Video Stories
മെട്രാഷ് 2 ഉപയോക്താക്കളുടെ എണ്ണം നാലുലക്ഷത്തോളം; 153 ഇ-സേവനങ്ങള്
ദോഹ: ആഭ്യന്തര മന്ത്രാലയത്തിന്റെ സേവന പോര്ട്ടലായ മെട്രാഷ് ടു ഉപയോഗിക്കുന്നവരുടെ എണ്ണം നാലുലക്ഷത്തോളമായി. 2011 ഡിസംബറില് മെട്രാഷിനു തുടക്കംകുറിക്കുമ്പോള് വളരെ കുറച്ച് സേവനങ്ങള് മാത്രമാണ് ഉള്പ്പെടുത്തിയിരുന്നത്. വളരെ പെട്ടെന്നുതന്നെ വികസിപ്പിക്കുകയായിരുന്നു. നിലവില് 153 ഇ-സേവനങ്ങളാണ് മെട്രാഷിലൂടെ നല്കുന്നത്. പാസ്പോര്ട്ട് ജനറല് ഡയറ്കടറേറ്റുമായി ബന്ധപ്പെട്ടു മാത്രം പ്രതിദിനം ഏകദേശം 7000 ഇടപാടുകള് നടക്കുന്നുണ്ട്. ആറു ഭാഷകളില് നിലവില് മെട്രാഷ് ടു ലഭ്യമാണ്- വകുപ്പിലെ ഓഫീസര് മേജര് താരീഖ് ഈസ അല്അഖിദി ദി പെനിന്സുലയോടു പറഞ്ഞു. വിസ സേവനങ്ങളുമായി ബന്ധപ്പെട്ട് പ്രതിമാസം 2.15ലക്ഷം ഇടപാടുകളും 1.60 ലക്ഷം അവധി അറിയിപ്പ് സേവനങ്ങളും നല്കുന്നുണ്ട്. ആഴ്ചയില് ഏഴു ദിവസവും 24 മണിക്കൂറും മെട്രാഷ് 2 ലഭ്യമാണ്. താമസക്കാര്, വിവിധ സ്ഥാപനങ്ങള്, എല്ലാത്തരം വിസയുള്ളവരും തുടങ്ങിയവരാണ് ഇതിന്റെ ഗുണഭോക്താക്കള്. വെബ്സൈറ്റ് മുഖേനയും മെട്രാഷ് രണ്ടിലൂടെയും വകുപ്പിന്റെ ഇലക്ട്രോണിക് സേവനങ്ങള് ലഭിക്കും. സ്ഥിരം വിസ അനുവദിക്കുന്നതുമായി ബന്ധപ്പെട്ട് പ്രതിമാസം 1.50ലക്ഷത്തിലധികം ഇടപാടുകള് നടത്തുന്നുണ്ട്. റസിഡന്സി പെര്മിറ്റ് അനുവദിക്കുന്നതിനും വീണ്ടും സജീവമാക്കുന്നതിനുമു(റീ ആക്ടിവേറ്റ്)ള്ള സൗകര്യം മന്ത്രാലയം വെബ്സൈറ്റിലും മെട്രാഷ് ടുവിലും ലഭ്യമാക്കിയിട്ടുണ്ട്. ആരോഗ്യപരിശോധന പൂര്ത്തീകരിക്കുന്നവര്ക്കായിരിക്കും ആര്പി അനുവദിക്കുകയും റീആക്ടിവേറ്റ് ചെയ്യുകയും ചെയ്യുന്നത്. പുതിയ ആര്പിയുടെ കാര്യത്തില് വിരലടയാളം ആവശ്യമാണ്, എന്നാല് റീആക്ടിവേറ്റ് ചെയ്യാനാണെങ്കില് വിരലടയാളം ആവശ്യമില്ല. ആര്പി പുതുക്കല്, റദ്ദാക്കല് ഉള്പ്പടെയുള്ള സേവനങ്ങളും ലഭിക്കും. പ്രിന്റിങിനുശേഷം റസിഡന്സി കാര്ഡ് ഖത്തര് പോസ്റ്റല് സര്വീസ് കമ്പനി മുഖേനയായിരിക്കും