Video Stories
റെക്സ് ടില്ലേഴ്സനെ ട്രംപ് പുറത്താക്കി
വാഷിങ്ടണ്: ഉത്തരകൊറിയന് പ്രശ്നം ഉള്പ്പെടെ പല അന്താരാഷ്ട്ര വിഷയങ്ങളിലും ഇടഞ്ഞുനില്ക്കുന്ന അമേരിക്കന് സ്റ്റേറ്റ് സെക്രട്ടറി റെക്സ് ടില്ലേഴ്സനെ പ്രസിഡന്റ് ഡൊണാള്ഡ് ട്രംപ് പുറത്താക്കി. പകരം സി.ഐ.എ ഡയറക്ടര് മൈക്ക് പോംപിയോയെ നാമനിര്ദേശം ചെയ്തു. പോംപിയോയുടെ ഒഴിവിലേക്ക് ജിന ഹാസ്പലിനെ സി.ഐ.എ ഡയറക്ടറായും നിയോഗിച്ചു. സി.ഐ.എയുടെ ആദ്യത്തെ വനിതാമേധാവിയായിരിക്കും ഹാസ്പല്. പല വിഷയങ്ങളിലും ടില്ലേഴ്സനും ട്രംപും ശീതസമരത്തിലായിരുന്നു. ഏറ്റവുമൊടുവില് ഉത്തരകൊറിയന് പ്രശ്നത്തില് ഇരുവരും പരസ്യമായി ഇടഞ്ഞു. ടില്ലേഴ്സന് അറിയാതെ വിദേശകാര്യ പ്രശ്നങ്ങളില് ട്രംപ് സ്വന്തമായി തീരുമാനമെടുക്കാന് തുടങ്ങിയതോടെ ഭിന്നത രൂക്ഷമായി.
ഉത്തരകൊറിയന് ഭരണാധികാരി കിം ജോങ് ഉന്നിന്റെ കൂടിക്കാഴ്ചക്കുള്ള ക്ഷണം ട്രംപ് സ്വീകരിച്ചത് ടില്ലേഴ്സന് അമ്പരപ്പോടെയാണ് കേട്ടത്. ട്രംപിന്റെ പ്രഖ്യാപനം വരുമ്പോള് അദ്ദേഹം ആഫ്രിക്കന് പര്യടനത്തിലായിരുന്നു. യു.എസ്-ഉത്തരകൊറിയ ചര്ച്ച സമീപ കാലത്തൊന്നും ഉണ്ടാകില്ലെന്ന് ടില്ലേഴ്സന് മാധ്യമപ്രവര്ത്തകരെ അറിയിച്ച് ഒരു ദിവസത്തിനുശേഷമാണ് ട്രംപിന്റെ അപ്രതീക്ഷിത പ്രഖ്യാപനം. ടില്ലേഴ്സനെ പുറത്താക്കി പോംപിയോയെ നിയമിക്കാന് വൈറ്റ്ഹൗസില് നീക്കം നടത്തുന്നുണ്ടെന്ന് നവംബര് അവസാനം ന്യൂയോര്ക്ക് ടൈംസ് വെളിപ്പെടുത്തിയിരുന്നു. ടില്ലേഴ്സനെ സമ്മര്ദ്ദത്തിലാക്കി പുകച്ചുചാടിക്കുന്നതിന് വൈറ്റ്ഹൗസിലെ ചിലര് തന്നെയാണ് വിവരം മാധ്യമങ്ങള്ക്ക് ചോര്ത്തിക്കൊടുത്തതെന്ന് റിപ്പോര്ട്ടുണ്ട്. കഴിഞ്ഞ വര്ഷം ഒക്ടോബറില് പ്രസിഡന്റുമായുള്ള ഭിന്നതയെതുടര്ന്ന് ടില്ലേഴ്സന് രാജിവെക്കുമെന്ന് വാര്ത്തയുണ്ടായിരുന്നു. പെന്റഗണില് നടന്ന യോഗത്തില് ട്രംപിനെ ടില്ലേഴ്സന് ബുദ്ധിശൂന്യനെന്ന് വിളിച്ചെന്നും അവര്ക്കിടയില് കടുത്ത ഭിന്നതയുണ്ടെന്നും എന്ബിസി ചാനല് വെളിപ്പെടുത്തിയിരുന്നു. എന്നാല് ഇതു പിന്നീട് ഇരുവരും തള്ളി. ആരാണ് ബുദ്ധിമാനെന്ന് ഐ.