Culture
കര്ണാടക: എം.എല്.എമാരെ കൊച്ചിയിലേക്ക് മാറ്റാതിരുന്നത് വിമാനം കിട്ടാത്തതുകൊണ്ടല്ല
ബെംഗളുരു: കര്ണാടക തെരഞ്ഞെടുപ്പുഫലം പുറത്തുവന്നതിനു ശേഷമുള്ള രാഷ്ട്രീയ പ്രതിസന്ധിയില് കോണ്ഗ്രസ് എം.എല്.എമാരെ കൊച്ചിയിലെ റിസോര്ട്ടിലേക്ക് മാറ്റാതിരുന്നത് ഡയറക്ടറേറ്റ് ജനറല് ഓഫ് സിവില് ഏവിയേഷന് (ജി.ഡി.സി.എ), ചാര്ട്ടേഡ് വിമാനത്തിന് പറക്കാനുള്ള അനുമതി നിഷേധിച്ചതുകൊണ്ടു മാത്രമല്ലെന്ന് വെളിപ്പെടുത്തല്. കോണ്ഗ്രസ് നേതാക്കള് കൊച്ചിയിലെ ഒരു ഫൈവ്സ്റ്റാര് ഹോട്ടലുമായി ബന്ധപ്പെട്ട് എം.എല്.എമാര്ക്ക് താമസം ഉറപ്പാക്കിയിരുന്നെങ്കിലും രണ്ടു മണിക്കൂര് കഴിഞ്ഞ് ഹോട്ടലുടമ വിളിച്ച് തന്നെ ബി.ജെ.പി നേതാക്കള് ഭീഷണിപ്പെടുത്തുന്നതായും താമസമൊരുക്കാന് കഴിയില്ലെന്നും അറിയിക്കുകയായിരുന്നു. ഇന്ത്യന് എക്സ്പ്രസ് ദിനപത്രമാണ് കോണ്ഗ്രസ് നേതാക്കളെ ഉദ്ധരിച്ച് ഇക്കാര്യം റിപ്പോര്ട്ട് ചെയത്.
തെരഞ്ഞെടുപ്പു ഫലത്തിന്റെ തരംഗം വ്യക്തമായപ്പോള് തന്നെ കോണ്ഗ്രസ്, എം.എല്.എമാരോട് ബംഗളുരുവിലെത്താന് ആവശ്യപ്പെട്ടിരുന്നു. നഗരപ്രാന്തത്തിലുള്ള ഈഗിള്ടണ് റിസോര്ട്ട് വാടകക്കെടുത്ത് എം.എല്.എമാരെ അങ്ങോട്ടു മാറ്റുകയായിരുന്നു. സിദ്ധരാമയ്യ സര്ക്കാറിലെ ഊര്ജമന്ത്രിയായിരുന്ന ഡി.കെ ശിവകുമാറിനായിരുന്നു ഇതിന്റെ ചുമതല. എന്നാല്, ബുധനാഴ്ച രാവിലെ മുഖ്യമന്ത്രിയായി സത്യപ്രതിജ്ഞ ചെയ്ത ബി.എസ് യെദ്യൂരപ്പ, ഈഗിള്ടണ് റിസോര്ട്ടിന്റെ സുരക്ഷ എടുത്തുകളയാന് ഉത്തരവിട്ടു. ഇതോടെയാണ് എം.എല്.എമാരെ മറ്റൊരിടത്തേക്ക് മാറ്റാന് തീരുമാനിച്ചത്.