വിതരണം. ട്രാഫിക്, കമ്യൂണിറ്റി പോലീസ്, സിഐഡി സേവനങ്ങളും മെട്രാഷ് രണ്ടിലൂടെ ലഭിക്കും. ഗതാഗത ലംഘനങ്ങളുടെ എണ്ണം, സ്പോണ്സര് വിവരങ്ങള്, വ്യക്തിഗത രേഖകള്, കാലാവധി തുടങ്ങിയവ സംബന്ധിച്ച സേവനങ്ങള് മെട്രാഷില് ലഭ്യമാണ്. വിരലടയാളം ഉപയോഗിച്ച് മെട്രാഷ് ടുവില് പ്രവേശിക്കാനാകും. ഉപയോക്താവിന് വേഗത്തിലും സുഗമമായും തങ്ങളുടെ പ്രൊഫൈലിലേക്ക് പ്രവേശിക്കാന് കഴിയും. എക്സിറ്റ്പ്രവേശന ഇടപാടുകള്, മന്ത്രാലയത്തിന്റെ കോണ്ടാക്ട് സര്ട്ടിഫിക്കറ്റ് എന്നിവയ്ക്ക് മെട്രാഷ് ടുവിലൂടെ അപേക്ഷിക്കാന് കഴിയും. 27 പുതിയ സേവനങ്ങളാണ് കഴിഞ്ഞ വര്ഷം തുടങ്ങിയത്.
main stories
മുഖ്യമന്ത്രിയെ കരിങ്കൊടി കാണിച്ച കെ.എസ്.യു നേതാവിന് സി.പി.എം പ്രവര്ത്തകരുടെ മര്ദനം
മുഖ്യമന്ത്രി പിണറായി വിജയന് നേരെ കരിങ്കൊടി കാണിച്ച കെ.എസ്.യു നേതാവിന് സി.പി.എം പ്രവര്ത്തകരുടെ മര്ദനം.
മുഖ്യമന്ത്രി പിണറായി വിജയന് നേരെ കരിങ്കൊടി കാണിച്ച കെ.എസ്.യു നേതാവിന് സി.പി.എം പ്രവര്ത്തകരുടെ മര്ദനം.കണ്ണൂര് കെ.എസ്.യു ജില്ല വൈസ്പ്രസിഡന്് ഫര്ഹാന് മുണ്ടേരിക്കാണ് മര്ദനമേറ്റത്.
മുഖ്യമന്ത്രിക്ക് നേരെ കരിങ്കൊടി കാട്ടിയ ഫര്ഹാനെ പോലീസ് കസ്സറ്റഡിയിലെടുക്കുന്നതിനിടെയായിരുന്നു സി.പി.എം പ്രവര്ത്തകരുടെ മര്ദനം.ഫര്ഹാന് മുണ്ടേരി നിലവില് പോലീസ് കസ്സറ്റഡിയിലാണ്.
kerala
അയ്യൂബിന്റെ ഓട്ടോ ഓടിയത് സി.എച്ച്.സെന്ററിന് വേണ്ടി
കാരുണ്യ യാത്രയിൽ കളക്ഷനായി ലഭിച്ച മുഴുവൻ തുകയും രാത്രിയോടെ കമ്മറ്റിക്ക് കൈമാറി.
റഊഫ് കൂട്ടിലങ്ങാടി
കൂട്ടിലങ്ങാടി: സി.എച്ച്.സെന്റർ ദിനത്തിൽ കൂട്ടിലങ്ങാടിയിലെ ഓട്ടോ ഡ്രൈവർ മാരത്തൊടി അയ്യൂബ് തന്റെ ഓട്ടോറിക്ഷ ഓടിയത് സി.എച്ച്.സെന്റ്റിന് കലക്ഷൻ ശേഖരിക്കുന്നതിന് വേണ്ടി.
KL -O6 H 291 നമ്പറിലുള്ള ഓട്ടോയിൽ “ഇന്നത്തെ കലക്ഷൻ സി.എച്ച് സെന്ററിന്” എന്ന് എഴുതിയ സ്റ്റിക്കർ പതിച്ചാണ് കാരുണ്യ യാത്രക്കാരുങ്ങി വെള്ളിയാഴ്ച രാവിലെ അയ്യൂബ് ഓട്ടോ സ്റ്റാന്റിലേക്ക് എത്തിയത്.