ക്യു ടെസ്റ്റ് നടത്തിയ ശേഷം പറയാമെന്നായിരുന്നു ട്രംപിന്റെ മറുപടിയെന്ന് ഫോബ്സ് മാഗസിനും റിപ്പോര്ട്ട് ചെയ്തിട്ടുണ്ട്. ഒരുഘട്ടത്തില് ഉത്തരകൊറിയയുമായി ടില്ലേഴ്സണ് നടത്തിയ സമവായ ശ്രമങ്ങളെ ട്രംപ് അട്ടിമറിക്കാന് ശ്രമിച്ചിരുന്നു. ആണവായുധ, ബാലിസ്റ്റിക് മിസൈല് പരീക്ഷണങ്ങളെ ചൊല്ലി ഇരു രാജ്യങ്ങളും വാക് പോരാട്ടം നടത്തിക്കൊണ്ടിരിക്കെ നയതന്ത്ര നീക്കങ്ങളുമായി മുന്നോട്ടുപോയ ടില്ലേഴ്സന് സമയം പാഴാക്കുകയാണെന്നായിരുന്നു ട്രംപിന്റെ പ്രഖ്യാപനം. ‘നിങ്ങള് ഊര്ജം പാഴാക്കരുത് റെക്സ്, ഞങ്ങള് ചെയ്യേണ്ടത് ചെയ്യും’ എന്നായിരുന്നു ട്രംപിന്റെ ട്വീറ്റ്. അതു കഴിഞ്ഞ് അഞ്ച് മാസത്തിനുശേഷം ഉന്നിനെ നേരില് കണ്ട് ചര്ച്ച നടത്താന് ട്രംപ് സമ്മതിക്കുകയും ചെയ്തു. പ്രതിഷേധക്കാരെ ട്രംപ് നവനാസികളോട് ഉപമിച്ചപ്പോഴും അവര്ക്കിടയിലെ ഭിന്നത മറനീക്കി പുറത്തുവന്നു. അമേരിക്കന് മൂല്യങ്ങള് പറയുന്നത് സ്റ്റേറ്റ് ഡിപ്പാര്ട്മെന്റില്നിന്നാണെന്നും പ്രസിഡന്റ് പറയുന്നത് സ്വന്തം കാര്യമാണെന്നുമായിരുന്നു ഇതേക്കുറിച്ച് ടില്ലേഴ്സന് ഫോക്സ് ന്യൂസിനോട് പറഞ്ഞത്.
main stories
മുഖ്യമന്ത്രിയെ കരിങ്കൊടി കാണിച്ച കെ.എസ്.യു നേതാവിന് സി.പി.എം പ്രവര്ത്തകരുടെ മര്ദനം
മുഖ്യമന്ത്രി പിണറായി വിജയന് നേരെ കരിങ്കൊടി കാണിച്ച കെ.എസ്.യു നേതാവിന് സി.പി.എം പ്രവര്ത്തകരുടെ മര്ദനം.
മുഖ്യമന്ത്രി പിണറായി വിജയന് നേരെ കരിങ്കൊടി കാണിച്ച കെ.എസ്.യു നേതാവിന് സി.പി.എം പ്രവര്ത്തകരുടെ മര്ദനം.കണ്ണൂര് കെ.എസ്.യു ജില്ല വൈസ്പ്രസിഡന്് ഫര്ഹാന് മുണ്ടേരിക്കാണ് മര്ദനമേറ്റത്.
മുഖ്യമന്ത്രിക്ക് നേരെ കരിങ്കൊടി കാട്ടിയ ഫര്ഹാനെ പോലീസ് കസ്സറ്റഡിയിലെടുക്കുന്നതിനിടെയായിരുന്നു സി.പി.എം പ്രവര്ത്തകരുടെ മര്ദനം.ഫര്ഹാന് മുണ്ടേരി നിലവില് പോലീസ് കസ്സറ്റഡിയിലാണ്.
kerala
അയ്യൂബിന്റെ ഓട്ടോ ഓടിയത് സി.എച്ച്.സെന്ററിന് വേണ്ടി
കാരുണ്യ യാത്രയിൽ കളക്ഷനായി ലഭിച്ച മുഴുവൻ തുകയും രാത്രിയോടെ കമ്മറ്റിക്ക് കൈമാറി.