Some moments in the past five days of hectic work ! Never seen fighter a AICC “General “ secy of AICC like @kcvenugopalmp to travel two days with the MLAs & not sleeping ! Moral support from @siddaramaiah & last few minutes before 3pm with @PCvishnunadh ! #KaranatakaFloorTest pic.twitter.com/pmpYfheH7d
— manickam tagore (@manickamtagore) May 20, 2018
പുതിയ സങ്കേതം എവിടെയായിരിക്കണമെന്ന കാര്യത്തില് നേതാക്കന്മാര്ക്കിടയില് അഭിപ്രായ വ്യത്യാസമുണ്ടായിരുന്നെങ്കിലും ഡി.കെ ശിവകുമാര് തന്നെയാണ് കൊച്ചി മതിയെന്ന് തീരുമാനിച്ചത്. ഇതോടെ, ഒരു ഫൈവ് സ്റ്റാര് ഹോട്ടലുടമയെ വിളിച്ച് കാര്യങ്ങള് ഉറപ്പാക്കി. എന്നാല്, രണ്ടു മണിക്കൂറിനുള്ളില് ഹോട്ടലുടമ തിരിച്ചുവിളിച്ച് ബി.ജെ.പി നേതൃത്വം ഭീഷണിപ്പെടുത്തുന്ന കാര്യം അറിയിച്ചതോടെ പ്ലാന് മാറ്റേണ്ടി വന്നു. കൊച്ചിയിലെ മറ്റൊരു ഹോട്ടലുമായി സംസാരിച്ച് ഉറപ്പിച്ചെങ്കിലും ചാര്ട്ടേഡ് വിമാനത്തിന് അവസാന നിമിഷം അനുമതി നിഷേധിക്കപ്പെട്ടതോടെ പദ്ധതി വീണ്ടും മാറി. അതേസമയം, ചാര്ട്ടേഡ് വിമാനത്തിന് പ്രത്യേക അനുമതി ആവശ്യമില്ലെന്ന് ഡി.ജി.സി.എ പിന്നീട് വ്യക്തമാക്കി.
വിമാനമാര്ഗമുള്ള യാത്ര നടക്കില്ലെന്നായതോടെയാണ് ബസ് മാര്ഗം പെട്ടെന്ന് ചെന്നെത്താവുന്ന ഹൈദരാബാദ് പരിഗണനയിലെത്തിയത്. എം.എല്.എമാരെ വഹിച്ചുകൊണ്ടുള്ള ബസ് കര്ണാടക അതിര്ത്തി കടക്കുമ്പോള് തന്നെ, എസ്കോര്ട്ട് നല്കാന് തെലങ്കാന പൊലീസ് കാത്തുനിന്നത് കോണ്ഗ്രസ് നേതൃത്വത്തെ അമ്പരപ്പിച്ചു. താമസം ഏര്പ്പാടാക്കിയ ഹോട്ടല് വരെ തെലങ്കാന പൊലീസ് സംഘം എം.എല്.എമാര്ക്ക് അകമ്പടി സേവിച്ചു. തെലങ്കാന പി.സി.സി പ്രസിഡണ്ട് ഉത്തംകുമാര് റെഡ്ഡിയും മുന് എം.പി സുബ്ബരാമി റെഡ്ഡിയും കൂടെയുണ്ടായിരുന്നു.
നടന് ഷമ്മിതിലകനെ അമ്മ സംഘടനയില് നിന്ന് പുറത്താക്കി. അച്ചടക്ക ലംഘനത്തെ തുടര്ന്നാണ് നടപടി. ഇന്ന് കൊച്ചിയില് നടന്ന ജനറല് ബോഡി യോഗത്തിലാണ് തീരുമാനം.
കഴിഞ്ഞ യോഗത്തില് ഷമ്മിതിലകന് ചില ദൃശ്യങ്ങള് ചിത്രീകരിച്ചിരുന്നു. ഇത് വിവാദമായതിനെത്തുടര്ന്ന് നടനോട് സംഘടന വിശദീകരണം ആവശ്യപ്പെട്ടിരുന്നു. എന്നാല് വിശദീകരണം നല്കാന് തയ്യാറാകാത്ത സാഹചര്യത്തിലാണ്് പുറത്താക്കല് നടപടി ഉണ്ടായിരിക്കുന്നത്.
Culture
സി.എച്ച് ചെയര് ഇന്ന് പുതിയ കെട്ടിടത്തിലേക്ക്
കാലിക്കറ്റ് സര്വകലാശാലയിലെ സി.എച്ച് മുഹമ്മദ് കോയ ചെയര് ഫോര് സ്റ്റഡീസ് ഓണ് ഡവലപിംഗ് സൊസൈറ്റീസ്ഇന്ന് പുതിയ കെട്ടിടത്തിലേക്ക്.