അശരണരും ആലംബഹീനരുമായ വേദനയനുഭവിക്കുന്ന ആയിരങ്ങളുടെ കണ്ണീരൊപ്പാൻ സി.എച്ച്.സെന്റർ നടത്തുന്ന കാരുണ്യ പ്രവർത്തനത്ത നങ്ങളിൽ ഒരു കൈ സഹായം നൽകി പങ്കാളിത്തം വഴിക്കാൻ കഴിഞ്ഞ ആത്മസംതൃപ്തിയിലാണ് യൂത്ത് ലീഗ് പ്രവർത്തകനായ അയ്യൂബ്.
കാരുണ്യ യാത്രയിൽ കളക്ഷനായി ലഭിച്ച മുഴുവൻ തുകയും രാത്രിയോടെ കമ്മറ്റിക്ക് കൈമാറി. വാർഡ് മെമ്പർ കൂരി മുസ്തഫ,ഷമീർ കോപ്പിലാൻ എന്നിവർ തുക ഏറ്റുവാങ്ങി.
Health
അറുപത് ഡി ബി എസ് ശസ്ത്രക്രിയകളുമായി ആസ്റ്റര് ഹോസ്പിറ്റല്
കേരളത്തില് കോഴിക്കോട് ആസ്റ്റര് മിംസ്, കൊച്ചി ആസ്റ്റര് മെഡ്സിറ്റി എന്നിവിടങ്ങളിലാണ് ഡി ബി എസ് ശസ്ത്രക്രിയ പ്രധാനമായും നിര്വ്വഹിക്കുന്നത് .
കോഴിക്കോട്: പാര്ക്കിന്സണ്സ് രോഗത്തിനുള്ള ഏറ്റവും ഫലപ്രദമായ ചികിത്സയായ ഡീപ് ബ്രെയിന് സ്റ്റിമുലേഷന് (ഡി ബി എസ്) അറുപത് എണ്ണം പൂര്ത്തിയാക്കിക്കൊണ്ട് കേരളത്തിലെ ആസ്റ്റര് ഹോസ്പിറ്റലുകള് ശ്രദ്ധേയമാകുന്നു. വളരെ ചുരുങ്ങിയ കാലയളവിനുള്ളിലാണ് അറുപത് ഡി ബി എസ് ശസ്ത്രക്രിയകള് വിജയകരമായി പൂര്ത്തീകരിക്കാന് ആസ്റ്റര് ഹോസ്പിറ്റലുകള്ക്ക് സാധിച്ചിരിക്കുന്നത്. ലോകത്തിലെ തന്നെ ഏറ്റവും മികച്ച ഡി ബി എസ് സെന്ററുകളുടെ നിരക്കുകളോട് സമാനത പുലര്ത്തുന്ന നേട്ടമാണിത്.
നിലയ്ക്കാത്ത വിറയലും അനുബന്ധമായ മറ്റ് ബുദ്ധിമുട്ടുകളുമാണ് പാര്ക്കിന്സണ്സ് രോഗത്തിന്റെ പ്രധാന ലക്ഷണവും പ്രതിസന്ധിയും. ഇത് മൂലം രോഗബാധിതരായവരുടെ ദൈനംദിന ജീവിതം തന്നെ ദുരിതത്തിലാവുകയും സമാനതകളില്ലാത്ത പ്രതിസന്ധികള് അവര് അഭിമുഖീകരിക്കേണ്ടി വരികയും ചെയ്യുന്നു. അടുത്ത കാലം വരെ ഫലപ്രദമായ ചികിത്സകളില്ലാതിരുന്ന രോഗം എന്ന നിലയിലായിരുന്നു പാര്ക്കിന്സണ്സിനെ നോക്കിക്കണ്ടിരുന്നത്. എന്നാല് ഡി ബി എസിന്റെ ആവിര്ഭാവത്തോടെ ഈ അവസ്ഥയ്ക്ക് വലിയ പരിഹാരമാണ് സൃഷ്ടിക്കപ്പെട്ടിരിക്കുന്നത്. തലച്ചോറില് ഇലക്ട്രോഡുകള് ശസ്ത്രക്രിയ വഴി സ്ഥാപിക്കുകയും ഇതിന്റെ തരംഗങ്ങള് ഉപയോഗപ്പെടുത്തി രോഗലക്ഷണങ്ങള്ക്ക് കാരണമാകുന്ന അസാധാരണ പ്രവര്ത്തനങ്ങളെ പ്രതിരോധിക്കുകയോ കുറയ്ക്കുകയോ ചെയ്യുകയുമാണ് ഡി ബി എസിലൂടെ നിര്വ്വഹിക്കപ്പെടുന്നത്.