റഊഫ് കൂട്ടിലങ്ങാടി
കൂട്ടിലങ്ങാടി: സി.എച്ച്.സെന്റർ ദിനത്തിൽ കൂട്ടിലങ്ങാടിയിലെ ഓട്ടോ ഡ്രൈവർ മാരത്തൊടി അയ്യൂബ് തന്റെ ഓട്ടോറിക്ഷ ഓടിയത് സി.എച്ച്.സെന്റ്റിന് കലക്ഷൻ ശേഖരിക്കുന്നതിന് വേണ്ടി.
KL -O6 H 291 നമ്പറിലുള്ള ഓട്ടോയിൽ “ഇന്നത്തെ കലക്ഷൻ സി.എച്ച് സെന്ററിന്” എന്ന് എഴുതിയ സ്റ്റിക്കർ പതിച്ചാണ് കാരുണ്യ യാത്രക്കാരുങ്ങി വെള്ളിയാഴ്ച രാവിലെ അയ്യൂബ് ഓട്ടോ സ്റ്റാന്റിലേക്ക് എത്തിയത്.
അശരണരും ആലംബഹീനരുമായ വേദനയനുഭവിക്കുന്ന ആയിരങ്ങളുടെ കണ്ണീരൊപ്പാൻ സി.എച്ച്.സെന്റർ നടത്തുന്ന കാരുണ്യ പ്രവർത്തനത്ത നങ്ങളിൽ ഒരു കൈ സഹായം നൽകി പങ്കാളിത്തം വഴിക്കാൻ കഴിഞ്ഞ ആത്മസംതൃപ്തിയിലാണ് യൂത്ത് ലീഗ് പ്രവർത്തകനായ അയ്യൂബ്.
കാരുണ്യ യാത്രയിൽ കളക്ഷനായി ലഭിച്ച മുഴുവൻ തുകയും രാത്രിയോടെ കമ്മറ്റിക്ക് കൈമാറി. വാർഡ് മെമ്പർ കൂരി മുസ്തഫ,ഷമീർ കോപ്പിലാൻ എന്നിവർ തുക ഏറ്റുവാങ്ങി.
Health
അറുപത് ഡി ബി എസ് ശസ്ത്രക്രിയകളുമായി ആസ്റ്റര് ഹോസ്പിറ്റല്
കേരളത്തില് കോഴിക്കോട് ആസ്റ്റര് മിംസ്, കൊച്ചി ആസ്റ്റര് മെഡ്സിറ്റി എന്നിവിടങ്ങളിലാണ് ഡി ബി എസ് ശസ്ത്രക്രിയ പ്രധാനമായും നിര്വ്വഹിക്കുന്നത് .
കോഴിക്കോട്: പാര്ക്കിന്സണ്സ് രോഗത്തിനുള്ള ഏറ്റവും ഫലപ്രദമായ ചികിത്സയായ ഡീപ് ബ്രെയിന് സ്റ്റിമുലേഷന് (ഡി ബി എസ്) അറുപത് എണ്ണം പൂര്ത്തിയാക്കിക്കൊണ്ട് കേരളത്തിലെ ആസ്റ്റര് ഹോസ്പിറ്റലുകള് ശ്രദ്ധേയമാകുന്നു. വളരെ ചുരുങ്ങിയ കാലയളവിനുള്ളിലാണ് അറുപത് ഡി ബി എസ് ശസ്ത്രക്രിയകള് വിജയകരമായി പൂര്ത്തീകരിക്കാന് ആസ്റ്റര് ഹോസ്പിറ്റലുകള്ക്ക് സാധിച്ചിരിക്കുന്നത്. ലോകത്തിലെ തന്നെ ഏറ്റവും മികച്ച ഡി ബി എസ് സെന്ററുകളുടെ നിരക്കുകളോട് സമാനത പുലര്ത്തുന്ന നേട്ടമാണിത്.
