Video Stories
കര്‍ണാടകയില്‍ നെഞ്ചിടിപ്പിന് വേഗം കൂടുന്നു , അണിയറ സജീവം; കുമാരസ്വാമി സിംഗപ്പൂരില്‍
ന്യൂഡല്‍ഹി: വോട്ട് പെട്ടിയിലായതോടെ കര്‍ണാടകയില്‍ രാഷ്ട്രീയ പാര്‍ട്ടികളുടെ നെഞ്ചിടിപ്പിന് വേഗം കൂടുന്നു. ദേശീയ രാഷ്ട്രീയത്തില്‍ നിര്‍ണായമായ തെരഞ്ഞെടുപ്പില്‍ ആര് ജയിക്കും എന്നറിയാന്‍ ഇനി ഒരു ദിവസത്തെ കാത്തിരിപ്പ് മാത്രം മതി. അഭിപ്രായ സര്‍വേകള്‍ക്കൊപ്പം ഭൂരിപക്ഷം എക്‌സിറ്റ് പോളുകളും കര്‍ണാടകയില്‍ തൂക്കുസഭ നിലവില്‍ വരുമെന്ന് പ്രവചിച്ചതോടെ സഖ്യ സാധ്യതകള്‍ തേടിയുള്ള അണിയറ നീക്കങ്ങളും സജീവമാണ്. മുന്‍ പ്രധാനമന്ത്രി ദേവഗൗഡയും മകനും മുന്‍ മുഖ്യമന്ത്രിയുമായ എച്ച്.ഡി കുമാരസ്വാമിയും നേതൃത്വം നല്‍കുന്ന ജനതാദള്‍ എസിന്റെ നിലപാട് ആണ് എല്ലാവരും ഉറ്റുനോക്കുന്നത്. തെരഞ്ഞെടുപ്പു ഫലം പുറത്തുവന്ന ശേഷം മാത്രമേ ജെ.ഡി.എസ് പരസ്യ നിലപാട് സ്വീകരിക്കൂവെങ്കിലും ഇപ്പോള്‍ തന്നെ അണിയറയില്‍ ചര്‍ച്ചകള്‍ സജീവമാണ്.
ഇതിനിടെ കുമാരസ്വാമി ഇന്നലെ സിംഗപ്പൂരിലേക്ക് പറന്നത് രാഷ്ട്രീയ വൃത്തങ്ങളില്‍ പുതിയ അഭ്യൂഹങ്ങള്‍ക്ക് തുടക്കമിട്ടിട്ടുണ്ട്. വോട്ടെണ്ണലിന്റെ അന്ന് വൈകീട്ടു മാത്രമേ ഇനി അദ്ദേഹം ബംഗളൂരുവില്‍ തിരിച്ചെത്തൂവെന്നാണ് വിവരം. തെരഞ്ഞെടുപ്പിനു ശേഷമുള്ള രാഷ്ട്രീയ നീക്കങ്ങള്‍ ആസൂത്രണം ചെയ്യുന്നതിനും പുതിയ സഖ്യ ചര്‍ച്ചകള്‍ക്കും വേണ്ടിയാണ് സിംഗപ്പൂര്‍ യാത്രയെന്നാണ് വിവരം. സംസ്ഥാനത്ത് തൂക്കുസഭ നിലവില്‍ വരുമെന്ന എക്‌സിറ്റ് പോള്‍ ഫലങ്ങള്‍ പുറത്തുവന്നതോടെ, ബി.ജെ.പിയും കോണ്‍ഗ്രസും ചര്‍ച്ചകള്‍ക്ക് താല്‍പര്യം പ്രകടിപ്പിച്ച് രംഗത്തു വന്നിട്ടുണ്ടെന്ന് കുമാരസ്വാമിയുമായി അടുപ്പമുള്ള ഒരു നേതാവ് പറഞ്ഞു. ദേവഗൗഡയുമായും ഇരു പാര്‍ട്ടികളും ബന്ധപ്പെട്ടിട്ടുണ്ട്. ഇന്ത്യയില്‍ വെച്ച് രാഷ്ട്രീയ ചര്‍ച്ചകള്‍ നടത്തിയാല്‍ മാധ്യമങ്ങള്‍ വഴി വാര്‍ത്ത ചോരും. ഇത് രാഷ്ട്രീയ നീക്കങ്ങളെ ബാധിക്കും എന്നതിനാലാണ് മാധ്യമങ്ങളുടെ ശ്രദ്ധയില്‍നിന്ന് മാറിനിന്ന് രാഷ്ട്രീയ ചര്‍ച്ചകള്‍ നടത്തുന്നതിനായി സിംഗപ്പൂര്‍ തെരഞ്ഞെടുത്തതെന്നും ഈ ജെ.ഡി.എസ് നേതാവ് പറഞ്ഞു.
