറി വീണ്ടും സിനിമ കാണുമോയെന്നും ഇന്ദ്രന്സ് ചോദിച്ചു.
-
Video Stories7 years ago
കൊടിഞ്ഞിയില് കൊല്ലപ്പെട്ട ഫൈസലിന്റ കഫീല് അബ്ദുല്ല അല്മുഹാവിസിന്റെ വാക്കുകള് വൈറലാവുന്നു
-
Culture7 years ago
അനസ്തേഷ്യയില്ലാത്ത ശസ്ത്രക്രിയയില് ഖുര്ആന് ഉരുവിട്ട് കുഞ്ഞ്; വാര്ത്ത വായിക്കുമ്പോള് വിതുമ്പിക്കരഞ്ഞ് അവതാരകന്
-
More8 years ago
ഭോപ്പാല് വിവാദ ഏറ്റുമുട്ടല്; കൂടുതല് തെളിവുകളോടെ മൂന്നാമത്തെ വീഡിയോ പുറത്ത്
-
More7 years ago
‘മകളെ കൊണ്ട് കള്ളം പറയിച്ചു’ ദിലീപ്-കാവ്യ വിവാഹത്തില് മഞ്ജുവിന്റെ പ്രതികരണം
-
Culture8 years ago
വഴിയോര കച്ചവടങ്ങളിലെ ബിരിയാണിയില് പൂച്ച മാംസം
-
Culture5 years ago
വീട്ടമ്മയുടെ നഗ്നദൃശ്യങ്ങള് ഭര്ത്താവിന് വാട്സ് ആപ്പില്; പ്രതിയെ കണ്ട് ഞെട്ടി പൊലീസും വീട്ടുകാരും
-
Culture7 years ago
‘സോനു നിഗം പ്രിയങ്കയില് നിന്നു പഠിക്കണം; ബാങ്കുവിളിയെക്കുറിച്ചുള്ള അധിക്ഷേപത്തിന് ശേഷം പ്രിയങ്കയുടെ ബാങ്കുവിളി പരാമര്ശം വൈറല്
-
Culture7 years ago
അണികളില് നിന്ന് ‘മുര്ദാബാദ് വിളി’; അസ്വസ്ഥനായി മോദി – മാധ്യമങ്ങള് കണ്ടില്ലെന്ന് നടിച്ച വീഡിയോ