കോഴിക്കോട്: കാലിക്കറ്റ് സര്വകലാശാലയിലെ സി.എച്ച് മുഹമ്മദ് കോയ ചെയര് ഫോര് സ്റ്റഡീസ് ഓണ് ഡവലപിംഗ് സൊസൈറ്റീസ്ഇന്ന് പുതിയ കെട്ടിടത്തിലേക്ക്. 2011 ല് പ്രവര്ത്തനമാരംഭിച്ച ചെയര് ഇത് വരെറോഡരികിലെ പഴയ കെട്ടിടത്തില് പ്രവര്ത്തിച്ച് വരികയായിരുന്നു. കാമ്പസില് പരീക്ഷാ ഭവന് പിറകില് ഗസ്റ്റ് ഹൗസിന് സമീപമാണ് പുതിയ കെട്ടിടം. ഇ.അഹമദ്, പി.കെ കുഞ്ഞാലിക്കുട്ടി, പി.വി അബ്ദുല് വഹാബ് എന്നിവരുടെ എം.പി ഫണ്ടില് നിന്ന് 65 ലക്ഷം രൂപ ചെലവഴിച്ചാണ് മൂന്ന് നിലയില് വിഭാവനം ചെയ്ത കെട്ടിടത്തിന്റെ ഒരു നിലയും ബേസ്മെന്റ് ഏരിയയുമാണ് പൂര്ത്തിയാക്കിയത്.
2004 ല് പാണക്കാട് ഹൈദരലി ശിഹാബ് തങ്ങള് ചെയര്മാനും അഷ്റഫ് തങ്ങള് ജനറല് സെക്രട്ടറിയുമായി രൂപീകരിച്ച ഗ്രെയ്സ് എജുക്കേഷണല് അസോസിയേഷനാണ് ചെയറിന്റെ ഡോണര് സംഘടന. ഇന്ന് വൈകിട്ട് 4 മണിക്ക് നടക്കുന്ന ചടങ്ങില് വൈസ് ചാന്സലര് ഡോ.എം.കെ ജയരാജ് അധ്യക്ഷത വഹിക്കും. പ്രതിപക്ഷ ഉപനേതാവ് പി.കെ കുഞ്ഞാലിക്കുട്ടി ഉദ്ഘാടനം ചെയ്യും. പി.വി അബ്ദുല് വഹാബ് എം.പി മുഖ്യപ്രഭാഷണം നടത്തും. പ്രമുഖ ചരിത്രകാരന് ഡോ. എം. ഗംഗാധരന്റെ പുസ്തകം കുടുംബാംഗങ്ങള് ചെയറിന് കൈമാറും. ഗവേണിംഗ് ബോഡി അംഗം ഡോ.എം.കെ മുനീര് എം.എല്.എ ഏറ്റുവാങ്ങും.
മൂന്ന് പദ്ധതികളോടെയാണ് ചെയര് പുതിയ കെട്ടിടത്തില് പ്രവര്ത്തിച്ച് തുടങ്ങുക. രാഷ്ട്രാന്തരീയ തലത്തിലെ അക്കാദമിഷ്യന്മാര്ക്കും ഗവേഷകര്ക്കും ഉപയോഗപ്പെടുത്താവുന്ന റിസര്ച്ച് ജേണല്, പഠന ഗവേഷണ സ്ഥാപനങ്ങളുമായി മെമ്മോറാണ്ടം ഓഫ് അണ്ടര്സ്റ്റാന്റിംഗ് ഒപ്പു വെയ്ക്കല്,അഫിര്മേറ്റീവ് ആക്ഷനും ഇന്ത്യന് ഭരണഘടനയും എന്ന വിഷയത്തിലുളള ഓണ്ലൈന് പ്രോഗ്രാം എന്നിവയാണിവ. ഹെരിറ്റേജ് ലൈബ്രറി ,സ്കൂള് ഓഫ് കമ്മ്യൂണിറ്റി. ഡവലപ്മെന്റ്, ഓറിയന്റേഷന് പ്രോഗ്രാമുകള്, ഫെലോഷിപ്പുകള് തുടങ്ങിയവയാണ് നിലവില് ചെയറിന്റെ പ്രവര്ത്തനങ്ങള്.
Culture
ജൂറി ഹോം സിനിമ കണ്ടിട്ടുണ്ടാകില്ല: വിമര്ശനവുമായി നടന് ഇന്ദ്രന്സ്
കുറ്റവാളി നിരപരാധിയാണെന്ന് തെളിഞ്ഞാല് ജൂറി വീണ്ടും സിനിമ കാണുമോയെന്നും ഇന്ദ്രന്സ് ചോദിച്ചു.
