Video Stories
ചൈനയുമായി അമേരിക്ക തുറന്ന വ്യാപാര യുദ്ധത്തിന്
വാഷിങ്ടണ്: വ്യാപാര യുദ്ധം ശക്തമാക്കി ചൈനീസ് ഉല്പന്നങ്ങള്ക്കുമേല് കൂടുതല് ഇറക്കുമതിത്തീരുവ ചുമത്തുമെന്ന് യു.എസ് പ്രസിഡന്റ് ഡൊണാള്ഡ് ട്രംപിന്റെ ഭീഷണി. 200 ശതകോടി ഡോളറിന്റെ അധിക ഇറക്കുമതിത്തീരുവ ചുമത്താനാണ് ട്രംപ് ഇപ്പോള് ഉത്തരവിട്ടിരിക്കുന്നത്. അന്താരാഷ്ട്രതലത്തില് കൂടുതല് ശക്തമായ വ്യാപാര യുദ്ധത്തിന് കളമൊരുക്കുന്ന യു.എസ് നടപടിക്ക് കനത്ത തിരിച്ചടി നല്കുമെന്ന് ചൈന പ്രഖ്യാപിച്ചു. അമേരിക്ക അന്യരാജ്യങ്ങളെ ബ്ലാക്ക്മെയില് ചെയ്യുകയാണെന്ന് ചൈനീസ് വാണിജ്യ മന്ത്രാലയം കുറ്റപ്പെടുത്തി. അമേരിക്കക്കെതിരെ എല്ലാ അര്ത്ഥത്തിലുള്ള നടപടികളും ഉണ്ടാകും. യു.എസ് ഭരണകൂടത്തിന്റെ അധിക തീരവുക്ക് തുല്യ നാണയത്തില് തിരിച്ചടി നല്കുമെന്നും മന്ത്രാലയം അറിയിച്ചു. വ്യാപാര രംഗത്ത് ചൈനയുടെ നിലപാടുകള് മാറുന്നില്ലെങ്കില് 10 ശതമാനത്തിന്റെ അധിക തീരുവ ചുമത്തുമെന്ന് ട്രംപ് പറഞ്ഞു. വര്ഷങ്ങളായി അമേരിക്കയുമായുള്ള വ്യാപാരത്തില് ചൈന അനര്ഹമായ ആനുകൂല്യങ്ങള് പറ്റുന്നുണ്ടെന്നാണ് ട്രംപിന്റെ ആരോപണം. അന്താരാഷ്ട്ര വ്യാപാര മേഖലയില് അമേരിക്കക്കുള്ള പ്രതിസന്ധികള് പരിഹരിക്കാന് നടപടിയുണ്ടാകുമെന്ന് പ്രസിഡന്റ് തെരഞ്ഞെടുപ്പ് കാലത്ത് അദ്ദേഹം പ്രഖ്യാപിച്ചിരുന്നു. ഇറക്കുമതിത്തീരുവകള് വര്ധിപ്പിക്കുന്നതിനെതിരെ പല സാമ്പത്തികശാസ്ത്രജ്ഞരും ട്രംപ് ഭരണകൂടത്തിന് മുന്നറിയിപ്പ് നല്കിയിട്ടുണ്ട്. ചൈനക്കെതിരെ അമേരിക്ക വീണ്ടും അധിക ഇറക്കുമതിത്തീരുവ ചുമത്തിയ സാഹചര്യത്തില് ഏഷ്യയില് ഓഹരി വിപണികള് ഇടിഞ്ഞു. ഷാങ്ഹായ് വിപണിയില് 3.8 ശതമാനം ഇടിവുണ്ടായി. യൂറോപ്യന് വിപണികളിലും യു.എസ് നീക്കം പ്രകമ്പനങ്ങള് സൃഷ്ടിച്ചു. കഴിഞ്ഞയാഴ്ചയാണ് ചൈനീസ് ഉല്പന്നങ്ങള്ക്കുമേല് 50 ശതകോടി ഡോളറിന്റെ 25 ശതമാനം ഇറക്കുമതിത്തീരുവ ചുമത്തിയത്. അമേരിക്കയുടെ 659 ഉല്പന്നങ്ങള്ക്കുമേല് സമാനതുകയുടെ ഇറക്കുമതിത്തീരുവ ചുമത്തി ചൈനയും തിരിച്ചടിച്ചിരുന്നു. അമേരിക്കയുടെ ബൗദ്ധിക സ്വത്തവകാശവും സാങ്കേതികവിദ്യയും ചൈന മോഷ്ടിക്കുന്നുവെന്നാണ് ട്രംപിന്റെ ആരോപണം. അമേരിക്കന് കമ്പനികള്ക്കും തൊഴിലാളികള്ക്കും കര്ഷകര്ക്കും ചൈനീസ് നടപടി ഭീഷണി സൃഷ്ടിക്കുന്നുവെന്നാണ് അദ്ദേഹത്തിന്റെ വാദം.