നാളെ കര്‍ണാടകയില്‍ വോട്ടെണ്ണല്‍. ശനിയാഴ്ച നടന്ന വോട്ടെടുപ്പ് പൂര്‍ത്തിയായതിനു തൊട്ടു പിന്നാലെ പുറത്തുവന്ന എക്‌സിറ്റ് പോള്‍ ഫലങ്ങളില്‍ നിലവിലെ ഭരണ കക്ഷിയായ കോണ്‍ഗ്രസിനാണ് മുന്‍തൂക്കമുള്ളത്. 90 മുതല്‍ 118 സീറ്റ് വരെയാണ് പല എക്‌സിറ്റ് പോളുകളും കോണ്‍ഗ്രസിന് പ്രവചിക്കുന്നത്. ചില എക്‌സിറ്റ് പോളുകള്‍ ബി.ജെ.പിക്കും സാധ്യത പറയുന്നുണ്ട്. റിപ്പബ്ലിക് ടി.വി പോലുള്ള പ്രത്യക്ഷത്തില്‍ തന്നെ ബി.ജെ.പി അനുകൂല നിലപാട് സ്വീകരിക്കുന്ന മാധ്യമങ്ങളാണ് ഇത്തരം പ്രചവനങ്ങള്‍ക്ക് പിന്നില്‍ എന്നത് വിശ്വാസ്യത ചോദ്യം ചെയ്യുന്നുണ്ട്. എന്നാല്‍ ഒരു കക്ഷിക്കും തനിച്ചു ഭൂരിപക്ഷം ലഭിക്കുമെന്ന് ഭൂരിഭാഗം എക്‌സിറ്റ് പോളുകളും പ്രവചിക്കുന്നില്ല. തൂക്കു സഭക്കുള്ള സാധ്യതയാണ് കല്‍പ്പിക്കുന്നത്. ഇങ്ങനെ വന്നാല്‍ ജെ.ഡി.എസ് നിര്‍ണായക ഘടമായി മാറിയേക്കും. ആര് സര്‍ക്കാര്‍ രൂപീകരിക്കണമെന്ന് ജെ.ഡി.എസ് തീരുമാനിക്കുന്ന സാഹചര്യമുണ്ടാകും. എന്നാല്‍ കിങ് മേക്കറല്ല, താന്‍ കിങ് തന്നെ (സ്വന്തം നിലയില്‍ സര്‍ക്കാര്‍ രൂപീകരിക്കും) ആവും എന്ന നിലപാടിലാണ് കുമാരസ്വാമിയെന്ന് അദ്ദേഹവുമായി അടുപ്പമുള്ള വൃത്തങ്ങള്‍ പറയുന്നു.
main stories
മുഖ്യമന്ത്രിയെ കരിങ്കൊടി കാണിച്ച കെ.എസ്.യു നേതാവിന് സി.പി.എം പ്രവര്‍ത്തകരുടെ മര്‍ദനം
മുഖ്യമന്ത്രി പിണറായി വിജയന് നേരെ കരിങ്കൊടി കാണിച്ച കെ.എസ്.യു നേതാവിന് സി.പി.എം പ്രവര്‍ത്തകരുടെ മര്‍ദനം.
മുഖ്യമന്ത്രി പിണറായി വിജയന് നേരെ കരിങ്കൊടി കാണിച്ച കെ.എസ്.യു നേതാവിന് സി.പി.എം പ്രവര്‍ത്തകരുടെ മര്‍ദനം.കണ്ണൂര്‍ കെ.എസ്.യു ജില്ല വൈസ്പ്രസിഡന്‍് ഫര്‍ഹാന്‍ മുണ്ടേരിക്കാണ് മര്‍ദനമേറ്റത്.
മുഖ്യമന്ത്രിക്ക് നേരെ കരിങ്കൊടി കാട്ടിയ ഫര്‍ഹാനെ പോലീസ് കസ്സറ്റഡിയിലെടുക്കുന്നതിനിടെയായിരുന്നു സി.പി.എം പ്രവര്‍ത്തകരുടെ മര്‍ദനം.ഫര്‍ഹാന്‍ മുണ്ടേരി നിലവില്‍ പോലീസ് കസ്സറ്റഡിയിലാണ്.
kerala
അയ്യൂബിന്റെ ഓട്ടോ ഓടിയത് സി.എച്ച്.സെന്ററിന് വേണ്ടി
കാരുണ്യ യാത്രയിൽ കളക്ഷനായി ലഭിച്ച മുഴുവൻ തുകയും രാത്രിയോടെ കമ്മറ്റിക്ക് കൈമാറി.
