Culture
ബലന് ഡി യോറിനര്ഹനാണ് സലാഹ്
തേര്ഡ് ഐ/കമാല് വരദൂര്
ഒരു പതിവ് ചോദ്യം. ആരായിരിക്കും ഇത്തവണ ബലന്ഡിയോര് സ്വന്തമാക്കുക. പതിവ് ഉത്തരങ്ങളില് രണ്ട് പേര് മാത്രമാണല്ലോ… ഒന്നുകില് മെസി, അല്ലെങ്കില് കൃസ്റ്റിയാനോ. 2007 മുതല് ബലന്ഡിയോര് പുരസ്ക്കാരം നോക്കിയാല് ഈ രണ്ട് പേരുടെയും കുത്തകയാണ്. അര്ജന്റീനക്കാരനും പോര്ച്ചുഗലുകാരനും അഥവാ ബാര്സയും റയലും തമ്മിലുളള ഈ കുത്തക പോരിന് ഇത്തവണ അന്ത്യമുണ്ടാവില്ലേ…? ഉണ്ടാവുമെന്നാണ് തേര്ഡ് ഐ വീക്ഷണം. വലിയ ഫുട്ബോള് പുരസ്ക്കാരത്തിനായി മുഹമ്മദ് സലാഹ് ഗാലി എന്ന ഈജിപ്തുകാരന്റെ പേര് മുന്നോട്ട് വെക്കുമ്പോള് ചിരിച്ചു തള്ളുന്നവരുണ്ടാവാം. പക്ഷേ വരട്ടെ-ലിവര്പൂള് യുവേഫ ചാമ്പ്യന്സ് ലീഗിന്റെ ഫൈനല് മുഖത്താണ്. ഈജിപ്ത് ലോകകപ്പില് കളിക്കുന്നുമുണ്ട്. മെസിയുടെ ഫ്രീകിക്ക് വേട്ടക്കും സി.ആര് 7 ന്റെ മാജിക് ഗോളുകള്ക്കുമെല്ലാം സ്ഥിരമായി വോട്ട് നല്കുന്ന നമ്മുടെ ദേശീയ നായകരും പരിശീലകരും മുഹമ്മദ് സലാഹ് എന്ന ഇരുപത്തിയഞ്ചുകാരന്റെ മികവ് കാണാതിരിക്കില്ലല്ലോ….
🎶 Mo Salah, Mo Salah, running down the wing 🇪🇬👑#UCL @mosalah pic.twitter.com/wxyveDQC67
— UEFA Champions League (@ChampionsLeague) April 24, 2018
ഈജിപ്ത് ഒരു ഫുട്ബോള് രാജ്യമൊന്നുമല്ല-പക്ഷേ ഫുട്ബോള് അവര്ക്ക് പ്രിയങ്കരമാണ്. യൂറോപ്യന് ക്ലബ് ഫുട്ബോളിന്റെ വിഖ്യാത താരങ്ങളെ തെരഞ്ഞാല് ഈജിപ്തുകാരില്ലെന്ന് തന്നെ പറയാം. അത് കൊണ്ടാണല്ലോ പ്രൊഫഷണല് ഫുട്ബോളേഴ്സ് അസോസിയേഷന്റെ ഏറ്റവും മികച്ച താരമായി സലാഹ് തെരഞ്ഞെടുക്കപ്പെട്ടപ്പോള് അദ്ദേഹം ഈ ബഹുമതി സ്വന്തമാക്കുന്ന ആദ്യ ഈജിപ്തുകാരനായത്.കഠിനാദ്ധ്വാനമാണല്ലോ പുരസ്ക്കാരങ്ങളുടെ മാനദണ്ഡം. സലാഹ് ഈ സീസണില് ഇതിനകം 43 ഗോളുകളാണ് സ്ക്കോര് ചെയ്തിരിക്കുന്നത്. ഇംഗ്ലീഷ് പ്രീമിയര് ലീഗില് ലിവര്പൂളിന് മൂന്ന് മല്സരങ്ങള് ബാക്കി നില്ക്കുന്നു. ചാമ്പ്യന്സ് ലീഗില് സെമി രണ്ടാ പാദമുണ്ട്, പിന്നെ ഫൈനലും വരും. സീസണിലെ ഗോള് സമ്പാദ്യം അര്ധശതകമാക്കാന് നിലവിലെ ഫോമില് അദ്ദേഹത്തിന് പ്രയാസമില്ല. ഈ ഗോളുകളെല്ലാം കഠിനാദ്ധ്വാനത്തിന്റെ വിയര്പ്പാണ്. ഗോളുകള് ധാരാളം മെസി സ്ക്കോര് ചെയ്യുമ്പോള് ബാര്സിലോണ മധ്യനിരയിലെ ഇനിയസ്റ്റമാരുടെ പിന്തുണ മറക്കാവതല്ല. കൃസ്റ്റിയാനോക്കായി പന്ത് നല്കാന് ജെറാത്ത് ബെയിലും മാര്സിലോയും ബെന്സേമയുമെല്ലാമുണ്ട്. ലോക ഫുട്ബോളിലെ സമ്പന്നമായ സംഘങ്ങള്ക്കൊപ്പമാണ് മെസിയും കൃസ്റ്റിയാനോയും കളിക്കുന്നതെങ്കില് സലാഹിന് ഇത്തരം പിന്ബലമില്ല. സ്വന്തം ആരോഗ്യത്തില് വിശ്വാസമര്പ്പിച്ചുള്ള ഫുട്ബോള്.