ചലച്ചിത്ര അവാര്ഡ് വിവാദത്തില് മാധ്യമങ്ങളോട് പ്രതികരണം നടത്തി നടന് ഇന്ദ്രന്സ്. സംസ്ഥാന ചലച്ചിത്ര പുരസ്കാര ജൂറി ‘ഹോം’ സിനിമ കണ്ടുകാണില്ല. തനിക്ക് അവാര്ഡ് ലഭിക്കാത്തതില് വിഷമമില്ല. എന്നാല് ഹോം സിനിമക്ക് അവാര്ഡ് പ്രതീക്ഷിച്ചെന്ന് ഇന്ദ്രന്സ് പറഞ്ഞു.
ഹോമിനെ തഴഞ്ഞതിനും, ചിത്രത്തിലെ പ്രകടനത്തിന് ഇന്ദ്രന്സിനെ മികച്ച നടനുള്ള പുരസ്കാരത്തിന് പരിഗണിക്കാതിരുന്നതിലും സമൂഹമാധ്യമങ്ങളില് വിമര്ശനം ശക്തമായ പശ്ചാത്തലത്തിലാണ് അദ്ദേഹത്തിന്റെ പ്രതികരണം.
ഹൃദയം സിനിമയും മികച്ചതാണെന്നും അതോടോപ്പം ചേര്ത്തുവക്കേണ്ട സിനിമായാണ് ഹോമെന്നും അദ്ദേഹം പറഞ്ഞു. സിനിമയെ ഒഴിവാക്കാന് നേരത്തേ കാരണം കണ്ടുവച്ചിട്ടുണ്ടാകാം. വിജയ്ബാബുവിനെതിരായ കേസും കാരണമായേക്കാം. കുറ്റവാളി നിരപരാധിയാണെന്ന് തെളിഞ്ഞാല് ജൂറി വീണ്ടും സിനിമ കാണുമോയെന്നും ഇന്ദ്രന്സ് ചോദിച്ചു.
-
Video Stories7 years ago
കൊടിഞ്ഞിയില് കൊല്ലപ്പെട്ട ഫൈസലിന്റ കഫീല് അബ്ദുല്ല അല്മുഹാവിസിന്റെ വാക്കുകള് വൈറലാവുന്നു
-
Culture7 years ago
അനസ്തേഷ്യയില്ലാത്ത ശസ്ത്രക്രിയയില് ഖുര്ആന് ഉരുവിട്ട് കുഞ്ഞ്; വാര്ത്ത വായിക്കുമ്പോള് വിതുമ്പിക്കരഞ്ഞ് അവതാരകന്
-
More8 years ago
ഭോപ്പാല് വിവാദ ഏറ്റുമുട്ടല്; കൂടുതല് തെളിവുകളോടെ മൂന്നാമത്തെ വീഡിയോ പുറത്ത്
-
More7 years ago
‘മകളെ കൊണ്ട് കള്ളം പറയിച്ചു’ ദിലീപ്-കാവ്യ വിവാഹത്തില് മഞ്ജുവിന്റെ പ്രതികരണം
-
Culture8 years ago
വഴിയോര കച്ചവടങ്ങളിലെ ബിരിയാണിയില് പൂച്ച മാംസം
-
Culture5 years ago
വീട്ടമ്മയുടെ നഗ്നദൃശ്യങ്ങള് ഭര്ത്താവിന് വാട്സ് ആപ്പില്; പ്രതിയെ കണ്ട് ഞെട്ടി പൊലീസും വീട്ടുകാരും
-
Culture7 years ago
‘സോനു നിഗം പ്രിയങ്കയില് നിന്നു പഠിക്കണം; ബാങ്കുവിളിയെക്കുറിച്ചുള്ള അധിക്ഷേപത്തിന് ശേഷം പ്രിയങ്കയുടെ ബാങ്കുവിളി പരാമര്ശം വൈറല്
-
Culture7 years ago
അണികളില് നിന്ന് ‘മുര്ദാബാദ് വിളി’; അസ്വസ്ഥനായി മോദി – മാധ്യമങ്ങള് കണ്ടില്ലെന്ന് നടിച്ച വീഡിയോ