റഊഫ് കൂട്ടിലങ്ങാടി
കൂട്ടിലങ്ങാടി: സി.എച്ച്.സെന്റർ ദിനത്തിൽ കൂട്ടിലങ്ങാടിയിലെ ഓട്ടോ ഡ്രൈവർ മാരത്തൊടി അയ്യൂബ് തന്റെ ഓട്ടോറിക്ഷ ഓടിയത് സി.എച്ച്.സെന്റ്റിന് കലക്ഷൻ ശേഖരിക്കുന്നതിന് വേണ്ടി.
KL -O6 H 291 നമ്പറിലുള്ള ഓട്ടോയിൽ “ഇന്നത്തെ കലക്ഷൻ സി.എച്ച് സെന്ററിന്” എന്ന് എഴുതിയ സ്റ്റിക്കർ പതിച്ചാണ് കാരുണ്യ യാത്രക്കാരുങ്ങി വെള്ളിയാഴ്ച രാവിലെ അയ്യൂബ് ഓട്ടോ സ്റ്റാന്റിലേക്ക് എത്തിയത്.
അശരണരും ആലംബഹീനരുമായ വേദനയനുഭവിക്കുന്ന ആയിരങ്ങളുടെ കണ്ണീരൊപ്പാൻ സി.എച്ച്.സെന്റർ നടത്തുന്ന കാരുണ്യ പ്രവർത്തനത്ത നങ്ങളിൽ ഒരു കൈ സഹായം നൽകി പങ്കാളിത്തം വഴിക്കാൻ കഴിഞ്ഞ ആത്മസംതൃപ്തിയിലാണ് യൂത്ത് ലീഗ് പ്രവർത്തകനായ അയ്യൂബ്.
കാരുണ്യ യാത്രയിൽ കളക്ഷനായി ലഭിച്ച മുഴുവൻ തുകയും രാത്രിയോടെ കമ്മറ്റിക്ക് കൈമാറി. വാർഡ് മെമ്പർ കൂരി മുസ്തഫ,ഷമീർ കോപ്പിലാൻ എന്നിവർ തുക ഏറ്റുവാങ്ങി.
Health
അറുപത് ഡി ബി എസ് ശസ്ത്രക്രിയകളുമായി ആസ്റ്റര്‍ ഹോസ്പിറ്റല്‍
കേരളത്തില്‍ കോഴിക്കോട് ആസ്റ്റര്‍ മിംസ്, കൊച്ചി ആസ്റ്റര്‍ മെഡ്സിറ്റി എന്നിവിടങ്ങളിലാണ് ഡി ബി എസ് ശസ്ത്രക്രിയ പ്രധാനമായും നിര്‍വ്വഹിക്കുന്നത് .
കോഴിക്കോട്: പാര്‍ക്കിന്‍സണ്‍സ് രോഗത്തിനുള്ള ഏറ്റവും ഫലപ്രദമായ ചികിത്സയായ ഡീപ് ബ്രെയിന്‍ സ്റ്റിമുലേഷന്‍ (ഡി ബി എസ്) അറുപത് എണ്ണം പൂര്‍ത്തിയാക്കിക്കൊണ്ട് കേരളത്തിലെ ആസ്റ്റര്‍ ഹോസ്പിറ്റലുകള്‍ ശ്രദ്ധേയമാകുന്നു. വളരെ ചുരുങ്ങിയ കാലയളവിനുള്ളിലാണ് അറുപത് ഡി ബി എസ് ശസ്ത്രക്രിയകള്‍ വിജയകരമായി പൂര്‍ത്തീകരിക്കാന്‍ ആസ്റ്റര്‍ ഹോസ്പിറ്റലുകള്‍ക്ക് സാധിച്ചിരിക്കുന്നത്. ലോകത്തിലെ തന്നെ ഏറ്റവും മികച്ച ഡി ബി എസ് സെന്ററുകളുടെ നിരക്കുകളോട് സമാനത പുലര്‍ത്തുന്ന നേട്ടമാണിത്.