അതാണ് അദ്ദേഹത്തിന്റെ കരുത്ത്. 75 മിനുട്ട് അദ്ദേഹം ഇന്നലെ ചാമ്പ്യന്സ് ലീഗ് സെമി കളിച്ചു. ഒരു മിനുട്ട് പോലും വിശ്രമമില്ല. പന്തിനൊപ്പം പറ പറക്കുന്നു.
അദ്ദേഹത്തെ കോച്ച് പിന്വലിച്ചപ്പോഴാവട്ടെ റോമക്കാര് രണ്ട് ഗോളും സ്ക്കോര് ചെയ്തു. അതും കാണാതിരിക്കരുത്. നല്ല ആരോഗ്യം, ലക്ഷ്യ ബോധം, സഹായ മനസ്ഥിതി-ഒരു കൃസ്റ്റിയാനോ റൊണാള്ഡോ മോഡല് ഗെയിം. ചാമ്പ്യന്സ് ലീഗ് സെമി ആദ്യ പാദത്തില് സ്വന്തം കാര്യം സിന്ദാബാദ് മുദ്രാവാക്യമായിരുന്നു സാലിഹിനെങ്കില് സുന്ദരമായി അദ്ദേഹത്തിന് ഹാട്രിക് നേടാമായിരുന്നു. തനിക്ക് സ്ക്കോര് ചെയ്യാന് കഴിയുന്ന രണ്ടവസരങ്ങളില് സലാഹ് പന്ത് കൂട്ടുകാര്ക്കാണ് നല്കിയത്. അവര് സ്ക്കോര് ചെയ്തു-
ഈ ഫുട്ബോള് ബലന്ഡിയോര് അര്ഹിക്കുന്നില്ലേ……
നടന് ഷമ്മിതിലകനെ അമ്മ സംഘടനയില് നിന്ന് പുറത്താക്കി. അച്ചടക്ക ലംഘനത്തെ തുടര്ന്നാണ് നടപടി. ഇന്ന് കൊച്ചിയില് നടന്ന ജനറല് ബോഡി യോഗത്തിലാണ് തീരുമാനം.
കഴിഞ്ഞ യോഗത്തില് ഷമ്മിതിലകന് ചില ദൃശ്യങ്ങള് ചിത്രീകരിച്ചിരുന്നു. ഇത് വിവാദമായതിനെത്തുടര്ന്ന് നടനോട് സംഘടന വിശദീകരണം ആവശ്യപ്പെട്ടിരുന്നു. എന്നാല് വിശദീകരണം നല്കാന് തയ്യാറാകാത്ത സാഹചര്യത്തിലാണ്് പുറത്താക്കല് നടപടി ഉണ്ടായിരിക്കുന്നത്.
Culture
സി.എച്ച് ചെയര് ഇന്ന് പുതിയ കെട്ടിടത്തിലേക്ക്
കാലിക്കറ്റ് സര്വകലാശാലയിലെ സി.എച്ച് മുഹമ്മദ് കോയ ചെയര് ഫോര് സ്റ്റഡീസ് ഓണ് ഡവലപിംഗ് സൊസൈറ്റീസ്ഇന്ന് പുതിയ കെട്ടിടത്തിലേക്ക്.