main stories
മുഖ്യമന്ത്രിയെ കരിങ്കൊടി കാണിച്ച കെ.എസ്.യു നേതാവിന് സി.പി.എം പ്രവര്ത്തകരുടെ മര്ദനം
മുഖ്യമന്ത്രി പിണറായി വിജയന് നേരെ കരിങ്കൊടി കാണിച്ച കെ.എസ്.യു നേതാവിന് സി.പി.എം പ്രവര്ത്തകരുടെ മര്ദനം.
മുഖ്യമന്ത്രി പിണറായി വിജയന് നേരെ കരിങ്കൊടി കാണിച്ച കെ.എസ്.യു നേതാവിന് സി.പി.എം പ്രവര്ത്തകരുടെ മര്ദനം.കണ്ണൂര് കെ.എസ്.യു ജില്ല വൈസ്പ്രസിഡന്് ഫര്ഹാന് മുണ്ടേരിക്കാണ് മര്ദനമേറ്റത്.
മുഖ്യമന്ത്രിക്ക് നേരെ കരിങ്കൊടി കാട്ടിയ ഫര്ഹാനെ പോലീസ് കസ്സറ്റഡിയിലെടുക്കുന്നതിനിടെയായിരുന്നു സി.പി.എം പ്രവര്ത്തകരുടെ മര്ദനം.ഫര്ഹാന് മുണ്ടേരി നിലവില് പോലീസ് കസ്സറ്റഡിയിലാണ്.
kerala
അയ്യൂബിന്റെ ഓട്ടോ ഓടിയത് സി.എച്ച്.സെന്ററിന് വേണ്ടി
കാരുണ്യ യാത്രയിൽ കളക്ഷനായി ലഭിച്ച മുഴുവൻ തുകയും രാത്രിയോടെ കമ്മറ്റിക്ക് കൈമാറി.
റഊഫ് കൂട്ടിലങ്ങാടി
കൂട്ടിലങ്ങാടി: സി.എച്ച്.സെന്റർ ദിനത്തിൽ കൂട്ടിലങ്ങാടിയിലെ ഓട്ടോ ഡ്രൈവർ മാരത്തൊടി അയ്യൂബ് തന്റെ ഓട്ടോറിക്ഷ ഓടിയത് സി.എച്ച്.സെന്റ്റിന് കലക്ഷൻ ശേഖരിക്കുന്നതിന് വേണ്ടി.
KL -O6 H 291 നമ്പറിലുള്ള ഓട്ടോയിൽ “ഇന്നത്തെ കലക്ഷൻ സി.എച്ച് സെന്ററിന്” എന്ന് എഴുതിയ സ്റ്റിക്കർ പതിച്ചാണ് കാരുണ്യ യാത്രക്കാരുങ്ങി വെള്ളിയാഴ്ച രാവിലെ അയ്യൂബ് ഓട്ടോ സ്റ്റാന്റിലേക്ക് എത്തിയത്.