കേരളത്തില് കോഴിക്കോട് ആസ്റ്റര് മിംസ്, കൊച്ചി ആസ്റ്റര് മെഡ്സിറ്റി എന്നിവിടങ്ങളിലാണ് ഡി ബി എസ് ശസ്ത്രക്രിയ പ്രധാനമായും നിര്വ്വഹിക്കുന്നത് എന്ന് ശ്രീ. ഫര്ഹാന് യാസിന് (റീജ്യണല് ഡയറക്ടര്, ആസ്റ്റര് ഹോസ്പിറ്റല്സ്) പറഞ്ഞു. നിലവിലുള്ള ഏറ്റവും ഫലപ്രദമായ ചികിത്സാ രീതിയാണ് ഡി ബി എസ് എന്നും ഇതുമായി ബന്ധപ്പെട്ടുള്ള ഏത് അന്വേഷണങ്ങള്ക്കും 9746554443 (കൊച്ചിന്), 95623 30022 (കോഴിക്കോട്) എന്നീ നമ്പറുകളില് ബന്ധപ്പെടാവുന്നതാണെന്നും അദ്ദേഹം കൂട്ടിച്ചേര്ത്തു.
-
Video Stories8 years ago
കൊടിഞ്ഞിയില് കൊല്ലപ്പെട്ട ഫൈസലിന്റ കഫീല് അബ്ദുല്ല അല്മുഹാവിസിന്റെ വാക്കുകള് വൈറലാവുന്നു
-
Culture8 years ago
അനസ്തേഷ്യയില്ലാത്ത ശസ്ത്രക്രിയയില് ഖുര്ആന് ഉരുവിട്ട് കുഞ്ഞ്; വാര്ത്ത വായിക്കുമ്പോള് വിതുമ്പിക്കരഞ്ഞ് അവതാരകന്
-
More8 years ago
ഭോപ്പാല് വിവാദ ഏറ്റുമുട്ടല്; കൂടുതല് തെളിവുകളോടെ മൂന്നാമത്തെ വീഡിയോ പുറത്ത്
-
More8 years ago
‘മകളെ കൊണ്ട് കള്ളം പറയിച്ചു’ ദിലീപ്-കാവ്യ വിവാഹത്തില് മഞ്ജുവിന്റെ പ്രതികരണം
-
Culture8 years ago
വഴിയോര കച്ചവടങ്ങളിലെ ബിരിയാണിയില് പൂച്ച മാംസം
-
Culture5 years ago
വീട്ടമ്മയുടെ നഗ്നദൃശ്യങ്ങള് ഭര്ത്താവിന് വാട്സ് ആപ്പില്; പ്രതിയെ കണ്ട് ഞെട്ടി പൊലീസും വീട്ടുകാരും
-
Culture7 years ago
‘സോനു നിഗം പ്രിയങ്കയില് നിന്നു പഠിക്കണം; ബാങ്കുവിളിയെക്കുറിച്ചുള്ള അധിക്ഷേപത്തിന് ശേഷം പ്രിയങ്കയുടെ ബാങ്കുവിളി പരാമര്ശം വൈറല്
-
Culture7 years ago
അണികളില് നിന്ന് ‘മുര്ദാബാദ് വിളി’; അസ്വസ്ഥനായി മോദി – മാധ്യമങ്ങള് കണ്ടില്ലെന്ന് നടിച്ച വീഡിയോ