കോഴിക്കോട്: കാലിക്കറ്റ് സര്വകലാശാലയിലെ സി.എച്ച് മുഹമ്മദ് കോയ ചെയര് ഫോര് സ്റ്റഡീസ് ഓണ് ഡവലപിംഗ് സൊസൈറ്റീസ്ഇന്ന് പുതിയ കെട്ടിടത്തിലേക്ക്. 2011 ല് പ്രവര്ത്തനമാരംഭിച്ച ചെയര് ഇത് വരെറോഡരികിലെ പഴയ കെട്ടിടത്തില് പ്രവര്ത്തിച്ച് വരികയായിരുന്നു. കാമ്പസില് പരീക്ഷാ ഭവന് പിറകില് ഗസ്റ്റ് ഹൗസിന് സമീപമാണ് പുതിയ കെട്ടിടം. ഇ.അഹമദ്, പി.കെ കുഞ്ഞാലിക്കുട്ടി, പി.വി അബ്ദുല് വഹാബ് എന്നിവരുടെ എം.പി ഫണ്ടില് നിന്ന് 65 ലക്ഷം രൂപ ചെലവഴിച്ചാണ് മൂന്ന് നിലയില് വിഭാവനം ചെയ്ത കെട്ടിടത്തിന്റെ ഒരു നിലയും ബേസ്മെന്റ് ഏരിയയുമാണ് പൂര്ത്തിയാക്കിയത്.
2004 ല് പാണക്കാട് ഹൈദരലി ശിഹാബ് തങ്ങള് ചെയര്മാനും അഷ്റഫ് തങ്ങള് ജനറല് സെക്രട്ടറിയുമായി രൂപീകരിച്ച ഗ്രെയ്സ് എജുക്കേഷണല് അസോസിയേഷനാണ് ചെയറിന്റെ ഡോണര് സംഘടന. ഇന്ന് വൈകിട്ട് 4 മണിക്ക് നടക്കുന്ന ചടങ്ങില് വൈസ് ചാന്സലര് ഡോ.എം.കെ ജയരാജ് അധ്യക്ഷത വഹിക്കും. പ്രതിപക്ഷ ഉപനേതാവ് പി.കെ കുഞ്ഞാലിക്കുട്ടി ഉദ്ഘാടനം ചെയ്യും. പി.വി അബ്ദുല് വഹാബ് എം.പി മുഖ്യപ്രഭാഷണം നടത്തും. പ്രമുഖ ചരിത്രകാരന് ഡോ. എം. ഗംഗാധരന്റെ പുസ്തകം കുടുംബാംഗങ്ങള് ചെയറിന് കൈമാറും. ഗവേണിംഗ് ബോഡി അംഗം ഡോ.എം.കെ മുനീര് എം.എല്.എ ഏറ്റുവാങ്ങും.
മൂന്ന് പദ്ധതികളോടെയാണ് ചെയര് പുതിയ കെട്ടിടത്തില് പ്രവര്ത്തിച്ച് തുടങ്ങുക. രാഷ്ട്രാന്തരീയ തലത്തിലെ അക്കാദമിഷ്യന്മാര്ക്കും ഗവേഷകര്ക്കും ഉപയോഗപ്പെടുത്താവുന്ന റിസര്ച്ച് ജേണല്, പഠന ഗവേഷണ സ്ഥാപനങ്ങളുമായി മെമ്മോറാണ്ടം ഓഫ് അണ്ടര്സ്റ്റാന്റിംഗ് ഒപ്പു വെയ്ക്കല്,അഫിര്മേറ്റീവ് ആക്ഷനും ഇന്ത്യന് ഭരണഘടനയും എന്ന വിഷയത്തിലുളള ഓണ്ലൈന് പ്രോഗ്രാം എന്നിവയാണിവ. ഹെരിറ്റേജ് ലൈബ്രറി ,സ്കൂള് ഓഫ് കമ്മ്യൂണിറ്റി. ഡവലപ്മെന്റ്, ഓറിയന്റേഷന് പ്രോഗ്രാമുകള്, ഫെലോഷിപ്പുകള് തുടങ്ങിയവയാണ് നിലവില് ചെയറിന്റെ പ്രവര്ത്തനങ്ങള്.