അശരണരും ആലംബഹീനരുമായ വേദനയനുഭവിക്കുന്ന ആയിരങ്ങളുടെ കണ്ണീരൊപ്പാൻ സി.എച്ച്.സെന്റർ നടത്തുന്ന കാരുണ്യ പ്രവർത്തനത്ത നങ്ങളിൽ ഒരു കൈ സഹായം നൽകി പങ്കാളിത്തം വഴിക്കാൻ കഴിഞ്ഞ ആത്മസംതൃപ്തിയിലാണ് യൂത്ത് ലീഗ് പ്രവർത്തകനായ അയ്യൂബ്.
കാരുണ്യ യാത്രയിൽ കളക്ഷനായി ലഭിച്ച മുഴുവൻ തുകയും രാത്രിയോടെ കമ്മറ്റിക്ക് കൈമാറി. വാർഡ് മെമ്പർ കൂരി മുസ്തഫ,ഷമീർ കോപ്പിലാൻ എന്നിവർ തുക ഏറ്റുവാങ്ങി.
Health
അറുപത് ഡി ബി എസ് ശസ്ത്രക്രിയകളുമായി ആസ്റ്റര് ഹോസ്പിറ്റല്
കേരളത്തില് കോഴിക്കോട് ആസ്റ്റര് മിംസ്, കൊച്ചി ആസ്റ്റര് മെഡ്സിറ്റി എന്നിവിടങ്ങളിലാണ് ഡി ബി എസ് ശസ്ത്രക്രിയ പ്രധാനമായും നിര്വ്വഹിക്കുന്നത് .
കോഴിക്കോട്: പാര്ക്കിന്സണ്സ് രോഗത്തിനുള്ള ഏറ്റവും ഫലപ്രദമായ ചികിത്സയായ ഡീപ് ബ്രെയിന് സ്റ്റിമുലേഷന് (ഡി ബി എസ്) അറുപത് എണ്ണം പൂര്ത്തിയാക്കിക്കൊണ്ട് കേരളത്തിലെ ആസ്റ്റര് ഹോസ്പിറ്റലുകള് ശ്രദ്ധേയമാകുന്നു. വളരെ ചുരുങ്ങിയ കാലയളവിനുള്ളിലാണ് അറുപത് ഡി ബി എസ് ശസ്ത്രക്രിയകള് വിജയകരമായി പൂര്ത്തീകരിക്കാന് ആസ്റ്റര് ഹോസ്പിറ്റലുകള്ക്ക് സാധിച്ചിരിക്കുന്നത്. ലോകത്തിലെ തന്നെ ഏറ്റവും മികച്ച ഡി ബി എസ് സെന്ററുകളുടെ നിരക്കുകളോട് സമാനത പുലര്ത്തുന്ന നേട്ടമാണിത്.
നിലയ്ക്കാത്ത വിറയലും അനുബന്ധമായ മറ്റ് ബുദ്ധിമുട്ടുകളുമാണ് പാര്ക്കിന്സണ്സ് രോഗത്തിന്റെ പ്രധാന ലക്ഷണവും പ്രതിസന്ധിയും. ഇത് മൂലം രോഗബാധിതരായവരുടെ ദൈനംദിന ജീവിതം തന്നെ ദുരിതത്തിലാവുകയും സമാനതകളില്ലാത്ത പ്രതിസന്ധികള് അവര് അഭിമുഖീകരിക്കേണ്ടി വരികയും ചെയ്യുന്നു. അടുത്ത കാലം വരെ ഫലപ്രദമായ ചികിത്സകളില്ലാതിരുന്ന രോഗം എന്ന നിലയിലായിരുന്നു പാര്ക്കിന്സണ്സിനെ നോക്കിക്കണ്ടിരുന്നത്. എന്നാല് ഡി ബി എസിന്റെ ആവിര്ഭാവത്തോടെ ഈ അവസ്ഥയ്ക്ക് വലിയ പരിഹാരമാണ് സൃഷ്ടിക്കപ്പെട്ടിരിക്കുന്നത്. തലച്ചോറില് ഇലക്ട്രോഡുകള് ശസ്ത്രക്രിയ വഴി സ്ഥാപിക്കുകയും ഇതിന്റെ തരംഗങ്ങള് ഉപയോഗപ്പെടുത്തി രോഗലക്ഷണങ്ങള്ക്ക് കാരണമാകുന്ന അസാധാരണ പ്രവര്ത്തനങ്ങളെ പ്രതിരോധിക്കുകയോ കുറയ്ക്കുകയോ ചെയ്യുകയുമാണ് ഡി ബി എസിലൂടെ നിര്വ്വഹിക്കപ്പെടുന്നത്.