നിലയ്ക്കാത്ത വിറയലും അനുബന്ധമായ മറ്റ് ബുദ്ധിമുട്ടുകളുമാണ് പാര്‍ക്കിന്‍സണ്‍സ് രോഗത്തിന്റെ പ്രധാന ലക്ഷണവും പ്രതിസന്ധിയും. ഇത് മൂലം രോഗബാധിതരായവരുടെ ദൈനംദിന ജീവിതം തന്നെ ദുരിതത്തിലാവുകയും സമാനതകളില്ലാത്ത പ്രതിസന്ധികള്‍ അവര്‍ അഭിമുഖീകരിക്കേണ്ടി വരികയും ചെയ്യുന്നു. അടുത്ത കാലം വരെ ഫലപ്രദമായ ചികിത്സകളില്ലാതിരുന്ന രോഗം എന്ന നിലയിലായിരുന്നു പാര്‍ക്കിന്‍സണ്‍സിനെ നോക്കിക്കണ്ടിരുന്നത്. എന്നാല്‍ ഡി ബി എസിന്റെ ആവിര്‍ഭാവത്തോടെ ഈ അവസ്ഥയ്ക്ക് വലിയ പരിഹാരമാണ് സൃഷ്ടിക്കപ്പെട്ടിരിക്കുന്നത്. തലച്ചോറില്‍ ഇലക്ട്രോഡുകള്‍ ശസ്ത്രക്രിയ വഴി സ്ഥാപിക്കുകയും ഇതിന്റെ തരംഗങ്ങള്‍ ഉപയോഗപ്പെടുത്തി രോഗലക്ഷണങ്ങള്‍ക്ക് കാരണമാകുന്ന അസാധാരണ പ്രവര്‍ത്തനങ്ങളെ പ്രതിരോധിക്കുകയോ കുറയ്ക്കുകയോ ചെയ്യുകയുമാണ് ഡി ബി എസിലൂടെ നിര്‍വ്വഹിക്കപ്പെടുന്നത്.
കേരളത്തില്‍ കോഴിക്കോട് ആസ്റ്റര്‍ മിംസ്, കൊച്ചി ആസ്റ്റര്‍ മെഡ്സിറ്റി എന്നിവിടങ്ങളിലാണ് ഡി ബി എസ് ശസ്ത്രക്രിയ പ്രധാനമായും നിര്‍വ്വഹിക്കുന്നത് എന്ന് ശ്രീ. ഫര്‍ഹാന്‍ യാസിന്‍ (റീജ്യണല്‍ ഡയറക്ടര്‍, ആസ്റ്റര്‍ ഹോസ്പിറ്റല്‍സ്) പറഞ്ഞു. നിലവിലുള്ള ഏറ്റവും ഫലപ്രദമായ ചികിത്സാ രീതിയാണ് ഡി ബി എസ് എന്നും ഇതുമായി ബന്ധപ്പെട്ടുള്ള ഏത് അന്വേഷണങ്ങള്‍ക്കും 9746554443 (കൊച്ചിന്‍), 95623 30022 (കോഴിക്കോട്) എന്നീ നമ്പറുകളില്‍ ബന്ധപ്പെടാവുന്നതാണെന്നും അദ്ദേഹം കൂട്ടിച്ചേര്‍ത്തു.
-
Video Stories7 years agoകൊടിഞ്ഞിയില്‍ കൊല്ലപ്പെട്ട ഫൈസലിന്റ കഫീല്‍ അബ്ദുല്ല അല്‍മുഹാവിസിന്റെ വാക്കുകള്‍ വൈറലാവുന്നു
-
Culture7 years agoഅനസ്‌തേഷ്യയില്ലാത്ത ശസ്ത്രക്രിയയില്‍ ഖുര്‍ആന്‍ ഉരുവിട്ട് കുഞ്ഞ്; വാര്‍ത്ത വായിക്കുമ്പോള്‍ വിതുമ്പിക്കരഞ്ഞ് അവതാരകന്‍
-
More8 years agoഭോപ്പാല്‍ വിവാദ ഏറ്റുമുട്ടല്‍; കൂടുതല്‍ തെളിവുകളോടെ മൂന്നാമത്തെ വീഡിയോ പുറത്ത്
-
More7 years ago‘മകളെ കൊണ്ട് കള്ളം പറയിച്ചു’ ദിലീപ്-കാവ്യ വിവാഹത്തില്‍ മഞ്ജുവിന്റെ പ്രതികരണം
-
Culture8 years agoവഴിയോര കച്ചവടങ്ങളിലെ ബിരിയാണിയില്‍ പൂച്ച മാംസം
-
Culture5 years agoവീട്ടമ്മയുടെ നഗ്നദൃശ്യങ്ങള്‍ ഭര്‍ത്താവിന് വാട്‌സ് ആപ്പില്‍; പ്രതിയെ കണ്ട് ഞെട്ടി പൊലീസും വീട്ടുകാരും
-
Culture7 years ago‘സോനു നിഗം പ്രിയങ്കയില്‍ നിന്നു പഠിക്കണം; ബാങ്കുവിളിയെക്കുറിച്ചുള്ള അധിക്ഷേപത്തിന് ശേഷം പ്രിയങ്കയുടെ ബാങ്കുവിളി പരാമര്‍ശം വൈറല്‍
-
Culture7 years agoഅണികളില്‍ നിന്ന് ‘മുര്‍ദാബാദ് വിളി’; അസ്വസ്ഥനായി മോദി – മാധ്യമങ്ങള്‍ കണ്ടില്ലെന്ന് നടിച്ച വീഡിയോ