Culture
ജൂറി ഹോം സിനിമ കണ്ടിട്ടുണ്ടാകില്ല: വിമര്ശനവുമായി നടന് ഇന്ദ്രന്സ്
കുറ്റവാളി നിരപരാധിയാണെന്ന് തെളിഞ്ഞാല് ജൂറി വീണ്ടും സിനിമ കാണുമോയെന്നും ഇന്ദ്രന്സ് ചോദിച്ചു.
ചലച്ചിത്ര അവാര്ഡ് വിവാദത്തില് മാധ്യമങ്ങളോട് പ്രതികരണം നടത്തി നടന് ഇന്ദ്രന്സ്. സംസ്ഥാന ചലച്ചിത്ര പുരസ്കാര ജൂറി ‘ഹോം’ സിനിമ കണ്ടുകാണില്ല. തനിക്ക് അവാര്ഡ് ലഭിക്കാത്തതില് വിഷമമില്ല. എന്നാല് ഹോം സിനിമക്ക് അവാര്ഡ് പ്രതീക്ഷിച്ചെന്ന് ഇന്ദ്രന്സ് പറഞ്ഞു.
ഹോമിനെ തഴഞ്ഞതിനും, ചിത്രത്തിലെ പ്രകടനത്തിന് ഇന്ദ്രന്സിനെ മികച്ച നടനുള്ള പുരസ്കാരത്തിന് പരിഗണിക്കാതിരുന്നതിലും സമൂഹമാധ്യമങ്ങളില് വിമര്ശനം ശക്തമായ പശ്ചാത്തലത്തിലാണ് അദ്ദേഹത്തിന്റെ പ്രതികരണം.
ഹൃദയം സിനിമയും മികച്ചതാണെന്നും അതോടോപ്പം ചേര്ത്തുവക്കേണ്ട സിനിമായാണ് ഹോമെന്നും അദ്ദേഹം പറഞ്ഞു. സിനിമയെ ഒഴിവാക്കാന് നേരത്തേ കാരണം കണ്ടുവച്ചിട്ടുണ്ടാകാം. വിജയ്ബാബുവിനെതിരായ കേസും കാരണമായേക്കാം. കുറ്റവാളി നിരപരാധിയാണെന്ന് തെളിഞ്ഞാല് ജൂറി വീണ്ടും സിനിമ കാണുമോയെന്നും ഇന്ദ്രന്സ് ചോദിച്ചു.
-
Video Stories7 years ago
കൊടിഞ്ഞിയില് കൊല്ലപ്പെട്ട ഫൈസലിന്റ കഫീല് അബ്ദുല്ല അല്മുഹാവിസിന്റെ വാക്കുകള് വൈറലാവുന്നു
-
Culture7 years ago
അനസ്തേഷ്യയില്ലാത്ത ശസ്ത്രക്രിയയില് ഖുര്ആന് ഉരുവിട്ട് കുഞ്ഞ്; വാര്ത്ത വായിക്കുമ്പോള് വിതുമ്പിക്കരഞ്ഞ് അവതാരകന്
-
More8 years ago
ഭോപ്പാല് വിവാദ ഏറ്റുമുട്ടല്; കൂടുതല് തെളിവുകളോടെ മൂന്നാമത്തെ വീഡിയോ പുറത്ത്
-
More7 years ago
‘മകളെ കൊണ്ട് കള്ളം പറയിച്ചു’ ദിലീപ്-കാവ്യ വിവാഹത്തില് മഞ്ജുവിന്റെ പ്രതികരണം
-
Culture8 years ago
വഴിയോര കച്ചവടങ്ങളിലെ ബിരിയാണിയില് പൂച്ച മാംസം
-
Culture5 years ago
വീട്ടമ്മയുടെ നഗ്നദൃശ്യങ്ങള് ഭര്ത്താവിന് വാട്സ് ആപ്പില്; പ്രതിയെ കണ്ട് ഞെട്ടി പൊലീസും വീട്ടുകാരും
-
Culture7 years ago
‘സോനു നിഗം പ്രിയങ്കയില് നിന്നു പഠിക്കണം; ബാങ്കുവിളിയെക്കുറിച്ചുള്ള അധിക്ഷേപത്തിന് ശേഷം പ്രിയങ്കയുടെ ബാങ്കുവിളി പരാമര്ശം വൈറല്
-
Culture7 years ago
അണികളില് നിന്ന് ‘മുര്ദാബാദ് വിളി’; അസ്വസ്ഥനായി മോദി – മാധ്യമങ്ങള് കണ്ടില്ലെന്ന് നടിച്ച വീഡിയോ