കേരളത്തില് കോഴിക്കോട് ആസ്റ്റര് മിംസ്, കൊച്ചി ആസ്റ്റര് മെഡ്സിറ്റി എന്നിവിടങ്ങളിലാണ് ഡി ബി എസ് ശസ്ത്രക്രിയ പ്രധാനമായും നിര്വ്വഹിക്കുന്നത് എന്ന് ശ്രീ. ഫര്ഹാന് യാസിന് (റീജ്യണല് ഡയറക്ടര്, ആസ്റ്റര് ഹോസ്പിറ്റല്സ്) പറഞ്ഞു. നിലവിലുള്ള ഏറ്റവും ഫലപ്രദമായ ചികിത്സാ രീതിയാണ് ഡി ബി എസ് എന്നും ഇതുമായി ബന്ധപ്പെട്ടുള്ള ഏത് അന്വേഷണങ്ങള്ക്കും 9746554443 (കൊച്ചിന്), 95623 30022 (കോഴിക്കോട്) എന്നീ നമ്പറുകളില് ബന്ധപ്പെടാവുന്നതാണെന്നും അദ്ദേഹം കൂട്ടിച്ചേര്ത്തു.
-
Video Stories8 years ago
കൊടിഞ്ഞിയില് കൊല്ലപ്പെട്ട ഫൈസലിന്റ കഫീല് അബ്ദുല്ല അല്മുഹാവിസിന്റെ വാക്കുകള് വൈറലാവുന്നു
-
Culture8 years ago
അനസ്തേഷ്യയില്ലാത്ത ശസ്ത്രക്രിയയില് ഖുര്ആന് ഉരുവിട്ട് കുഞ്ഞ്; വാര്ത്ത വായിക്കുമ്പോള് വിതുമ്പിക്കരഞ്ഞ് അവതാരകന്
-
More8 years ago
ഭോപ്പാല് വിവാദ ഏറ്റുമുട്ടല്; കൂടുതല് തെളിവുകളോടെ മൂന്നാമത്തെ വീഡിയോ പുറത്ത്
-
More8 years ago
‘മകളെ കൊണ്ട് കള്ളം പറയിച്ചു’ ദിലീപ്-കാവ്യ വിവാഹത്തില് മഞ്ജുവിന്റെ പ്രതികരണം
-
Culture8 years ago
വഴിയോര കച്ചവടങ്ങളിലെ ബിരിയാണിയില് പൂച്ച മാംസം
-
Culture5 years ago
വീട്ടമ്മയുടെ നഗ്നദൃശ്യങ്ങള് ഭര്ത്താവിന് വാട്സ് ആപ്പില്; പ്രതിയെ കണ്ട് ഞെട്ടി പൊലീസും വീട്ടുകാരും
-
Culture8 years ago
‘സോനു നിഗം പ്രിയങ്കയില് നിന്നു പഠിക്കണം; ബാങ്കുവിളിയെക്കുറിച്ചുള്ള അധിക്ഷേപത്തിന് ശേഷം പ്രിയങ്കയുടെ ബാങ്കുവിളി പരാമര്ശം വൈറല്
-
Culture8 years ago
അണികളില് നിന്ന് ‘മുര്ദാബാദ് വിളി’; അസ്വസ്ഥനായി മോദി – മാധ്യമങ്ങള് കണ്ടില്ലെന്ന് നടിച്ച വീഡിയോ