നിലയ്ക്കാത്ത വിറയലും അനുബന്ധമായ മറ്റ് ബുദ്ധിമുട്ടുകളുമാണ് പാര്ക്കിന്സണ്സ് രോഗത്തിന്റെ പ്രധാന ലക്ഷണവും പ്രതിസന്ധിയും. ഇത് മൂലം രോഗബാധിതരായവരുടെ ദൈനംദിന ജീവിതം തന്നെ ദുരിതത്തിലാവുകയും സമാനതകളില്ലാത്ത പ്രതിസന്ധികള് അവര് അഭിമുഖീകരിക്കേണ്ടി വരികയും ചെയ്യുന്നു. അടുത്ത കാലം വരെ ഫലപ്രദമായ ചികിത്സകളില്ലാതിരുന്ന രോഗം എന്ന നിലയിലായിരുന്നു പാര്ക്കിന്സണ്സിനെ നോക്കിക്കണ്ടിരുന്നത്. എന്നാല് ഡി ബി എസിന്റെ ആവിര്ഭാവത്തോടെ ഈ അവസ്ഥയ്ക്ക് വലിയ പരിഹാരമാണ് സൃഷ്ടിക്കപ്പെട്ടിരിക്കുന്നത്. തലച്ചോറില് ഇലക്ട്രോഡുകള് ശസ്ത്രക്രിയ വഴി സ്ഥാപിക്കുകയും ഇതിന്റെ തരംഗങ്ങള് ഉപയോഗപ്പെടുത്തി രോഗലക്ഷണങ്ങള്ക്ക് കാരണമാകുന്ന അസാധാരണ പ്രവര്ത്തനങ്ങളെ പ്രതിരോധിക്കുകയോ കുറയ്ക്കുകയോ ചെയ്യുകയുമാണ് ഡി ബി എസിലൂടെ നിര്വ്വഹിക്കപ്പെടുന്നത്.
കേരളത്തില് കോഴിക്കോട് ആസ്റ്റര് മിംസ്, കൊച്ചി ആസ്റ്റര് മെഡ്സിറ്റി എന്നിവിടങ്ങളിലാണ് ഡി ബി എസ് ശസ്ത്രക്രിയ പ്രധാനമായും നിര്വ്വഹിക്കുന്നത് എന്ന് ശ്രീ. ഫര്ഹാന് യാസിന് (റീജ്യണല് ഡയറക്ടര്, ആസ്റ്റര് ഹോസ്പിറ്റല്സ്) പറഞ്ഞു. നിലവിലുള്ള ഏറ്റവും ഫലപ്രദമായ ചികിത്സാ രീതിയാണ് ഡി ബി എസ് എന്നും ഇതുമായി ബന്ധപ്പെട്ടുള്ള ഏത് അന്വേഷണങ്ങള്ക്കും 9746554443 (കൊച്ചിന്), 95623 30022 (കോഴിക്കോട്) എന്നീ നമ്പറുകളില് ബന്ധപ്പെടാവുന്നതാണെന്നും അദ്ദേഹം കൂട്ടിച്ചേര്ത്തു.
-
Video Stories7 years ago
കൊടിഞ്ഞിയില് കൊല്ലപ്പെട്ട ഫൈസലിന്റ കഫീല് അബ്ദുല്ല അല്മുഹാവിസിന്റെ വാക്കുകള് വൈറലാവുന്നു
-
Culture7 years ago
അനസ്തേഷ്യയില്ലാത്ത ശസ്ത്രക്രിയയില് ഖുര്ആന് ഉരുവിട്ട് കുഞ്ഞ്; വാര്ത്ത വായിക്കുമ്പോള് വിതുമ്പിക്കരഞ്ഞ് അവതാരകന്
-
More8 years ago
ഭോപ്പാല് വിവാദ ഏറ്റുമുട്ടല്; കൂടുതല് തെളിവുകളോടെ മൂന്നാമത്തെ വീഡിയോ പുറത്ത്
-
More7 years ago
‘മകളെ കൊണ്ട് കള്ളം പറയിച്ചു’ ദിലീപ്-കാവ്യ വിവാഹത്തില് മഞ്ജുവിന്റെ പ്രതികരണം
-
Culture8 years ago
വഴിയോര കച്ചവടങ്ങളിലെ ബിരിയാണിയില് പൂച്ച മാംസം
-
Culture5 years ago
വീട്ടമ്മയുടെ നഗ്നദൃശ്യങ്ങള് ഭര്ത്താവിന് വാട്സ് ആപ്പില്; പ്രതിയെ കണ്ട് ഞെട്ടി പൊലീസും വീട്ടുകാരും
-
Culture7 years ago
‘സോനു നിഗം പ്രിയങ്കയില് നിന്നു പഠിക്കണം; ബാങ്കുവിളിയെക്കുറിച്ചുള്ള അധിക്ഷേപത്തിന് ശേഷം പ്രിയങ്കയുടെ ബാങ്കുവിളി പരാമര്ശം വൈറല്
-
Culture7 years ago
അണികളില് നിന്ന് ‘മുര്ദാബാദ് വിളി’; അസ്വസ്ഥനായി മോദി – മാധ്യമങ്ങള് കണ്ടില്ലെന്ന് നടിച്ച വീഡിയോ